Kogi - WBT Version (NT) Non-Drama

Cogui - WBT Edition (NT)

Kogi - WBT Version (NT)

<div class="version vid1505 iso6393kog" data-vid="1505" data-iso6393="kog">
 <div class="book bkMAT">
 <div class="chapter ch18" data-usfm="MAT.18">
 <div class="label">18</div><div class="s">J&#233;kaldaxaki mielde akld&#233; akz&#233; naldaldixa</div><div class="r">(Mlk 9.33-37; Lk 9.46-48)</div><div class="p"> 1Atshak niuwa&#241;ga na, nas&#649;&#241; shi kagitixakua&#241; Duwek kaxaldaguenik ek&#237; aklduk&#225;&#241;kalde:</div><div class="p">&#8212;Jate j&#233;kaldaxa izhukaja saldi&#241;ga z&#649;&#241;sanekakuek, &#191;mielde shi akld&#233; akz&#233; naldaldixa na?#Lk 22.24</div><div class="p"> 2Ek&#237; kaklduka&#241;guake, Duweja ezua sukua nauwiken&#225;&#241; akldagueni 3ek&#237; guak:</div><div class="p">&#8212;Namak mi&#241;meyaldikue. Mai&#241; mija&#241;guxaldi yushi, sukua agu&#225;&#241; zhikzukui, Jateja janshib&#233; aksanegaka akldegamakbe mi&#241;negakue. Ek&#237; ayushak&#237; minaldaldi&#225;k, Jate j&#233;kaldaxa izhukaja mi&#241;sanegazh&#225;ldi, ald&#233;&#241; sanege&#241;ka mimajuldukshazh&#237;ta nakld&#225;.#Mlk 10.15; Lk 18.17 4Ek&#237; nakna Jateja tuwi&#241;ki, mieldekueki jalde sukua agu&#225;&#241; zhikzukuamakbe zhikzukuxakue na ald&#233;&#241; kaksanekakua&#241;ga akld&#233; kakz&#233; katu&#241;ka nakld&#225;. 5Ekibe&#241;ga na, mieldeke nagapa miney&#233;&#241; zhinik ezua sukua jeji&#233; jana ne mipanatshaga, nas jiaga nepanamine naldaldixa nakld&#225;.</div><div class="s">Axautshikue sha atshishas&#649;&#769;&#241;ze</div><div class="r">(Mlk 9.42-48; Lk 17.1-2)</div><div class="p"> 6&#8221;Ne mieldeja&#241;ki ezua nepanane ai itsaldag&#225;lde axajanka sha atshishaldi&#225;k, &#161;mits&#225; atemaja&#241; guiyaba tualdixa ne! Akna ni me ijuldukshazh&#225;ldiamak, akld&#233; janshib&#233; ald&#233;&#241;ga ezua jagi atema gakldak zhikldiya gualdiniki ni izhgatushi shuixaldiamak n&#237;buni juit zaldi akuateyakue.</div><div class="p"> 7&#8221;Akze namak, jai kagik k&#225;gubakueki jiy&#225;ja&#241;gaba kejuldukshi, sha ajanashindana kakzukualdixaga, ne mieldeja&#241;ki ezua ijuldukshi, sha atshishaldi&#225;k, &#161;wau wau wau aiki mits&#225; atemaja&#241; guiyaba tualdixa ne!</div><div class="p"> 8&#8221;Ek&#237; nakna, jigab&#225; sha atshindana mi&#241;zukuxa, mimakjie&#241;guakaga mitualdiake, uteji izhgajuekuakue mi&#241;gats&#233;. Akna k&#225;uxalda azhi kasa sha atshindana mi&#241;zukux&#225; naldaldiake, axald&#225;&#241;ga izhbe&#241;gua, uteya mi&#241;gux&#225; jana atshakue. Akze, ataba&#241;ki gulda azhi kasa mis&#649;&#769;&#241;ze j&#233;kaldaxa mijuldunaldi&#225;k, akld&#233; janshib&#233; naldaldixa. Ne sha atshalga minoxaldiake, mozhua k&#225;uxalda, mozhua kasa na&#241;ga Jateja guks&#233; sanazh&#233;&#241;ka mimaguteyaka ni mit&#250;. 