<div class="version vid2720 iso6393wls" data-vid="2720" data-iso6393="wls">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="s">E Atua Sesu-Kilisito, te Folafola</div><div class="p"> 1I te kamataaga nee afio te Folafola, pea nee afio te Folafola mo te Atua, pea nee Atua te Folafola. 2Nee afio te Folafola i te kamataaga mo te Atua. 3Nee fai te u mea fuli e te Folafola, pea nee mole he mea i te u mea fuli nee fai nee mole fai hala mo ia. 4Ia ia nee i ai te mauli, pea ko te mauli ko te malama ia o te u tagata. 5Nee ulo te malama i te kau fakapouli, pea nee mole tali ia e te kau fakapouli.</div><div class="p"> 6Nee i ai leva he tagata nee fekaui mai e te Atua: ko tona higoa ko Soane. 7Nee hau leva ia ko he tagata fakamooni, ke fakamooni ki te malama, o tupu ke tui te tagata fuli pe kia ia. 8Nee mole ko ia ko te malama mooni, kae nee ha leva ia ke fakamooni ki te malama. 9Ko te malama aena ko te malama mooni ia, ae nee hau ki te malamanei, ke ina fakamalamai te tagata fuli pe. 10Nee nofo ia i te malamanei, pea ko te malamanei nee fakatupu e te malama, kae nee mole pe iloi te malama e te malamanei. 11Nee hau te malama ki tana hahai, kae nee mole tali te malama e tana hahai. 12Kae kia natou fuli nee natou tali te malama, kia natou e natou tui ki tona huafa, nee foaki e te malama te malohi ke natou liliu ko te u fanau a te Atua. 13Kia natou aia, nee mole natou tupu mai te toto, pee mai te finegalo o te kakano, pee mai te finegalo o te tagata, kae mai te Atua.</div><div class="p"> 14Pea nee tupu kakano te Folafola, pea nee nofo ia mo matou, ko te katoa o te kalasia mo te mooni; pea nee matou mamata ki tona kololia, ko he kololia o hage ko te kololia o te Alo ulutokotahi nee hau mai te Tamai.</div><div class="s">Fakamooni a Soane-Patita kia Sesu</div><div class="p"> 15Nee fakamooni ia Soane kia ia, o kalaga: Koeni ia ia ae nee au palalau atu ki ai: Ko ia ae e muli mai ia te au nee muamua ia ia te au, koteuhi nee mua ia ia te au. 16Pea kua matou tali fuli mai tona fonu katoa, pea ko te kalasia ki te kalasia; 17koteuhi nee foaki mai te lao e Moisese, nee hau te kalasia mo te mooni ia Sesu-Kilisito. 18Nee heeki he tahi kua sio i he aho ki te Atua; ko te Atua te Alo ulutokotahi, ae e nofo i te fatafata o te Tamai, ko ia ae nee ina fakaha ia ia.</div><div class="p"> 19Koeni te fakamooni a Soane, i te temi nee fekaui age ai kia te ia e te kau Sutea mai Selusalemi ni tagata faisakilifisio mo ni Levita*, ke fehui kia ia: Ko ai ia koe? 20Nee ina tala fakamalohi leva, o mole toe fakameamea, pea nee ina fakamooni nee mole ko Kilisito ia ia.</div><div class="p"> 21Pea nee natou fehui leva kia ia: Kotea koa ia? Pe ko Elia ia koe? Pea nee ina ui leva: E mole ko Elia au. Pe ko te polofeta koe? Pea nee ina tali leva: Kailoa. 22Pea nee natou ui leva kia ia: Ko ai ia koe? O tupu ke matou tuku he tali kia natou ae nee natou fekaui mai matou. Kotea tau ui kia koe totonu? 23Nee ui leva e Soane: Ko au ko te leo o ia ae e kalaga i te toafa:</div><div class="q"> Koutou fakatokatoka te ala o te Aliki,</div><div class="m">o hage ko te ui a te polofeta ko Esaia. 24Ko natou ae nee fekaui nee ko he kau faliseo. 25Nee natou toe fai foki kia ia te fehui aeni: Kotea te tupuaga o tau faipapitema, mo kapau e mole ko Kilisito ia koe, pee ko Elia, pee ko te polofeta? 26Nee tali leva e Soane kia natou: Ko au, e au faipapitema i te vai, kae i te lotolotoga o koutou e i ai he tahi e mole kotou iloi, ae e hau i oku muli; 27e mole pe au gali i te vevete o te u nonoo o ona sulie. 