If you would like a copy of this version please contact info@davaraudiobibles.org

Una Old Testament

<div class="version vid3385 iso6393mtg" data-vid="3385" data-iso6393="mtg">
 <div class="book bkGEN">
 <div class="chapter ch19" data-usfm="GEN.19">
 <div class="label">19</div><div class="s">Er Imtamnyi biryi Sodom atei ab, Gomora atei ab asi uk dabmou ba, Lot anaboka bindobmou deyok</div><div class="sr"> 19:1-29</div><div class="p"> 1Ura, Er Imtamnyi uram eryuryangan nang malaikat nang bitinyi minob binmarei nang ara inibdoroban Sodom atei dam sirya tingbinmarei. A tum lukunda ara Lot bira weik atei lika bublan dam yandoka bukmou. Bukmouci, diramwe uca, sal bitinyi Er Imtamnyi uram eryuryangan nang er dam tingbinmarei. Ba, Lot biryi sun dam kisok luknubdongoboka kibdobmou. 2Ura, ato ebmou, &#8220;Nai yabwe, ni ai bindobkwayeb ati, yangarurum! Sun yan me ilikdeibsingnyi ura, ni ai bindoka mabkwayeb. Ani, ambutum belekuna aryi sun banmarurum dikum bindobdurum,&#8221; ebmou. Uca, sunci ato ebmarei, &#8220;Kan ai mana kum kubkwanim. Eda, atei keta talyi a mabokwamanim,&#8221; ebmarei. 3Uca, Lot biryi a nang asi tatabmouci, ato ebmou, &#8220;Ni ai mabkwayeb,&#8221; ebmou ba, er ai binmai. Ura, Lot biryi a nang asi roti kwaning bungbung eboka weik kimnande keica si ragi dongona kum roti kikniboka dabdeibmou ura, yibmarei. 4Ura, sun mana kum kuabyi talak aryi akatei Sodom kam nang babyi, wis nang babyi nirya Lot ai iwaringyanmai. 5Ura, Lot bisi ato ebmai, &#8220;Kan ai umbura ninyi lukunda yanmang nang ara dan bukmang do? Ukuca ola dobkwetebsiminyi ba, nun yoronkwayeb!&#8221; ebmai. 6Ba, Lot ai dam sakweteboka, bublan tubto tirikdongobokmou. 7Ura, bublan dam tingyandoka Sodom nang asi ato ebmou, &#8220;Ni kwit yabwe sunsi diboka ebkwinsin ara diboka kekendarur! Ato ukubkwamarum to dinyi ara iya malyito dinyi kubkwamarum. 8Eda, ni nermabwe kam nerabwe bitinyi asi sal ab ton kuna kum kubmangci, a tuba nebloboka kururung nerabwe asi dobkwetebkwansin. Ba, sunci, &#8216;Ukubkub,&#8217; tenebmunyi to ur da ukurondarur! Ni ai a bukmaring nang ara sunsi kum dobkwetebkwamasin. Ni ai du dongobdobman bok, ukubkwamarum ara malyito kubkwamarum,&#8221; ebmou. 9Uca, Sodom nang aryi Lot bisi ato ebmai, &#8220;Lot, kanda nun atei tingyangananyi biryi talyi bisik sengmasirim ati, ola sakweteboka yibirum! Kum sakwetebmaminyi ura, a bitinyi nang ara caknamto obkwamab bok, kanda malya asi oraming limdon obkwamakib!&#8221; ebmai. Ura, Sodom nang aryi Lot bisi titik-titik eboka, &#8220;Bublan kukoka wekwayeb,&#8221; tenen bublan dam binmai. 10Uca, Er Imtamnyi uram eryuryangan nang a bitinyi nang aryi taruk donokoka, Lot bisi taruk taleboka ai umbura tam kibdeibmareici, bublan tirikdongobokmarei. 11Ura, a bitinyi nang aryi Sodom ninyi kam nang babyi, wis nang babyi, akai bublan dam yandoka aknabmai ninyi nirya asi asing kubdeibokmarei. Ba, a ninyi nirya asing kubsekmou ba, bisik bublan talyitam talerbisinmai.