If you have would like a copy of this version please contact info@davarpartners.org

The Datooga Old Testament

<div class="version vid3050 iso6393tcc" data-vid="3050" data-iso6393="tcc">
 <div class="book bkGEN">
 <div class="chapter ch4" data-usfm="GEN.4">
 <div class="label">4</div><div class="s">Gayini ea Abeli</div><div class="p"> 1Muchu gwandeawa Adamu gatmoadaanyi was Eefa ak gagweayiit ak gwaji Gayini, ak gwayi, &#8220;Naanyaschi siida aba gidaweatanaan NG'UTAMIIDA.&#8221; 2Ak gabiikta gwaji gicha Abeli. Amadu Abeli ea siida aheagwiidi gisilga, nea Gayni ea siida bara ng'eanyi. 3Iimuchu nea nigeawiit gweasa Gayni NG'UTAMIIDA haleanjeeda sabwa geadi was haghweega ng'eanyiida 4nea Abeli gweadu haleanjeeda was gea madeeda aba jeeda hawandaanyi ea gea riisheadi. Iidu ghamwas NG'UTAMIIDA Abeli ea haleanjeadaanyi sabwa geadi, 5nea Gayni ea haleanjeadaanyi sabwa geadi ghanyea mamwasa. Hean ghwanyareas Gayni muuchi, ea gookaroomnyi gheamamdaanyi. 6Ghwalamda NG'UTAMIIDA ak gwayeesha Gayni, &#8220;Ghwasaan anda guwoosi nyareasaat, ak ghwasaan anda gookaroomnyi gheamamdaang'u? 7Iisini ng'asheega miyaas, abeeda ea mwajeamwasnyi? Ama misini ng'asheega munyas, abeeda riing'eeda gwaneekiisa gidaghuuta; nea gagaseey, ak gagasa joara.&#8221;</div><div class="p"> 8Gwayeesha Gayni orjeeda ghaamwat was Abeli, &#8220;Nung' eeweaya eeneayeena aba dareabeeta.&#8221; Iidu nea gwanda dareabeeta, gwanyareeksa Gayni orjeeda ghaamwat was Abeli, ak gwanuus. 9Ng'ata gwayeesha NG'UTAMIIDA Gayni, &#8220;Gwanda yeenu orjeeda geamadu was Abeli.&#8221; Gwayeesha, &#8220;Aniini mwaanali; neada aniini geawooschi furiischoocheanda orjeediyya?&#8221; 10Ak gwayeesha NG'UTAMIIDA, &#8220;Neada ea nisini naaha? Foojeanda orjeeda geamadu gooyeawusean aba ng'eanyi. 11Ak ghamneawa ea simwaashtaneey aba jeeda ng'eanyiida, ak ea niibwara ghuut ghwali foojeanda orjeeda geamadu aba geatindaang'u. 12Iibwari ng'eanyi, gaynyasa dugusu ng'ay; ak gayhuuwa siida manda gheeda neaydooschi aba jeeda ng'eanyiida.&#8221; 13Ghwalamda Gayni ak gwayeesha NG'UTAMIIDA, &#8220;Ghoorjoodeanyu aahaw ea ea madeeneawana gidaamuuschi dasar. 