Популярні біблійні вірші з Эклц 3

Поділитись

Модна темсн хотд сән болхинь, зүсәрн авта бәәдлтәһинь күүкд күн үзәд, цецн уха өгдгинь санна. Тегәд нег темс авад иднә. Залудан нег темс өгнә, тернь темсиг бас иднә.

Деед Эзн Бурхна үүдәсн зерлг аңгудас хамгин мектәнь моһа бәәҗ. Күүкд күүнәс тер сурна: – Нег чигн моднас темс бичә идтн гиҗ, Бурхн үнндән тиигҗ келви?

Чини болн күүкд күүнә хоорнд, Чини хөөт үйнрин болн терүнә Хөөт үйнрин хоорнд Би өшә орулнав. Терүнә хөөт үйнр чамаг толһаһарчн шаах, Чи тедниг өскәһәрнь хатххич.

Күүкд күүнд Деед Эзн Бурхн келв: – Чини саата цагин зовлңгиг Би икдүлхүв: үрдән чи энлҗәһәд һарһхич. Чи залутаһан ниилхәр седхич, болв тер чамд нойрхх.

Һазрт хәрү ортлан, Чи эврәннь көлсән асхҗ өдмгән олхич, Юңгад гихлә чи һазрас авгдлач. Юңгад гихлә чи – тоосн болҗанач, Чи тооснд хәрү хүврхич.

Адамд Тер келв: – Чи гергнәннь үг соңсад, бичә ид гиҗ чамд Би заксн бийнь, тер модна темс идснәс көлтә һазр харалла харһҗана: җирһлиннь цуг өдрмүдт күчр көдлмш кеһәд, чи һазрас эдлврән авхич.

– Чамаг нүцкн гиҗ кен чамд келв? Мини бичә ид гиҗ заксн моднас темс чи идсн болвзач? – гиҗ Деед Эзн Бурхн сурв.

Күүг көөчкәд, Бурхн Эденә садын дорд үзгт җирһлин модн талк хаалһ манхин төлә керүбмүдиг зогсав, эргдг һал үлд тәвв.

Адам эврәннь гергндән Ева гидг нер өгв. Яһад гихлә тер цуг әмд бәәсн әмтнә элнцг экнь болв.