</div><div class="p"> 12Ura, a bitinyi nang aryi Lot bisi ato ebmarei, &#8220;Akatei Sodom dam ara kan ai ninyi ton da kunung do? Ara, kan nebnyi kum? Kan mi kum? Kan ka kum? Kan ai ninyi ton akatei dam ton da kuramingnyi ura, inibdobminci akatei dam aryi anaboka bindobdarur! 13Akatei dam aryi malyito dinyi kunung dinyi ara Er Iya Erebdobnyi urasin dam aryi malyito kunung ba, Er kanya aryi, &#8216;Se,&#8217; tenen kanya borur. Ati, akatei ara kum dandeibkwamanim ati, Er Iya Erebdobnyi biryi bokdonokmasir ba, akatei dam yanmanim,&#8221; ebmarei. 14Ura, Lot anaboka er nermabwe bitinyi, &#8220;Dobkwandurunga,&#8221; tenen taknubdeiamwe nang bitinyi asi bindoka, &#8220;Yangarurum, Er Iya Erebdobnyi biryi akatei asi kum dandeibkwamar ati, ni milibnururumnyi ba, tonkwa bindobkwayeb,&#8221; eboka uram olobdenmou. Uca, er ka yabwe bitinyi aryi, &#8220;Talyitam ninyi titik-titik enanyi biryi titingmasir,&#8221; tenebmarei.</div><div class="p"> 15Ba, a tum kiting ururuk en ara Er Imtamnyi uram eryuryangan nang bitinyi aryi Lot bisi, &#8220;Ola bindobdur!&#8221; teneboka ato ebmarei. &#8220;Kanda akatei ninyi malyito dinyi kunung dinyi aryi benebdeibkingnyi ba, kanda akatei Sodom dam aryi dibminyei. Ati, kan ner ab, kan nermabwe bitinyi ab kuboka demang akwe inibdobminyi ura, yuk mutuk barondarur!&#8221; ebmarei. 16Ba, Lot bisik kwemdanmou asi er taruk ab, er ner taruk ab, er nermabwe asi sun taruk taleboka boboka yuk dikum deirirbinmarei. Ara, Lot bira Er Iya Erebdobnyi biryi ersi kanyi deiamwe deyok aryi ato kubmou. 17Ba, a bitinyi nang Er Imtamnyi uram eryuryangan nang aryi weik atei dam aryi boboka, yuk dikum bindoka kabdeibmarei. Ura, tonyi biryi ato ebmou, &#8220;Sun kam kuna kum dasicob. Ati, sun lilim cungdonmamunyi tok asi yuk mutuk bindobkwandarur. Eda, tamuboka banmamunyi bisik dirtamurdena ara mem. Ani, me Yordan duman dikum bankwamaruma nirya ara nimalyi bana ara mem! Eda, ola cungdonmamunyi tok mutuk kon diniboka bindobkwandarur. Nimalyi banmamunyi asi sunbabyi obminiksicei ba, dibmunyei,&#8221; ebmou. 18Uca, Lot biryi ato ebmou, &#8220;Nai se, titik-titik esina mem se. 19Kanci nunsi boukwe kuboka nun kam kuna ati, lebdobmasirim bok, eda mutuk kon bisik barona ara era mutuk aryi atei sirya barona kum kuabnyi talak aryi a karebkwamar wenen dinyi aryi sangkuna aminda dombindoka obdeibsicei. 20Ati, mitikto atei nun bisik barona dam atei asi aruksiminyi ba, ola cukoka bindobkwayeb. Ba, nunsi orminingsina kum uca kam kubdobkwamibyi to nun,&#8221; ebmou. 21Uca, Er Imtamnyi uram eryuryangananyi biryi ato ebmou, &#8220;Kan molobmarim to kunubkwamakin,&#8221; ebmou. Ura, tonda &#8220;Kan a mitik atei ebmarim atei asi bindobdarur. 