©Wycliffe Bible Translators, Inc. and © The Nigeria Bible Translation Trust 2018 ℗ 2022 Hosanna

Nya Huba

<div class="version vid2723 iso6393hbb" data-vid="2723" data-iso6393="hbb">
 <div class="book bkJHN">
 <div class="chapter ch10" data-usfm="JHN.10">
 <div class="label">10</div><div class="s">Ba'adar Nd&#601;r &#385;&#601;la ana K&#601;t&#601;ng Nyi</div><div class="p"> 1&#8220;Jiri yo d&#601;kar hi, nd&#601; nda a da t&#601; gwa ku chi&#595;i k&#601;t&#601;ng t&#601;wa nyavi wa, ya ng&#601; cha gwa t&#601;wa ngwa, nd&#601;r h&#601;l cha, nd&#601;r fa'avi ts&#601;u. 2Nd&#601; nda t&#601; gwa t&#601;wa nya chi&#595;i, nacha ng&#601; nd&#601;r &#595;&#601;la k&#601;t&#601;ng &#599;a. 3Nd&#601;r &#595;&#601;la nyavi kwa wuniya nyi nyavi n&#601; nd&#601;r &#595;&#601;la k&#601;t&#601;ng, k&#601;t&#601;ng ts&#601;u kwa s&#601;himi da kuraka cha, cho nga nda na tl&#601;m, cho d&#601;liya nda. 4Macha d&#601;liya nda, cho ma'i man&#601; nda, k&#601;t&#601;ng i kwa n&#601;u hi nyi, aka kwa z&#601;nd&#601; nda kuraka cha. 5A da nda kwa n&#601;u mihi&#595;i wa, k&#601;l nda ndo hwi tsa cha, aka a da nda kwa z&#601;nd&#601; kuraka cha wa.&#8221;</div><div class="p"> 6Yesu t&#601; m&#601;rt&#601; nda ng&#601;na ba'ada, ya a da nda ngabiya s&#601; nda cho d&#601;k&#601; n&#601; nda wa.</div><div class="s">Yesu ng&#601; Nd&#601;r &#385;&#601;la M&#601;nak&#601;u</div><div class="p"> 7Ng&#601; Yesu t&#601; nar nda s&#601;k&#601;u, &#8220;Jiri yo nar hi, Naya ng&#601; nyavi k&#601;t&#601;ng. 8D&#601;h&#601; nji'inda t&#601; shili t&#601;vi ya shili, njir h&#601;l inga ana njir fa'avi, k&#601;l ja, a k&#601;t&#601;ng da s&#601;himi da nda wa. 9Naya ng&#601; nyavi. Madawa t&#601; shili ga gwa t&#601;wa &#599;a cho uya mb&#601;&#599;a, aka cho gwa, cho biya ya cho uya b&#601;&#599;ak&#601; m&#601;nak&#601;u. 10Shilir nd&#601;r h&#601;l n&#601;nyi, k&#601;l aka h&#601;l, ana ts&#601;ya, ana aka s&#601;wandi. Naya, ya shili aka ga nda uya pi nda ba'anawa, ana nda uya nyi bwa&#595;&#601;u.&#8221;</div><div class="p"> 11&#8220;Naya ng&#601; nd&#601;r &#595;&#601;la m&#601;nak&#601;u, nd&#601;r &#595;&#601;la m&#601;nak&#601;u kwa s&#601;nda pya cha aka k&#601;t&#601;ng nyi. 12Nd&#601;r m&#601;r tl&#601;r waz&#601;ba n&#601;nyi, a da cha nd&#601;r &#595;&#601;la m&#601;nak&#601; wa, aka k&#601;t&#601;ng da n&#601;nyi wa, aka ma sakanda cha la'a ularvwa kwa shili cho hwi tanyi, k&#601;l ularvwa nda kwa gwa ku pama nda cho s&#601;ya alenyi, alenyi kwa wi&#599;a. 13Cho hwi tanyi aka tl&#601;r waz&#601;ba cho m&#601;ra, a cho &#599;&#601;ngha na k&#601;t&#601;ng wa. 14Naya ng&#601; nd&#601;r &#595;&#601;la m&#601;nak&#601;u. A kwa z&#601;nd&#601; ya na'a, na'a ts&#601;u kwa z&#601;nd&#601; &#599;a nda, 15Wi ng&#601; Ada kwa z&#601;nd&#601; &#599;a, &#601;ng&#601; tanyi ts&#601;u kwa z&#601;nd&#601; ya Ada, ana yo s&#601;nda pya ya ka k&#601;t&#601;ng inga. 16Alenya k&#601;t&#601;ng da tsa ya nda pa'a ta gwa ku chi&#595;i na, ya na'a nda. Tuku yo ts&#601;mt&#601; nda, aka ga nda s&#601;himi da kuraka ya, nda ngya ku chi&#595;i zhang, nd&#601;r &#595;&#601;la zhang. 