Matayo 1
1
Dinendi kakaa Yesu wa
121Ti̱na ku̱ci̱ kakaa Yesu Masiya wa, #1:1 Masiya: Din Masiya nu̱wa yi̱ri̱ mwaasi̱ ki̱n Kristo. Kristo to̱o̱ nyan Elina wa, pi̱ti̱ndi̱ din ye̱i̱ twii ne̱re̱ wu nu̱wa parman yo̱ nunggu a dwii. Nang a bo̱nggo̱ nu̱wa bu Yudaya wa pma parman ne̱re̱ wii nunggu a dwii di̱ngi̱n ba ju̱ku̱ya ki̱n twii ne̱re̱ wu Yamba se̱ka di̱ngi̱n ba yo̱ balaa. A jo̱r du Yamba ni̱nga alkawal ki̱n yo̱ tu̱mo̱ we̱i̱ ne̱re̱ mi̱ri̱ma, di̱ngi̱n ba baa, ba mi̱ra nu̱wa ya, pero ba de̱ pma lau̱ Yambau̱, ne̱re̱ wu Yamba tu̱mo̱ we̱i̱ wii nu̱wa yi̱ri̱ ki̱n Masiya. Pero din ye̱i̱ Kristo. A ju̱ku̱ya Yamba se̱ka yo̱, pero tu̱mwe̱. wu twii kaka Dawud, wu yo̱o̱gi̱ kaka Ibrahim.
2Ibrahim twii mbaa Icaku,
Icaku mbaa Yakubu,
Yakubu mbaa Yahuda yi̱ ci̱yamba ya,
3Yahuda mbaa Perisa yi̱ Serah wu njaa pmo wii Tamar,
Perisa mbaa Esruna,
Esruna mbaa Aram.
4Aram mbaa Amminadab,
Amminadab mbaa Nacon,
Nacon mbaa Salmon,
5Salmon mbaa Boasa wu njaa yo̱ wii Rahab,
Boasa mbaa Obed wu njaa yo̱ wii Rut,
Obed mbaa Jesse,
6Jesse mbaa balaa Dawud.
Dawud twii mbaa Solomon, wu njaa yo̱ nang twii nu̱re̱ Uriya,
7Solomon mbaa Rehoboam,
Rehoboam mbaa Abija,
Abija mbaa Asa,
8Asa mbaa Jehocapat,
Jehocapat mbaa Joram,
Joram mbaa, Ussiya,
9Ussiya mbaa Jotam,
Jotam mbaa Ahas,
Ahas mbaa Hesekiya,
10Hesekiya mbaa Manassa,
Manassa mbaa Amon,
Amon mbaa Josiya
11Josiya mbaa Jekoniya yi̱ ci̱yamba ya, a jo̱r du nu̱wa ku̱ra pma ke̱wu̱ri̱ Babila.
12Go̱ro̱ ke̱wu̱ri̱ pmai a Babila,
Jekoniya mbaa Ceyaltiyal,
Ceyaltiyal mbaa, Serubabel,
13Serubabel mbaa Abiud,
Abiud mbaa Eliyakim,
Eliyakim mbaa Asor,
14Asor mbaa Sadok,
Sadok mbaa Acim,
Acim mbaa Eliyud,
15Eliyud mbaa Eliyasar,
Eliyasar mbaa Matan,
Matan mbaa Yakubu,
16Yakubu mbaa Yusupu bwi̱ya Maryamu, wu bi Yesu wu nu̱wa yi̱ri̱ ki̱n Masiya.
17Di̱ngi̱n to̱no̱ toso bo̱nggo̱ Ibrahim be̱e̱ bo̱nggo̱ Dawud twii kakaa kwap su̱r ni̱i̱, pero toso bo̱nggo̱ Dawud be̱e̱ jo̱r du mwatanga Babila twii kakaa kwap su̱r ni̱i̱, pero toso jo̱r mwatangu Babila be̱e̱ jo̱r Masiya twii kakaa kwap su̱r ni̱i̱.
Bir Yesu Masiya
18Ti̱na nyinou wu nu̱wa bi Yesu Masiya. Njaa yo̱ Maryam ni̱nga le̱e̱ngi̱ laabwiya yi̱ Yusupu, pu bo̱o̱ de̱ bu yo̱ a nyi̱ngga wo̱o̱ yi̱ rwii a bo̱nggo̱ Bawei du Walwal. 19Anda Yusupu twii ne̱re̱ wu nyaa yaa kasi̱ ba dwiiyanga yo̱ me̱lma cu̱du̱ nu̱wai̱, a kasa ba man yo̱ tukugi.
20Anda pu wo̱o̱ danggu̱ yi̱to̱, bacama Mbaa Wu Gi̱ra a bammanu̱we̱ yo̱ a mi̱ri̱nggi̱ dweendi ki̱n, <<Yusupu bo̱l Dawud, nu̱u̱ yaa gwasi̱ de̱gu̱ Maryam ba yo̱o̱ nu̱re̱ mo̱, di̱ngi̱n tu mi̱ri̱nggi̱ pwii ye̱i̱ to̱o̱ a baa bo̱nggo̱ Bawei du Walwal. 21Yo̱ biru we̱i̱ bwi̱ya, ma je̱e̱ ru we̱i̱ din mi̱n Yesu,#1:21 Yesu to̱o̱ din Elina wa ci̱ka Jocuwa yi̱ nyan Yudaya wa pi̱ti̱ndi̱ ye̱i̱ twii Mbaa Wu Gi̱ra wu yi̱ mi̱rma di̱ngi̱n yo̱ mi̱ru̱ we̱i̱ nu̱wa ya bo̱nggo̱ we̱le̱mdi̱ pmai.>>
22Mwa mwa to̱o̱ a ni̱ngwa palaka ba twanga tu Mbaa Wu Gi̱ra ce̱ a bo̱nggo̱ banabi̱ ki̱n, 23<<Bwe̱e̱canga ni̱ng we̱i̱ rwii, pero biru we̱i̱ bwi̱ya, nu̱wa yi̱ri̱ we̱i̱ din ye̱i̱ ki̱n Immanuwel,>> pi̱ti̱ndi̱ ye̱i̱ ki̱n, <<Yamba wo̱o̱ kem yi̱ yo.>>
24Pu Yusupu romwa, a ni̱nga tu bacama Mbaa Wu Gi̱ra sa yo̱, a de̱e̱ Maryam ba yo̱ nu̱re̱ yo̱. 25Anda yaa ku daa yi̱ yo̱, ko̱po̱ jo̱r du bi bo̱l ye̱i̱. Pero a je̱e̱ din ki̱n Yesu.
Seçili Olanlar:
Matayo 1: wja
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
©2024 Seed Company in collaboration with Language Developers and Bible Translators Association