22Sun atei kum bindobmamunyi talak ara ukublobmanyi ani, sirya bindobmunyi ura, Sodom atei uk dabkwaman,&#8221; ebmou. Ba, Lot biryi mitik atei ebmou deyok aryi akatei si ara, &#8220;Zoar,&#8221; enung. 23Lot anaboka baronmou ani, atei si Zoar dam sirya bindobmou ura, kiting tingyanmou.</div><div class="p"> 24Ura, Er Iya Erebdobnyi biryi uk ara mo doun ato kuboka Sodom atei ab Gomora atei ab asi imtam aryi dobkwetebmou. 25Ura, Yordan duman atei doramnya nirya ab, ninyi kuramnya nirya ab, a mutuk otong nirya ab lutamuboka uk dabmou. 26Ani, Lot ner tonkwa baronmai cok, neik bisik dirtamurdiu uca, keil garam danmouci, a tiklobmou.</div><div class="p"> 27A talak aryok Abraham bira belekuna ara bukoka er ai aryi sakweteboka minob tum Er Iya Erebdobnyi bisi molonmou dikum tingbinmou. 28Ura, Abraham biryi Sodom atei tam ab, Gomora atei tam ab kuboka Yordan duman mutuk nirya dirdonongmou uca, akatei mutuk tam asi uk tulum ara uk sekmangnyi ba, akurya burande to kuboka dorwelenmou asi asing eibmou.</div><div class="p"> 29Ato kuboka Er Iya Erebdobnyi biryi Yordan duman doramnyi atei nirya ab, Lot bindoka kuramwe atei ab asi lutamuboka uk dabmou. Ara, Er Iya Erebdobnyi biryi Abraham bisi sun ninyi bun dakdanandei dinyi asi teneibdenmou ura, Lot ab er mabwe silib ab asi uk dabkwamou atei dam aryi minob lebdeibmou.</div><div class="s">Lot ab er nermabwe bitinyi ab deyok</div><div class="sr"> 19:30-38</div><div class="p"> 30Lot bira minob ara Zoar mitik atei bindoka kuramwe. Ani, akatei ara er kanya ninika kubmou ura, anaboka mutuk kon dam bindobmou. Binmou ura, er nermabwe bitinyi ab keil siling umbura tonkwa kuramnyi. 31Ani, uki tentok tum aryi du ner biryi er weit asi ato ebmou, &#8220;Nun nai bira sirya wisi danmar. Ati, yuk nang ton da kuramingnyi eboka ninyi minob ner sal dordaraming to kuboka sal ton kum dobkwanim. 32Ati, nun mining nai bisi walina talerande me dinibdeibnimnyi ba, kanya kum bobci talak ara du ner wengbindoka mabmaringnyi ani, weit ner wengbindoka mabmaringnyi ani, kibkwanim. Ba, nun yala ara kum danana kum uca, odei-odei kibde binkwayeb,&#8221; eboka sisikdobmarei. 33Ura, a lukunda ara sun nai bisi walina talerande me dinibmarei. Ura, lukunda ara du ner wengbindoka er mining nai ab tonkwa mabmarei. Ba, sun nai bukokmou ababyi, &#8220;Ni nebnyi ab tonkwa mabmanim,&#8221; kum tenebmou. 34A tum kunmai ani, ton tum ara er du ner biryi er weit asi ato ebmou, &#8220;Arub lukunda ara nira nun nai ab mabmanim. Ati, arub lukunda ababyi nun nai bisi tubto me dinibneimnyi ba, kanya kum bobci talak ara kan ab mabdurum. Ba, nun yala mengeboka dukmurubdongobkwanim,&#8221; ebmou. 35Ura, a lukunda ara sun nai me dinibmarei ba, yibmouci, kanya kum bobmou. Ura, weit ner wengbindoka er nai ab mabmarei. Uca, sun nai bukokwe talak ababyi, &#8220;Ni nebnyi ab mabmanim,&#8221; tenena kum kubmou. 36Ba, a talak ara er nermabwe weit ner babyi, du ner babyi mundu bobmarei. A mundu bobmarei ara sun mining nai mundu bobmarei. 37Ura, du ner ara sal deibmou. Ba, a mi si ara Moab eboka si dobmai. Anyi yaldangna aryi ukubabyi Moab yala nang enung. 38Ani, weit ner ababyi sal akwe deibmou. Ba, a mi si ara, &#8220;Ben-Ami,&#8221; eboka si dobmai. A deibmou mi aryi yaldakamwe aryi uku talak ara Amon yala nang tuba enung.</div>