9Ek&#237;ga na, mimij&#237; ubaki sha atshindana mi&#241;zukux&#225; naldaldiake axald&#225;&#241;ga ishkuiya, uteya mi&#241;gux&#225; jana atshakue. Akze, ataba&#241;ki uba mis&#649;&#769;&#241;ze j&#233;kaldaxa mijuldunaldi&#225;k, akld&#233; janshib&#233; naldaldixa. Ne sha atshalga minoxaldiake, mozhua uba na&#241;ga Jateja guks&#233; sanazh&#233;&#241;ka guiyaba tu za nogakue&#241;ka mimaguteyaka ni mit&#250;.#Mt 5.29-30</div><div class="s">Jubeju itshuanane shalda shizhiy&#225;</div><div class="r">(Lk 15.3-7)</div><div class="p"> 10&#8221;Akna nepananekue ai itsaldag&#225;lde axajankakue agu&#225;&#241; kakzekue katuwi guami&#241;negak, muldetua numa&#241; miyatuald&#237;. Akze, ek&#237; mi&#241;meyaldikue: Ai nepananekueki Jateja&#241;ga ald&#233;&#241; guaklde ulde&#241;kakuek numa&#241; agatu&#225;l gaxanekueja&#241;ki ekue shalda na aldesa&#241; akbeyal axaldaxal nuka. [11Guatshak nas Jatetshi Asuku&#225;ga ixagabaldekldugeke mieldekue Najatek agitshuan&#225; guanekue mokue nakzaldi, kezha&#241;gashi, kekualdaldikuamak kagik naklduge nakldak&#250;.]</div><div class="p"> 12&#8221;&#191;Sak&#237; shi mija&#241;g&#250;? Ezua sig&#237;ja jubeju 100 axald&#233; ne, ezuam&#233; akbena agitshuizha guanake, &#191;jubeju matshuwi (99) nekue za na gaxaldi&#241;ga maja gueniki ezuam&#233; agitshuanane za niyal ne atshazh&#225;ka shi na? 13Namak mi&#241;meyaldikue. Amak niji&#241;ga akz&#225; gualdiake, z&#649;&#769;xaita ze&#241; itshanaldixa. Akze, jubeju 99 agitshuanazh&#225;nekue shaldaki mits&#225; ze&#241; itshanka guashi&#241;ki, ezuam&#233; akbena agitshuanane mokue akzane shalda guana akaldak ze&#241; itshanaldixa nakld&#225;. 14Akze, jubeju numa&#241; tu&#241;kaja ni ezua agitshuanas&#649;&#769;&#241; kaja&#241;guamakbe&#241;ga na, Nauwijate j&#233;kaldaxa izhukaja&#241;ga nepananekue ai itsaldag&#225;lde axajankakue ni ezua agitshuani, agijuldunakue kaja&#241;guak&#237; giemi nakld&#225;.</div><div class="s">Ezua sha mixatshane sak&#237; axatshakue</div><div class="r">(Lk 17.3)</div><div class="p"> 15&#8221;Mits&#225;gaba ezua mimijaname&#241;ga nazipanane sha mi&#241;katshaldi&#225;k ek&#237; miyatshald&#237;. Ax&#225;&#241; misha ma&#241;gaba ald&#233;&#241; na za ishkazguaxal maxaldeyatshak, &#8220;sha naxatshamalde nakld&#225;&#8221; izhgastu&#241;shi maxaldexald&#237;. Ai mixaldukshi na, sha mixatshane masha gualdiake, mokue ma na ishkaldaldakuamak kualdiksh&#225; makualdixa.#Lv 19.17 16Ne, maldukazh&#225;, sha atshane majas&#649;&#769;&#241;ga akzexaldiake, ezua azhi mozhua nagapa ne&#241;kakuega e nuge&#241;ka migapa kauldeyakue. Jinake ek&#237; atshakue naldak&#237;. Jatetshi m&#250;ldigaba sezhekldamake mieldeja ezua agats&#233; izhguagatogatshak, mozhua azhi maigua nukanamak nekue na, za na agats&#233; guakbildaka naldaldixa guaka nak.