The Lozi Audio Bible

<div class="version vid825 iso6393loz" data-vid="825" data-iso6393="loz">
 <div class="book bkLUK">
 <div class="chapter ch24" data-usfm="LUK.24">
 <div class="label">24</div><div class="s1">Zuho ya Jesu kwa bafu</div><div class="r">(Mat 28.1-10; Mar 16.1-8; Joa 20.1-10)</div><div class="p"> 1Ka lizazi la pili la sunda i sa li kakusasa, basali ba ya kwa libita ba lwezi mafula a nunka hande a ba lukisize. 2Ba y'o fumana licwe la fa munyako wa libita li pikuluselizwe kwahule. 3Ba kena mwa libita, kono ha ba si ka fumana situpu sa Mulena Jesu. 4Ba sa yemi ba zielehile ka zeo, kiha ku t'o yema kwatuko a bona banna ba babeli ba ba apezi liapalo ze benya. 5Basali ba kenelwa ki sabo ye tuna, mi ba talimela fafasi, kono banna bao ba li ku bona, &#8220;Mu batela&#241;i ya pila ku ba ba shwile? 6#Mat 16.21; 17.22-23; 20.18-19; Mar 8.31; 9.31; 10.33-34; Luk 9.22; 18.31-33 H'a yo mo. U zuhile. Mu hupule s'a n'a mi bulelezi a sa li kwa Galilea, 7&#8216;Na, Mwan'a Mutu, ni swanezi ku fiwa baezalibi, ni kokotelwe fa sifapahano, mi ka liazazi la bulalu ni zuswe kwa bafu.&#8217; &#8221;</div><div class="p"> 8Basali cwale ba hupula manzwi a Jesu. 9Kiha ba zwa fa libita, mi litaba zeo kaufela ba y'o li bulelela balutiwa ba lishumi ka a li mu&#241;wi ni ba ba&#241;wi kamukana. 10Basali bao ne li bo Maria wa Magdala, ni Joana ni Maria m'a Jakobo. Hamoho ni basali ba ba&#241;wi ba y'o bulelela baapositola zeo kaufela. 11Kono baapositola ha ba si ka kolwa ze ne bulelwa ki basali. Ba li, &#8220;Ki ku yambutuka feela kwa bona.&#8221; 12Kono Pitrosi a nanuha, a matela kwa libita, mi a inama ku nangela, kono a bona masila feela. Kiha s'a kutela kwa hae a komokisizwe ki ze ezahalile.</div><div class="s1">Balutiwa ha ba ya kwa Emausi</div><div class="r">(Mar 16.12-13)</div><div class="p"> 13I sa li ka lona lizazi leo, balutiwa ba babeli ne ba ya kwa munzi o bizwa Emausi. Ne li libima ze supile ku zwa mwa Jerusalema. 14Ne ba zamaya, ba ambola ka ze ne ezahlile kaufela. 15Ha ne ba sa ambola ni ku buzana, yena Jesu kasibili a sutelela, a t'o zamaya ni bona. 16Ne ba mu bona, kono ne ba si ka mu ziba. 17Jesu a li ku bona, &#8220;Mu ambola litaba ma&#241;i mu nze mu zamaya?&#8221; Ba yema, ba swabile. 18Yo mu&#241;wi ya bizwa Kleopa a mu buza, a li, &#8220;Kana ki wena feela u nosi kwa baenyi ba ba pila mwa Jerusalema ya sa zibi ze ezahalile ona mazazinyana a, a felile?&#8221;</div><div class="p"> 19Yena a buza, a li, &#8220;Ki lifi?&#8221;</div><div class="p">Bona ba li, &#8220;Lika ze ezahlile ku Jesu wa Nazareta. Mutu yo, ne li mupolofita ya n'a na ni maata ka lipulelo ni ka likezo fapil'a Mulimu ni fapil'a batu. 20Baprisita ba luna ba bahulu ni manduna ba sicaba ba mu ngile ku y'o atulelwa lifu, kiha se ba mu kokotela fa sifapahano. 21Luna, ne lu sepile kuli ki yena ya n'a ka lukulula Isilaele! Kono eshee! Kacenu i s'e li lwa bulalu, ku zwa zeo fo li ezahalezi. 22Basali ba ba&#241;wi ba ku luna ba lu komokisize. Ne ba pakelezi kwa libita i sa li kakusasana. 23Kono ha ba si ka y'o fumana situpu. Ha ba kuta ba lu taluseza kuli ba boni pono ya mangeloi a' ba bulelezi kuli wa pila. 24Ba ba&#241;wi ba ku luna ba ile kwa libita, mi ba il'o fumana hona cwalo mo ne ba bulelezi basali, kono yena ha ba si ka mu bona.&#8221;</div><div class="p"> 25Cwale Jesu a li ku bona, &#8220;Mawee! Batu ba ba si na ngana, ba ba sa kolwi kapili ze bulezwi ki bapolofita! 