17Ada kwa i &#599;a, aka yo s&#601;nda pya ya, ga ya &#595;&#601;la h&#601;t&#601; s&#601;k&#601;u. 18A nd&#601;r nau h&#601;biya pya yada wa k&#601;l nda na ikur &#599;a. Gyalkur s&#601;nda da tsa ya, ya gyalkur &#595;&#601;la h&#601;t&#601; da tsa ya. Na cha ng&#601; s&#601;nda Ada &#599;a nar &#599;a ya m&#601;ra.&#8221; </div><div class="p"> 19Aka &#595;wanya nga, k&#601;pal t&#601; gwa ku pama njir Yahuda s&#601;k&#601;u. 20&#394;ang ku pama nda t&#601; na, &#8220;M&#601;ll&#601;m ku k&#601;ra cha! Nacha gwa'at&#601; cho m&#601;r m&#601;ll&#601;mkur, mya gwa'at&#601; hyo s&#601;himi da cha?&#8221;</div><div class="p"> 21K&#601;l ja, alenya nji t&#601; na, &#8220;A da &#595;wanya nd&#601;r s&#601;u k&#601;r ng&#601; wa, kwa nau nd&#601;r m&#601;ll&#601;m wuniya lya nd&#601;r wul&#601;f&#601; ya?&#8221;</div><div class="s">Njir Yahuda t&#601; Ngyar Yesu</div><div class="p"> 22Nda b&#601;jir Lad&#601;r n&#601; Dz&#601;viya Mbwa'al&#601; Hyel vu Urshalima t&#601; shili, ya b&#601;jir fwak&#601;u. 23Yesu kwa zhuli ku pama Madl&#601;&#595;a Saloman anya nya Mbwa'al&#601; Hyel. 24Njir Yahuda inda t&#601; t&#601;yadz&#601;a, ga &#595;and&#601; nyi, ng&#601; nda nar nyi, &#8220;Ba'a sakamani ko ngya ea ku tar z&#601;nda? D&#601;kar ea jiri t&#601; babal, ma cha nak&#601; ng&#601; K&#601;risti?&#8221;</div><div class="p"> 25Ng&#601; Yesu t&#601; na, &#8220;A d&#601;kar hi t&#601; ya, ya a da hya na'a jiri wa. Tl&#601;r in&#601; yo m&#601;r na aku tl&#601;m&#601;r Ada &#599;a n&#601; yo m&#601;ra, nacha ng&#601; ts&#601;u kwa p&#601; jiri t&#601;k&#601;ra ya. 26A da hya kwa na'a jiri wa, aka a da hi k&#601;t&#601;ng &#599;a wa. 27K&#601;t&#601;ng &#599;a i kwa s&#601;himi da kuraka ya, kwa z&#601;nd&#601; &#599;a nda, nda kwa n&#601;u hi&#599;a ts&#601;u. 28Yo n&#601;nda pi nda ba'anawa, ya a da nda kwa ku&#599;&#601; pa'a wa. A nd&#601; da kwa nau dl&#601;uya nda ku cha ya wa. 29Ada &#599;a nda t&#601; na'a nda, a ndiya t&#601; d&#601;h&#601;u, ya a nd&#601; da kwa nau guts&#601;biya nda ku cha Ada &#599;a wa. 30Ada ana Naya zhang ea.&#8221;</div><div class="p"> 31Njir Yahuda t&#601; &#595;&#601;la fa'a hangu ka ga nda vak&#601; nyi ni. 32Ng&#601; Yesu t&#601; nar nda, &#8220;S&#601;shinshin wawa'a &#599;ang nda ya m&#601;r hya'at&#601; tsa Ada &#599;a ku pama hi, mi ng&#601; s&#601; zhang ku hu&#599;a nda nda hyo gwa'a vak&#601; &#599;a t&#601;k&#601;ra?&#8221;</div><div class="p"> 33Ng&#601; njir Yahuda inda t&#601; nar nyi, &#8220;A da ka s&#601; m&#601;nak&#601; nda ka m&#601;r ng&#601; eo gwa'a vak&#601; ngh&#601; wa, k&#601;l nda ka ko p&#601; &#595;wanya h&#601;yat&#601;vi, ko m&#601;m&#601;la k&#601;rngh&#601; na Hyel, ya jan k&#601; nd&#601; tanyi.&#8221;</div><div class="p"> 34Yesu t&#601; nar nda, &#8220;A ts&#601;f&#601;ts&#601;f&#601; nyi cha ku gadlagadla k&#601;hi ma, &#601;nda Hyel t&#601; na, &#8216;Nahi hyel hi.