#Dt 19.15; 1Tm 5.19 17Ne ekue jiaga axaldukas&#649;&#769;&#241; akzeshi, sha atsha mashas&#649;&#769;&#241;ga akzexaldiake, nazipananekue izhajuizhaldege&#241;ka kakbeyakue. Guatshak ekueja aksanegatshak jiaga nukas&#649;&#769;&#241; akzeshi, sha atsha mashazh&#225; gualdi&#225;k z&#649;nake Jate ja&#241;guazh&#233; azhi s&#225;&#241;kaldak akiyalzabine tusheshi zhiksuika jana&#241;ga nuxa katuwi kaxaldaldakue mi&#241;gatsaldaldixa nzha.</div><div class="p"> 18&#8221;Namak mi&#241;meyaldikue. Mai&#241; jai kagik jiki &#8220;atshas&#233; nzha&#8221; mi&#241;guaxaldiake, ake, j&#233;kaldaxa jiaga ek&#237;ga aja&#241;guane naldaldixa. Ekibe&#241;ga na, jai kagik jiki &#8220;janshib&#233; atshakuega nzha&#8221; mi&#241;guaxaldiake ake, j&#233;kaldaxa jiaga ek&#237;ga aja&#241;guane naldaldixa nzha.#18.18 Mt 16.19; J&#241; 20.23. Duweja ek&#237; guagatshake ek&#237; jiaga guashi naldaka. Kagik ald&#233;&#241; ipana&#241;kaldekuek ezua sha atshane shalda sak&#237; guiyaba tuakue agatsaldaldixa azhi agatsaldaks&#225; guane guagakualdiake, Jate j&#233;kaldaxa izhukaja jiaga ek&#237;ga ja&#241;guanega naldaldixa.</div><div class="p"> 19&#8221;Ek&#237; jiaga mi&#241;meyaldikue: Jai kagik mozhua naldi muldetua ishkualdi Najate j&#233;kaldaxa izhukak ji miyakshishaldi&#225;k, akshishaminamak mi&#241;katshaldixa.#Mt 7.7; Mlk 11.24; J&#241; 14.13-14; 16.23; 1J&#241; 3.22 20Jinake naldak&#237;. Mits&#225;gaba mozhua azhi maigua nagapa mine&#241;kakue minah&#233;&#241; zhinik mishjuizhaldegatshak, nas naldi&#241;ga mimiken&#225;&#241; izhokuge nak.</div><div class="p"> 21Gu&#241;gueni P&#233;gulduja&#241;ki Duwek axaldagueni ek&#237; aklduk&#225;:</div><div class="p">&#8212;Ezua najaname&#241;ga mipanane sha naxatshalga noxaldiake &#191;mits&#225; juizha shi axabetakue nagats&#225;? E&#241;ki &#191;matshuwi juizha sha naxatshatshak jiaga axabeti&#241;ga, kugua juizha aklda&#241;ka shi axabetakue nagats&#225;?</div><div class="p"> 22Guake Duweja akiy&#243;:</div><div class="p">&#8212;Nas z&#649;nake ek&#237; mikbeyaldikue: Kugua juizham&#233; auxab&#233; naldazh&#225;ka nak, axabeti&#241;ga 7 negaba 70 juizha axabetakue migatsaldaldixa nzha.#18.21-22 Lk 17.3-4; Kls 3.13. Atshak baxeki juldi&#250;kueja&#241;ki ezua sha mixatshane maigua juizha za axabetakue akuaka nalgu&#233;, P&#233;gulduja&#241;ki z&#649;&#769;xaita zalda guaka ja&#241;gui na kugua juizha guak. Ne Duweja ald&#233;&#241; z&#649;&#241;kabetamakga izatas&#225; juizha ishkabetakue guaka.