26Kana ne ku sa swaneli kuli Mesia a nyandiswe cwalo pili a si ka kena mwa kanya ya hae?&#8221; 27Cwale Jesu a ba taluseza ze ne bulezwi ka yena mwa ma&#241;olo kaufela. A kala ka libuka za Mushe mane a t'o fita ni mwa ma&#241;olo a bapolofita kamukana.</div><div class="p"> 28Cwale ha ba se ba sutelela kwa hae, Jesu a eza inge ya bata ku fitelela. 29Kono ba mu hanisa, ba li, &#8220;Kena ni luna mwa hae. U si ke wa fitelela. I se li busihu.&#8221; Kiha s'a ya ni bona. 30Ha s'a inzi ni bona fa tafule, a nga buhobe, mi a itumela. Kih'a bu ketula, mi a ba fa. 31Kihona ba yauka fa meeto, mi ba mu ziba, kono a ba picuka. 32Ba bulelisana, ba li, &#8220;Bati, kanti kihona lipilu za luna ha ne li cisa inge mulilo ha n'a lu taluseza ka ma&#241;olo mwa nzila?&#8221;</div><div class="p"> 33Honafo, ba funduka ku kutela kwa Jerusalema, mi ba y'o fumana ba lishumi ka a li mu&#241;wi ni ba ba&#241;wi cwalo ba inzi hamoho. 34Bao ba li, &#8220;Ki niti, Mulena u zuhile luli! Simoni u mu boni!&#8221;</div><div class="p"> 35Cwale ni bona ba ba taluseza ka ze ezahalile mwa nzila, ni mo ba zibezi Mulena ha s'a ketula buhobe.</div><div class="s1">Jesu u iponahaza kwa balutiwa ba hae</div><div class="r">(Mat 28.16-20; Mar 16.14-18; Joa 20.19-23; Lik 1.2-3, 6-8)</div><div class="p"> 36Ne ba sa bulela ka zeo yena Jesu kasibili h'a t'o yema mwahal'a bona, a li, &#8220;Kozo i be ni mina!&#8221;</div><div class="p"> 37Ka ku tilumuka ni ku saba, ba hupula kuli ne ba bona silumba. 38Kono Jesu a li ku bona, &#8220;Ki&#241;i se si mi zieza? Ki&#241;i ha ku sa na ni lipilaelo mwa lipilu za mina? 39A mu bone mazoho ni mahutu a ka. Ki na kasibili! Mu ni swala-swale, mi mu bone, kakuli silumba ha si na nama ni masapo sina ha mu bona kuli na, ni na ni zona.&#8221;</div><div class="p"> 40H'a bulela cwalo, a ba supeza mazoho ni mahutu a hae. 41Nihakulicwalo ne ba sa kolwi hande kabakala tabo ye ne ba kenezi ni ku komoka. Kih'a ba buza, a li, &#8220;Mu na ni sa ku ca mo, nji?&#8221; 42Ba mu fa siemba sa tapi ye apehilwe. 43A i nga, mi a ca ba nze ba mu talimezi.</div><div class="p"> 44Kiha s'a li ku bona, &#8220;Zeo, ki zona lika ze ne ni mi bulelelanga ha ne ni sa inzi ni mina. Ze &#241;ozwi kaufela bake&#241;isa ka, mwa Mulao wa Mushe, mwa Ma&#241;olo a bapolofita ni mwa Lipina, ne li swanezi ku ezahala.&#8221;</div><div class="p"> 45Cwale a ba talifisa kuli ba kone ku utwisisa ma&#241;olo. 46A li ku bona, &#8220;Se si &#241;ozwi ki se. Mesia u swanezi ku nyanda, ni ku zuswa kwa bafu ka lizazi la bulalu. 47Ka libizo la hae, tuto ya ku baka ni ku swalelwa libi i swanezi ku lutwa mwa macaba kaufela, ku kalela mwa Jerusalema. 48Mina mu lipaki za litaba zeo. 49Haili na, ni ta mi lumela s'a sepisize Ndate. Kono mu swanezi ku ina mwa Jerusalema ku fitela maata a zwa kwa lihalimu a t'o kena ku mina.&#8221;</div><div class="s1">Jesu u kambamela kwahalimu</div><div class="r">(Mar 16.19-20; Lik 1.9-11)</div><div class="p"> 50Cwale Jesu a zwa ni bona mwa hae ku ya kwa Betania, mi ha ba li koo, a nanula mazoho, mi a ba tohonolofaza. 51#Litu 50.20 H'a nz'a ba tohonolofaza cwalo, a kauhana ni bona, mi a iswa kwa lihalimu. 52Haili bona, ba mu kubamela, mi ba kutela mwa Jerusalema ba tabile hahulu. 53Ne ba fumaneha kwa tempele linako kaufela ba nze ba lumba Mulimu.</div>
 </div>
 </div>
</div>

