Популярні біблійні вірші з Yauhas 6

Поділитись

Yexus qhia lawv hais tias, “Kuv yog cov mov uas cawm neeg txojsia. Tus uas los cuag kuv, tus ntawd yuav tsis tshaib ib zaug li; tus uas ntseeg kuv tus ntawd yuav tsis nqhis ib zaug li lawm.

Vajtswv tus Ntsujplig ua tau rau neeg muaj sia, tiamsis neeg nqaij tawv ua tsis tau li ntawd. Tej lus uas kuv qhia rau nej ntawd yog ntsujplig thiab yog txojsia.

Nej tsis txhob nrhiav tej mov uas txawj lwj, tiamsis nej yuav tsum nrhiav tej mov uas tsis txawj lwj. Neeg Leej Tub yuav muab cov mov uas cawm tau txojsia ntev dhawv mus ibtxhis rau nej, rau qhov Vajtswv tus uas yog Leej Txiv twb nias homthawj rau nws lawm.”

Rau qhov kuv Txiv xav kom txhua tus uas pom Leej Tub thiab ntseeg nws lawm muaj txojsia ntev dhawv mus ibtxhis. Thiab thaum txog hnub kawg kuv yuav tsa lawv sawv hauv qhov tuag rov qab los.”

Yexus teb hais tias, “Qhov uas Vajtswv xav kom nej ua yog nws xav kom nej ntseeg tus uas nws txib los.”

Txhua tus uas kuv Txiv pub rau kuv, lawv yeej yuav los cuag kuv. Txhua tus uas los cuag kuv, kuv lees yuav huv tibsi

Ximoos Petus teb Yexus hais tias, “Tus tswv, yog peb tso koj tseg, peb yuav mus cuag leejtwg? Tsuas yog koj tib leeg tej lus xwb, thiaj pub tau txojsia ibtxhis rau neeg.

Kuv yog cov mov uas los saum ntuj los cawm neeg txojsia. Tus uas noj cov mov no yuav tau txojsia ntev dhawv mus ibtxhis; thiab cov mov uas kuv yuav muab cawm neeg ntiajteb txojsia ntawd twb yog kuv cev nqaij ntag.”

Yeej tsis muaj leejtwg los cuag tau kuv, tsuas yog Leej Txiv tus uas txib kuv los, nws coj leejtwg los tus ntawd thiaj tau los cuag kuv xwb; thiab thaum txog hnub kawg kuv yuav tsa tus ntawd sawv hauv qhov tuag rov qab los.

Rau qhov tus uas los saum ntuj los, nws yog cov mov uas Vajtswv muab los cawm neeg ntiajteb txojsia.”

Kuv yog cov mov uas cawm neeg txojsia.

Yexus muab tsib lub ncuav ntawd los ua Vajtswv tsaug, thiab nws muab faib rau sawvdaws noj. Nws muab ob tug ntses los ua ib yam nkaus li ntawd thiab, tus uas yuav noj ntau npaum li cas los tau. Thaum sawvdaws noj tsau lawm, Yexus hais rau nws cov thwjtim hais tias, “Nej cia li mus sau tej uas sawvdaws noj tsis tas los, tsis pub ib qho xuam li.”

Cov thwjtim twb nquam lub nkoj mus deb kwvlam li tsib raus kilumev lawm, thaum lawv pom Yexus los kotaw sau nplaim dej los ze zuj zus rau ntawm lawv lub nkoj, lawv ntshai kawg li. Yexus hais rau lawv hais tias, “Nej tsis txhob ntshai, twb yog kuv ntag!”