Urarina - 2006 Edition (NT)

<div class="version vid692 iso6393ura" data-vid="692" data-iso6393="ura">
    <div class="book bkMAT">
        <div class="chapter ch6" data-usfm="MAT.6">
            <div class="label">6</div><div class="s"><span class="heading">Caohacha ichaa cachane coina cacha relaa Jesosone</span></div><div class="p"><span class="content">  </span><span class="verse v1" data-usfm="MAT.6.1"><span class="label">1</span><span class="content">Jiaonriha nechu raujiaain inara coaracuruha cachaaurune coinaacha cacha notaracaae Cana Coaunera jerenohin ichaquichene. Nitohaneein neeichene coatiha chaque inara rai cainarinaain Cana Coaunera. </span></span><span class="verse v2" data-usfm="MAT.6.2"><span class="label">2</span><span class="content">Aihana jaun cha lateein nenacaauru coroatajanequichene, jiaonriha itolereneein cachaauru rai beein acaauru coroatajanequichene. Cana Coaunera coitucutoha nocoetonacaaurute cacha notaracaae, nechu jataain acaauru aina caohachaain niha cachane coina, Sinacoca asaae, bero cuhane, naaonjoaain cacha belaihure. Jiaonriha acaauru rijijieein ichaquichene. Acaaurute nechu jataain aihure, acaauruhacha esenetaain, caohachaain acaauru coaraa cachane coina. Nete inae caohachaain acaauru coaracuruha cachaaurune que inae cainanohine acaauru rai.</span></span></div><div class="p"><span class="verse v2" data-usfm="MAT.6.2"><span class="content">  </span></span><span class="verse v3" data-usfm="MAT.6.3"><span class="label">3</span><span class="content">Aihana jaun inara, cairichaihuru coroatajaniha cha teeichene, jiaonriha jataain inaraacha belaai rai niha natiin beeichene. </span></span><span class="verse v4" data-usfm="MAT.6.4"><span class="label">4</span><span class="content">Nitohaneein esinae chuni que coaaratelanaala teeichene coaraanete, inara rai cainareein cana Inaca Cana Coaunera.</span></span></div><div class="s"><span class="heading">Cana Coaunera bajanaa que cacha relaa Jesosone</span></div><div class="r"><span class="heading">(Lc 11.2-4)</span></div><div class="p"><span class="verse v4" data-usfm="MAT.6.4"><span class="content">  </span></span><span class="verse v5" data-usfm="MAT.6.5"><span class="label">5</span><span class="content">Cana Coaunera bajaaichene, coa bajaauruha Cana Coaunera coitucutoha nocoetonacaaurune rijijieein bajaache. Acaaurute sinacoca asaae, joaereein bero cuhane, naaonjoaainu neeichuru Cana Coaunera bajaaure, nechu jataain caohacha ichaa nocoetiin aihuruhane coaracuruha cachaaurune coina. Nete nii coaracuruha cachaaurune coina aihuruhaneecha que, inae cainanohine acaauru rai.</span></span></div><div class="p"><span class="verse v5" data-usfm="MAT.6.5"><span class="content">  </span></span><span class="verse v6" data-usfm="MAT.6.6"><span class="label">6</span><span class="content">Nete laen ii Cana Coaunera bajanaa jereeine, caohacha jelai netiin coaraeniha chunine jana, bujuaihu ucuha cuhane netiin ii Inaca Cana Coaunera bajaaine caohachae. Nitohaneein chuni que necoharaeratelanaala netiin bajaaichene coaraanete, inara rai inaraacha bajai tereein ii Inaca Cana Coaunera.</span></span></div><div class="p"><span class="verse v6" data-usfm="MAT.6.6"><span class="content">  </span></span><span class="verse v7" data-usfm="MAT.6.7"><span class="label">7</span><span class="content">Cana Coaunera bajaaichene, coa acaauru rai ecaantocuru bajaae bajaaecuruha araai saain Cana Coaunera coitucuhichurune rijijieein joaenreen ereerejeein bajaache. </span></span><span class="verse v8" data-usfm="MAT.6.8"><span class="label">8</span><span class="content">Aihana jaun jiaonriha acaauru rijijieein neeiche inarane.</span></span></div><div class="p"><span class="verse v8" data-usfm="MAT.6.8"><span class="content">Cana Coaunerate, caje bajaaichene ajiniha inara suujua cuhane inaraacha latei latequichene coitucue.