Популярні біблійні вірші з Matie 14

Поділитись

‑Tɛ ɛ 'ye꞊e, ‑ɛ mɔ, pepe yɩ 'nɩ ‑hu dɩakɩ, ‑ɛ ‑bɩ hʋannʋ bi 'lɩ꞊ɩ 'kwli, 'ɛ ‑tʋa 'mɩmɩɛ. Bʋ yɩ 'kɩ nɩ 'mɩɛ, ‑ɛ ‑bɩ ɛ 'yaa 'lɩ win, ɛ wɛn: «Kʋkɔnyɔ o, wa 'mʋ ‑o!» Ti nɩ ‑do a ti 'yri, ‑ɛ ‑bɩ ‑Yusu hrʋ dabʋɩ nɩ, 'ɛ klɔ꞊ɔ, 'tɩ‑ 'ɛ lee ꞊nɛ, ɛ wɛn: «꞊Yɩ 'mʋ ꞊wlʋ yɩ ‑kuo ‑nɩ ‑tɛɛ, ‑ɛ mɔ, 'n ‑wɛ 'lɩ ꞊bʋ nu꞊o nɩ, ‑bʋ na 'nie kɩ nɩ.»

‑Tɛ ɛ 'ye꞊e, ‑ɛ mɔ, pepe yɩ 'nɩ ‑hu dɩakɩ, ‑ɛ ‑bɩ hʋannʋ bi 'lɩ꞊ɩ 'kwli, 'ɛ ‑tʋa 'mɩmɩɛ. Bʋ yɩ 'kɩ nɩ 'mɩɛ, ‑ɛ ‑bɩ ɛ 'yaa 'lɩ win, ɛ wɛn: «Kʋkɔnyɔ o, wa 'mʋ ‑o!»

Ti nɩ ‑do a ti 'yri, ‑ɛ ‑bɩ kɛ‑ ‑Yusu pɩ ꞊nʋ yɩ: «Ba 'kee 'ʋblɛ'tɩta. 'Mɔ ꞊nɩɔ. A 'nɩ 'pie 'lɩ hʋannʋ!»

‑Ɛ ‑bɩ Piɛlɩ wɛn: «Kʋkɔnyɔ, sɛyɩ‑sɛyɩ, 'bʋ mɔ ‑mɔ, ‑ɛ ‑bɩ lee 'mʋ, ꞊bʋ na 'nie kɩ ‑wɛ, ꞊bʋ di 'ʋ ‑mʋ 'hʋɩ.» ‑Ɛ ‑bɩ ‑Yusu ꞊tu꞊o ꞊wɔn, ɛ wɛn: «Di 'lɩ!» ‑Ɛ ‑bɩ Piɛlɩ ꞊tɩɩ 'lɩ 'blagbɩ 'kwli nɩ, 'ɛ ‑tʋa 'nie a kɩnɩna, 'ɛ mi 'lɩ ‑Yusu 'hʋɩ.

'A ‑nagbopʋ ‑bɩ ‑mʋ', ‑ʋ nɩ 'lɩ 'blagbɩ 'kwli, ʋ bla꞊a kwlɩ yɩ bʋ, ʋ wɛn: «'Ɛ mɔ ‑tɛɛ, ‑mɔ Nyɩsʋa a 'Yu ꞊nɩɔ.»

‑Ɛ ‑bɩ ‑Yusu wɛn: «Ʋ 'yɩ yɩ ‑blɛɛ ‑nɩ, bʋ ‑hɔn 'nɛ‑ ‑wlu. 'Aan ꞊gbɛtʋ, ba ‑nyi ꞊nʋ diidɛ.» Kɛ‑ ʋ pɩ꞊ɩ yɩ, ʋ wɛn: «‑A 'yɩ ꞊dedede ‑kɔ, 'bʋ 'yɩ 'flɔɔkui nɩ ꞊hun nɩ ‑do, kɔ ‑hrin.yɔ nɩ 'hʋɛn 'pa‑.»

‑Ɛ ‑bɩ ɛ wɛn: «Ba ya 'mɔ꞊ɔ yɩ,» 'ʋ ya ꞊nɛ꞊ɛ yɩ, 'tɩ‑ 'ɛ lee nyibli ‑mʋ', 'kɩ bʋ nɩ blɛ, 'kɩ 'ʋ ‑piti kɩ. ‑Tɛ ʋ nɩ 'kɩ blɛ, ‑ɛ ‑bɩ ‑Yusu 'du 'flɔɔkui nɩ ꞊hun kɔ ‑hrin.yɔ nɩ 'hʋɛn a 'mʋ ye', 'ɛ 'du 'lu ye', 'ɛ ta 'lɩ yɔ' lɛ, 'ɛ ‑nyi Nyɩsʋa 'wio, 'kɩ 'ʋ diidɛ a 'mʋ a ‑ta', 'tɩ‑ 'ɛ 'bɛ꞊ɛ ꞊tɩɔ lɛ, 'ɛ ‑nyi꞊e 'a ‑nagbopʋ, 'a ‑nagbopʋ a 'mʋ, 'ʋ ꞊gla꞊a nyibli a pɛpɛ a 'mʋ lɛ.

'Waa pɛpɛ a 'mʋ, 'ʋ di dɛ ‑didi, 'ʋ ꞊mla. ‑Tɛ ʋ ‑wɛ dɛ lɛ, ‑ɛ ‑bɩ dididɛ a 'mʋ, ‑ɛ hie blɛ, ‑nagbopʋ, ʋ 'kukue꞊e lɛ, 'ʋ 'yii 'lɩ ‑tʋgbɛwɩ nɩ ‑pu ꞊tu 'ʋ 'hʋɛn.