Ayta, Mag-Indi (NT) - WBT Version (Non-Drama)

Aytan Mag-Indi

<div class="version vid2765 iso6393blx" data-vid="2765" data-iso6393="blx">
 <div class="book bkMAT">
 <div class="chapter ch12" data-usfm="MAT.12">
 <div class="label">12</div><div class="s">Ya patang tungkul sa Allun Pagpaynawa</div><div class="r">(Marcos 2:23-28; Lucas 6:1-5)</div><div class="p"> 1Gisay Allun Pagpaynawa, nagdan silan Jesus sa nagtrigu. Nalayangan mani tagasunul na. Kabay nanggutus silan tilalagay trigu#12:1 Sa kulturan mani Judio, pantulutan ya mani tawu ya manggutus trigu, alwa ta dayin sa Allun Pagpaynawa (Deuteronomio 23:25). buy kinnan lay ati. 2S&#234;n nakit silan mani Pariseo, sinabi la kan Jesus, &#8220;El&#234;w&#234;n muy pandayg&#234;n mani tagasunul mu. Pallabag&#234;n lay Kautusan tungkul sa Allun Pagpaynawa.&#8221;</div><div class="p"> 3Pikitbayan silan Jesus, &#8220;A yu pun nayi nabasay dinyag David sabitun inlayang ya buy mani kaawyun na? 4Sinumun ya sa Tolday Pagsimban, nangwa yan tinapay ya in-andug kan Bapan Namalyari,#12:4 Balang Allun Pagpaynawa, mamiandug sila kan Bapan Namalyari un tinapay sa lamesa ya diyag sa gintu. Ya mani pari, dilag silan karapatan mangan andug (Levitico 24:5-9). kinnan na buy pinakan na &#234;t ta mani kaawyun na, agyan idi sa Kautusan ya kay mani pari ya dilag karapatan mangan abitu. 5A yu pun &#234;t nayi nabasa sa Kautusan na impasulat kan Moises ya si mani pari, mag-ubra sila sa Templu agyan sa Allun Pagpaynawa? Gisa &#234;t ta ati sa as&#234; panunul sa Kautusan na impasulat kan Moises, nuwa a sila nangasalanan. 6Pansabin ku kamuyuy dilag pun gisay idi baydi ya igit pun sa Templu. 7-8Tagawan sikuy ubat sa langit ta in-Anak Tawuy makapagsabi nu sab&#234;t ta dayg&#234;n sa Allun Pagpaynawa. Tanda yuta dayi nu sab&#234;t ta labay sabin Bapan Namalyari sa Kasulatan, &#8216;Alwan andug yu kangkuy labay ku, nun a mapallunus kaw.&#8217; Nuwa gawan a yu tanda, pan-atulun yuy mani kaawyun kuy ayin kasalanan.&#8221;</div><div class="s">Pinaiyul la liyaki ya nati ya gisay gam&#234;t</div><div class="r">(Marcos 3:1-6; Lucas 6:6-11)</div><div class="p"> 9Pamakabitan Jesus sa lugal abitu, sinumun ya sa balin pagtipunan mani Judio. 10Dilag gisay liyaki bayduy nati ya gisay gam&#234;t. Dilag &#234;t mani tawu bayduy mangkap maisangkan laban kan Jesus. Kabay pinatang laya, &#8220;Pantulutan nayin Kautusan na mamaiyul#12:10 Ayun sa batas mani Judio, ya pamaiyul, imbilang mani Judion pag-ubra. Kabay as&#234; pantulutan mamaiyul sa Allun Pagpaynawa maliban ta nu malalay sakit un gisay tawu (Exodo 31:14-17). nagsakit sa Allun Pagpaynawa?&#8221;</div><div class="p"> 11Nakitbay ya, &#8220;Nu sikaw wa dilag tupa ya nanabu sa lubut sa Allun Pagpaynawa, alwa nayin isalwang yuya?&#8221;</div><div class="p"> 12Luyang ngabay ya tawuy maulaga kaysa sa gisay tupa! Kabay pantulutan Kautusan na manyag mang&#234;d sa kaparisun tawu sa Allun Pagpaynawa. 13Pamakayari, sinabin Jesus sa liyaki ya nati ya gisay gam&#234;t, &#8220;Ipaktang muy gam&#234;t mu.&#8221; Kabay impaktang liyaki ya gam&#234;t na buy inumiyul ya kaparisun kapakan gam&#234;t na. 14Namitay mani Pariseoy idi baydu buy nisasabi sila nu parasaantu lan maipapati si Jesus.</div><div class="s">Ya lingkud da pinili</div><div class="p"> 15Natandan Jesus ya pan-isipin mani Pariseo. Kabay namita ya buy mani tagasunul na. Malak&#234;y tawuy nangamat kana buy pinaiyul nay kaganawan nipagsakit. 16Nuwa impakasipit nan intipan kallay, &#8220;Agana yu ipatanda sa kaatag nu sisab&#234;t taku.