</div><div class="s">Ezua axabetas&#649;&#769;&#241; akzeklde</div><div class="p"> 23Ai shaldaga z&#649;&#241;meji na, Duwe Jes&#250;ja ek&#237; shizhiyald&#225;: &#8220;Najate j&#233;kaldaxa izhukaja k&#225;guba kaksanekakueki sak&#237; jana naldaka mi&#241;meyaldikue: Aiki ezua s&#225;&#241;kalda aj&#237; nashikueja mits&#225; akzabiyakue agats&#233; kakshishaldi&#233;&#241; zek. 24Ek&#237; atshapanatshak, ax&#225;&#241; misha ezua akld&#233; zabiyakue agats&#233; akuald&#225;k. Eja&#241;ki izatas&#225; zalda shald&#225; akizhuka.#18.24 Paldataki 10.000 &#8220;talento&#8221; guashi. Aiki 150.000 kagi kasa izhg&#225;u guashi akzabiyakue agats&#233;. 25Ek&#237; shald&#225; akizhoguakna, zab&#237; guashi axaldaldak&#237; giemi tu&#241;guake s&#225;&#241;kaldaja ek&#237; niuwi ge: &#8216;Naj&#237; nashi, saldi&#241;ga ji axaldauxa nabagisaji, ald&#233;&#241;, asew&#225;, aj&#237; sukuakue juizhi ezuatshi nashikue za izhoxaldiamak nabes&#225; guw&#237;&#241;. Ek&#237;ki ji nakzabiyakue agats&#233; nauwa nuxaki ipanaldikuamak.&#8217;</div><div class="p"> 26&#8221;Ek&#237; akualdixa nukajake, nashi aj&#237; s&#225;&#241;kalda stak nuldu axayoshi, izhgajiezhi ek&#237; agakua&#241;n&#233;k: &#8216;Gua&#241; naguani nauwa jinakt&#250; makuald&#237;. Mits&#225; mikzabiyakue niyaldikuenik auxaga mikzabiyaldikuega nzha.&#8217; 27Ek&#237; agakua&#241;neguakna, aj&#237; s&#225;&#241;kaldaja gua&#241; aguani&#241;ga &#8216;mits&#225; nakzabiyakue migats&#233; ne, auxaga &#233;egaba mixabet&#225; ni guk&#250;&#8217; axaldegueniki &#8216;neyabikuk&#225; ni gu&#8217; akbey&#225;.</div><div class="p"> 28&#8221;Nalgu&#233; ai nashi exa zhinik neyatogue&#241;ki, ezua ajaname&#241;ga s&#225;&#241;kaldatshi nashiga anu&#241;ka#18.28 Paldataki 100 &#8220;denario&#8221; guashi. Aiki anu&#241;ka maigua saxa kasa izhg&#225;u guashi akzabiyakue agats&#233;. nuxa aj&#237; shald&#225; akizhuka akldab&#237;. Ald&#233;&#241; z&#649;nake kama&#241; naldi gakldak zi&#241; guaxaldixa jana gui ek&#237; axald&#233;k: &#8216;Shald&#225; mitenogauxa nuk nakzab&#237; guat&#233; maldokld&#233;k.&#8217; 29Ek&#237; nukajake shald&#225; akizhukaja nuldu axayoshi ek&#237; agakua&#241;n&#233;k: &#8216;Gua&#241; naguani nauwa jinakt&#250; makuald&#237;. Mits&#225; mikzabiyakue nuk mikzabiyaldikuega nzha.&#8217; 30Ek&#237; agakua&#241;negatshak jiaga nukag&#225;baki, akzabiyazh&#225; guane shalda kiejo guane kalseldi mexal guak. Auxaga akzabiyak&#237;&#241;gaki eni&#241;ga izhogakue guak.</div><div class="p"> 31&#8221;Ek&#237; zeklde atuatshakna, s&#225;&#241;kaldatshi nashikueki matshuwi sha&#241;g&#225; kakzeguakna, kauwij&#237; s&#225;&#241;kaldak zekldauxa agabeyal ald&#233;. 32Gu&#241;guake s&#225;&#241;kaldaja aj&#237; nashi gua&#241; itshanazh&#225;ne agixauldal guagueni axaldagatshak ek&#237; axald&#233;k: &#8216;Ma naj&#237; nashi shane ni matu&#241;k&#250;. Ma&#241;ki nagakua&#241;n&#233;k maku&#241;guake, mits&#225; nakzabiyakue migatsalgu&#233; auxaga &#233;egaba mixabet&#225; guanuge. 