14Ng'ula, nihoanyaan aniini aba jeeda ng'eanyiida; ea aba madeeda gheanyangaagu ak gaydafuy geaw; ak gaydafunya geaw madeeda gheanyangaagu; ak gaydoaw siida manda gheeda neaydooschi aba jeeda ng'eanyiida, nea siida wassean earoonyeewi gaygwanuusan.&#8221; 15Hean gwayeesha NG'UTAMIIDA niny, &#8220;Manda masunu! Siida iinuus Gayni, gajeawalda niba ispwa.&#8221; Ghwayiin NG'UTAMIIDA giirooraneeda, ak abeeda siida wassean roonyi ea manuusa. 16Ng'ata ghabeawa Gayni madeeda NG'UTAMIIDA, ak gawa goobiida ng'eanyiida Nodi, mida gayeewda Edeeni.</div><div class="s">Jeacheenga Gayni</div><div class="p"> 17Gwandeawa Gayni gatmoadaanyi, ak gagweayiit ak gwaji Enoki; ak ghwadeas mujiini, ak gang'asa mujiineedida gheawunga orjeedaanyi was Enoki. 18Ak gwaji Enoki Iradi; nea Iradi gwaji Mehuyaeli, nea Mehuyaeli gwaji Mesushaeli, ak gwaji Mesushaeli Lameki. 19Ak ghaghi Lameki gadeem iyeenya; nea gheawung'spa gatmoanagi geeguura Ada, nea gheawunga gatmooda niirja geeguura Sila. 20Gwaji Ada Yabali; nea ghweandeaba fugiga abiita jeesinga maheemajeega nea gwandeawa dugwean. 21Nea gheawunga orjeeda ghaamwat geeguura Yubali; ak ea ghweandeaba fugiga sean bara gidoondooriida nea gaguuda furiimbuun. 22Gwaji Sila Dubal-gaini; nea siida sina haleanjeeda sean bea lagheanga areeri ea gharinyeanda. Nea huda geenyea Dubal-gaini geeguura Naama.</div><div class="p"> 23Gwayeesha Lameki gadeamgaaschi:</div><div class="q1">&#8220;Ada ea Sila, ayiinya ghuuteanyu;</div><div class="q2">agooga gadeemga Lameki, ayiinya gideargu:</div><div class="q1">Neanuuschi siida ng'udan,</div><div class="q2">gheareemaneeda aba ng'ucheedeanyu.</div><div class="q1"> 24Gayni iisiwaldaawa mureandooda niba ispwa,</div><div class="q2">Aba huumwa Lameki gajeawaldaawa niba laadam ea damanamughuush niba ispwa.&#8221;</div><div class="s">Seti ea Enoshi</div><div class="p"> 25Gabiikta Adamu gwandeawa gatmoadaanyi, ak gwaji orjeeda ak gaguura gheawungaaschi Seti, aba gideaba gwayi, &#8220;Nigoonan ASEETA gicha baleanda nuut gawa hoorgeeda Abeli; was dea ghayi nuus Gayni.&#8221; 26Ak gwaji Seti baleanda, ak gaguura gheawungaaschi Enoshi. Ghang'eada damandida ghoang'eat buuneeda badita gheawunga NG'UTAMIIDA.</div>
 </div>
 </div>
</div>