&#8221; 17Sa pakapakun baydu, natupad da sinabin Bapan Namalyari sa kapamilatan propeta Isaias,</div><div class="q2"> 18&#8220;Ati ya lingkud da pinili ku.</div><div class="q2">Kakaidwan kuya buy kapapaidu ya kangku.</div><div class="q2">Iutus ku kanay Ispiritu ku,</div><div class="q2">buy ipatanda nay katuynungan sa kaganawan bansa.</div><div class="q2"> 19A ya makisubakan, a ya masn&#234;g magsabi,</div><div class="q2">buy as&#234; mal&#234;ng&#234;y tunuy na sa dan.</div><div class="q2"> 20Ya mani mangayna sa panampalataya, pas-&#234;y&#234;n na sila,</div><div class="q2">buy a na paulayan na mani matasan un pag-asa.</div><div class="q2">A ya tungg&#234;n anggan as&#234; manambut ta katuynungan.</div><div class="q2"> 21Ta siyay pangubatan pag-asan kaganawan tawu sa babun luta.&#8221;#12:21 Isaias 42:1-4.</div><div class="s">Ya pamipatas Jesus sa nadawak ka ispiritu</div><div class="r">(Marcos 3:20-30; Lucas 11:14-23)</div><div class="p"> 22Dilag gintan na mani tawu kan Jesus ya gisay liyaki ya binulag buy pinapipin nadawak ka ispiritu. Pinaiyul yan Jesus. Kabay nakakit ya buy nakapagsabi. 23Nakaupapas ya kaganawan buy sinabi la, &#8220;Ati ya law&#234;s ya Mamiligtas ya impangakun Bapan Namalyari ya ubat sa layin David?&#8221;</div><div class="p"> 24Nuwa s&#234;n nal&#234;ng&#234;n mani Pariseoy abiin, sinabi la, &#8220;Si Satanas#12:24 Sa Griego, Beelzebul. ya puun nangadadawak ka ispiritu ya nam-in kapangyarian kanan mamipatas nangadadawak ka ispiritu!&#8221;</div><div class="p"> 25Nuwa tandan Jesus ya pan-isipin la. Kabay sinabi na kalla, &#8220;Nu mitutubag ga mani tawu sa gisay kaarian, masiray kaarian. Para &#234;t baydu sa gisay balayan o pamilya. Nu mitutubag sila, a sila &#234;t map&#234;ng. 26Kabay nu si Satanas ya mipatas sa kaawyun nan nangadadawak ka ispiritu, pagkapati nay pansakupun na. Nu parabayduy pandayg&#234;n na, as&#234; map&#234;ng ya panakup na. 27Buy nu mamipatas sakun mani nangadadawak ka ispiritu sa kapamilatan kapangyarian Satanas, sisab&#234;t aw&#234;d da nam-in kapangyarian sa mani tagasunul yu am&#234;n mamipatas nangadadawak ka ispiritu? Ya mani tagasunul yuy mamipap&#234;t&#234;g ga taganan mali kaw. 28Am&#234;s&#234;n, gawan namitas sakun mani nadawak ka ispiritu sa kapamilatan Ispiritun Bapan Namalyari, ya labay sabin, inlumat&#234;ng nga kamuyuy pag-arin Bapan Namalyari.&#8221;</div><div class="p"> 29&#8220;Ayin malyarin makasun sa balin gisay tawuy napas-&#234;y kaynu dilag pun mas napas-&#234;y kana. Buy nu naigapus sinan mas napas-&#234;y pun kana, masunan na bali na buy matakaw wa pibandiyan na.&#8221;</div><div class="p"> 30&#8220;Ya as&#234; panig kangku, kapati naku buy ya as&#234; manawup sa pamidanin mani tawu kangku, kay mamipakarayu yan tawu kangku. 31Pansabin ku kamuyuy kaganawan kasalanan buy pallamus kan Bapan Namalyari, mapatawad pun. Nuwa ya pallamus sa Ispiritun Bapan Namalyari, ayin patawad. 32Sisab&#234;t man na mallamus kangkuy ubat sa langit ta in-Anak Tawu, mapatawad pun. Nuwa nu sisab&#234;t man na mallamus sa Ispiritun Bapan Namalyari, ayina mapatawad kanuman.