Lozi Interconfessional Bible, Catholic Edition © Bible Society of Zambia, 2009.

Ka lizazi la pili la sunda i sa li kakusasa, basali ba ya kwa libita ba lwezi mafula a nunka hande a ba lukisize. Ba y'o fumana licwe la fa munyako wa libita li pikuluselizwe kwahule. Ba kena mwa libita, kono ha ba si ka fumana situpu sa Mulena Jesu. Ba sa yemi ba zielehile ka zeo, kiha ku t'o yema kwatuko a bona banna ba babeli ba ba apezi liapalo ze benya. Basali ba kenelwa ki sabo ye tuna, mi ba talimela fafasi, kono banna bao ba li ku bona, “Mu batelañi ya pila ku ba ba shwile? H'a yo mo. U zuhile. Mu hupule s'a n'a mi bulelezi a sa li kwa Galilea, ‘Na, Mwan'a Mutu, ni swanezi ku fiwa baezalibi, ni kokotelwe fa sifapahano, mi ka liazazi la bulalu ni zuswe kwa bafu.’ ”
Basali cwale ba hupula manzwi a Jesu. Kiha ba zwa fa libita, mi litaba zeo kaufela ba y'o li bulelela balutiwa ba lishumi ka a li muñwi ni ba bañwi kamukana. Basali bao ne li bo Maria wa Magdala, ni Joana ni Maria m'a Jakobo. Hamoho ni basali ba bañwi ba y'o bulelela baapositola zeo kaufela. Kono baapositola ha ba si ka kolwa ze ne bulelwa ki basali. Ba li, “Ki ku yambutuka feela kwa bona.” Kono Pitrosi a nanuha, a matela kwa libita, mi a inama ku nangela, kono a bona masila feela. Kiha s'a kutela kwa hae a komokisizwe ki ze ezahalile.


