Matthew 13
13
1A pats nasa Yèsu a ndo auda te gai, a n'nza a ma iyam mbia'a. 2A ndohi rèdèdèa ta ɓücko va a sam na, a Yèsu a mdo a wurom, a n'nzahai, a ndohi rèdèdèa ta zlatsa a ma iyam. 3Yèsu a ngaƋa ta ma kumba a ngèlègèƋma:
Na haha, ndo nwush tser skwai a mdo auda, aman a nwushè tser skwai. 4Aman a mwusha ma, faƋkata ta wusha a civèƋ, a diakihi ta shkè, a ta ndedama. 5FaƋkata ta wusha a verzi pra, man herkeda az a pa a vata ɓai. Tsam-tsam nftsa, aman herkeda az a pa a vata ɓai. 6Aman pats a dzai, a halala, a ngwora'a, te man ta tsa zluzlor ɓai.
7NgiƋè faƋkata ta wusha a ndev vatakihai. A vatakihai ta grè a vna, a ta pizl ta a pa. 8NgiƋè faƋkata ta wusha a sam mbela'a, a ta yu wuda, ngiƋè 100, ngiƋè 60, ngiƋè 30 te verzi skwi staƋ. 9Ndo man zlembaƋ na a zhè, da tsena'a!
10A golahi Yèsu ta shkè, a ta gaƌa na:
Ka njè ta ma a ngèlègèƌma èhèmè?
11A Yèsu a m'mbeƌa ta a ma:
Skwi man n'ngheda te kokwar-Bi-Zhiklè, a kinè. Aman a tenga'a ka ɓai. 12Ndo man a n'ngots skwai, ta va na a va'a, aman a ngots a vata, a njèkèƌia'a a zhè. Aman ndo man a ngatsa skwa ɓai, ko skwi man a ngotso, ta cèma na. 13Gar haha i gaƌa ta ma a ngèlègèƌma, di ta a zhè, ta rka ɓai; zlembaƋ ta a zhè, ta tsena ɓai, a ta sun ɓai.
14A sam tenga'a a gi ara ma Zhiklè, man Esaie a hodko ta, a ngaƋa: Kin fi zlembaƋ, kin tsena ɓai; kin pi dai, kin rka ɓai. 15Aman ndav ndohi haha nsassaya, a ta pizlè di ta, aman ta rka di ɓai, aman ta tsena zlembaƋ ɓai, aman ta sun te ndav ɓai, a ta woy a ta menkaƋa deɓa a i da mbel ta ɓai.
16Aman mwuffè a sam kinè, man di kinè a rka skwai, man zlembaƋ kinè a tsena ma. 17Aman i gaƌa kinè a vava hala'a ndohi nhadka ma a ndohi nzura'a kumba ta woy a ta rka skwi man kin rka'a, aman ta rka ɓai: a ta woy a ta tsena ma man kin tsena'a, aman ta tsena ɓai.
18Vatsena verzi ngèlègeƋma a geƋ ndo nwush tser skwai: 19Ko wawa man a tsena ma kokwar-Bi-Zhiklè, aman a sun ɓai, ndo ngedassa ndo a ngezlda ma man ta wusheda a ndav na, a ma; nenga'a nara skwi man a wushahai a civèƋ. 20NgiƋè man a wusha a verzi pra, nara ndo man a tsena ma, tsam-tsam a cè'a a mwuffè. 21Aman a ntsa zluzlor te ndav na ɓai, a nzi kètè genè. A matakwan a shkè, a ta paraha a géƋ ma Zhiklè, a slafaƋama na sak.
22NgiƋè man a wusha a ndev vatakihai, nara ndo man a tsena ma'a, aman a hér gèƌ; ntètèkè skwi mèshèlè a skwi kumba a pèkèteda, a mpizlè na ma a pa, a yi wuda azɓai. 23Ngiƌè man a wusha a sam mbèla'a, nara ndo man a tsena ma'a, a sun te ndav na, a yi wuda, ngiƋè 100, ngiƋè 60, ngiƋè 30 te verzi skwi staƋ.
24A ngaƋa ta ngèlègèƋma ngiƋè, a ngaƋa:
Kokwar-Bi-Zhiklè lèmèlèmè ara ndo, man a wushè tser skwi mbela'a a gi dau na. 25Aman a vaƌ, man ndohi ta nzhuna, ndo mayam na a mshkè, a nwusha na dau zizlè a va dau, a mdo na. 26Aman skwi nftsa ma, a dè gèƋ auda, dau zizlè ba a gudko gèƋ auda. 27A ndohi mizlinè ta shkè a sam bab gi dau, a ta gaƋa na: Bai, ka wusha tser skwi mbela'a a gi dau ngaya ka ɓi Ƌè? Dau zizlè a `shkè tema?
28A nenga'a a ngaƋa ta: Ndo mayam a ngau. A ndohi mizlinè ta gaƋa na: Ka woya aman nga dè a nga pelkoƋauda Ƌè? 29A bab gi dau a ngaƋa ta: Azɓai, man ɓai kin da pelkoƋauda cèw ba. 30Sèi kin jèke ta cèw ba, aman ta grè a vna, ha pats man nsla. A pats man nsla i da gaƋa ta ndohi ntsi dau: Vaɓica dau zizlè nshèlèkura'a, vamana, a, vawusheda a vogwa. Aman dau, vaɓiceda a wov ga!
