Популярні біблійні вірші з THILSIEMBUL 17

Поділитись

Chun, Abram chuh kum sawmkuo leh kum kuo mi ahih in, LALPA chuh a kawmah a hung kilak a, a kawmah, “Kei, Pathien Bangkim bawlthei ka hi; ka masang ah um inla pha bukim in um in.

Chun, na min le Abram hita puo’n tin, na min hi Abraham hung hizaw ta’n a, nam tamtak te pa a ka hun siem tâk ziekin.

“Chun, kei leh nang leh na nunga na suonte leh a suonteu chanin le ka thugawlh hi, nang ding leh na nunga na suonte dingin, a Pathien uh hi dingin kumkhuo a thugawlh dingin sudet ing ka.

“Ngaiin, ken vang nang kawmah ahi thu ka gawlh chuh: tichun nam tamtak pa hung hi’n na tin.

Chun, Pathien in, “Hilo e, na zi Sarah hin chapa hun hinsak zawn tin a min dingin Isak na sak ding ahi: ka thugawlh chuh amah nung a a suonte dingin kumkhuo thugawlh dingin amah achun sudet ing ka.

Chun, nang leh na nunga na suonte kawm achun na malzinna gam Kanaan gam chengcheng hi kumkhuo go dingin hun pie’ng ka ting; chun, Kei hi a Pathien uh hi’ng ka,” a ti a.

Khutichun, Abraham chuh a khupbawk a, “Kum za mi hin cha a nei dinga ahim? Sarah kum sawmkuo mi hin cha a nei dem?” ti’n a lunggil in a nui a.

Chun, Pathien mah in Abraham kawm achun, “Na zi Sarai chuh amin Sarai ti ta puo’n na tin, amin chuh Sarah hizaw ta’n a.

Tichun na zek vun uh taksa achun na tan dinguh ahi, zie chuh nang tawh I kikala thugawlh melchikna hi’n a.

Himahleh, ka thugawlh vang chuh kum kit tuhun hileh Sarah in a hun hinsak ding Isak kawm achun ahi ka sukdet zawk ding chuh,” a ti a.

Tichun na lak u a ni giet a upa chuh, na suonsawn zel hawu chan inle, na suon uh hi khello le na In a pieng ahim, malzin kuo hitaleh suma châwk hilele pasal taphawt chuh zek tan ding ahi. Na In a pieng leh na suma na châwk chule zektan tei ding ahi; tichun; ka thugawlh dingin na taksa ah um ta’n a.