Популярні біблійні вірші з Génesis 15

Поділитись

Abrampa ijãaji Tachi Akꞌõrepa jarada. Maperã Tachi Akꞌõrepa iru kꞌachia wẽe unupachi.

Ma tꞌẽepai ewari aba Tachi Akꞌõrepa Abrammaa kꞌãimokꞌaraa pɨkꞌa bɨde pedeeji: —Abram, waaweenaapáde aji, mɨa pɨ jɨ̃apari perã. Pɨa mɨde ijãapari perã, mɨa pɨmaa ne–inaa pia ooitꞌeeda aji.

Mãpai Tachi Akꞌõrepa Abram taawaa wãpiji mãikꞌaapa irumaa mãgaji: —Pia akꞌɨpáde aji, pajã mãikꞌaapa pꞌoyaa juasiai pɨrã, lucero juasiapáde aji. Pɨdeepa uchiadaitꞌeerã jãgá cho–kꞌara paraaitꞌeeda aji.

Mãpai Tachi Akꞌõrepa mãgaji: —Pɨ mimiaparipa pɨ netꞌaa jɨ̃a–e paitꞌeeda aji. Pɨchi warrápata jɨ̃aitꞌeeda aji.

Mãga bɨde Tachi Akꞌõrepa mãgaji: —Pɨdeepa uchiadaitꞌeerã pꞌanapataadaitꞌeeda aji, eujã awaraade mimiamaa chĩara–itꞌee. Mama esclavo pꞌanadaitꞌee mãikꞌaapa mãpemaarãpa ãra miapi iru pꞌanadaitꞌee cuatrocientos años.

Mamĩda Abrampa pꞌanauji: —Tachi Akꞌõre, mɨ Akꞌõre Waibɨa, ¿pɨa sãgá mɨ pia ooitꞌeema aji, mɨ warra wẽe bɨta? Mɨ netꞌaa atabëiitꞌeeda aji, Damascodepema Eliezer ome, mãgɨ́ mɨ mimiapari perã.

Ma ewate mãga unupikꞌãri, Tachi Akꞌõrepa Abram ome pacto ooji. Mãgaji: —Na eujã teeitꞌeeda aji, pɨdeepa uchiadaitꞌeerãmaa; Egiptode to bɨmãiipa to waibɨa Éufrates parumaa.

Taarã pakꞌãri, pɨdeepa uchiadaitꞌeerã uchiada kꞌĩmari uchiadapꞌeda, waya namaa chedaitꞌee. Mãgá taarãdaitꞌee mɨa amorreorã namãikꞌaapa waide jëre–e paitꞌee perã. Ãrapa ne–inaa audú kꞌachia oodakꞌãrita, mɨa ãra na eujãdeepa jërekꞌooitꞌee. Mamĩda pɨdeepa uchiadaitꞌeerã chedai naaweda, pɨ kꞌãiwee, chonaa piuitꞌeeda aji.