31Yèsu a ngaƋa ta ngèlègèƋma ngiƋè:
Kokwar-Bi-Zhiklè lèmèlèmè ara tser gevda, man ndo ngiƋè a mco, a nzlekeda a gi dau na. 32Tser gevda, nkèshèa nenga, a te va tser skwi tèlèba. Aman ngra ma, a nfena vahhi ngiƌè tèlèba, a gi a wof man ƌiakihi t'hwaƌ giƌfèk ta gi gi ta a hwaƌa'a.
33A ngaƋa ta ngèlègèƋma ngiƋè:
Kokwar-Bi-Zhiklè lèmèlèmè ara skwi nshégèr skwai, man ngwoz a mco, a nhumda na va gufa, agoƋa 30, ha a nsagara gufa tèlèba.
34Yèsu a ngaƌa ta ndohi rèdèdè'a ma haha tèlèba a ngèlègèƌma. Man a ngèlègèƌma ka ɓai, a ngaƌa ta ɓai. 35A gi ara ma Zhiklè man a goƌ te ma ndo nhadka ma:
I da gaƌa ta a ngèlègèƌma, i da gaƌa ta a ma man ngheda'a daga nhinkaƌ herkeda.
36Te deɓa'a a njèke ta ndohi rèdèdè'a a pa, a mshkè a gai, a golahi nenga'a ta shkè a sam na, a ta gaƋa na:
Ngra nga ngèlègèƋma a géƋ dau zizlè te gi dau!
37Yèsu a m'mbeƋa ta a ma:
Ndo man a wushè tser skwi mbela'a, nenga'a Kra-ndo. 38Gi dau, nenga'a herkeda. Tser skwi mbela'a, nasa ndohi kokwar-Bi-Zhiklè. Dau zizlè, nasa wud ndo ngedassa ndo. 39Ndo mayam man a wushe dau zizlè, nasa bimadzagai. Pats man nsla, nenga'a pats man herkeda a ndev na. Ndohi ntsi dau, tenga`a golahi Zhiklè.
40Lèmèlèmè ara man ta ɓicè dau zizlè a ta wusheda a vogwa, lèmèlèmè a da gi a pats man herkeda a da ndev na. 41Kra-ndo a di a zlündkodi golahi nenga'a, a ta ɓicè ndohi tèlèba man ta slafaƋama ta sak a ndohai, a ndohi mphömè, te kokwar-Bi nenga'a. 42Ta da wushede ta a vogwa mbia'a. Te pa ta da kuƋai, a ta da peƋi zlè'èn. 43A ndohi nzura'a ta da hél sam te kokwar-Bi Bab ta, ara pats. Ndo man zlembaƋ na a zhè, da tsena'a!
44Kokwar-Bi-Zhiklè lèmèlèmè ara skwi mèshèlè n'ngheda'a te gi dau, a ndo ngiƋè a n'ngotso, a n'ngheda za'a. A géƋ mwuffè nenga'a, a dè a preda skwi na a ma tèlèba, a nshum gi dau matsa. 45A va za'a, kokwar-Bi-Zhiklè lèmèlèmè ara ndo ganai, man a woy kwa mbela'a. 46Aman a ngots kwa mbela'a staƋ, gani nenga'a kumba, a nda preda skwi nenga'a a ma tèlèba, a nshum nenga'a.
47A va za'a, kokwar-Bi-Zhiklè lèmèlèmè ara lata, man ta wusheda a iyam mbia'a, aman a ɓicè skwi nte iyam tsaƋ tsaƋ. 48Aman n'ndha ma, ta ngozlkoƋai a dzah, a ta nzahai a ta pèr skwi man amba a kokwi ngiƋè, skwi man ambaɓai ta wushedaussa. 49A gi lèmèlèmè a pats man herkeda a da ndev na. Golahi Zhiklè ta dè a ta pèr ndohi ambaɓihia'a auda te ndev ndohi nzura'a, 50a ta da wushede ta a vogwa mbia'a. Te pa ta da kuƋai a ta da peƋi zlè'èn.
51Yèsu a ngaƋa ta:
Kin sun skwi haha tèlè Ƌè?
A ta gaƋa na:
Halau!
52Aman Yèsu a ngaƋa ta:
Gar haha malam staƋ staƋ tèlèba, man n'nde na a ndo kokwar-Bi-Zhiklè, lèmèlèmè ara babgai, man a ngecè skwi auda te skwi mèshèlè nenga'a, ko skwi mɓua'a ko skwi m'mova'a.
53Aman Yèsu a n'ndeva ngèlègèƋma haha ma, a nde na. 54A ndo a kokwar bab na, a nsenda ta ma te gi-njèngè-ma-Zhiklè, tèlèba ta rzl ta, a ta gaƋa:
A n'ngotsko maya a wuƋi haha tema?
55Nenga'a kra ndo mbèzl wof ka ɓi Ƌè? Mam nenga'a Marie ka ɓi Ƌè? Kramamhi nenga'a Jacques a Joseph a Simon a Jude ka ɓi Ƌè?
56Demamhi nenga'a ta zhè tèlè a sam nga ka ɓi Ƌè? Nenga'a a n'ngotsko wuƋi tèlèba tema?
57A skwi haha a nslafaƋama ta sak. Aman Yèsu a ngaƋa ta:
Ta slébèrdè ndo nhadka ma; aman te kokwar bab na ka ɓai, te gi nenga ka ɓai.
58Yèsu a nga nrkedi te pa kumba ɓai, a géƌ man ta ca a ndav ɓai.
Seçili Olanlar:
Matthew 13: MAFNT
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
Mofa New Testament © The Bible Society of Cameroun, 1989