&#8217; 35Aka z&#601;nd&#601;t&#601; hi &#595;wanya nda ku likat&#601;kat&#601; da kwa nau &#595;&#601;lnda dz&#601; wa. Macha cho nga nji'inda &#595;wanya Hyel t&#601; shili da nda, &#8216;hyel i,&#8217; 36aman hyo na nacha nda Hyel na k&#601;rnyi t&#601; &#595;atliya ga s&#601;t&#601; shili t&#601; dun&#601;ya kwa ng&#601;l Hyel aka cha na naya Z&#601;r Hyel ya? 37Macha a da yo m&#601;r tl&#601;r nda Ada &#599;a kwa m&#601;r wa, ngwa hya da na'a jiri wa. 38K&#601;l ja, macha &#601;nga, mada a da hya na'a jiri wa, n&#601;nyi ma jiri n&#601; tl&#601;r inga, aka ga hya ngabiya ana hya z&#601;nd&#601; &#601;nda Ada aku ya cha, naya ts&#601;u aku cha ya.&#8221;</div><div class="p"> 39Ahir ng&#601; s&#601;k&#601;u, nda gwa'a laku aka ga nda s&#601;ya Yesu, k&#601;l ja, a da nda nau wa.</div><div class="p"> 40Ng&#601; Yesu t&#601; &#595;&#601;l tanyi biya tiya D&#601;l Urdun tangnda Yohana kwa &#599;aka m&#601;r ba&#595;tisma n&#601; nji ti, ga ngyata nyi. 41Nji &#599;ang t&#601; shili da cha, nda kwa na, &#8220;A Yohana da m&#601;r s&#601;shinshin wa, k&#601;l nda aku d&#601;h&#601; s&#601;nda cha d&#601;k&#601; t&#601;k&#601;ra nd&#601; na, jiri.&#8221; 42A tangnda nji &#599;ang t&#601; n&#601;nyi jiri n&#601; Yesu.</div>
 </div>
 </div>
</div>

“Jiri yo dəkar hi, ndə nda a da tə gwa ku chiɓi kətəng təwa nyavi wa, ya ngə cha gwa təwa ngwa, ndər həl cha, ndər fa'avi tsəu. Ndə nda tə gwa təwa nya chiɓi, nacha ngə ndər ɓəla kətəng ɗa. Ndər ɓəla nyavi kwa wuniya nyi nyavi nə ndər ɓəla kətəng, kətəng tsəu kwa səhimi da kuraka cha, cho nga nda na tləm, cho dəliya nda. Macha dəliya nda, cho ma'i manə nda, kətəng i kwa nəu hi nyi, aka kwa zəndə nda kuraka cha. A da nda kwa nəu mihiɓi wa, kəl nda ndo hwi tsa cha, aka a da nda kwa zəndə kuraka cha wa.”
Yesu tə mərtə nda ngəna ba'ada, ya a da nda ngabiya sə nda cho dəkə nə nda wa.

Ngə Yesu tə nar nda səkəu, “Jiri yo nar hi, Naya ngə nyavi kətəng. Dəhə nji'inda tə shili təvi ya shili, njir həl inga ana njir fa'avi, kəl ja, a kətəng da səhimi da nda wa. Naya ngə nyavi. Madawa tə shili ga gwa təwa ɗa cho uya mbəɗa, aka cho gwa, cho biya ya cho uya bəɗakə mənakəu. Shilir ndər həl nənyi, kəl aka həl, ana tsəya, ana aka səwandi. Naya, ya shili aka ga nda uya pi nda ba'anawa, ana nda uya nyi bwaɓəu.”
“Naya ngə ndər ɓəla mənakəu, ndər ɓəla mənakəu kwa sənda pya cha aka kətəng nyi. Ndər mər tlər wazəba nənyi, a da cha ndər ɓəla mənakə wa, aka kətəng da nənyi wa, aka ma sakanda cha la'a ularvwa kwa shili cho hwi tanyi, kəl ularvwa nda kwa gwa ku pama nda cho səya alenyi, alenyi kwa wiɗa. Cho hwi tanyi aka tlər wazəba cho məra, a cho ɗəngha na kətəng wa. Naya ngə ndər ɓəla mənakəu. A kwa zəndə ya na'a, na'a tsəu kwa zəndə ɗa nda, Wi ngə Ada kwa zəndə ɗa, əngə tanyi tsəu kwa zəndə ya Ada, ana yo sənda pya ya ka kətəng inga. Alenya kətəng da tsa ya nda pa'a ta gwa ku chiɓi na, ya na'a nda. Tuku yo tsəmtə nda, aka ga nda səhimi da kuraka ya, nda ngya ku chiɓi zhang, ndər ɓəla zhang. Ada kwa i ɗa, aka yo sənda pya ya, ga ya ɓəla hətə səkəu. A ndər nau həbiya pya yada wa kəl nda na ikur ɗa. Gyalkur sənda da tsa ya, ya gyalkur ɓəla hətə da tsa ya. Na cha ngə sənda Ada ɗa nar ɗa ya məra.”