28Nee hoko leva te u mea aeni i Petania, i te tafaaki o te Solotane, ae nee faipapitema ai Soane.</div><div class="b"></div><div class="p"> 29I te aho ake, nee sio leva ia Soane kia Sesu e hau kia ia, pea nee ina ui leva: Koeni te akeno o te Atua, ae e ina fakamolemole te agahala a te malamanei. 30Ko ia ae nee au palalau atu ki ai: E hau he tagata i oku muli ae nee muamua ia ia te au, koteuhi nee mua ia ia te au. 31Nee mole au iloi ia, kae o tupu ke fakaha ia ki Iselaele, ko ia nee au hau ai o faipapitema i te vai. 32Nee fai leva e Soane te fakamooni aeni: Nee au sio ki te Laumalie nee hifo mai lagi o hage ko he lupe o tuu ia te ia. 33Nee mole au iloi ia ia, kae ko ae nee ina fekaui mai au ke faipapitema i te vai, nee ina ui mai kia au: Ko ae e ke sio anai e hifo ki ai te Laumalie o tuu ia te ia, e ko ia ae e faipapitema i te Laumalie Maonioni. 34Pea nee au sio, pea nee au fakamooni e ko ia te Alo o te Atua.</div><div class="s">Uluaki tisipulo a Sesu</div><div class="p"> 35I te aho ake, nee kei nofo ia Soane i te kogamea aena, mo he toko lua o ana tisipulo; 36pea, i tana sio kia Sesu nee fakalaka, nee ina ui leva: Koena te akeno a te Atua. 37Nee logo leva te u tisipulo e toko lua ki tana palalau, pea nee na mulimuli leva ia Sesu. 38Nee mafuli leva ia Sesu, pea, i tana sio ki tana mulimuli age ia te ia, nee ina ui age leva kia naua: Kotea e kolua kumi? Nee na tali leva: Rabbi, ko tona uhiga, Pule e ke nofo i fea? 39Nee ui leva e Sesu kia naua: Kolua omai, pea kolua sisio. Nee na olo leva, pea nee na sisio leva i te kogamea nee nofo ai ia; pea nee na nonofo leva mo ia i te aho aena. Ko te hola fa ape aia o te hili hoata.</div><div class="b"></div><div class="p"> 40Ko Atelea, te tehina o Simone Petelo, ko he tahi o naua aia nee logo ki te u palalau a Soane, pea nee na mulimuli ia Sesu. 41Ko ia foki ae nee uluaki felavei mo tona tehina ko Simone, pea nee ui leva kia ia: Kua ma mau te Mesia (ko tona uhiga, te Kilisito). 42Pea nee ina taki leva ia kia Sesu. I te sio a Sesu kia ia, nee ina ui leva: Ko koe ko Simone, foha o Sonasi, e fakahigoa anai koe ko Kefasi (ko tona uhiga ko Maka, Petelo).</div><div class="p"> 43I te aho ake, nee loto leva Sesu ke alu ki Kalilea, pea nee felavei leva ia mo Filipo. Pea nee ina ui leva kia ia: Mulimuli mai ia te au. 44Nee hau ia Filipo mai Petesaita, mai te kolo o Atelea mo Petelo.</div><div class="p"> 45Nee felavei leva ia Filipo mo Natanaele, pea nee ina ui leva kia ia: Kua matou mau ia ae nee tohi ki ai e Moisese mo te kau polofeta, ko Sesu mai Nasaleti, foha o Sosefo. 46Nee ui leva e Natanaele kia Filipo: Pe e feala ke hau he mea e lelei mai Nasaleti? Nee tali leva e Filipo kia ia: Hau, o sio. 47I te sio a Sesu ki te alu age a Natanaele kia ia, nee ina ui leva o uhiga mo ia: Koeni he tagata Iselaele mooni, e mole pe mau he kaka ia ia. 48Nee ui leva e Natanaele kia ia: E ke iloi au mai fea? Nee tali leva e Sesu kia ia: I mua o tou paui e Filipo, kae kei ke nofo i lalo o te fiki, nee au sio kia koe. 49Nee tali leva e Natanaele, o ui: Pule, ko koe ko te Alo mooni o te Atua, ko te hau o Iselaele. 50Nee tali leva e Sesu kia ia: E ke tui, koteuhi nee au ui atu kia koe nee au sio kia koe i lalo o te fiki; e ke sio anai ki ni u mea lalahi age i te u mea aeni. 51Pea nee ui leva e Sesu kia ia: E mooni, e mooni, e kotou sisio anai ki te ava o te lagi, pea mo te kau aselo a te Atua e natou hake mo hifo i oluga o te Foha o te tagata.</div>
 </div>
 </div>
</div>

