Популярні біблійні вірші з Agege 17

Поділитись

A doŋ Abram oromo mwaka pyeraboŋwen wie aboŋwen me dittere, Rwot dok te nen baŋ Abram, te kobbe ni, “An Obaŋa ame Won Twer Ducu. Wot i nyima aboŋo balloro

Cakere tin nyiŋi doŋ mom bino bedo Abram, ento bino bedo Iburaim, pien doŋ aketi me doko kwaro a rok apol.

Abino moko cikerena wan kedi, karacel kede ikwai ame bino lubi icennere, kede ikwaegi daŋ luŋ nakanaka, me bed cikere ame perakino atwal, me an abed Obaŋawu, yin kede ikwai ame bino lubi.

“Nen ba, cikerena kedi bino bedo kit man, yin ibino doko kwaro a rok apol meicel.

Obaŋa te dokke iye ni, “Pe gire amannono, ento dakoni Cara en ame bino nywalo atin ico, dok ibino cako nyiŋe Icaka, dok abino moko cikerena kede me bed cikere ame bino ri nakanaka baŋ ikwae luŋ ame bino lube.

Dok lobo ame ibedo iye acalo welo-ni, ame en lobo Kanaan luŋ, abino miyo baŋi kede baŋ ikwai ame bino lubi, me bed meggi atwal; dok an abino bedo Obaŋagi.”

Cite Iburaim oryebere piny i nyime te nyero kun kobo i cunye ni, “Dano ame mwaka me dittere doŋ romo mia acel twal, dok pwod bino nywalo atin awobi? Cara daŋ mwaka me dittere doŋ oromo pyeraboŋwen twal, dok pwod twero nywalo atin?”

Obaŋa dok te kobbi Iburaim ni, “Aco dakoni Carai nyiŋe mom dok bino bedo Carai, ento nyiŋe doŋ bino bedo Cara.

Obino liro del komgi me co, me bed gin ame nyuto cikerena ame tye i akina an kede wun.

Ento abino moko cikerena kede Icaka, atin ame Cara en abino nywalli i kodi kare acalo man mwaka a bino.”

Atin ame ico ka oromo nino aboro obino liro del kome me co; co ducu i akina ikwai obino lirogi. Cakere i kom itino ame onywalo i odi, tuno kede i kom itino ame iwilo awila kede lim i baŋ rok ocele, ame mom onywalogi i akina ikwai. Gin luŋ obino lirogi, co ame onywalo i odi, anaka en ame iwilo awila kede lim; me cikerena bed i del komwu me co nakanaka.