</span></span></div><div class="p"><span class="verse v8" data-usfm="MAT.6.8"><span class="content">  </span></span><span class="verse v9" data-usfm="MAT.6.9"><span class="label">9</span><span class="content">Aihane jaun Cana Coaunera bajaaichene:</span></span></div><div class="q"><span class="verse v9" data-usfm="MAT.6.9"><span class="content">&#8216;Satiin canacaanu Inacaneein dedeeu nenaa Ofa,</span></span></div><div class="q"><span class="verse v9" data-usfm="MAT.6.9"><span class="content">Iineein neeine coitucuurumiin satiin cachaauru.</span></span></div><div class="q"><span class="verse v9" data-usfm="MAT.6.9"><span class="content">  </span></span><span class="verse v10" data-usfm="MAT.6.10"><span class="label">10</span><span class="content">Turuhine Ii Cojoanonaa.</span></span></div><div class="q"><span class="verse v10" data-usfm="MAT.6.10"><span class="content">Caa chauratane que iicha jerei ichacurumiin,</span></span></div><div class="q"><span class="verse v10" data-usfm="MAT.6.10"><span class="content">dedeeu ichacuruhane rijijieein.</span></span></div><div class="q"><span class="verse v10" data-usfm="MAT.6.10"><span class="content">  </span></span><span class="verse v11" data-usfm="MAT.6.11"><span class="label">11</span><span class="content">Cojoanoonetojoeein canacaanu rai lenone ocoteeu.</span></span></div><div class="q"><span class="verse v11" data-usfm="MAT.6.11"><span class="content">  </span></span><span class="verse v12" data-usfm="MAT.6.12"><span class="label">12</span><span class="content">Baaso ichacaaunne,</span></span></div><div class="q"><span class="verse v12" data-usfm="MAT.6.12"><span class="content">canacaanu que ii suujua acateeu,</span></span></div><div class="q"><span class="verse v12" data-usfm="MAT.6.12"><span class="content">canacaanu rai baaso icharaauru que,</span></span></div><div class="q"><span class="verse v12" data-usfm="MAT.6.12"><span class="content">canacaanu suujua acatichaanune rijijieein.</span></span></div><div class="q"><span class="verse v12" data-usfm="MAT.6.12"><span class="content">  </span></span><span class="verse v13" data-usfm="MAT.6.13"><span class="label">13</span><span class="content">Jiaonriha osa que nesaruhin</span></span></div><div class="q"><span class="verse v13" data-usfm="MAT.6.13"><span class="content">nihacaanune nainatejeein neeine.</span></span></div><div class="q"><span class="verse v13" data-usfm="MAT.6.13"><span class="content">Canacaanu caje moconajaera sitaau.</span></span></div><div class="q"><span class="verse v13" data-usfm="MAT.6.13"><span class="content">Inae,&#8217;</span></span></div><div class="m"><span class="verse v13" data-usfm="MAT.6.13"><span class="content">naain Cana Coaunera bajaauche.</span></span></div><div class="p"><span class="verse v13" data-usfm="MAT.6.13"><span class="content">  </span></span><span class="verse v14" data-usfm="MAT.6.14"><span class="label">14</span><span class="content">Inara rai baaso icharaauru que, inara suujua acateein, acaauru aina caohachaain neeichenete, Cana Coaunera netonai inara que suujua acatena nainereein. </span></span><span class="verse v15" data-usfm="MAT.6.15"><span class="label">15</span><span class="content">Jana inara rai baaso ichaain neeuruha leeochaaurune jana, acaauru que inara suujua acateneeichene, Cana Coaunera netonai inara osa que suujua acatenereein.</span></span></div><div class="s"><span class="heading">Suri noitelanaala netiin Cana Coaunera bajaauruha cachaaurune que, cacha relaa Jesosone</span></div><div class="p"><span class="verse v15" data-usfm="MAT.6.15"><span class="content">  </span></span><span class="verse v16" data-usfm="MAT.6.16"><span class="label">16</span><span class="content">Inara suri couu netiin Cana Coaunera bajaaichene, jiaonriha aihuruha Cana Coaunera coitucutoha nocoetonacaaurune rijijieein, nechu inara suri couu neeichene coaracuruha cachaaurune coina coa cunaitenaa meri tocohaneein inara meri tihache. Inae nitohaneein