Популярні біблійні вірші з Génesis 17

Поділитись

Abram noventa y nueve años iru bakꞌãri, Tachi Akꞌõrepa ichi unupipꞌeda, mãgaji irumaa: —Mɨ Jõmaarã Akꞌõre Waibɨa. Tꞌãri pia nipaparíiji mɨ kꞌĩrapite.

Waa Abram ada–eda aji. Idideepa tꞌɨ̃jarapataadaitꞌee Abraham, mɨa pɨ pꞌuuru pidaarã kꞌĩra tꞌãdoo akꞌõre papiitꞌee perã.

Mɨa pɨ ome pacto oodade jaradakꞌa ichita ooitꞌeeda aji, pɨ ome mãikꞌaapa pɨdeepa uchiadaitꞌeerã ome. Mɨ ichita pɨ mãikꞌaapa ãra Akꞌõre Waibɨa paitꞌee.

—Kꞌirãpapáde aji, mɨa pacto ooda pɨ ome. Pɨdeepa warrarã chokꞌara uchiapiitꞌee. Ma awara pɨdeepa pꞌuuru chokꞌara uchiadaitꞌee.

Tachi Akꞌõrepa pꞌanauji: —Mɨa jarajida aji, pɨ, pɨchi wẽra ome warra aba oodaitꞌee. Tꞌɨ̃ bɨitꞌee Isaac. Iru ome mãikꞌaapa irudeepa uchiadaitꞌeerã ome ichita ooitꞌee pɨ ome pacto oodade jaradakꞌa.

Pɨmaa mãikꞌaapa ãramaa mɨa teeitꞌee Canaán eujã jõmaweda; pɨ awaraa eujãdepemakꞌa baparimãi. Pɨ mãikꞌaapa pɨdeepa uchiadaitꞌeerã na eujã chipariirã ichita padaitꞌee mãikꞌaapa mɨmaa ɨtꞌaa tꞌɨ̃pataadaitꞌee.

Waya Abraham bedabaidachi Tachi Akꞌõre kꞌĩrapite ichi tau bɨɨrɨ eujãde tꞌõbairumaa mãikꞌaapa ëidachi ichi tꞌãridepai kꞌĩsiaru misa: “¿Ɨmɨkꞌĩra cien años iru bɨpa warra ooikꞌã? ¿Sarapa warra tꞌoikꞌã aji, noventa años iru bɨta?”

Ichiaba Tachi Akꞌõrepa mãgaji Abrahammaa: —Pɨ wẽra waa Saray tꞌɨ̃jarapataada–eda aji. Idideepa tꞌɨ̃jarapataadaitꞌeeda aji, Sara.

Ɨmɨkꞌĩraarã me e tꞌɨɨdapáde aji. Mãga oodakꞌãri, akꞌɨpidaitꞌee mɨ pedee ijãa pꞌanɨ.

Mamĩda mɨa pactode jaradakꞌa ooitꞌee Isaac ome. Añomaa Sarapa ma warra tꞌoitꞌeeda aji.

Idideepa tauchaa bɨ́tɨ jõma warrarã tꞌodapꞌedaa kꞌapꞌɨade. Mãga óotɨ warrarã tꞌodadeepa kꞌãima ocho pakꞌãri; parã esclavoorã warrarã jida ichiaba. Mãga oodapáde aji, ɨmɨkꞌĩraarã jõmaarãmaa; parã tede tꞌodapꞌedaa, chi netodapꞌedaa paara. Apida mãga oo–ee baikꞌaraa bɨ. Mãga oodakꞌãri, ma tauchaa ichita iru pꞌanadaitꞌee pãchi kꞌapꞌɨade mãikꞌaapa pãchi piurutamaa kꞌirãpadaitꞌee mɨa pacto ooda parã ome.