33Ne nas gua&#241; miguananugamakga, &#191;ma zhinik ezua naj&#237; nashiga shald&#225; mikizhuka nalgu&#233; ek&#237;ga gua&#241; ja&#241;guakue migatsaldazh&#225; shi guan&#225;?&#8217; 34Axaldegueni aj&#237; nashi ek&#237; atshane shalda nus&#225; akzukui na auxaga akzabiyak&#237;&#241;gaki kalse aksuikuekueja guiyaba kaxa&#241; atu&#241;shatoxaldiamak ge na gua.&#8221;</div><div class="p"> 35Duweja ek&#237; guagatoguenik ek&#237; jiaga guak:</div><div class="p">&#8212;Mai&#241; nazipanaminekua&#241; ezua sha mi&#241;katshane gua&#241; ja&#241;gui, mi&#241;gatsauxa axabetak&#237; minaldaldi&#225;k, ake, ai s&#225;&#241;kaldaja aj&#237; nashi guanamak Najate j&#233;kaldaxa izhuka mimakualdixa nakld&#225;.#Mt 6.14-15</div>
 </div>
 </div>
</div>

Atshak niuwañga na, nasʉñ shi kagitixakuañ Duwek kaxaldaguenik ekí akldukáñkalde:
—Jate jékaldaxa izhukaja saldiñga zʉñsanekakuek, ¿mielde shi akldé akzé naldaldixa na?
Ekí kakldukañguake, Duweja ezua sukua nauwikenáñ akldagueni ekí guak:
—Namak miñmeyaldikue. Maiñ mijañguxaldi yushi, sukua aguáñ zhikzukui, Jateja janshibé aksanegaka akldegamakbe miñnegakue. Ekí ayushakí minaldaldiák, Jate jékaldaxa izhukaja miñsanegazháldi, aldéñ sanegeñka mimajuldukshazhíta nakldá. Ekí nakna Jateja tuwiñki, mieldekueki jalde sukua aguáñ zhikzukuamakbe zhikzukuxakue na aldéñ kaksanekakuañga akldé kakzé katuñka nakldá. Ekibeñga na, mieldeke nagapa mineyéñ zhinik ezua sukua jejié jana ne mipanatshaga, nas jiaga nepanamine naldaldixa nakldá.


”Ne mieldejañki ezua nepanane ai itsaldagálde axajanka sha atshishaldiák, ¡mitsá atemajañ guiyaba tualdixa ne! Akna ni me ijuldukshazháldiamak, akldé janshibé aldéñga ezua jagi atema gakldak zhikldiya gualdiniki ni izhgatushi shuixaldiamak níbuni juit zaldi akuateyakue.
”Akze namak, jai kagik kágubakueki jiyájañgaba kejuldukshi, sha ajanashindana kakzukualdixaga, ne mieldejañki ezua ijuldukshi, sha atshishaldiák, ¡wau wau wau aiki mitsá atemajañ guiyaba tualdixa ne!
”Ekí nakna, jigabá sha atshindana miñzukuxa, mimakjieñguakaga mitualdiake, uteji izhgajuekuakue miñgatsé. Akna káuxalda azhi kasa sha atshindana miñzukuxá naldaldiake, axaldáñga izhbeñgua, uteya miñguxá jana atshakue. Akze, atabañki gulda azhi kasa misʉ́ñze jékaldaxa mijuldunaldiák, akldé janshibé naldaldixa. Ne sha atshalga minoxaldiake, mozhua káuxalda, mozhua kasa nañga Jateja guksé sanazhéñka mimaguteyaka ni mitú. Ekíga na, mimijí ubaki sha atshindana miñzukuxá naldaldiake axaldáñga ishkuiya, uteya miñguxá jana atshakue. Akze, atabañki uba misʉ́ñze jékaldaxa mijuldunaldiák, akldé janshibé naldaldixa. Ne sha atshalga minoxaldiake, mozhua uba nañga Jateja guksé sanazhéñka guiyaba tu za nogakueñka mimaguteyaka ni mitú.