 </div>
 </div>
</div>

@LAI 2007 (New Testament), @LAI2022 (Old and New Testament)

Ura, Er Imtamnyi uram eryuryangan nang malaikat nang bitinyi minob binmarei nang ara inibdoroban Sodom atei dam sirya tingbinmarei. A tum lukunda ara Lot bira weik atei lika bublan dam yandoka bukmou. Bukmouci, diramwe uca, sal bitinyi Er Imtamnyi uram eryuryangan nang er dam tingbinmarei. Ba, Lot biryi sun dam kisok luknubdongoboka kibdobmou. Ura, ato ebmou, “Nai yabwe, ni ai bindobkwayeb ati, yangarurum! Sun yan me ilikdeibsingnyi ura, ni ai bindoka mabkwayeb. Ani, ambutum belekuna aryi sun banmarurum dikum bindobdurum,” ebmou. Uca, sunci ato ebmarei, “Kan ai mana kum kubkwanim. Eda, atei keta talyi a mabokwamanim,” ebmarei. Uca, Lot biryi a nang asi tatabmouci, ato ebmou, “Ni ai mabkwayeb,” ebmou ba, er ai binmai. Ura, Lot biryi a nang asi roti kwaning bungbung eboka weik kimnande keica si ragi dongona kum roti kikniboka dabdeibmou ura, yibmarei. Ura, sun mana kum kuabyi talak aryi akatei Sodom kam nang babyi, wis nang babyi nirya Lot ai iwaringyanmai. Ura, Lot bisi ato ebmai, “Kan ai umbura ninyi lukunda yanmang nang ara dan bukmang do? Ukuca ola dobkwetebsiminyi ba, nun yoronkwayeb!” ebmai. Ba, Lot ai dam sakweteboka, bublan tubto tirikdongobokmou. Ura, bublan dam tingyandoka Sodom nang asi ato ebmou, “Ni kwit yabwe sunsi diboka ebkwinsin ara diboka kekendarur! Ato ukubkwamarum to dinyi ara iya malyito dinyi kubkwamarum. Eda, ni nermabwe kam nerabwe bitinyi asi sal ab ton kuna kum kubmangci, a tuba nebloboka kururung nerabwe asi dobkwetebkwansin. Ba, sunci, ‘Ukubkub,’ tenebmunyi to ur da ukurondarur! Ni ai a bukmaring nang ara sunsi kum dobkwetebkwamasin. Ni ai du dongobdobman bok, ukubkwamarum ara malyito kubkwamarum,” ebmou. Uca, Sodom nang aryi Lot bisi ato ebmai, “Lot, kanda nun atei tingyangananyi biryi talyi bisik sengmasirim ati, ola sakweteboka yibirum! Kum sakwetebmaminyi ura, a bitinyi nang ara caknamto obkwamab bok, kanda malya asi oraming limdon obkwamakib!” ebmai. Ura, Sodom nang aryi Lot bisi titik-titik eboka, “Bublan kukoka wekwayeb,” tenen bublan dam binmai. Uca, Er Imtamnyi uram eryuryangan nang a bitinyi nang aryi taruk donokoka, Lot bisi taruk taleboka ai umbura tam kibdeibmareici, bublan tirikdongobokmarei. Ura, a bitinyi nang aryi Sodom ninyi kam nang babyi, wis nang babyi, akai bublan dam yandoka aknabmai ninyi nirya asi asing kubdeibokmarei. Ba, a ninyi nirya asing kubsekmou ba, bisik bublan talyitam talerbisinmai.
