If you have would like a copy of this version please contact info@davarpartners.com

The Lusamia-Lugwe Bible

<div class="version vid2366 iso6393lsm" data-vid="2366" data-iso6393="lsm">
 <div class="book bkJHN">
 <div class="chapter ch15" data-usfm="JHN.15">
 <div class="label">15</div><div class="s">Yesu niye omusabbiibbu kwadyeeri</div><div class="p"> 1&#8220;Ese ndi omusabbiibbu kwadyeeri, Laata niye omulimi. 2Buli saga eliri hweese elitaamaho ebyaamo alyaakulaangaho, nae buli saga lyaamaho ebyaamo alihaliirira hu linyale ohwemeeda ohwaamaho ebyaamo biingi. 3Bulaanu eng'we mwamala ohulaswa hulw'emboosi chi mbabooleere. 4Mudoong'e mweese, haandi syesi ndoong'e mweeng'we. Koti lu saga litanyala ohwaama ebyaamo hulwalyo lyoong'ene nilitaali hu musabbiibbu, nilwo lu mwesi mutanyala ohwaama ebyaamo, nimutaali mweese. 5Ese ndi omusabbiibbu, eng'we niing'we amasaga. Oyo oba mweese, mani syesi ndaamubaamo, niye owaama ebyaamo biingi, olwohuba siwumao si munyala ohuhola nitaali naang'we. 6Oyo otali mweese, yahasukunwe erwaanyi koti esaga mani yoomerera. Amasaga kali katyo, kabuuswaangwa alala mani kasukunwa mu muliro, kasaambwa. 7Nimuba mweese, haandi emboosi chaange chosi chaababaamo, musabeenge esiindu syoosi si mudaha, mani sichia ohubaholerwaanga. 8Nimwaama ebyaamo biingi, mani mweekesa muti muli abeeki baange badyeeri, Laata achia ohunyoola oluyaali. 9Koti lu Laata yaaheera, nilwo lu syesi ndabaheera. Mubecheenge mu buheeri bwaange. 10Nimudiira amalako kaange, munabechaanga mu buheeri bwaange, koti lu syesi ndiira amalako ka Laata, mani ndaaba mu buheeri bwae. 11Mbabooleere ebyohu sangaalo lyaange linyale ohuba mweeng'we, haandi hu sangaalo lyeeng'we linyale ohuba eliichufu.</div><div class="p"> 12 # 
 Yow 13:34; 15:17; 1 Yow 3:23; 2 Yow 1:5. &#8220;Elako lyaange nilyo lino, muheeraneenge abeene-na-beene, koti lu ese ndabaheera. 13Abulao oli neende obuheeri buhira obw'oyo owayaanayo obulamu bwae hulw'aabo ba yaheera. 14Eng'we muli abeecha baange nimuhola bi mbalagira. 15Ese haba sisiibalaanga abahalaabani daawe, #15:15 abahalaabani: oba &#8216;abayiike&#8217; olwohuba omuhalaabani #15:15 omuhalaabani: oba &#8216;omuyiike&#8217; haba saamanyire bi mwaami wae adaha. Nae mbalaanga abeecha baange, olwohuba ebyo byoosi bi ndawulira ohutula eyiri Laata, ndabeekesa mwaabimanya. 16Haba siniing'we abandoola daawe, nae ese niise owabadoola haandi ndabatuma endi muchie mwaame ebyaamo, haandi endi ebyaamo byeeng'we biyiindire. Mani buli siindu syoosi si munaasabeenge Laata mu liita lyaange, achia ohusibaberesaanga. 17Mbalagira sino endi muheeraneenge abeene-na-beene.</div><div class="s">Ohusyuula hw'esyaalo</div><div class="p"> 18&#8220;Esyaalo nisibasyuulaanga, mumanyeenge muti syataangira ohuusyuula nisisisiiri ohubasyuula. 19Muba nimuli abohu syaalo huno, esyaalo syahabaheerere koti abasyo. Nae olwohuba ese ndabadoola, haba simuli abohu syaalo daawe. Sakira esyaalo sibasyuula. 20#Mat 10:24; Luk 6:40; Yow 13:16. Mwiichuliseho emboosi yi ndababoolera endi, &#8216;Omuhalaabani #15:20 Omuhalaabani: oba &#8216;omuyiike&#8217; haba saahira omwaami wae.&#8217; Nikali mbwe baasaandya, mwesi bachia ohubasaandya. Nikali mbwe badiira emboosi chaange, bachia ohudiiraanga echeeng'we chosi. 21Nae ebyo byoosi bachia ohubiholaanga hulwaange, olwohuba owaanduma haba sibamumanyire daawe. 22Mba nindahaya ohwiicha ndaababoolera, haba sibahabeere neende esyonoono daawe. Nae bulaanu sibulao esibamalaho omusaango kw'esyonoono syaabwe. 23Oyo owusyuula, asyuula neende Laata yesi. 24Mba nitabaholeramo ebiholwa biholwaanga neende omuundu wuundi, haba sibahabeere neende esyonoono daawe. Nae bulaanu babibweene, mani nibasyuula, ese neende Laata. 25#Sab 35:19; 69:4. Nae esyandiikwa mu malako kaabwe siti, &#8216;Baasyuula ataali esifune&#8217;, sy'ohwoosereswa. 26Nindahachie eyiri Laata, njia ohubatumira Omukeraki, niye Mwooyo w'obwadyeeri, otula mu Laata. Oyo niyaheechie, niye owaheekese ebindiiraho. 27Haandi eng'we mwesi muli abaloli baange, olwohuba mubeere naange ohutula hu njaako.</div>
 </div>
 </div>
</div>