The Bible in Datooga © Bible Society of Tanzania, 2015.

Muchu gwandeawa Adamu gatmoadaanyi was Eefa ak gagweayiit ak gwaji Gayini, ak gwayi, “Naanyaschi siida aba gidaweatanaan NG'UTAMIIDA.” Ak gabiikta gwaji gicha Abeli. Amadu Abeli ea siida aheagwiidi gisilga, nea Gayni ea siida bara ng'eanyi. Iimuchu nea nigeawiit gweasa Gayni NG'UTAMIIDA haleanjeeda sabwa geadi was haghweega ng'eanyiida nea Abeli gweadu haleanjeeda was gea madeeda aba jeeda hawandaanyi ea gea riisheadi. Iidu ghamwas NG'UTAMIIDA Abeli ea haleanjeadaanyi sabwa geadi, nea Gayni ea haleanjeadaanyi sabwa geadi ghanyea mamwasa. Hean ghwanyareas Gayni muuchi, ea gookaroomnyi gheamamdaanyi. Ghwalamda NG'UTAMIIDA ak gwayeesha Gayni, “Ghwasaan anda guwoosi nyareasaat, ak ghwasaan anda gookaroomnyi gheamamdaang'u? Iisini ng'asheega miyaas, abeeda ea mwajeamwasnyi? Ama misini ng'asheega munyas, abeeda riing'eeda gwaneekiisa gidaghuuta; nea gagaseey, ak gagasa joara.”
Gwayeesha Gayni orjeeda ghaamwat was Abeli, “Nung' eeweaya eeneayeena aba dareabeeta.” Iidu nea gwanda dareabeeta, gwanyareeksa Gayni orjeeda ghaamwat was Abeli, ak gwanuus. Ng'ata gwayeesha NG'UTAMIIDA Gayni, “Gwanda yeenu orjeeda geamadu was Abeli.” Gwayeesha, “Aniini mwaanali; neada aniini geawooschi furiischoocheanda orjeediyya?” Ak gwayeesha NG'UTAMIIDA, “Neada ea nisini naaha? Foojeanda orjeeda geamadu gooyeawusean aba ng'eanyi. Ak ghamneawa ea simwaashtaneey aba jeeda ng'eanyiida, ak ea niibwara ghuut ghwali foojeanda orjeeda geamadu aba geatindaang'u. Iibwari ng'eanyi, gaynyasa dugusu ng'ay; ak gayhuuwa siida manda gheeda neaydooschi aba jeeda ng'eanyiida.” Ghwalamda Gayni ak gwayeesha NG'UTAMIIDA, “Ghoorjoodeanyu aahaw ea ea madeeneawana gidaamuuschi dasar. Ng'ula, nihoanyaan aniini aba jeeda ng'eanyiida; ea aba madeeda gheanyangaagu ak gaydafuy geaw; ak gaydafunya geaw madeeda gheanyangaagu; ak gaydoaw siida manda gheeda neaydooschi aba jeeda ng'eanyiida, nea siida wassean earoonyeewi gaygwanuusan.” Hean gwayeesha NG'UTAMIIDA niny, “Manda masunu! Siida iinuus Gayni, gajeawalda niba ispwa.” Ghwayiin NG'UTAMIIDA giirooraneeda, ak abeeda siida wassean roonyi ea manuusa. Ng'ata ghabeawa Gayni madeeda NG'UTAMIIDA, ak gawa goobiida ng'eanyiida Nodi, mida gayeewda Edeeni.

Gwandeawa Gayni gatmoadaanyi, ak gagweayiit ak gwaji Enoki; ak ghwadeas mujiini, ak gang'asa mujiineedida gheawunga orjeedaanyi was Enoki. Ak gwaji Enoki Iradi; nea Iradi gwaji Mehuyaeli, nea Mehuyaeli gwaji Mesushaeli, ak gwaji Mesushaeli Lameki. Ak ghaghi Lameki gadeem iyeenya; nea gheawung'spa gatmoanagi geeguura Ada, nea gheawunga gatmooda niirja geeguura Sila. Gwaji Ada Yabali; nea ghweandeaba fugiga abiita jeesinga maheemajeega nea gwandeawa dugwean. Nea gheawunga orjeeda ghaamwat geeguura Yubali; ak ea ghweandeaba fugiga sean bara gidoondooriida nea gaguuda furiimbuun. Gwaji Sila Dubal-gaini; nea siida sina haleanjeeda sean bea lagheanga areeri ea gharinyeanda. Nea huda geenyea Dubal-gaini geeguura Naama.
Gwayeesha Lameki gadeamgaaschi:
“Ada ea Sila, ayiinya ghuuteanyu;
agooga gadeemga Lameki, ayiinya gideargu:
Neanuuschi siida ng'udan,
gheareemaneeda aba ng'ucheedeanyu.
Gayni iisiwaldaawa mureandooda niba ispwa,
Aba huumwa Lameki gajeawaldaawa niba laadam ea damanamughuush niba ispwa.”

Gabiikta Adamu gwandeawa gatmoadaanyi, ak gwaji orjeeda ak gaguura gheawungaaschi Seti, aba gideaba gwayi, “Nigoonan ASEETA gicha baleanda nuut gawa hoorgeeda Abeli; was dea ghayi nuus Gayni.” Ak gwaji Seti baleanda, ak gaguura gheawungaaschi Enoshi. Ghang'eada damandida ghoang'eat buuneeda badita gheawunga NG'UTAMIIDA.

Слухайте GIING'EETA 4