Ura, a bitinyi nang aryi Lot bisi ato ebmarei, “Akatei Sodom dam ara kan ai ninyi ton da kunung do? Ara, kan nebnyi kum? Kan mi kum? Kan ka kum? Kan ai ninyi ton akatei dam ton da kuramingnyi ura, inibdobminci akatei dam aryi anaboka bindobdarur! Akatei dam aryi malyito dinyi kunung dinyi ara Er Iya Erebdobnyi urasin dam aryi malyito kunung ba, Er kanya aryi, ‘Se,’ tenen kanya borur. Ati, akatei ara kum dandeibkwamanim ati, Er Iya Erebdobnyi biryi bokdonokmasir ba, akatei dam yanmanim,” ebmarei. Ura, Lot anaboka er nermabwe bitinyi, “Dobkwandurunga,” tenen taknubdeiamwe nang bitinyi asi bindoka, “Yangarurum, Er Iya Erebdobnyi biryi akatei asi kum dandeibkwamar ati, ni milibnururumnyi ba, tonkwa bindobkwayeb,” eboka uram olobdenmou. Uca, er ka yabwe bitinyi aryi, “Talyitam ninyi titik-titik enanyi biryi titingmasir,” tenebmarei.
Ba, a tum kiting ururuk en ara Er Imtamnyi uram eryuryangan nang bitinyi aryi Lot bisi, “Ola bindobdur!” teneboka ato ebmarei. “Kanda akatei ninyi malyito dinyi kunung dinyi aryi benebdeibkingnyi ba, kanda akatei Sodom dam aryi dibminyei. Ati, kan ner ab, kan nermabwe bitinyi ab kuboka demang akwe inibdobminyi ura, yuk mutuk barondarur!” ebmarei. Ba, Lot bisik kwemdanmou asi er taruk ab, er ner taruk ab, er nermabwe asi sun taruk taleboka boboka yuk dikum deirirbinmarei. Ara, Lot bira Er Iya Erebdobnyi biryi ersi kanyi deiamwe deyok aryi ato kubmou. Ba, a bitinyi nang Er Imtamnyi uram eryuryangan nang aryi weik atei dam aryi boboka, yuk dikum bindoka kabdeibmarei. Ura, tonyi biryi ato ebmou, “Sun kam kuna kum dasicob. Ati, sun lilim cungdonmamunyi tok asi yuk mutuk bindobkwandarur. Eda, tamuboka banmamunyi bisik dirtamurdena ara mem. Ani, me Yordan duman dikum bankwamaruma nirya ara nimalyi bana ara mem! Eda, ola cungdonmamunyi tok mutuk kon diniboka bindobkwandarur. Nimalyi banmamunyi asi sunbabyi obminiksicei ba, dibmunyei,” ebmou. Uca, Lot biryi ato ebmou, “Nai se, titik-titik esina mem se. Kanci nunsi boukwe kuboka nun kam kuna ati, lebdobmasirim bok, eda mutuk kon bisik barona ara era mutuk aryi atei sirya barona kum kuabnyi talak aryi a karebkwamar wenen dinyi aryi sangkuna aminda dombindoka obdeibsicei. Ati, mitikto atei nun bisik barona dam atei asi aruksiminyi ba, ola cukoka bindobkwayeb. Ba, nunsi orminingsina kum uca kam kubdobkwamibyi to nun,” ebmou. Uca, Er Imtamnyi uram eryuryangananyi biryi ato ebmou, “Kan molobmarim to kunubkwamakin,” ebmou. Ura, tonda “Kan a mitik atei ebmarim atei asi bindobdarur. Sun atei kum bindobmamunyi talak ara ukublobmanyi ani, sirya bindobmunyi ura, Sodom atei uk dabkwaman,” ebmou. Ba, Lot biryi mitik atei ebmou deyok aryi akatei si ara, “Zoar,” enung. Lot anaboka baronmou ani, atei si Zoar dam sirya bindobmou ura, kiting tingyanmou.
