Популярні біблійні вірші з Genesis 27

Поділитись

God-imtuq qaitchiḷisin uġġuqsraaġunmik qiḷaŋmiñ nautchiivitin naurruġikkumaut! Aitchuġumagaatin inuŋaitchuanik palauvaksranik suli wine-nik! Nunaqpaich kivgaġiyumagitin, suli iñuich purvigilutin. Qaukłiuyumautin nanmiñiq iḷapayaaġnun, suli aakavich kiŋuvaaŋisa purvigiyumagaatin. Piaġiiḷḷiuqtitchiruat ilignun piaġiiḷḷiuġlich, suli iliŋich quviasaaġunmik qaitchiruat iliŋnun quviasaaġusiaqaġumaut.”

Esau uqallaktuq, “Pisaasuġmiaŋagaaŋa malġuiqsuaqłuni. Atiqaġaluaġliḷuimña Jacob-mik. Piññaktaaġiŋammiraŋa aŋayukłiuvluŋa kiŋuvaannaktaaksrautiga, tavraasi ivayalgitkaaŋa quviasaaġusiaksrautimnik. Immaimña iḷakuŋaitpiŋa quviasaaġusiaksramnigli?”

Tavraasii Isaac-gum uqallautigaa, “Aiḷaqtaaġutiksraqaġniaŋitchutin qiḷaŋmiñ, naurirruġigñiaŋiñmiut nunatin. Iñuuniaġniaqtutin savikpaiñ atuġlugu, Aglaan aniqarvich kivgaġiniaġaatin. Paaqłaglutin isumatuuliġuvich, Pillugniaġiñ aŋalatchisaa ilignik.”

Esau-m uqallautivsaalgitkaa aapani: “Atausimik unnii quviasaaġunmik piqaqpich, aapaaŋ? Piḷḷuatautiksramnigli aitchuŋŋa, aapaaŋ!” Qianagutiŋaruq.