Burunge: Ila⁄imbidu Gu ⁄abu hari Burungaisoo (Bible)

Ila⁄imbidu Gu  ⁄abu hari Burungaisoo

<div class="version vid2304 iso6393bds" data-vid="2304" data-iso6393="bds">
 <div class="book bkMAT">
 <div class="chapter ch11" data-usfm="MAT.11">
 <div class="label">11</div><div class="s1">Yeesu haa Yohaana Hiinunqudimiisay</div><div class="r">(Luuka 7:18-35)</div><div class="p"> 1Yeesu giyaa ilii hhe&#42892;esi coco&#42892;omoo ilakaawatee daqa sirakoomiisee dosi da mibi haa cada, yaa waaudi te&#42892;esaa, gi caacaahhamisu kay haa gi kakaaru kay yaamu wakinay gu hhapeteesii.</div><div class="p"> 2Yohaana Hiinunqudimiisay giyaa ilii jeerage wane, yaa akhasi gimbakee daa yondimaamidiye ha Kristu.#11:2 Kristu: Ti&#42892;ii umaki Kristu hari Yunaanaisoo na Masiiya, ma&#42892;aana dosi na Daa maakhi du&#8260;iya. Teesaaqay, ina gi ya&#8260;abi sirakoomiisee dosi daqa Kristuge, 3magu maasiri ina tuba, &#8220;Ugu na inaa Masiiya gwaa khakhaakhawa baku waku guni baqadana?&#8221;</div><div class="p"> 4Yeesu gi ilaki&#8260;isi inay tuba, &#8220;Taa&#8260;amida ki&#8260;a, la kaaday sa Yohaana gimba ga akhaakhamisidee haa ga ariirintee. 5Hida gwaa ilaa hhamaahhamee khu&#42892;uu&#42892;unay, gwaa ye&#42892;eeroo tlakwaakwawee khociicinay, gu koomee buubaa digi ilabuslaaslidi, qapanimai&#297; akhaakhamisiyayi, gwaa kaka&#8260;ee digi slafimaamisi haa kwaeeli sigi kakaakana Gimba gu Hhou. 6Kara dugwaa &#8260;aafi ha Iliitleemu heedika&#42892;a go&#243;ba mawaraa &#8260;imbaraa ana.&#8221;</div><div class="p"> 7Qariqaaqari sirakoomiisee da Yohaana giyaa ilii waaudiri, Yeesu gi tlaatleesi coco&#42892;omoo daqa raqa da hidage gimba gu Yohaana. Ina gi kaay tuba, &#8220;Ilahudeesa, unkuray gaa ilii hada kaydiri kongoqomeege, ma antiri Yohaana, haa mala sla&#42892;aday arimaa? Ti cikwahhagoo do&#243; rinqirinqimisiye ha caaqwa? 8Bere teesaaqay gooba, ha&#227; mala arimaa kaydiri? Heedi gwaa daamisugoo qayroo gu hhoii? Teesaaqay gooba, hida go&#243; daamisee qayroo daa kirigi hari peesay wa&#8260;a, inay yo&#243;ti ibiidiyay maraai gu watemige! 9Inkoo, ha&#227; mala arimaa kaydiri? Tletimiisay goo? Gu lou! Unkuray sangu kaawa ambee, Yohaana guti didiru ba&#8260;ay da tletimiisay see. 10Heediki na hikira daa handikimi Handikaa da Iliitleemuge tuba,</div><div class="q1">&#8216;Yu&#42892;udiyaa, ana ya&#8260;aba ya&#8260;abimiisay goy,</div><div class="q2">ina sugu giyaadi, ma hiina&#42892;a kay amoo sa ugu.&#8217;#Yu&#42892;udii kitaabuu gu Malaaki 3:1.</div><div class="p"> 11Gu lou, ana sangu kaawa unkuray ambee, &#8216;Tla&#8260;a&#227; gu hida sliimaage daa laqwali hhaku gu didiru da Yohaana Hiinunqudimiisay gooay. Teesaaqay see, heedika&#42892;a do&#243; faadiye gu coko&#8260;o loi Tawaaloo da rawaa gu rawge guti didiru ba&#8260;ay da Yohaana.&#8217; 12Tlaatleesi qatlayka&#42892;aa gu Yohaana Hiinunqudimiisay giyaa ilii kakaami letuti naqatloo, Tawaaloo da rawaa gu raw dago&#243;ti ilii tla&#42892;adi hari khisla. Kara, hida gu koomee &#8260;uuru yo&#243;ti koimisiyay hii&#8260;utlaraa tawaalotee hari &#8260;uuru.#11:12 Hari ilakeesa waka, Tlaatleesi qatlayka&#42892;aa gu Yohaana Hiinunqudimiisay giyaa ilii kakaami letuti naqatloo, Tawaaloo da rawaa gu raw dago&#243;ti pandaa khu&#42892;umisi hari &#8260;uuru. Kara, hida gu koome &#8260;uuru yo&#243;tii &#8260;utliyay tawaalotee. 