ichacuruhane coaraain acaauru belaichuruha cachaaurunete, nii acaauru belaichuruhaneecha que inae cainanohi ne acaauru rai. </span></span><span class="verse v17" data-usfm="MAT.6.17"><span class="label">17</span><span class="content">Jana inara, inara suri couu netiin Cana Coaunera bajaaichene, inara meri culejeein neruujueein raotojoeein bajaauche, </span></span><span class="verse v18" data-usfm="MAT.6.18"><span class="label">18</span><span class="content">inara suri couu netiin Cana Coaunera bajaaichene que nainacuruha cachaaurune coataa. Nii banate laen leinjiin Cana Coauneraacha inara belaicheein, inara suri couu netiin bajaaichene coreniha.</span></span></div><div class="s"><span class="heading">Dedeeu raoti ichaonaanaja</span></div><div class="r"><span class="heading">(Lc 12.33-34)</span></div><div class="p"><span class="verse v18" data-usfm="MAT.6.18"><span class="content">  </span></span><span class="verse v19" data-usfm="MAT.6.19"><span class="label">19</span><span class="content">Coa caa chauratane que raotiin nenaa coacuhin, coriquihona neein itolere rucuhele sirina coaacuhin nihache, inara rai cojoanojoiin nitajeein, basijiaaurureein asijiautooru, naaonjoanrichaaine jaun. </span></span><span class="verse v20" data-usfm="MAT.6.20"><span class="label">20</span><span class="content">Caa chauratane que caohachaain nenaa coacuhin mainajeein amihaneein coriqui taaojiaaichene jianeein, nii aaichene rijijieein mainajeein Cana Coaunera rai itolere caohachanu ichana que amihaneeuchete dedeeu inara rai cainanohinemii. Nii dedeeu laen asijiatooru nihanatiin turuhin inara basijiauna nainerinaain. Niheichu cojoano, ecu enohin aasaena nainerinaain. </span></span><span class="verse v21" data-usfm="MAT.6.21"><span class="label">21</span><span class="content">Nitohanihane jaun jauriaanejeein caohatiin coaaucuche, inara ichao rai inaraacha ichanenu que. Inara ichao rai jataain nelateineein niha coriquine esenetaaichene acaacha ichacuche. Jana inara ichao rai nelateineein niha Cana Coauneraacha icharatenohine esenetaaichene acaacha ichacuche.</span></span></div><div class="s"><span class="heading">Cacha jaberoco conaeraneein niha cacha suujuane</span></div><div class="r"><span class="heading">(Lc 11.34-36)</span></div><div class="p"><span class="verse v21" data-usfm="MAT.6.21"><span class="content">  </span></span><span class="verse v22" data-usfm="MAT.6.22"><span class="label">22</span><span class="content">Inara notate inara suujua que itolere inaraacha coarai coitucueratera ne. Aihana jaun inara nota que inaraacha coarai coitucuhin, ichaquichene caohatiha inara suujuane tonoraai ichaeneeichenete jianacoon neriquicheein. </span></span><span class="verse v23" data-usfm="MAT.6.23"><span class="label">23</span><span class="content">Jana inara nota que baasonihane coaraquichene saijieein, inara suujua nii baaso ichaquichene jerihane rijitojoeein baaso ichaquichenete, nocohenaanau nijiaonreein inara suujue.</span></span></div><div class="s"><span class="heading">Coriquiicha que coacuhin Cana Coaunera jerenohi ichana jereniha cachane</span></div><div class="r"><span class="heading">(Lc 16.13)</span></div><div class="p"><span class="verse v23" data-usfm="MAT.6.23"><span class="content">  </span></span><span class="verse v24" data-usfm="MAT.6.24"><span class="label">24</span><span class="content">Nihei chuni coroatajai curuaana letononeein nenaa nainei. Leinjiin belaain acaacha ere tonoraain, nii leeocha que jaolequiin nere tonoraenerihane jaun. Nii rijijieeinte Cana Coaunera sacunaa nainene cacha, coriquiicha que coacuhin nihane.