&#8221;</div><div class="s">Matandan na puun kayu sa tag&#234;y na</div><div class="r">(Lucas 6:43-45)</div><div class="p"> 33&#8220;Nu pansabin yun mang&#234;d da puun kayu, pangkan&#234;n na tag&#234;y na. Nuwa nu as&#234; mang&#234;d da puun kayu, as&#234; pangkan&#234;n na tag&#234;y na. Tagawan matandan na puun kayu sa tag&#234;y na. 34Sikaw wa napakalayin lupung, parasaantu kaw makapagsabin mang&#234;d pakan nadawak ka b&#234;k&#234; yu? Tagawan nu sab&#234;t ta idi sa b&#234;k&#234;n gisay tawu, sabay ya sabin na. 35Ya tawuy mang&#234;d da ugali, magsabi yan pawan kang&#234;dan, tagawan napnun kang&#234;dan na b&#234;k&#234; na. Nuwa ya tawuy nadawak ka ugali, magsabi yan pawan kadawakan, tagawan napnun kadawakan na b&#234;k&#234; na. 36Pansabin ku kamuyuy sa Allun Pangukum, managut ta balang gisa sa balang sinabi nay ayin kapukatan. 37Tagawan matandan sa mani pagsabi mu nu parusan ka o as&#234;.&#8221;</div><div class="s">Pinangkapan si Jesus un mamakaupapas</div><div class="r">(Marcos 8:11-12; Lucas 11:29-32)</div><div class="p"> 38Dilag dakun umnuy manurun Kautusan buy mani Pariseoy nagsabi kan Jesus. Sinabi la, &#8220;Manuru, mipakit kan mamakaupapas bilang tanda' ya in-utus kan Bapan Namalyari.&#8221;</div><div class="p"> 39Nakitbay si Jesus, &#8220;Sikaw wa mani tawu am&#234;s&#234;n na nadawak buy as&#234; tapat kan Bapan Namalyari, manyawad kaw mamakaupapas bilang tanda' ya in-utus sakun Bapan Namalyari, nuwa ayin yan ipakit kamuyu nun a ya tanda' ya nalyari kan propeta Jonas sabitun nuna. 40Ta nu parasaantun idi sa bitukan kakaragulan k&#234;nan lan&#234;m si Jonas un tatluy allu buy tatluy yabi, para ku &#234;t bayduy ubat sa langit ta in-Anak Tawu, tatluy allu buy tatluy yabi yaku &#234;t nakalb&#234;ng. 41Pamakayarin nangaral Sabin Bapan Namalyari si Jonas baydu sa Nineve, nagsisi ya mani tawu. Am&#234;s&#234;n, idi yaku baydi ya igit pun kan Jonas nuwa a kaw kalabay magsisi sa mani kasalanan yu. Kabay sa Allun Pangukum, mid&#234;ng nga mani taga Nineve buy manuwat kamuyu. 42Alwa pun &#234;t kay abiin. Ya Reynan Sheba awlagi, agyan naubat yapun sa marayuy lugal, naku yan mall&#234;ng&#234; sa kabiyasnan Arin Solomon. Am&#234;s&#234;n, idi yaku baydi ya igit pun kan Arin Solomon nuwa a kaw kalabay mall&#234;ng&#234; kangku. Kabay sa Allun Pangukum, mid&#234;ng nga Reynan Sheba buy manuwat kamuyu.&#8221;</div><div class="s">Ya pag-udung nadawak ka ispiritu</div><div class="r">(Lucas 11:24-26)</div><div class="p"> 43&#8220;Nu mag-awas ya nadawak ka ispiritu sa tawu, mibitabita ya sa mani kakyangan na lugal am&#234;n mangkap yan mapagpaynawan na. Nuwa nu ayin yan makitan, 44sabin na sa sarili nay, &#8216;Mag-udung ngaku tana sa tawuy ubatan ku.&#8217; Buy nu niudung ngina, makitan nay ubatan na ya paran bali ya ayin nan manug&#234;l, malinis buy nakakumpuni yana. 45Kabay magtas ya sa tawuy ubatan na. Nuwa sa pag-udung na, mamipikilaku yan pituy ispirituy luyang pun nadawak kana buy mags&#234;dak sila sa tawun abitu. Kabay luyang pun dumawak ya kabilyan tawun abitu kaysa sa mana nan kabilyan. Para &#234;t bays&#234;n na malyari sa mani nadawak ka tawu am&#234;s&#234;n.&#8221;</div><div class="s">Ya indu buy mapat&#234;l Jesus</div><div class="r">(Marcos 3:31-35; Lucas 8:19-21)</div><div class="p"> 46Kaban magsabi pun si Jesus sa mani tawu, inlumat&#234;ng nga indu na buy mapat&#234;l na. Nakaid&#234;ng sila sa lawasan gawan labay layan mapagkasabi. 47Dilag nagsabi kan Jesus, &#8220;Idi sa lawasan na indu mu buy mapat&#234;l mu. Labay lakan mapagkasabi.&#8221;</div><div class="p"> 48Nakitbay si Jesus, &#8220;Sisab&#234;t ta indu ku buy mapat&#234;l ku?&#8221; 49Inturu nay mani tagasunul na buy sinabi na, &#8220;Ati ya mani indu ku buy mapat&#234;l ku. 50Tagawan nu sisab&#234;t man na manunul sa kalabayan Bapa kuy idi sa langit, sabay silay indu ku buy mapat&#234;l ku.&#8221;</div>
 </div>
 </div>
</div>

