ଲୁକ 22
22
ଯୀଶୁକେ ମ୍ର୍ନେ ମାରୁକେ ଉପାଇ ହାଚ୍ଲାଇ
(ମାଥି. ୨୬:୧-୫; ମାର୍କ ୧୪:୧,୨; ଯୋହ. ୧୧:୪୫-୫୩)
1ନିସ୍ତାର୍ ହ୍ର୍ବ୍ ବ୍ଲେକ୍ ସଡା ନଇଲା ରୁଟିର୍ ହ୍ରବ୍ ଲ୍ଗେ ଅଇ ଆସ୍ତି ରିଲି। 2ମୁକିଆ ଜାଜକ୍ ଆର୍ ମୋଶାର୍ ନିଆଇ ଶିକାଉତା ଲକ୍ମ୍ନ୍ କ୍ନ୍କ୍ରି ଯୀଶୁକେ ମ୍ର୍ନେ ମାରୁହାର୍ତି, ସେତିର୍ ବୁଦି ହାଚ୍ତି ରିଲାଇ। କାଇତାକ୍ ସେମ୍ନ୍ ମ୍ତର୍ ଲକ୍ମ୍ନ୍କେ ଡିର୍ତି ରିଲାଇ।
ଇଷ୍କାରିୟତ୍ ଯିହୁଦା ଯୀଶୁକେ ଦ୍ରାଇ ଦେମ୍କେ ରାଜି ଅଇଲା
(ମାଥି. ୨୬:୧୪-୧୬; ମାର୍କ ୧୪:୧୦,୧୧)
3ସ୍ଡେବ୍ଳ୍ ଯୀଶୁର୍ ବାରଗଟ୍ ଚେଲାମ୍ନ୍କାର୍ ବିତ୍ରେ ଇଷ୍କାରିୟତ୍ ଯିହୁଦାର୍ ମ୍ନ୍ ବିତ୍ରେ ପାପ୍କାମ୍ କ୍ରୁକେ ଶଇତାନ୍ ହୁର୍ଲି। 4ତ୍ବେ ଇଷ୍କାରିୟତ୍ ଯିହୁଦା ମୁକିଆ ଜାଜକ୍ ଆର୍ ସେନାପତି ମ୍ନ୍କାର୍ ଲ୍ଗେ ଗ୍ଲା ଆର୍ ଯୀଶୁକେ କ୍ନ୍କ୍ରି ତାକାର୍ ଆତେ ସ୍ହ୍ରି ଦେଇଦ୍ ସେ ବିଷଇ କ୍ତାବାର୍ତା କ୍ଲା। 5ସେତାକ୍ ସେମ୍ନ୍ ଶୁଣି ସ୍ର୍ଦା ଅଇଲାଇ ଆର୍ ତାକେ ଡାବୁ ଦେମ୍ନ୍ଦେ ବ୍ଲି ହ୍ର୍ମାଣ୍ କ୍ଲାଇ। 6ଇଷ୍କାରିୟତ୍ ଯିହୁଦା କଇଲା କ୍ତାଇ ରାଜି ଅଇଲା ଆର୍ ସେ ଲକ୍ମ୍ନ୍ ନ୍ଜାଣ୍ଲା ହର୍ ଯୀଶୁକେ ସ୍ହ୍ରି ଦେଇନ୍ଦ୍ ବ୍ଲି ସୁଜଗ୍ କଜୁକେ ଲାଗ୍ଲା।
ଯୀଶୁ ଚେଲାମ୍ନ୍କାର୍ ସ୍ଙ୍ଗ୍ ସ୍ରାସ୍ରି ବଜି କ୍ଲାଇ
(ମାଥି. ୨୬:୧୭-୨୫; ମାର୍କ ୧୪:୧୨-୨୧; ଯୋହ. ୧୩:୨୧-୩୦)
7ଜୁଇ ଦିନ୍ ନିସ୍ତାର୍ ହ୍ରବ୍, ସେଦିନ୍ ମେଣ୍ଢାହିଲା ବଳିହୁଜା କ୍ରି ବଜି କ୍ଲାଇ। 8ଯୀଶୁ ତାର୍ ଚେଲାମ୍ନ୍କେ ଲ୍ଗେ କୁଦି ପିତର୍ ଆର୍ ଯୋହନ୍କେ ଇକ୍ତା କ୍ଇକ୍ରି ହ୍ଟାଇଲା, “ଯାହା ଅମାର୍ ଗିନେ ନିସ୍ତାର୍ ହ୍ରବାର୍ ବଜି ତିଆର୍ କ୍ରା।” 9ସେମ୍ନ୍ ହ୍ଚାର୍ଲାଇ, “ଅମିମ୍ନ୍ ଯାଇ କୁଇ ଜାଗାଇ ତୁମାର୍ ଗିନେ ନିସ୍ତାର୍ ହ୍ରବାର୍ ବଜି ତିଆର୍ କ୍ରୁନ୍ଦ୍ ବ୍ଲି ତୁଇ ମ୍ନ୍ କ୍ର୍ସି?”