</span></span></div><div class="s"><span class="heading">Jerihane rijijieein ichaonacaauru cachaauru ichao beraiha Cana Coaunerane</span></div><div class="r"><span class="heading">(Lc 12.22-31)</span></div><div class="p"><span class="verse v24" data-usfm="MAT.6.24"><span class="content">  </span></span><span class="verse v25" data-usfm="MAT.6.25"><span class="label">25</span><span class="content">Nitohanihane jaunne inara rai aitoon. Coa lenoneein acau cohin ichaohichene jaanu, inara cajione, naaonjoain que nererojoecaaeriin nihache. Tana lenone amurijiriin nelatiha inara ichaone jana, cajione amurijiriin nelatiha inara jaberocone coitucuhin neeichene. </span></span><span class="verse v26" data-usfm="MAT.6.26"><span class="label">26</span><span class="content">Coaracuche nachuhinti temule jaain niicha quiineeuri taojiaain rucuhecuruhane jaanu coloheri siriin naaonjoaain neeururiha tajaaecuru. Nete laen cana Inaca Cana Coaunera, lenoneein ichaaoruhane coina acaauruhacha quiine teein ne. Inarate nii tajaaecuru amurijiriin jataain nelateein neeiche. </span></span><span class="verse v27" data-usfm="MAT.6.27"><span class="label">27</span><span class="content">Inaaonjoan saneein niha natiin itolereneein suujua cuhane coaauca cachane niha natiin, nichao cariaain ichaonaa nainihei. </span></span><span class="verse v28" data-usfm="MAT.6.28"><span class="label">28</span><span class="content">Chanuna inara cajione que nererojoecaaeriin neeiche. Coaracuche nachuhinti ajenacuru niicha jiaaenine que nichanaa ichaain, amihaneein, naaonjoaane que airijiin omarohin, jataain caohatonanaain ujuaneein naaonjoaain neeuruhane. </span></span><span class="verse v29" data-usfm="MAT.6.29"><span class="label">29</span><span class="content">Jana </span><span class="it"><span class="content">rey </span></span><span class="content"> Salomoon, coatiha nii aihuruha ajenacurune rijijieein niheilu, caohati cajione que necoreeteein nihalune saijieein. </span></span><span class="verse v30" data-usfm="MAT.6.30"><span class="label">30</span><span class="content">Tana mocohin nitajerai niha ajaenane saijieein, caohachaain omarohin nihane jaanu teein niha Cana Coaunerane coitucuhichene. Chanuna jana chaen, nii amuritoheriin inara cajioneterichaain Cana Coaunerane esenetaeneeichete, cha esenetana jeriheichuru cachaauru. </span></span><span class="verse v31" data-usfm="MAT.6.31"><span class="label">31</span><span class="content">Nitohanihane jaun nainiheeiche: &#8216;Chaaque lenoneeinna acau cohin, necoreeteein, naaonjoaain nerichaache,&#8217; naain que nererojoecaain nenaa nainiheeiche. </span></span><span class="verse v32" data-usfm="MAT.6.32"><span class="label">32</span><span class="content">Cana Coaunera coitucuhichurute, niicha que nererojoecaain niicha sacunaa jere. Nete laen Cana Coaunera inaraacha latei latequichene coitucue. </span></span><span class="verse v33" data-usfm="MAT.6.33"><span class="label">33</span><span class="content">Aihana jaun Cana Coaunera Cojoanonaacha que coacuhin, jeriha Cana Coaunerane rijijieein ichaohin, niicha jereeicha ichaechajeein neeichenete, satiin caa inara rai aitocoaaunne jaan tereein Cana Coaunera. </span></span><span class="verse v34" data-usfm="MAT.6.34"><span class="label">34</span><span class="content">Jiaonriha eresi inaraacha ichaneni que coacuhin nererojoecaaichene. Le janonaa bana naineein, canaacha ichaneni que coaaucaachenete caohachae.</span></span></div>
        </div>
    </div>
</div>

Jiaonriha nechu raujiaain inara coaracuruha cachaaurune coinaacha cacha notaracaae Cana Coaunera jerenohin ichaquichene. Nitohaneein neeichene coatiha chaque inara rai cainarinaain Cana Coaunera. Aihana jaun cha lateein nenacaauru coroatajanequichene, jiaonriha itolereneein cachaauru rai beein acaauru coroatajanequichene. Cana Coaunera coitucutoha nocoetonacaaurute cacha notaracaae, nechu jataain acaauru aina caohachaain niha cachane coina, Sinacoca asaae, bero cuhane, naaonjoaain cacha belaihure. Jiaonriha acaauru rijijieein ichaquichene. Acaaurute nechu jataain aihure, acaauruhacha esenetaain, caohachaain acaauru coaraa cachane coina. Nete inae caohachaain acaauru coaracuruha cachaaurune que inae cainanohine acaauru rai.