Gisay Allun Pagpaynawa, nagdan silan Jesus sa nagtrigu. Nalayangan mani tagasunul na. Kabay nanggutus silan tilalagay trigu buy kinnan lay ati. Sên nakit silan mani Pariseo, sinabi la kan Jesus, “Elêwên muy pandaygên mani tagasunul mu. Pallabagên lay Kautusan tungkul sa Allun Pagpaynawa.”
Pikitbayan silan Jesus, “A yu pun nayi nabasay dinyag David sabitun inlayang ya buy mani kaawyun na? Sinumun ya sa Tolday Pagsimban, nangwa yan tinapay ya in-andug kan Bapan Namalyari, kinnan na buy pinakan na êt ta mani kaawyun na, agyan idi sa Kautusan ya kay mani pari ya dilag karapatan mangan abitu. A yu pun êt nayi nabasa sa Kautusan na impasulat kan Moises ya si mani pari, mag-ubra sila sa Templu agyan sa Allun Pagpaynawa? Gisa êt ta ati sa asê panunul sa Kautusan na impasulat kan Moises, nuwa a sila nangasalanan. Pansabin ku kamuyuy dilag pun gisay idi baydi ya igit pun sa Templu. Tagawan sikuy ubat sa langit ta in-Anak Tawuy makapagsabi nu sabêt ta daygên sa Allun Pagpaynawa. Tanda yuta dayi nu sabêt ta labay sabin Bapan Namalyari sa Kasulatan, ‘Alwan andug yu kangkuy labay ku, nun a mapallunus kaw.’ Nuwa gawan a yu tanda, pan-atulun yuy mani kaawyun kuy ayin kasalanan.”