©Bible Society of Kenya, 2019 ©Bible Society of Uganda, 2019

“Ese ndi omusabbiibbu kwadyeeri, Laata niye omulimi. Buli saga eliri hweese elitaamaho ebyaamo alyaakulaangaho, nae buli saga lyaamaho ebyaamo alihaliirira hu linyale ohwemeeda ohwaamaho ebyaamo biingi. Bulaanu eng'we mwamala ohulaswa hulw'emboosi chi mbabooleere. Mudoong'e mweese, haandi syesi ndoong'e mweeng'we. Koti lu saga litanyala ohwaama ebyaamo hulwalyo lyoong'ene nilitaali hu musabbiibbu, nilwo lu mwesi mutanyala ohwaama ebyaamo, nimutaali mweese. Ese ndi omusabbiibbu, eng'we niing'we amasaga. Oyo oba mweese, mani syesi ndaamubaamo, niye owaama ebyaamo biingi, olwohuba siwumao si munyala ohuhola nitaali naang'we. Oyo otali mweese, yahasukunwe erwaanyi koti esaga mani yoomerera. Amasaga kali katyo, kabuuswaangwa alala mani kasukunwa mu muliro, kasaambwa. Nimuba mweese, haandi emboosi chaange chosi chaababaamo, musabeenge esiindu syoosi si mudaha, mani sichia ohubaholerwaanga. Nimwaama ebyaamo biingi, mani mweekesa muti muli abeeki baange badyeeri, Laata achia ohunyoola oluyaali. Koti lu Laata yaaheera, nilwo lu syesi ndabaheera. Mubecheenge mu buheeri bwaange. Nimudiira amalako kaange, munabechaanga mu buheeri bwaange, koti lu syesi ndiira amalako ka Laata, mani ndaaba mu buheeri bwae. Mbabooleere ebyohu sangaalo lyaange linyale ohuba mweeng'we, haandi hu sangaalo lyeeng'we linyale ohuba eliichufu.
“Elako lyaange nilyo lino, muheeraneenge abeene-na-beene, koti lu ese ndabaheera. Abulao oli neende obuheeri buhira obw'oyo owayaanayo obulamu bwae hulw'aabo ba yaheera. Eng'we muli abeecha baange nimuhola bi mbalagira. Ese haba sisiibalaanga abahalaabani daawe, olwohuba omuhalaabani haba saamanyire bi mwaami wae adaha. Nae mbalaanga abeecha baange, olwohuba ebyo byoosi bi ndawulira ohutula eyiri Laata, ndabeekesa mwaabimanya. Haba siniing'we abandoola daawe, nae ese niise owabadoola haandi ndabatuma endi muchie mwaame ebyaamo, haandi endi ebyaamo byeeng'we biyiindire. Mani buli siindu syoosi si munaasabeenge Laata mu liita lyaange, achia ohusibaberesaanga. Mbalagira sino endi muheeraneenge abeene-na-beene.

“Esyaalo nisibasyuulaanga, mumanyeenge muti syataangira ohuusyuula nisisisiiri ohubasyuula. Muba nimuli abohu syaalo huno, esyaalo syahabaheerere koti abasyo. Nae olwohuba ese ndabadoola, haba simuli abohu syaalo daawe. Sakira esyaalo sibasyuula. Mwiichuliseho emboosi yi ndababoolera endi, ‘Omuhalaabani haba saahira omwaami wae.’ Nikali mbwe baasaandya, mwesi bachia ohubasaandya. Nikali mbwe badiira emboosi chaange, bachia ohudiiraanga echeeng'we chosi. Nae ebyo byoosi bachia ohubiholaanga hulwaange, olwohuba owaanduma haba sibamumanyire daawe. Mba nindahaya ohwiicha ndaababoolera, haba sibahabeere neende esyonoono daawe. Nae bulaanu sibulao esibamalaho omusaango kw'esyonoono syaabwe. Oyo owusyuula, asyuula neende Laata yesi. Mba nitabaholeramo ebiholwa biholwaanga neende omuundu wuundi, haba sibahabeere neende esyonoono daawe. Nae bulaanu babibweene, mani nibasyuula, ese neende Laata. Nae esyandiikwa mu malako kaabwe siti, ‘Baasyuula ataali esifune’, sy'ohwoosereswa. Nindahachie eyiri Laata, njia ohubatumira Omukeraki, niye Mwooyo w'obwadyeeri, otula mu Laata. Oyo niyaheechie, niye owaheekese ebindiiraho. Haandi eng'we mwesi muli abaloli baange, olwohuba mubeere naange ohutula hu njaako.

Слухайте Yowaana 15