© 2011, Eglise évangélique, chez Lotoato Logote Hihifo, Vaitupu, Wallis  Les droits sont administrés par Midi Bible, une branche de la Société Biblique de Genève Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland 

I te kamataaga nee afio te Folafola, pea nee afio te Folafola mo te Atua, pea nee Atua te Folafola. Nee afio te Folafola i te kamataaga mo te Atua. Nee fai te u mea fuli e te Folafola, pea nee mole he mea i te u mea fuli nee fai nee mole fai hala mo ia. Ia ia nee i ai te mauli, pea ko te mauli ko te malama ia o te u tagata. Nee ulo te malama i te kau fakapouli, pea nee mole tali ia e te kau fakapouli.
Nee i ai leva he tagata nee fekaui mai e te Atua: ko tona higoa ko Soane. Nee hau leva ia ko he tagata fakamooni, ke fakamooni ki te malama, o tupu ke tui te tagata fuli pe kia ia. Nee mole ko ia ko te malama mooni, kae nee ha leva ia ke fakamooni ki te malama. Ko te malama aena ko te malama mooni ia, ae nee hau ki te malamanei, ke ina fakamalamai te tagata fuli pe. Nee nofo ia i te malamanei, pea ko te malamanei nee fakatupu e te malama, kae nee mole pe iloi te malama e te malamanei. Nee hau te malama ki tana hahai, kae nee mole tali te malama e tana hahai. Kae kia natou fuli nee natou tali te malama, kia natou e natou tui ki tona huafa, nee foaki e te malama te malohi ke natou liliu ko te u fanau a te Atua. Kia natou aia, nee mole natou tupu mai te toto, pee mai te finegalo o te kakano, pee mai te finegalo o te tagata, kae mai te Atua.
Pea nee tupu kakano te Folafola, pea nee nofo ia mo matou, ko te katoa o te kalasia mo te mooni; pea nee matou mamata ki tona kololia, ko he kololia o hage ko te kololia o te Alo ulutokotahi nee hau mai te Tamai.

Nee fakamooni ia Soane kia ia, o kalaga: Koeni ia ia ae nee au palalau atu ki ai: Ko ia ae e muli mai ia te au nee muamua ia ia te au, koteuhi nee mua ia ia te au. Pea kua matou tali fuli mai tona fonu katoa, pea ko te kalasia ki te kalasia; koteuhi nee foaki mai te lao e Moisese, nee hau te kalasia mo te mooni ia Sesu-Kilisito. Nee heeki he tahi kua sio i he aho ki te Atua; ko te Atua te Alo ulutokotahi, ae e nofo i te fatafata o te Tamai, ko ia ae nee ina fakaha ia ia.
Koeni te fakamooni a Soane, i te temi nee fekaui age ai kia te ia e te kau Sutea mai Selusalemi ni tagata faisakilifisio mo ni Levita*, ke fehui kia ia: Ko ai ia koe? Nee ina tala fakamalohi leva, o mole toe fakameamea, pea nee ina fakamooni nee mole ko Kilisito ia ia.
Pea nee natou fehui leva kia ia: Kotea koa ia? Pe ko Elia ia koe? Pea nee ina ui leva: E mole ko Elia au. Pe ko te polofeta koe? Pea nee ina tali leva: Kailoa. Pea nee natou ui leva kia ia: Ko ai ia koe? O tupu ke matou tuku he tali kia natou ae nee natou fekaui mai matou. Kotea tau ui kia koe totonu? Nee ui leva e Soane: Ko au ko te leo o ia ae e kalaga i te toafa:
Koutou fakatokatoka te ala o te Aliki,
o hage ko te ui a te polofeta ko Esaia. Ko natou ae nee fekaui nee ko he kau faliseo. Nee natou toe fai foki kia ia te fehui aeni: Kotea te tupuaga o tau faipapitema, mo kapau e mole ko Kilisito ia koe, pee ko Elia, pee ko te polofeta? Nee tali leva e Soane kia natou: Ko au, e au faipapitema i te vai, kae i te lotolotoga o koutou e i ai he tahi e mole kotou iloi, ae e hau i oku muli; e mole pe au gali i te vevete o te u nonoo o ona sulie. Nee hoko leva te u mea aeni i Petania, i te tafaaki o te Solotane, ae nee faipapitema ai Soane.