Pamakabitan Jesus sa lugal abitu, sinumun ya sa balin pagtipunan mani Judio. Dilag gisay liyaki bayduy nati ya gisay gamêt. Dilag êt mani tawu bayduy mangkap maisangkan laban kan Jesus. Kabay pinatang laya, “Pantulutan nayin Kautusan na mamaiyul nagsakit sa Allun Pagpaynawa?”
Nakitbay ya, “Nu sikaw wa dilag tupa ya nanabu sa lubut sa Allun Pagpaynawa, alwa nayin isalwang yuya?”
Luyang ngabay ya tawuy maulaga kaysa sa gisay tupa! Kabay pantulutan Kautusan na manyag mangêd sa kaparisun tawu sa Allun Pagpaynawa. Pamakayari, sinabin Jesus sa liyaki ya nati ya gisay gamêt, “Ipaktang muy gamêt mu.” Kabay impaktang liyaki ya gamêt na buy inumiyul ya kaparisun kapakan gamêt na. Namitay mani Pariseoy idi baydu buy nisasabi sila nu parasaantu lan maipapati si Jesus.

Natandan Jesus ya pan-isipin mani Pariseo. Kabay namita ya buy mani tagasunul na. Malakêy tawuy nangamat kana buy pinaiyul nay kaganawan nipagsakit. Nuwa impakasipit nan intipan kallay, “Agana yu ipatanda sa kaatag nu sisabêt taku.” Sa pakapakun baydu, natupad da sinabin Bapan Namalyari sa kapamilatan propeta Isaias,
“Ati ya lingkud da pinili ku.
Kakaidwan kuya buy kapapaidu ya kangku.
Iutus ku kanay Ispiritu ku,
buy ipatanda nay katuynungan sa kaganawan bansa.
A ya makisubakan, a ya masnêg magsabi,
buy asê malêngêy tunuy na sa dan.
Ya mani mangayna sa panampalataya, pas-êyên na sila,
buy a na paulayan na mani matasan un pag-asa.
A ya tunggên anggan asê manambut ta katuynungan.
Ta siyay pangubatan pag-asan kaganawan tawu sa babun luta.”


Dilag gintan na mani tawu kan Jesus ya gisay liyaki ya binulag buy pinapipin nadawak ka ispiritu. Pinaiyul yan Jesus. Kabay nakakit ya buy nakapagsabi. Nakaupapas ya kaganawan buy sinabi la, “Ati ya lawês ya Mamiligtas ya impangakun Bapan Namalyari ya ubat sa layin David?”
Nuwa sên nalêngên mani Pariseoy abiin, sinabi la, “Si Satanas ya puun nangadadawak ka ispiritu ya nam-in kapangyarian kanan mamipatas nangadadawak ka ispiritu!”
Nuwa tandan Jesus ya pan-isipin la. Kabay sinabi na kalla, “Nu mitutubag ga mani tawu sa gisay kaarian, masiray kaarian. Para êt baydu sa gisay balayan o pamilya. Nu mitutubag sila, a sila êt mapêng. Kabay nu si Satanas ya mipatas sa kaawyun nan nangadadawak ka ispiritu, pagkapati nay pansakupun na. Nu parabayduy pandaygên na, asê mapêng ya panakup na. Buy nu mamipatas sakun mani nangadadawak ka ispiritu sa kapamilatan kapangyarian Satanas, sisabêt awêd da nam-in kapangyarian sa mani tagasunul yu amên mamipatas nangadadawak ka ispiritu? Ya mani tagasunul yuy mamipapêtêg ga taganan mali kaw. Amêsên, gawan namitas sakun mani nadawak ka ispiritu sa kapamilatan Ispiritun Bapan Namalyari, ya labay sabin, inlumatêng nga kamuyuy pag-arin Bapan Namalyari.”
“Ayin malyarin makasun sa balin gisay tawuy napas-êy kaynu dilag pun mas napas-êy kana. Buy nu naigapus sinan mas napas-êy pun kana, masunan na bali na buy matakaw wa pibandiyan na.”
“Ya asê panig kangku, kapati naku buy ya asê manawup sa pamidanin mani tawu kangku, kay mamipakarayu yan tawu kangku. Pansabin ku kamuyuy kaganawan kasalanan buy pallamus kan Bapan Namalyari, mapatawad pun. Nuwa ya pallamus sa Ispiritun Bapan Namalyari, ayin patawad. Sisabêt man na mallamus kangkuy ubat sa langit ta in-Anak Tawu, mapatawad pun. Nuwa nu sisabêt man na mallamus sa Ispiritun Bapan Namalyari, ayina mapatawad kanuman.”