Ura, Er Iya Erebdobnyi biryi uk ara mo doun ato kuboka Sodom atei ab Gomora atei ab asi imtam aryi dobkwetebmou. Ura, Yordan duman atei doramnya nirya ab, ninyi kuramnya nirya ab, a mutuk otong nirya ab lutamuboka uk dabmou. Ani, Lot ner tonkwa baronmai cok, neik bisik dirtamurdiu uca, keil garam danmouci, a tiklobmou.
A talak aryok Abraham bira belekuna ara bukoka er ai aryi sakweteboka minob tum Er Iya Erebdobnyi bisi molonmou dikum tingbinmou. Ura, Abraham biryi Sodom atei tam ab, Gomora atei tam ab kuboka Yordan duman mutuk nirya dirdonongmou uca, akatei mutuk tam asi uk tulum ara uk sekmangnyi ba, akurya burande to kuboka dorwelenmou asi asing eibmou.
Ato kuboka Er Iya Erebdobnyi biryi Yordan duman doramnyi atei nirya ab, Lot bindoka kuramwe atei ab asi lutamuboka uk dabmou. Ara, Er Iya Erebdobnyi biryi Abraham bisi sun ninyi bun dakdanandei dinyi asi teneibdenmou ura, Lot ab er mabwe silib ab asi uk dabkwamou atei dam aryi minob lebdeibmou.


Lot bira minob ara Zoar mitik atei bindoka kuramwe. Ani, akatei ara er kanya ninika kubmou ura, anaboka mutuk kon dam bindobmou. Binmou ura, er nermabwe bitinyi ab keil siling umbura tonkwa kuramnyi. Ani, uki tentok tum aryi du ner biryi er weit asi ato ebmou, “Nun nai bira sirya wisi danmar. Ati, yuk nang ton da kuramingnyi eboka ninyi minob ner sal dordaraming to kuboka sal ton kum dobkwanim. Ati, nun mining nai bisi walina talerande me dinibdeibnimnyi ba, kanya kum bobci talak ara du ner wengbindoka mabmaringnyi ani, weit ner wengbindoka mabmaringnyi ani, kibkwanim. Ba, nun yala ara kum danana kum uca, odei-odei kibde binkwayeb,” eboka sisikdobmarei. Ura, a lukunda ara sun nai bisi walina talerande me dinibmarei. Ura, lukunda ara du ner wengbindoka er mining nai ab tonkwa mabmarei. Ba, sun nai bukokmou ababyi, “Ni nebnyi ab tonkwa mabmanim,” kum tenebmou. A tum kunmai ani, ton tum ara er du ner biryi er weit asi ato ebmou, “Arub lukunda ara nira nun nai ab mabmanim. Ati, arub lukunda ababyi nun nai bisi tubto me dinibneimnyi ba, kanya kum bobci talak ara kan ab mabdurum. Ba, nun yala mengeboka dukmurubdongobkwanim,” ebmou. Ura, a lukunda ara sun nai me dinibmarei ba, yibmouci, kanya kum bobmou. Ura, weit ner wengbindoka er nai ab mabmarei. Uca, sun nai bukokwe talak ababyi, “Ni nebnyi ab mabmanim,” tenena kum kubmou. Ba, a talak ara er nermabwe weit ner babyi, du ner babyi mundu bobmarei. A mundu bobmarei ara sun mining nai mundu bobmarei. Ura, du ner ara sal deibmou. Ba, a mi si ara Moab eboka si dobmai. Anyi yaldangna aryi ukubabyi Moab yala nang enung. Ani, weit ner ababyi sal akwe deibmou. Ba, a mi si ara, “Ben-Ami,” eboka si dobmai. A deibmou mi aryi yaldakamwe aryi uku talak ara Amon yala nang tuba enung.

Слухайте Kejadian Uram 19