Takwiin 11
11
Buna gasir Baabil
1Zamaan, kulla l-naas gaaʼidiin yihajju be lukhkha waahide wa be lisaan waahid. 2Wa l-naas hawwalo min sabaah wa ligo sahale wasiiʼe fi balad Chinʼaar wa sakano foogha. 3Wa gaalo ambeenaathum : «Taʼaalu ! Nakhdumu wa nisallulu diringeel wa nutuchchuuhum.»
Wa khalaas, fi badal al-hajar astaʼmalo al-diringeel wa ambeenaat al-diringeel sabbo al-zift badal al-tiine. 4Khalaas gaalo : «Taʼaalu nisawwu leena madiina wa nabnu gasir tawiil al-raasah yalhag al-sama achaan usumna yabga taaliʼ wa ma nichittu fi l-ard.»
5Wa wakit al-naas yidooru yalhago al-sama, min foog Allah chaafaahum wa chaaf al-madiina wa l-gasir al-Bani Adam gaaʼidiin yabnuuh. 6Wa Allah gaal : «Daahu humman chaʼab waahid wa lukhkhithum kula waahide. Wa di bidaayit khidmithum. Kan dawwaro yisawwu khidme aakhara kula, ma fi cheyy yadharhum ! 7Khalli nibarjulu lukhkhithum achaan ma yilfaahamo ambeenaathum.»
8Be misil da, Allah chattataahum fi kulla l-ard wa humman khallo minhum buna hana l-madiina. 9Wa be da bas, al-madiina sammooha Baabil (maʼanaatah barjala) achaan Allah barjal lukhkhat kulla l-naas wa chattataahum fi kulla l-ard.
Al-zurriiye min Saam le Abraam
10Daahu zurriiyit Saam.
Wakit Saam indah 100 sana, hu wilid Arfakchaad be santeen baʼad al-kharag. 11Wa baʼad waaluudit Arfakchaad, Saam aach battaan 500 sana wa wilid awlaad wa banaat aakhariin.
12Wakit Arfakchaad indah 35 sana, hu wilid Chaalah. 13Wa baʼad waaluudit Chaalah, Arfakchaad aach battaan 403 sana wa wilid awlaad wa banaat aakhariin.
14Wakit Chaalah indah 30 sana, hu wilid Ibaar. 15Wa baʼad waaluudit Ibaar, Chaalah aach battaan 403 sana wa wilid awlaad wa banaat aakhariin.
16Wakit Ibaar indah 34 sana, hu wilid Faalag. 17Wa baʼad waaluudit Faalag, Ibaar aach battaan 430 sana wa wilid awlaad wa banaat aakhariin.
18Wakit Faalag indah 30 sana, hu wilid Raʼu. 19Wa baʼad waaluudit Raʼu, Faalag aach battaan 209 sana wa wilid awlaad wa banaat aakhariin.
20Wakit Raʼu indah 32 sana, hu wilid Saruug. 21Wa baʼad waaluudit Saruug, Raʼu aach battaan 207 sana wa wilid awlaad wa banaat aakhariin.
22Wakit Saruug indah 30 sana, hu wilid Naahuur. 23Wa baʼad waaluudit Naahuur, Saruug aach battaan 200 sana wa wilid awlaad wa banaat aakhariin.
24Wakit Naahuur indah 29 sana, hu wilid Taarah. 25Wa baʼad waaluudit Taarah, Naahuur aach 119 sana wa wilid awlaad wa banaat aakhariin.
26Wakit Taarah indah 70 sana, hu wilid Abraam wa Naahuur wa Harraan.
Zurriiyit Taarah
27Daahu zurriiyit Taarah. Taarah wilid Abraam wa Naahuur wa Harraan. Wa Harraan wilid Luut. 28Wa Harraan maat fi l-balad al-wildooh foogha fi Uur al-Kaldaaniyiin wakit abuuh lissaaʼ gaaʼid hayy.
29Abraam wa Naahuur akhado. Marit Abraam usumha Saaraay wa marit Naahuur usumha Milka bineeyit Harraan. Wa Harraan da, hu abu Milka wa abu Yiska kula. 30Wa Saaraay hi aagre ma wildat.
31Wa fi l-wakit da, Taarah chaal maʼaayah wileedah Abraam wa Luut wileed wileedah Harraan wa Saaraay marit wileedah Abraam. Wa marago sawa min Uur al-Kaldaaniyiin wa macho ale daar Kanʼaan. Wa wassalo fi hillit Haaraan al-gaaʼide fi derib Kanʼaan wa sakano foogha. 32Wa fi l-bakaan da, Taarah maat fi hillit Haaraan wa indah 205 sana.
Seçili Olanlar:
Takwiin 11: ADT19
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
Arabe tchadien (alphabet latin) Bible © Alliance Biblique du Tchad, 2019.