“Nu pansabin yun mangêd da puun kayu, pangkanên na tagêy na. Nuwa nu asê mangêd da puun kayu, asê pangkanên na tagêy na. Tagawan matandan na puun kayu sa tagêy na. Sikaw wa napakalayin lupung, parasaantu kaw makapagsabin mangêd pakan nadawak ka bêkê yu? Tagawan nu sabêt ta idi sa bêkên gisay tawu, sabay ya sabin na. Ya tawuy mangêd da ugali, magsabi yan pawan kangêdan, tagawan napnun kangêdan na bêkê na. Nuwa ya tawuy nadawak ka ugali, magsabi yan pawan kadawakan, tagawan napnun kadawakan na bêkê na. Pansabin ku kamuyuy sa Allun Pangukum, managut ta balang gisa sa balang sinabi nay ayin kapukatan. Tagawan matandan sa mani pagsabi mu nu parusan ka o asê.”


Dilag dakun umnuy manurun Kautusan buy mani Pariseoy nagsabi kan Jesus. Sinabi la, “Manuru, mipakit kan mamakaupapas bilang tanda' ya in-utus kan Bapan Namalyari.”
Nakitbay si Jesus, “Sikaw wa mani tawu amêsên na nadawak buy asê tapat kan Bapan Namalyari, manyawad kaw mamakaupapas bilang tanda' ya in-utus sakun Bapan Namalyari, nuwa ayin yan ipakit kamuyu nun a ya tanda' ya nalyari kan propeta Jonas sabitun nuna. Ta nu parasaantun idi sa bitukan kakaragulan kênan lanêm si Jonas un tatluy allu buy tatluy yabi, para ku êt bayduy ubat sa langit ta in-Anak Tawu, tatluy allu buy tatluy yabi yaku êt nakalbêng. Pamakayarin nangaral Sabin Bapan Namalyari si Jonas baydu sa Nineve, nagsisi ya mani tawu. Amêsên, idi yaku baydi ya igit pun kan Jonas nuwa a kaw kalabay magsisi sa mani kasalanan yu. Kabay sa Allun Pangukum, midêng nga mani taga Nineve buy manuwat kamuyu. Alwa pun êt kay abiin. Ya Reynan Sheba awlagi, agyan naubat yapun sa marayuy lugal, naku yan mallêngê sa kabiyasnan Arin Solomon. Amêsên, idi yaku baydi ya igit pun kan Arin Solomon nuwa a kaw kalabay mallêngê kangku. Kabay sa Allun Pangukum, midêng nga Reynan Sheba buy manuwat kamuyu.”


“Nu mag-awas ya nadawak ka ispiritu sa tawu, mibitabita ya sa mani kakyangan na lugal amên mangkap yan mapagpaynawan na. Nuwa nu ayin yan makitan, sabin na sa sarili nay, ‘Mag-udung ngaku tana sa tawuy ubatan ku.’ Buy nu niudung ngina, makitan nay ubatan na ya paran bali ya ayin nan manugêl, malinis buy nakakumpuni yana. Kabay magtas ya sa tawuy ubatan na. Nuwa sa pag-udung na, mamipikilaku yan pituy ispirituy luyang pun nadawak kana buy magsêdak sila sa tawun abitu. Kabay luyang pun dumawak ya kabilyan tawun abitu kaysa sa mana nan kabilyan. Para êt baysên na malyari sa mani nadawak ka tawu amêsên.”


Kaban magsabi pun si Jesus sa mani tawu, inlumatêng nga indu na buy mapatêl na. Nakaidêng sila sa lawasan gawan labay layan mapagkasabi. Dilag nagsabi kan Jesus, “Idi sa lawasan na indu mu buy mapatêl mu. Labay lakan mapagkasabi.”
Nakitbay si Jesus, “Sisabêt ta indu ku buy mapatêl ku?” Inturu nay mani tagasunul na buy sinabi na, “Ati ya mani indu ku buy mapatêl ku. Tagawan nu sisabêt man na manunul sa kalabayan Bapa kuy idi sa langit, sabay silay indu ku buy mapatêl ku.”

Слухайте Mateo 12