I te aho ake, nee sio leva ia Soane kia Sesu e hau kia ia, pea nee ina ui leva: Koeni te akeno o te Atua, ae e ina fakamolemole te agahala a te malamanei. Ko ia ae nee au palalau atu ki ai: E hau he tagata i oku muli ae nee muamua ia ia te au, koteuhi nee mua ia ia te au. Nee mole au iloi ia, kae o tupu ke fakaha ia ki Iselaele, ko ia nee au hau ai o faipapitema i te vai. Nee fai leva e Soane te fakamooni aeni: Nee au sio ki te Laumalie nee hifo mai lagi o hage ko he lupe o tuu ia te ia. Nee mole au iloi ia ia, kae ko ae nee ina fekaui mai au ke faipapitema i te vai, nee ina ui mai kia au: Ko ae e ke sio anai e hifo ki ai te Laumalie o tuu ia te ia, e ko ia ae e faipapitema i te Laumalie Maonioni. Pea nee au sio, pea nee au fakamooni e ko ia te Alo o te Atua.

I te aho ake, nee kei nofo ia Soane i te kogamea aena, mo he toko lua o ana tisipulo; pea, i tana sio kia Sesu nee fakalaka, nee ina ui leva: Koena te akeno a te Atua. Nee logo leva te u tisipulo e toko lua ki tana palalau, pea nee na mulimuli leva ia Sesu. Nee mafuli leva ia Sesu, pea, i tana sio ki tana mulimuli age ia te ia, nee ina ui age leva kia naua: Kotea e kolua kumi? Nee na tali leva: Rabbi, ko tona uhiga, Pule e ke nofo i fea? Nee ui leva e Sesu kia naua: Kolua omai, pea kolua sisio. Nee na olo leva, pea nee na sisio leva i te kogamea nee nofo ai ia; pea nee na nonofo leva mo ia i te aho aena. Ko te hola fa ape aia o te hili hoata.

Ko Atelea, te tehina o Simone Petelo, ko he tahi o naua aia nee logo ki te u palalau a Soane, pea nee na mulimuli ia Sesu. Ko ia foki ae nee uluaki felavei mo tona tehina ko Simone, pea nee ui leva kia ia: Kua ma mau te Mesia (ko tona uhiga, te Kilisito). Pea nee ina taki leva ia kia Sesu. I te sio a Sesu kia ia, nee ina ui leva: Ko koe ko Simone, foha o Sonasi, e fakahigoa anai koe ko Kefasi (ko tona uhiga ko Maka, Petelo).
I te aho ake, nee loto leva Sesu ke alu ki Kalilea, pea nee felavei leva ia mo Filipo. Pea nee ina ui leva kia ia: Mulimuli mai ia te au. Nee hau ia Filipo mai Petesaita, mai te kolo o Atelea mo Petelo.
Nee felavei leva ia Filipo mo Natanaele, pea nee ina ui leva kia ia: Kua matou mau ia ae nee tohi ki ai e Moisese mo te kau polofeta, ko Sesu mai Nasaleti, foha o Sosefo. Nee ui leva e Natanaele kia Filipo: Pe e feala ke hau he mea e lelei mai Nasaleti? Nee tali leva e Filipo kia ia: Hau, o sio. I te sio a Sesu ki te alu age a Natanaele kia ia, nee ina ui leva o uhiga mo ia: Koeni he tagata Iselaele mooni, e mole pe mau he kaka ia ia. Nee ui leva e Natanaele kia ia: E ke iloi au mai fea? Nee tali leva e Sesu kia ia: I mua o tou paui e Filipo, kae kei ke nofo i lalo o te fiki, nee au sio kia koe. Nee tali leva e Natanaele, o ui: Pule, ko koe ko te Alo mooni o te Atua, ko te hau o Iselaele. Nee tali leva e Sesu kia ia: E ke tui, koteuhi nee au ui atu kia koe nee au sio kia koe i lalo o te fiki; e ke sio anai ki ni u mea lalahi age i te u mea aeni. Pea nee ui leva e Sesu kia ia: E mooni, e mooni, e kotou sisio anai ki te ava o te lagi, pea mo te kau aselo a te Atua e natou hake mo hifo i oluga o te Foha o te tagata.

Слухайте EVASELIO A SOANE 1