Aihana jaun inara, cairichaihuru coroatajaniha cha teeichene, jiaonriha jataain inaraacha belaai rai niha natiin beeichene. Nitohaneein esinae chuni que coaaratelanaala teeichene coaraanete, inara rai cainareein cana Inaca Cana Coaunera.


Cana Coaunera bajaaichene, coa bajaauruha Cana Coaunera coitucutoha nocoetonacaaurune rijijieein bajaache. Acaaurute sinacoca asaae, joaereein bero cuhane, naaonjoaainu neeichuru Cana Coaunera bajaaure, nechu jataain caohacha ichaa nocoetiin aihuruhane coaracuruha cachaaurune coina. Nete nii coaracuruha cachaaurune coina aihuruhaneecha que, inae cainanohine acaauru rai.
Nete laen ii Cana Coaunera bajanaa jereeine, caohacha jelai netiin coaraeniha chunine jana, bujuaihu ucuha cuhane netiin ii Inaca Cana Coaunera bajaaine caohachae. Nitohaneein chuni que necoharaeratelanaala netiin bajaaichene coaraanete, inara rai inaraacha bajai tereein ii Inaca Cana Coaunera.
Cana Coaunera bajaaichene, coa acaauru rai ecaantocuru bajaae bajaaecuruha araai saain Cana Coaunera coitucuhichurune rijijieein joaenreen ereerejeein bajaache. Aihana jaun jiaonriha acaauru rijijieein neeiche inarane.
Cana Coaunerate, caje bajaaichene ajiniha inara suujua cuhane inaraacha latei latequichene coitucue.
Aihane jaun Cana Coaunera bajaaichene:
‘Satiin canacaanu Inacaneein dedeeu nenaa Ofa,
Iineein neeine coitucuurumiin satiin cachaauru.
Turuhine Ii Cojoanonaa.
Caa chauratane que iicha jerei ichacurumiin,
dedeeu ichacuruhane rijijieein.
Cojoanoonetojoeein canacaanu rai lenone ocoteeu.
Baaso ichacaaunne,
canacaanu que ii suujua acateeu,
canacaanu rai baaso icharaauru que,
canacaanu suujua acatichaanune rijijieein.
Jiaonriha osa que nesaruhin
nihacaanune nainatejeein neeine.
Canacaanu caje moconajaera sitaau.
Inae,’
naain Cana Coaunera bajaauche.
Inara rai baaso icharaauru que, inara suujua acateein, acaauru aina caohachaain neeichenete, Cana Coaunera netonai inara que suujua acatena nainereein. Jana inara rai baaso ichaain neeuruha leeochaaurune jana, acaauru que inara suujua acateneeichene, Cana Coaunera netonai inara osa que suujua acatenereein.

Inara suri couu netiin Cana Coaunera bajaaichene, jiaonriha aihuruha Cana Coaunera coitucutoha nocoetonacaaurune rijijieein, nechu inara suri couu neeichene coaracuruha cachaaurune coina coa cunaitenaa meri tocohaneein inara meri tihache. Inae nitohaneein ichacuruhane coaraain acaauru belaichuruha cachaaurunete, nii acaauru belaichuruhaneecha que inae cainanohi ne acaauru rai. Jana inara, inara suri couu netiin Cana Coaunera bajaaichene, inara meri culejeein neruujueein raotojoeein bajaauche, inara suri couu netiin Cana Coaunera bajaaichene que nainacuruha cachaaurune coataa. Nii banate laen leinjiin Cana Coauneraacha inara belaicheein, inara suri couu netiin bajaaichene coreniha.


