Matthew 7
7
1Kin bazla na mali a gèƋ a ndo ngiƋè ɓai, aman Zhiklè a da bazla kinè mali a gèƋ azɓai.
2Skwi man kin ga ta ndohi ngiƋè, ta da ga kinè lèmèlèmè; a skwi man kin livè a vna, ta da livè a kinè. 3Ka rka kuza te di kramam ngaya, aman ka rka goƋozlom wof te di ngaya ɓi èhèmè? 4Ehèmè ka woy a ka gaƋa na kramam ngaya: KazlaƋai, i woy man a i cko ka kuza auda te di ngaya! a na haha, godozlom wof te di ngaya a zhè.
5Ka ndo n'ngwèdè ndo! Sèi ka cko goƋozlom wof auda te di ngaya nshèlèkura dai; te deɓa'a ka rka tsaraya'a, a ka cko kuza auda te di kramam ngaya. 6Skwi Zhiklè nkezla'a, kin da va ta a ma kdadihi ɓai; ta da ngwoda kinè a gèƌ va a ta cizl kinè. Kin kalda skwi da'ai kinè a ma wodalahi ɓai; ta da mbatsaha a sak. 7VodzhoƋo, ta da va kinè; vawoya, kin da ngècè'a; voboho a ntamagai, ta da winè kinè. 8Ko wawa man a jhèƋè'a, ta va na; ko wawa man a woya'a, a ngècè'a; ko wawa man a bèhè a ntamagai, ta winè na.
9Ndo te ndev kinè, man kra nenga'a a jhèƋè movar, a nva na kwa te dia wa? 10Aman a jhèdè klèf, a nva na zhüzhok te dia wa? 11Ani haha kinè ndohi ambaɓihia'a, a kin sun mvi skwi man amba a wudahi kinè. Bab kinè te zhiklè a fena'a, aman a va ta skwi man amba a tenga'a man ta jhèƋè azɓi Ƌè? 12Gar haha skwi man kin woy ndohi ta ga kinè, vaga ta tenga'a lèmèlèmè! Nasa ma kita Zhiklè, a ma ndohi nhadka ma.
13Vabeza a ntamagi nlüha'a! Aman ntamagi mbia'a, a civèƌ nzlototo'a, man a da'a a sam nzhidè ndo; ndohi kumba man ta bizhè a pa. 14A ntamagi nlüha'a, a civèƋ nlüha'a, man a da'a a nshèffè; ndohi man ta ngècè'a matskata genè. 15Vagu maya a sam ndohi nhadka ma ncèkèlma; aman ta shkè a sam kinè, ta lèɓèslè'a ara tambak, aman te ndav ta, ta ara kda dak man a woya a n'nde kinè a ma. 16Séi kin sen ta a sam skwi man ta gia'a. Nga slaha a nga n'ndi hawan te wof wandar Ƌè? Nga slaha a nga n'ndi kslor te nkuƋdzari Ƌè?
17Gar haha wof mbela'a staƋ staƋ tèlèba a yi wuda man amba; aman wof ambaɓia'a a yi wuda man ambaɓai. 18Wof man amba a slaha a nyi wuda man ambaɓai azɓai. Wof man ambaɓai a slaha a nyi wuda man amba azɓai. 19Wof staƋ staƋ tèlèba man a yi wuda mbela'a azɓai, ta ngeldahai, a ta wusheda a vogwa. 20Gar haha sèi kin sen ta a sam skwi man ta gia'a. 21Ndohi man ta babayè: Bai, Bai, ta dè tèlèba a kokwar-Bi-Zhiklè azɓai, sèi ndohi man ta gi skwi man Bab ga te zhiklè a woya'a.
22A pats nasa ndohi kumba man ta da gaƋayè: Bai, Bai! Nga hodko ma a nzlembaƋ ngaya ka ɓi dè? Nga dzor madzagihi auda a nzlembaƋ ngaya ka ɓi Ƌè? Nga gu nrkedi kumba a nzlembaƋ ngaya ka ɓi Ƌè? 23Te deɓa'a i da gaƋa ta: I sen kinè ɓai. Vakazlay auda a tsagai, kinè ndohi mphömè! 24Gar haha, ndo man a tsena ma ga haha, a gia'a, i lèmdè a va ndo maya, man a rèm gi nenga'a a géƌ pra.
25Aman iyam a shkè nchènchè, a iyam a hèy va hai, a kozlar a gai, a tsi gi tivtiva, a, gai a mbeƋè azɓai, te man na géƌ pra. 26A ndo man a tsena ma ga haha, a gi azɓai, i lèmdè a va ndo nrzla'a, man a rèm gi nenga'a a géƋ wyak. 27Aman iyam a shkè nchènchè, a iyam a hèy va hai, a kozlar a gai, a tsi gi tivtiva, a, a mbedda gi aussa, a nceda ma.
28Te deɓ ngèƋè Yèsu, nhèyè ndohai ta rzl ta a géƌ njèma nenga'a; 29aman nenga'a a nsenda ta ara ndo man a n'ngots wuƌibai, ara malamhi tenga ka ɓai.
Seçili Olanlar:
Matthew 7: MAFNT
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
Mofa New Testament © The Bible Society of Cameroun, 1989