13Caacaahhamisu go&#245; gu tletimiisee haa sariyaa da Musaa dagaa kakaami qatlayka&#42892;a naqatloo gu Yohaana. 14Bere unkuray sla&#42892;aday &#8260;imba gimbaki, Yohaana na Eliyaa pahha hi&#297; khawaraa dosi daa tletimi.#Yu&#42892;udii kitaabuu gu Malaaki 4:5. 15Ina gu kooma eaa, akhasiye nara&#42892;a gimbaki!</div><div class="p"> 16Laqwaloti da inkoo, hanguri idoo mala gooay ila&#42892;aa&#42892;aatisa? Inay ti daaqay hhaka&#42892;a pahha go&#243; ibiidee sokooniige, tay tooinaa eteedinay danaee koina tuba,</div><div class="q1"> 17&#8216;Sangwaa hiifahhani firimbii,</div><div class="q2">haa seehhusidiriiba!</div><div class="q1">Sangwaa raa&#42892;ani raa&#42892;amee da gaiidimoo,</div><div class="q2">haa &#8260;aa&#8260;adiriiba!&#8217;</div><div class="p"> 18Yohaana Hiinunqudimiisay yaa khay, yaa &#8260;agiiginaaba mukaate ma kitahhu see difaay. Teesaaqay see, inay gi kaayri tuba, &#8216;Dugwaa ilii khaabaa&#42892;adi ha gieeri.&#8217; 19Nanku Heedi yaani khay, ina &#8260;agiigina haa kitahhaahhana, inay gi kaayri tuba, &#8216;Yu&#42892;udiyaa, hheehhiisayki haa oonimiisay, dana&#42892;a gu karaanimai&#297; go&#243; hiikurunkurimee koodi haa gu hida gu koomee tlakwaroo!&#8217; Teesaaqay see, waaway gu Iliitleemu dugu&#361; ilatahhi tuba, guti lou hari amoo da yondu gosi.&#8221;</div><div class="s1">Yeesu hukuruu gu hida gu yaamu sliimaa &#8260;&#8260; gwaa siee &#8260;imbaraa ina</div><div class="r">(Luuka 10:13-15)</div><div class="p"> 20Da hhe&#42892;esi, Yeesu gi tlaatleesi ilii&#8260;oo&#8260;a yaamu hhakee, giyaa ilii yondiidi yondu wa&#8260;a gu denu gwaa baka&#42892;asu hida. Yaa teesaaqay laqi, sa gimba yaamu hhakee yaa hiifookidiriiba daqa Iliitleemuge tlakwaroo dooinaa. 21Ina gi kaay tuba, &#8220;Hoo antayi, unkuray hida gu yaamu gu Korasiini haa hida gu yaamu gu Betisayda! Yondu gu denu daa yondiidi gwaa baka&#42892;asu hida, bere dugwaati aloo yondiida yaamu gu Tiiroge haa Sidooni, hida gu yaamu hhakee yaa aloo hiifookidiyay daqa Iliitleemuge tlakwaroo dooinaa gu segi. Inay yaa aloo teesaaqay laqiyay, tay hi&#297; tooinaa daamisiri guniyayuu haa gi ibiidiyay &#8260;urage. 22Inkoo, sangu kaawa unkuray ambee, baloo Iliitleemu gimaa ilii hukune khooroo, unkuray &#8260;agitiru googuna gumaa dihhu ba&#8260;ay da hikee see gu hida gu Tiiro haa Sidooni.</div><div class="p"> 23Ye, hida gu Kaperinauumu, goo ilatahhadee, dangutii tlaysiyaa raw naqatloo? Teesaaqay gooba! Unkuray dangutii &#8260;eetisi khonsleebaa naqatloo. Sa gimba bere yondu gu denu gwaa baka&#42892;asu hida, daa yondiidi daqa doogunay dugunaa aloo yondiidi yade Sodomaage, yaamu gu Sodomaa yaa aloo wanay letuti naqatloo. 24Teesaaqay see, sangu kaay unkuray tuba, baloo Iliitleemu gimaa ilii hukune khooroo, unkuray &#8260;agitiru googuna gumaa dihhu ba&#8260;ay da hida gu Sodomaa!&#8221;</div><div class="s1">Yeesu qawaraa da hiifiisa da loi sa hida</div><div class="r">(Luuka 10:21-22)</div><div class="p"> 25Nama qatlaykeesii lenge, Yeesu gi kaay tuba, &#8220;Ye, Taataa hagu hha&#42892;aleesa, ugu Looimoo gu raw haa khooroo! Gimbaki gwaa yakwidi sa hida gu koomee waaway haa gwaa somimee, gugii tlaa&#42892;asidi sa hida gu digidakwi. 