”Akna nepananekue ai itsaldagálde axajankakue aguáñ kakzekue katuwi guamiñnegak, muldetua numañ miyatualdí. Akze, ekí miñmeyaldikue: Ai nepananekueki Jatejañga aldéñ guaklde uldeñkakuek numañ agatuál gaxanekuejañki ekue shalda na aldesañ akbeyal axaldaxal nuka. [Guatshak nas Jatetshi Asukuága ixagabaldekldugeke mieldekue Najatek agitshuaná guanekue mokue nakzaldi, kezhañgashi, kekualdaldikuamak kagik naklduge nakldakú.]
”¿Sakí shi mijañgú? Ezua sigíja jubeju 100 axaldé ne, ezuamé akbena agitshuizha guanake, ¿jubeju matshuwi (99) nekue za na gaxaldiñga maja gueniki ezuamé agitshuanane za niyal ne atshazháka shi na? Namak miñmeyaldikue. Amak nijiñga akzá gualdiake, zʉ́xaita zeñ itshanaldixa. Akze, jubeju 99 agitshuanazhánekue shaldaki mitsá zeñ itshanka guashiñki, ezuamé akbena agitshuanane mokue akzane shalda guana akaldak zeñ itshanaldixa nakldá. Akze, jubeju numañ tuñkaja ni ezua agitshuanasʉ́ñ kajañguamakbeñga na, Nauwijate jékaldaxa izhukajañga nepananekue ai itsaldagálde axajankakue ni ezua agitshuani, agijuldunakue kajañguakí giemi nakldá.


”Mitságaba ezua mimijanameñga nazipanane sha miñkatshaldiák ekí miyatshaldí. Axáñ misha mañgaba aldéñ na za ishkazguaxal maxaldeyatshak, “sha naxatshamalde nakldá” izhgastuñshi maxaldexaldí. Ai mixaldukshi na, sha mixatshane masha gualdiake, mokue ma na ishkaldaldakuamak kualdikshá makualdixa. Ne, maldukazhá, sha atshane majasʉ́ñga akzexaldiake, ezua azhi mozhua nagapa neñkakuega e nugeñka migapa kauldeyakue. Jinake ekí atshakue naldakí. Jatetshi múldigaba sezhekldamake mieldeja ezua agatsé izhguagatogatshak, mozhua azhi maigua nukanamak nekue na, za na agatsé guakbildaka naldaldixa guaka nak. Ne ekue jiaga axaldukasʉ́ñ akzeshi, sha atsha mashasʉ́ñga akzexaldiake, nazipananekue izhajuizhaldegeñka kakbeyakue. Guatshak ekueja aksanegatshak jiaga nukasʉ́ñ akzeshi, sha atsha mashazhá gualdiák zʉnake Jate jañguazhé azhi sáñkaldak akiyalzabine tusheshi zhiksuika janañga nuxa katuwi kaxaldaldakue miñgatsaldaldixa nzha.
”Namak miñmeyaldikue. Maiñ jai kagik jiki “atshasé nzha” miñguaxaldiake, ake, jékaldaxa jiaga ekíga ajañguane naldaldixa. Ekibeñga na, jai kagik jiki “janshibé atshakuega nzha” miñguaxaldiake ake, jékaldaxa jiaga ekíga ajañguane naldaldixa nzha.
”Ekí jiaga miñmeyaldikue: Jai kagik mozhua naldi muldetua ishkualdi Najate jékaldaxa izhukak ji miyakshishaldiák, akshishaminamak miñkatshaldixa. Jinake naldakí. Mitságaba mozhua azhi maigua nagapa mineñkakue minahéñ zhinik mishjuizhaldegatshak, nas naldiñga mimikenáñ izhokuge nak.
