Популярні біблійні вірші з Matayo 6

Поділитись

Ninga uhanangeni undewa wakwe, no uliganisi wakwe, nago gose mukwenda mongeseligwe.

Ninga munghakiidase na ganhoosiku, kosoko aganhoosiku gakakiidasila agecho. Leka amagayo ge dijuwa gamemelekele mwijuwa dyakwe.”

Kosoko iyo nikumutamilani, munghakiidase no uumi wenu, modiya choni, kahi mokunywa choni; kahi imitufi yenu, mufale choni. Uumi si mukulu kujumha chakudiya, no mutufi si mukulu kujumha sisuke?

Ninga agweye nghona ukutasa, ingila kuchaisi unghafulusa kuhinda dibakwa dyako, utase kumwande ye Babako yowile kuchifiso; ne Babako iyakona kuchifiso kokumemelesa.

Nanye taseni nhafi: Baba yetu uwile kulanga: Disina dyako ditunyigwe; Undewa wako wije; Kwenda kwako kugoloseke. Ahano ha chilunga fina ako kulanga.

Uchinghe diyelo chakudiya chetu cho kuchigutisa.

Uchilekelele uwihi wetu fina seye nase fochikuwalekelela awachigolosele wihi

Na unghachingise mumagesa, ninga uchihonye na uwihi. Kosoko, undewa ni wako, no ludole, ne ditunyo, majuwa gose hano.

“Kosoko munghawalekelela wanhu uwihi wawo, ne Baba yenu wa kulanga yakuhananga yamulekeleni na nyeye uwihi wenu.

Filangeni fidege fya Mulanga, fisikuhanda kahi fisikugola, kahi fichaka kano; ne Baba yenu wa kulanga yekufigutisa. Togoleni! Anyeye si ibeka kujumha ifyene?

“Mughakiikile sigafu muchilunga, sinondo ne ikanga fikubana, na wahiji wakubena na kuhija; mukiikile sigafu kulanga, kusikubanika chinhu, kwichaka sinondo kahikanga, kahiwahiji wasikubena kahiwasikuhija; kosoko isigafu yako hoyuwile, noho umoyo wako houkuwa.”

“Kwechaka munhu iyekudaha kutogomela wakulu weli; kosoko yekumusula yuno, na kumwenda ayuno, nhagela yekiyandamila nayu, na kumubesa ayuno. Musikudaha kumutogomela Mulungu no ugoli.

Kamei inghowa Mulungu yekugafasa nhaifo amanyagala ga kumbago agebaho diyelo, na nhosiku gakutagigwa kwikusisi, togoleni! Nghodaha lugano kuwafasa nyeye mwina dihuwi dikefu?

Chawelu, nikumutamilani, wafulusa kuhokela digeleko dyawo. Ninga gweye ghona ukulafa isadaka yako, umukono wako wo kumoso unghamanye umukono wo kulume choukugolosa; isadaka yako yuwe ku chifiso; Baba iyakona ichifiso yakwenda yakumemese.”

“Langisiseni munghagolose uswanu wenu, mumeso ga wanhu, kosoko mulangigwe na awene, kosoko munghagolosa nheifo mukuswela igeleko kwi Baba yenu iyowile kulanga

“Kahi fomukufunga, munghowe fina wechimwefe wena fihanga fisinanghale, kosoko yokiyonesa ifihanga fyawo, uleke wonigwe na wanhu fina wafunga. Chawelu nikumutamilani, wafulusa kuhokela digeleko dyawo. Ninga agweye nghonaukufunga, ukibake mafuta mwitwi, unawe chihanga; Uleke unghoneke na wanhu fina kufunga, ninga iBabako yowile muchifiso yakwenda yakumemese.”