26Nara&#42892;a, Taataa, sa gimba ugu dugwaa teesaaqay muunaboo&#8260;eesi.</div><div class="p"> 27Taataa gooi sini&#297; taatahhi idadu sliimaa. Hhaku heedi go&#243; khua Naw nara&#42892;a, Taataa gosi kilesi nugo&#243; khui. Kara, Taataa see hhaku heedi gu khua nara&#42892;a, Naw kilesi nugo&#243; khui haa hida hhaka&#42892;a Naw giyoo iliislaiye hiitlaa&#42892;asa.</div><div class="p"> 28Khocaa daqa dooii unkuray gonkokunaa go&#243; toodoriidee haa daa ilii ciilooidi yondu gu hiiloou, ana sangu hadisa hiifiifisa. 29Unkuray &#8260;imba yondu sango&#243; hiitleke&#8260;ese ana, hangu caacaahhamisidee daqa dooaa. Ma&#42892;aana ana ho&#243;ti aslaa&#42892;amee ibiida haa kooma murumu&#42892;uuma muunage. Inkoo, unkuray slayday hiifiifisa muunai&#297; kokunay. 30Yondu gooi go&#243; hiitii&#42892;idee gutii loouuba, kara gutii slaahhuslaahhu.&#8221;</div>
 </div>
 </div>
</div>

Yeesu giyaa ilii hheꞌesi cocoꞌomoo ilakaawatee daqa sirakoomiisee dosi da mibi haa cada, yaa waaudi teꞌesaa, gi caacaahhamisu kay haa gi kakaaru kay yaamu wakinay gu hhapeteesii.
Yohaana Hiinunqudimiisay giyaa ilii jeerage wane, yaa akhasi gimbakee daa yondimaamidiye ha Kristu. Teesaaqay, ina gi ya⁄abi sirakoomiisee dosi daqa Kristuge, magu maasiri ina tuba, “Ugu na inaa Masiiya gwaa khakhaakhawa baku waku guni baqadana?”
Yeesu gi ilaki⁄isi inay tuba, “Taa⁄amida ki⁄a, la kaaday sa Yohaana gimba ga akhaakhamisidee haa ga ariirintee. Hida gwaa ilaa hhamaahhamee khuꞌuuꞌunay, gwaa yeꞌeeroo tlakwaakwawee khociicinay, gu koomee buubaa digi ilabuslaaslidi, qapanimaiĩ akhaakhamisiyayi, gwaa kaka⁄ee digi slafimaamisi haa kwaeeli sigi kakaakana Gimba gu Hhou. Kara dugwaa ⁄aafi ha Iliitleemu heedikaꞌa goóba mawaraa ⁄imbaraa ana.”
Qariqaaqari sirakoomiisee da Yohaana giyaa ilii waaudiri, Yeesu gi tlaatleesi cocoꞌomoo daqa raqa da hidage gimba gu Yohaana. Ina gi kaay tuba, “Ilahudeesa, unkuray gaa ilii hada kaydiri kongoqomeege, ma antiri Yohaana, haa mala slaꞌaday arimaa? Ti cikwahhagoo doó rinqirinqimisiye ha caaqwa? Bere teesaaqay gooba, haã mala arimaa kaydiri? Heedi gwaa daamisugoo qayroo gu hhoii? Teesaaqay gooba, hida goó daamisee qayroo daa kirigi hari peesay wa⁄a, inay yoóti ibiidiyay maraai gu watemige! Inkoo, haã mala arimaa kaydiri? Tletimiisay goo? Gu lou! Unkuray sangu kaawa ambee, Yohaana guti didiru ba⁄ay da tletimiisay see. Heediki na hikira daa handikimi Handikaa da Iliitleemuge tuba,
‘Yuꞌudiyaa, ana ya⁄aba ya⁄abimiisay goy,
ina sugu giyaadi, ma hiinaꞌa kay amoo sa ugu.’
Gu lou, ana sangu kaawa unkuray ambee, ‘Tla⁄aã gu hida sliimaage daa laqwali hhaku gu didiru da Yohaana Hiinunqudimiisay gooay. Teesaaqay see, heedikaꞌa doó faadiye gu coko⁄o loi Tawaaloo da rawaa gu rawge guti didiru ba⁄ay da Yohaana.’ Tlaatleesi qatlaykaꞌaa gu Yohaana Hiinunqudimiisay giyaa ilii kakaami letuti naqatloo, Tawaaloo da rawaa gu raw dagoóti ilii tlaꞌadi hari khisla. Kara, hida gu koomee ⁄uuru yoóti koimisiyay hii⁄utlaraa tawaalotee hari ⁄uuru. Caacaahhamisu goõ gu tletimiisee haa sariyaa da Musaa dagaa kakaami qatlaykaꞌa naqatloo gu Yohaana. Bere unkuray slaꞌaday ⁄imba gimbaki, Yohaana na Eliyaa pahha hiĩ khawaraa dosi daa tletimi. Ina gu kooma eaa, akhasiye naraꞌa gimbaki!