I sa li ka lona lizazi leo, balutiwa ba babeli ne ba ya kwa munzi o bizwa Emausi. Ne li libima ze supile ku zwa mwa Jerusalema. Ne ba zamaya, ba ambola ka ze ne ezahlile kaufela. Ha ne ba sa ambola ni ku buzana, yena Jesu kasibili a sutelela, a t'o zamaya ni bona. Ne ba mu bona, kono ne ba si ka mu ziba. Jesu a li ku bona, “Mu ambola litaba mañi mu nze mu zamaya?” Ba yema, ba swabile. Yo muñwi ya bizwa Kleopa a mu buza, a li, “Kana ki wena feela u nosi kwa baenyi ba ba pila mwa Jerusalema ya sa zibi ze ezahalile ona mazazinyana a, a felile?”
Yena a buza, a li, “Ki lifi?”
Bona ba li, “Lika ze ezahlile ku Jesu wa Nazareta. Mutu yo, ne li mupolofita ya n'a na ni maata ka lipulelo ni ka likezo fapil'a Mulimu ni fapil'a batu. Baprisita ba luna ba bahulu ni manduna ba sicaba ba mu ngile ku y'o atulelwa lifu, kiha se ba mu kokotela fa sifapahano. Luna, ne lu sepile kuli ki yena ya n'a ka lukulula Isilaele! Kono eshee! Kacenu i s'e li lwa bulalu, ku zwa zeo fo li ezahalezi. Basali ba bañwi ba ku luna ba lu komokisize. Ne ba pakelezi kwa libita i sa li kakusasana. Kono ha ba si ka y'o fumana situpu. Ha ba kuta ba lu taluseza kuli ba boni pono ya mangeloi a' ba bulelezi kuli wa pila. Ba bañwi ba ku luna ba ile kwa libita, mi ba il'o fumana hona cwalo mo ne ba bulelezi basali, kono yena ha ba si ka mu bona.”
Cwale Jesu a li ku bona, “Mawee! Batu ba ba si na ngana, ba ba sa kolwi kapili ze bulezwi ki bapolofita! Kana ne ku sa swaneli kuli Mesia a nyandiswe cwalo pili a si ka kena mwa kanya ya hae?” Cwale Jesu a ba taluseza ze ne bulezwi ka yena mwa mañolo kaufela. A kala ka libuka za Mushe mane a t'o fita ni mwa mañolo a bapolofita kamukana.
Cwale ha ba se ba sutelela kwa hae, Jesu a eza inge ya bata ku fitelela. Kono ba mu hanisa, ba li, “Kena ni luna mwa hae. U si ke wa fitelela. I se li busihu.” Kiha s'a ya ni bona. Ha s'a inzi ni bona fa tafule, a nga buhobe, mi a itumela. Kih'a bu ketula, mi a ba fa. Kihona ba yauka fa meeto, mi ba mu ziba, kono a ba picuka. Ba bulelisana, ba li, “Bati, kanti kihona lipilu za luna ha ne li cisa inge mulilo ha n'a lu taluseza ka mañolo mwa nzila?”
Honafo, ba funduka ku kutela kwa Jerusalema, mi ba y'o fumana ba lishumi ka a li muñwi ni ba bañwi cwalo ba inzi hamoho. Bao ba li, “Ki niti, Mulena u zuhile luli! Simoni u mu boni!”
Cwale ni bona ba ba taluseza ka ze ezahalile mwa nzila, ni mo ba zibezi Mulena ha s'a ketula buhobe.


Ne ba sa bulela ka zeo yena Jesu kasibili h'a t'o yema mwahal'a bona, a li, “Kozo i be ni mina!”
Ka ku tilumuka ni ku saba, ba hupula kuli ne ba bona silumba. Kono Jesu a li ku bona, “Kiñi se si mi zieza? Kiñi ha ku sa na ni lipilaelo mwa lipilu za mina? A mu bone mazoho ni mahutu a ka. Ki na kasibili! Mu ni swala-swale, mi mu bone, kakuli silumba ha si na nama ni masapo sina ha mu bona kuli na, ni na ni zona.”
H'a bulela cwalo, a ba supeza mazoho ni mahutu a hae. Nihakulicwalo ne ba sa kolwi hande kabakala tabo ye ne ba kenezi ni ku komoka. Kih'a ba buza, a li, “Mu na ni sa ku ca mo, nji?” Ba mu fa siemba sa tapi ye apehilwe. A i nga, mi a ca ba nze ba mu talimezi.
Kiha s'a li ku bona, “Zeo, ki zona lika ze ne ni mi bulelelanga ha ne ni sa inzi ni mina. Ze ñozwi kaufela bakeñisa ka, mwa Mulao wa Mushe, mwa Mañolo a bapolofita ni mwa Lipina, ne li swanezi ku ezahala.”
Cwale a ba talifisa kuli ba kone ku utwisisa mañolo. A li ku bona, “Se si ñozwi ki se. Mesia u swanezi ku nyanda, ni ku zuswa kwa bafu ka lizazi la bulalu. Ka libizo la hae, tuto ya ku baka ni ku swalelwa libi i swanezi ku lutwa mwa macaba kaufela, ku kalela mwa Jerusalema. Mina mu lipaki za litaba zeo. Haili na, ni ta mi lumela s'a sepisize Ndate. Kono mu swanezi ku ina mwa Jerusalema ku fitela maata a zwa kwa lihalimu a t'o kena ku mina.”


Cwale Jesu a zwa ni bona mwa hae ku ya kwa Betania, mi ha ba li koo, a nanula mazoho, mi a ba tohonolofaza. H'a nz'a ba tohonolofaza cwalo, a kauhana ni bona, mi a iswa kwa lihalimu. Haili bona, ba mu kubamela, mi ba kutela mwa Jerusalema ba tabile hahulu. Ne ba fumaneha kwa tempele linako kaufela ba nze ba lumba Mulimu.

Слухайте Luka 24