Популярні біблійні вірші з Hch 3

Поділитись

Sõñurã imarĩ, “Baꞌiaja kire yija baaraᵽaka yijareka samiyeꞌkariabe”, Tuᵽarãte mija ãᵽe mijare sakiyeꞌkariaokaroꞌsi. Iꞌsuᵽaka mija baarãkareka mijare kijeyobaaika jia õñurã mija imarãñu.

—Niñerũ ᵽuri yire imabeyua. Aᵽeakaka imatiyaika mire yijeyobaarãñu. Jesucristo Nazaretkakire yire jãꞌmekaᵽi ãrĩwaꞌri, “Miꞌmirĩkatirã jia aꞌyuka mijaᵽe”, mire ñañu,== Ᵽedrore kire ãrĩka.

Suᵽa kire ãrĩtirã kiᵽitaka ritaᵽẽꞌrõto ñiꞌatirã Ᵽedrore kire miꞌmarĩkaeka. Suᵽa imarĩ kiũꞌᵽua, kiãñarakaoka jiika mae. Suᵽa imarĩ kibuꞌrirĩkaeka. Suᵽabaatirã Ᵽedrorãkaᵽitiyika Tuᵽarãte jiyiᵽuᵽaka õrĩriwiꞌiarã buᵽurĩkewaꞌritirã kikãkawaꞌrika mae. “Jia Tuᵽarãte yire baayu, bitamaji uᵽaka ñimareka yire kijieyu”, ãrĩwaꞌri jĩjimaka kimaeka.

Ĩꞌĩ bitamaji imakoᵽeroyiraᵽakite õñurã mija ime. Jesúre yiꞌyurã yija imamaka kiũꞌᵽua kire kijieyu. Kire ĩatirã, “Rita sime, Jesúre kire jieika”, mija ãrĩwãrũyu.