Aka ɓwanya nga, kəpal tə gwa ku pama njir Yahuda səkəu. Ɗang ku pama nda tə na, “Məlləm ku kəra cha! Nacha gwa'atə cho mər məlləmkur, mya gwa'atə hyo səhimi da cha?”
Kəl ja, alenya nji tə na, “A da ɓwanya ndər səu kər ngə wa, kwa nau ndər məlləm wuniya lya ndər wuləfə ya?”

Nda bəjir Ladər nə Dzəviya Mbwa'alə Hyel vu Urshalima tə shili, ya bəjir fwakəu. Yesu kwa zhuli ku pama Madləɓa Saloman anya nya Mbwa'alə Hyel. Njir Yahuda inda tə təyadzəa, ga ɓandə nyi, ngə nda nar nyi, “Ba'a sakamani ko ngya ea ku tar zənda? Dəkar ea jiri tə babal, ma cha nakə ngə Kəristi?”
Ngə Yesu tə na, “A dəkar hi tə ya, ya a da hya na'a jiri wa. Tlər inə yo mər na aku tləmər Ada ɗa nə yo məra, nacha ngə tsəu kwa pə jiri təkəra ya. A da hya kwa na'a jiri wa, aka a da hi kətəng ɗa wa. Kətəng ɗa i kwa səhimi da kuraka ya, kwa zəndə ɗa nda, nda kwa nəu hiɗa tsəu. Yo nənda pi nda ba'anawa, ya a da nda kwa kuɗə pa'a wa. A ndə da kwa nau dləuya nda ku cha ya wa. Ada ɗa nda tə na'a nda, a ndiya tə dəhəu, ya a ndə da kwa nau gutsəbiya nda ku cha Ada ɗa wa. Ada ana Naya zhang ea.”
Njir Yahuda tə ɓəla fa'a hangu ka ga nda vakə nyi ni. Ngə Yesu tə nar nda, “Səshinshin wawa'a ɗang nda ya mər hya'atə tsa Ada ɗa ku pama hi, mi ngə sə zhang ku huɗa nda nda hyo gwa'a vakə ɗa təkəra?”
Ngə njir Yahuda inda tə nar nyi, “A da ka sə mənakə nda ka mər ngə eo gwa'a vakə nghə wa, kəl nda ka ko pə ɓwanya həyatəvi, ko məməla kərnghə na Hyel, ya jan kə ndə tanyi.”
Yesu tə nar nda, “A tsəfətsəfə nyi cha ku gadlagadla kəhi ma, ənda Hyel tə na, ‘Nahi hyel hi.’ Aka zəndətə hi ɓwanya nda ku likatəkatə da kwa nau ɓəlnda dzə wa. Macha cho nga nji'inda ɓwanya Hyel tə shili da nda, ‘hyel i,’ aman hyo na nacha nda Hyel na kərnyi tə ɓatliya ga sətə shili tə dunəya kwa ngəl Hyel aka cha na naya Zər Hyel ya? Macha a da yo mər tlər nda Ada ɗa kwa mər wa, ngwa hya da na'a jiri wa. Kəl ja, macha ənga, mada a da hya na'a jiri wa, nənyi ma jiri nə tlər inga, aka ga hya ngabiya ana hya zəndə ənda Ada aku ya cha, naya tsəu aku cha ya.”
Ahir ngə səkəu, nda gwa'a laku aka ga nda səya Yesu, kəl ja, a da nda nau wa.
Ngə Yesu tə ɓəl tanyi biya tiya Dəl Urdun tangnda Yohana kwa ɗaka mər baɓtisma nə nji ti, ga ngyata nyi. Nji ɗang tə shili da cha, nda kwa na, “A Yohana da mər səshinshin wa, kəl nda aku dəhə sənda cha dəkə təkəra ndə na, jiri.” A tangnda nji ɗang tə nənyi jiri nə Yesu.

Слухайте Yohana 10