Популярні біблійні вірші з Mateo 26

Поділитись

Kenè kew lipezeng, kekenà, ampù kew wey kew mekelikey te menge penggezam keniyu. Edsunud is gehinawa niw, iyan, is lawa niw ne meluya.”

Ne migkag̵i sikandin diyà te kandan te, “Utew mesakit is gehinawa ku. Henduen be te egkevidtew en. Kayi kew zà ne kenè kew medlipezeng.”

Ne midlaus si Jesus diyà te uvey zà dutun ne midlangkeb sikandin ne mid-ampù, ke sikandin te, “Amey ku, ke egkehimu zà ne kenè nu en kediey ipeseg̵azi heini is merasey he imbanglis nu kediey, iyan, kenà egkesunud is kediey he egkesuatan, kekenà, iyan egkesunud is kenikew he egkesuatan.”

Su lengesa ku heini he ibpetig̵is wey mepelisi is mezakel he menge etew wey mepesaylu is menge salè dan. Tuus heini te paag̵i te kegkelibri he midtukud te Megbevayà.

Ne zutun te kemulu zan pa egkaan, mid-amì si Jesus te supas, ne mibpeselematan din te Megbevayà ne mibpenevìtevì din ne impemeg̵ey zin diyà te menge sumusundan din. Ke sikandin te, “Iyan heini lawa ku; dewata niw wey keena niw.”

Ne zutun mid-amì din is tasa he midteg̵uan te vinu te paras, ne mibpeselematan din daan te Megbevayà ne induwal zin diyà te kandan. Ke sikandin te, “Pudu kew kayi inum.

Ne hein midlikuan din haazà is tetelu he menge sumusundan din, nekelipezeng dan, ne migkeg̵iyan din si Pedro te, “Wazè niw ve metigker he kenè kew medlipezeng te minsan sengeuras dà?

Egkeg̵iyen ku keniyu he kenè ku en maan ed-inumen is binu taman dutun te timpu keuzemà he ed-iinumey kiw te veg̵u en he vinu emun edhadì en is Amey ku he Megbevayà.”

Ne human metenuzi ni Pedro sikan is migkag̵i kandin ni Jesus he, “Te kenè pe kan ebpengukarà is manuk, ne ketetelu ke en ebpekekag̵i he kenà a kenikew egkekilala.” Ne zutun migawas si Pedro ne nekelelendag.

Enew kew su heini en sikan is etew he ed-akal kedì. Kuwa kew en, su edsinug̵ungen tew.”

Ne migkeg̵iyan ni Jesus haazà te, “Ig̵umè nu heeyan is ubpit nu su sikan is utew meg̵aan he ebpenggumaan, gumaan daan is ibpatey zin.