Популярні біблійні вірші з Cäk 3

Поділитись

Ago tik tim tïŋ ke läk, tim röŋ ë mïthke në cäm, ku ye tim bï kɔc tɔ ŋic käŋ. Ago meth tet ku ciɛm, ku gëm biäk monyde. Go monyde cam ayadäŋ.

Ku kërac aaye län pel awär läi roor kedhie, läi cï Bɛ̈nydït Nhialic cak. Ago kërac tik luɔp an, “Ë yic, cï Nhialic lɛ̈k week an cäkï bï cam në mïth ke tiim ke Dom kedhie?”

Ku Yɛn bï ater tääu në kaamdun we tik, ku në kaam de kɔ̈thku ku kɔ̈thke. Abäk keek aa kac ŋur, ku abïk week aa yup nïïm.”

Ku lëk ë Bɛ̈nydït Nhialic tik an, “Yɛn bï arɛɛmdu ŋuak nyin të dhiëëth yïn. Yïn bï ya dhiëth ke yï rem guöp, ku yïn bï ya ŋoot ke yï kɔɔr monydu, ku abï yïn aa cieŋ.”

Ku yïn bï ya cam në abiɔ̈r ë yïnyin, agut të bïn yïnɔm puɔ̈k abuui yic. Yïn aa cuɛ̈ɛ̈c abuui, ku yïn bï yïnɔm bɛ puɔ̈k abuuidu yic.”

Ku lëk ë Bɛ̈nydït Nhialic moc an, “Në luɔi cïn jam ë tiiŋdu piŋ, ku cam mïth ke tim wään cän jaai, an, cï cam, piny abä jɔ cieen nɔm në këdu. Në pïïrdu yic ëbɛ̈n, yïn bï këcamdu aa yök të cïn luɔi dït kɔn looi.

Go Nhialic ë luɔp an, “Eeŋa lëk ë yïn nɔn ciɛth yïn në yïk kɔ̈u? Cï mïth ke tim wään cän jaai cam?”

Nhialic ë raan bɛ̈n ciɛɛc biic, ku tɛ̈ɛ̈u cerubiim domde thok baŋ të lɔ aköl amiäk, në abätɛ̈ɛ̈u riau. Abätɛ̈ɛ̈u wïïl röt ke ke cï rɛ̈ɛ̈r tëtök, ke ke bï tim de pïïr tiit, ke cïn kë bï bɛ̈n në yelɔ̈ɔ̈m.

Ago Adam tiiŋde cäk rin an Ɣawa, (ku kë lueel ë rinkë ee pïïr) në luɔi yen man raan ëbɛ̈n.