Laqwaloti da inkoo, hanguri idoo mala gooay ilaꞌaaꞌaatisa? Inay ti daaqay hhakaꞌa pahha goó ibiidee sokooniige, tay tooinaa eteedinay danaee koina tuba,
‘Sangwaa hiifahhani firimbii,
haa seehhusidiriiba!
Sangwaa raaꞌani raaꞌamee da gaiidimoo,
haa ⁄aa⁄adiriiba!’
Yohaana Hiinunqudimiisay yaa khay, yaa ⁄agiiginaaba mukaate ma kitahhu see difaay. Teesaaqay see, inay gi kaayri tuba, ‘Dugwaa ilii khaabaaꞌadi ha gieeri.’ Nanku Heedi yaani khay, ina ⁄agiigina haa kitahhaahhana, inay gi kaayri tuba, ‘Yuꞌudiyaa, hheehhiisayki haa oonimiisay, danaꞌa gu karaanimaiĩ goó hiikurunkurimee koodi haa gu hida gu koomee tlakwaroo!’ Teesaaqay see, waaway gu Iliitleemu duguũ ilatahhi tuba, guti lou hari amoo da yondu gosi.”


Da hheꞌesi, Yeesu gi tlaatleesi ilii⁄oo⁄a yaamu hhakee, giyaa ilii yondiidi yondu wa⁄a gu denu gwaa bakaꞌasu hida. Yaa teesaaqay laqi, sa gimba yaamu hhakee yaa hiifookidiriiba daqa Iliitleemuge tlakwaroo dooinaa. Ina gi kaay tuba, “Hoo antayi, unkuray hida gu yaamu gu Korasiini haa hida gu yaamu gu Betisayda! Yondu gu denu daa yondiidi gwaa bakaꞌasu hida, bere dugwaati aloo yondiida yaamu gu Tiiroge haa Sidooni, hida gu yaamu hhakee yaa aloo hiifookidiyay daqa Iliitleemuge tlakwaroo dooinaa gu segi. Inay yaa aloo teesaaqay laqiyay, tay hiĩ tooinaa daamisiri guniyayuu haa gi ibiidiyay ⁄urage. Inkoo, sangu kaawa unkuray ambee, baloo Iliitleemu gimaa ilii hukune khooroo, unkuray ⁄agitiru googuna gumaa dihhu ba⁄ay da hikee see gu hida gu Tiiro haa Sidooni.
Ye, hida gu Kaperinauumu, goo ilatahhadee, dangutii tlaysiyaa raw naqatloo? Teesaaqay gooba! Unkuray dangutii ⁄eetisi khonsleebaa naqatloo. Sa gimba bere yondu gu denu gwaa bakaꞌasu hida, daa yondiidi daqa doogunay dugunaa aloo yondiidi yade Sodomaage, yaamu gu Sodomaa yaa aloo wanay letuti naqatloo. Teesaaqay see, sangu kaay unkuray tuba, baloo Iliitleemu gimaa ilii hukune khooroo, unkuray ⁄agitiru googuna gumaa dihhu ba⁄ay da hida gu Sodomaa!”


Nama qatlaykeesii lenge, Yeesu gi kaay tuba, “Ye, Taataa hagu hhaꞌaleesa, ugu Looimoo gu raw haa khooroo! Gimbaki gwaa yakwidi sa hida gu koomee waaway haa gwaa somimee, gugii tlaaꞌasidi sa hida gu digidakwi. Naraꞌa, Taataa, sa gimba ugu dugwaa teesaaqay muunaboo⁄eesi.
Taataa gooi siniĩ taatahhi idadu sliimaa. Hhaku heedi goó khua Naw naraꞌa, Taataa gosi kilesi nugoó khui. Kara, Taataa see hhaku heedi gu khua naraꞌa, Naw kilesi nugoó khui haa hida hhakaꞌa Naw giyoo iliislaiye hiitlaaꞌasa.
Khocaa daqa dooii unkuray gonkokunaa goó toodoriidee haa daa ilii ciilooidi yondu gu hiiloou, ana sangu hadisa hiifiifisa. Unkuray ⁄imba yondu sangoó hiitleke⁄ese ana, hangu caacaahhamisidee daqa dooaa. Maꞌaana ana hoóti aslaaꞌamee ibiida haa kooma murumuꞌuuma muunage. Inkoo, unkuray slayday hiifiifisa muunaiĩ kokunay. Yondu gooi goó hiitiiꞌidee gutii loouuba, kara gutii slaahhuslaahhu.”

Слухайте Mataayo 11