Guñgueni Péguldujañki Duwek axaldagueni ekí aklduká:
—Ezua najanameñga mipanane sha naxatshalga noxaldiake ¿mitsá juizha shi axabetakue nagatsá? Eñki ¿matshuwi juizha sha naxatshatshak jiaga axabetiñga, kugua juizha akldañka shi axabetakue nagatsá?
Guake Duweja akiyó:
—Nas zʉnake ekí mikbeyaldikue: Kugua juizhamé auxabé naldazháka nak, axabetiñga 7 negaba 70 juizha axabetakue migatsaldaldixa nzha.

Ai shaldaga zʉñmeji na, Duwe Jesúja ekí shizhiyaldá: “Najate jékaldaxa izhukaja káguba kaksanekakueki sakí jana naldaka miñmeyaldikue: Aiki ezua sáñkalda ají nashikueja mitsá akzabiyakue agatsé kakshishaldiéñ zek. Ekí atshapanatshak, axáñ misha ezua akldé zabiyakue agatsé akualdák. Ejañki izatasá zalda shaldá akizhuka. Ekí shaldá akizhoguakna, zabí guashi axaldaldakí giemi tuñguake sáñkaldaja ekí niuwi ge: ‘Nají nashi, saldiñga ji axaldauxa nabagisaji, aldéñ, asewá, ají sukuakue juizhi ezuatshi nashikue za izhoxaldiamak nabesá guwíñ. Ekíki ji nakzabiyakue agatsé nauwa nuxaki ipanaldikuamak.’
”Ekí akualdixa nukajake, nashi ají sáñkalda stak nuldu axayoshi, izhgajiezhi ekí agakuañnék: ‘Guañ naguani nauwa jinaktú makualdí. Mitsá mikzabiyakue niyaldikuenik auxaga mikzabiyaldikuega nzha.’ Ekí agakuañneguakna, ají sáñkaldaja guañ aguaniñga ‘mitsá nakzabiyakue migatsé ne, auxaga éegaba mixabetá ni gukú’ axaldegueniki ‘neyabikuká ni gu’ akbeyá.
”Nalgué ai nashi exa zhinik neyatogueñki, ezua ajanameñga sáñkaldatshi nashiga anuñka nuxa ají shaldá akizhuka akldabí. Aldéñ zʉnake kamañ naldi gakldak ziñ guaxaldixa jana gui ekí axaldék: ‘Shaldá mitenogauxa nuk nakzabí guaté maldokldék.’ Ekí nukajake shaldá akizhukaja nuldu axayoshi ekí agakuañnék: ‘Guañ naguani nauwa jinaktú makualdí. Mitsá mikzabiyakue nuk mikzabiyaldikuega nzha.’ Ekí agakuañnegatshak jiaga nukagábaki, akzabiyazhá guane shalda kiejo guane kalseldi mexal guak. Auxaga akzabiyakíñgaki eniñga izhogakue guak.
”Ekí zeklde atuatshakna, sáñkaldatshi nashikueki matshuwi shañgá kakzeguakna, kauwijí sáñkaldak zekldauxa agabeyal aldé. Guñguake sáñkaldaja ají nashi guañ itshanazháne agixauldal guagueni axaldagatshak ekí axaldék: ‘Ma nají nashi shane ni matuñkú. Mañki nagakuañnék makuñguake, mitsá nakzabiyakue migatsalgué auxaga éegaba mixabetá guanuge. Ne nas guañ miguananugamakga, ¿ma zhinik ezua nají nashiga shaldá mikizhuka nalgué ekíga guañ jañguakue migatsaldazhá shi guaná?’ Axaldegueni ají nashi ekí atshane shalda nusá akzukui na auxaga akzabiyakíñgaki kalse aksuikuekueja guiyaba kaxañ atuñshatoxaldiamak ge na gua.”
Duweja ekí guagatoguenik ekí jiaga guak:
—Maiñ nazipanaminekuañ ezua sha miñkatshane guañ jañgui, miñgatsauxa axabetakí minaldaldiák, ake, ai sáñkaldaja ají nashi guanamak Najate jékaldaxa izhuka mimakualdixa nakldá.

Слухайте Mateyu 18