Coa caa chauratane que raotiin nenaa coacuhin, coriquihona neein itolere rucuhele sirina coaacuhin nihache, inara rai cojoanojoiin nitajeein, basijiaaurureein asijiautooru, naaonjoanrichaaine jaun. Caa chauratane que caohachaain nenaa coacuhin mainajeein amihaneein coriqui taaojiaaichene jianeein, nii aaichene rijijieein mainajeein Cana Coaunera rai itolere caohachanu ichana que amihaneeuchete dedeeu inara rai cainanohinemii. Nii dedeeu laen asijiatooru nihanatiin turuhin inara basijiauna nainerinaain. Niheichu cojoano, ecu enohin aasaena nainerinaain. Nitohanihane jaun jauriaanejeein caohatiin coaaucuche, inara ichao rai inaraacha ichanenu que. Inara ichao rai jataain nelateineein niha coriquine esenetaaichene acaacha ichacuche. Jana inara ichao rai nelateineein niha Cana Coauneraacha icharatenohine esenetaaichene acaacha ichacuche.


Inara notate inara suujua que itolere inaraacha coarai coitucueratera ne. Aihana jaun inara nota que inaraacha coarai coitucuhin, ichaquichene caohatiha inara suujuane tonoraai ichaeneeichenete jianacoon neriquicheein. Jana inara nota que baasonihane coaraquichene saijieein, inara suujua nii baaso ichaquichene jerihane rijitojoeein baaso ichaquichenete, nocohenaanau nijiaonreein inara suujue.


Nihei chuni coroatajai curuaana letononeein nenaa nainei. Leinjiin belaain acaacha ere tonoraain, nii leeocha que jaolequiin nere tonoraenerihane jaun. Nii rijijieeinte Cana Coaunera sacunaa nainene cacha, coriquiicha que coacuhin nihane.


Nitohanihane jaunne inara rai aitoon. Coa lenoneein acau cohin ichaohichene jaanu, inara cajione, naaonjoain que nererojoecaaeriin nihache. Tana lenone amurijiriin nelatiha inara ichaone jana, cajione amurijiriin nelatiha inara jaberocone coitucuhin neeichene. Coaracuche nachuhinti temule jaain niicha quiineeuri taojiaain rucuhecuruhane jaanu coloheri siriin naaonjoaain neeururiha tajaaecuru. Nete laen cana Inaca Cana Coaunera, lenoneein ichaaoruhane coina acaauruhacha quiine teein ne. Inarate nii tajaaecuru amurijiriin jataain nelateein neeiche. Inaaonjoan saneein niha natiin itolereneein suujua cuhane coaauca cachane niha natiin, nichao cariaain ichaonaa nainihei. Chanuna inara cajione que nererojoecaaeriin neeiche. Coaracuche nachuhinti ajenacuru niicha jiaaenine que nichanaa ichaain, amihaneein, naaonjoaane que airijiin omarohin, jataain caohatonanaain ujuaneein naaonjoaain neeuruhane. Jana rey Salomoon, coatiha nii aihuruha ajenacurune rijijieein niheilu, caohati cajione que necoreeteein nihalune saijieein. Tana mocohin nitajerai niha ajaenane saijieein, caohachaain omarohin nihane jaanu teein niha Cana Coaunerane coitucuhichene. Chanuna jana chaen, nii amuritoheriin inara cajioneterichaain Cana Coaunerane esenetaeneeichete, cha esenetana jeriheichuru cachaauru. Nitohanihane jaun nainiheeiche: ‘Chaaque lenoneeinna acau cohin, necoreeteein, naaonjoaain nerichaache,’ naain que nererojoecaain nenaa nainiheeiche. Cana Coaunera coitucuhichurute, niicha que nererojoecaain niicha sacunaa jere. Nete laen Cana Coaunera inaraacha latei latequichene coitucue. Aihana jaun Cana Coaunera Cojoanonaacha que coacuhin, jeriha Cana Coaunerane rijijieein ichaohin, niicha jereeicha ichaechajeein neeichenete, satiin caa inara rai aitocoaaunne jaan tereein Cana Coaunera. Jiaonriha eresi inaraacha ichaneni que coacuhin nererojoecaaichene. Le janonaa bana naineein, canaacha ichaneni que coaaucaachenete caohachae.

Слухайте Mateeocha Laenai 6