10ଯୀଶୁ ସେମ୍ନ୍କେ କଇଲା, “ତୁମି ସ୍ହର୍ ବିତ୍ରେ ହୁର୍ତା ବ୍ଳ୍ ହାଣି ଟାଙ୍ଗା କ୍ନ୍ଦେ ବଇ ଜାତାର୍ ଗଟେକ୍ ଲକ୍ ତୁମୁକ୍ ବେଟ୍ ଅଇଦ୍ ସେ ଜୁଇ ଗ୍ରେ ଜାଇଦ୍ ତାର୍ ହ୍ଚେ ହ୍ଚେ ଯାହା, 11ଆର୍ ସେ ଗ୍ରେ ଜାଇ ସାଉକାର୍କେ କ୍ଉଆ, ‘ଗୁରୁ ହ୍ଚାରୁଲା କୁଇ ବ୍କ୍ରାଇ ମୁଇ ମର୍ ଚେଲାମ୍ନ୍କାର୍ ସ୍ଙ୍ଗ୍ ନିସ୍ତାର୍ ହ୍ରବାର୍ ବଜି କ୍ରୁନ୍ଦ୍?’
12ସ୍ଡେବ୍ଳ୍ ସେ ତୁମୁକ୍ମ୍ନ୍କେ ବ୍ଲ୍ ସ୍ଜାଇରିଲା ଆର୍ ତିଆର୍ ଅଇରିଲା ଗଟେକ୍ ଉହୁରାର୍ ବ୍ଡ୍ ବ୍କ୍ରାକେ ଦ୍କାଇ ଦେତି। ସେ ଜାଗାଇ ଅମାର୍ ଗିନେ ବଜି ତିଆର୍ କ୍ରା।” 13ଆର୍ ଜ୍ନ୍କ୍ରି ଯୀଶୁ ସେମ୍ନ୍କେ ଜ୍ନ୍କ୍ରି କଇରିଲା, ସେନ୍କ୍ରି ନିସ୍ତାର୍ ହ୍ରବାର୍ ବଜି ତିଆର୍ କ୍ଲାଇ ଆର୍ ଯୀଶୁର୍ ଲ୍ଗେ ଲେଉଟି ଗ୍ଲାଇ।
ପ୍ରଭୁବଜାର୍ ନିୟମ୍ ଅଇଲି
(ମାଥି. ୨୬:୨୬-୩୦; ମାର୍କ ୧୪:୨୨-୨୬; ୧ କରି. ୧୧:୨୩-୨୫)
14ଆରେକ୍ ଜ୍ଡେବ୍ଳ୍ ବଜି କାତାର୍ ସ୍ମୟ୍ ଅଇଲି ସେଡେବ୍ଳ୍ ଯୀଶୁ ଆର୍ ତାର୍ ହ୍ଟାଇଲା ଚେଲାମ୍ନ୍କାର୍ ସ୍ଙ୍ଗ୍ ମିସି କାଦି କାମ୍କେ ବ୍ସ୍ଲାଇ। 15ଯୀଶୁ ସେମ୍ନ୍କେ କଇଲା, “ମର୍ ଦୁକ୍କ୍ଷ୍ଟ ଗଟ୍ତା ଆଗ୍ତୁ ମୁଇ ତୁମାର୍ ସ୍ଙ୍ଗ୍ ମିସିକ୍ରି ନିସ୍ତାର୍ ହ୍ରବାର୍ ବଜି କାମ୍କେ ମ୍ନ୍କ୍ଲେ। 16ମୁଇ ତୁମୁକ୍ କ୍ମ୍ଲେ, ଇରି ଇଶ୍ଵରାର୍ ରାଇଜ୍ ହୁରା ନ୍ଉତା ହ୍ତେକ୍ ମୁଇ କ୍ବେ ଆରେକ୍ ବଜି ନ୍କାଇ।”
17ତ୍ବେ ଯୀଶୁ ଗଟେକ୍ ଗିନାଇ ଅଙ୍ଗୁର୍ ର୍ସ୍ ଦ୍ରି ଇଶ୍ଵର୍କେ ଦନ୍ୟବାଦ୍ କ୍ରି କଇଲା, “ଇରି ନ୍ଇକ୍ରି ତୁମାର୍ ତୁମାର୍ ବିତ୍ରେ ବାଟାକ୍ରି କାହା, 18ମ୍ତର୍ ମୁଇ ତୁମୁକେ ସ୍ତ୍ କ୍ମ୍ଲେ, ଇଶ୍ଵରାର୍ ରାଇଜ୍ ନାସ୍ତା ହ୍ତେକ୍ ଆଜିହ୍ଣି ଇ ଅଙ୍ଗୁର୍ ର୍ସ୍ ମୁଇ କ୍ବେ ନ୍କାଇ।”
19ଆରେକ୍ ଯୀଶୁ ରୁଟି ନ୍ଇ ଆଶିର୍ବାଦ୍ କ୍ଲା ଆର୍ ସେରି ବାଙ୍ଗି ତାର୍ ଚେଲାମ୍ନ୍କେ ଦେଇକ୍ରି କଇଲା, “ଇରି ମର୍ ଗ୍ଗାଳ୍ ଜୁଇରି କି ମୁଇ ତୁମାର୍ ଗିନେ ଦେମ୍ଲେ, ମକେ ମ୍ନେ ହ୍କାମ୍କେ ଇରି ମାନା।” 20ସେନ୍କ୍ରି ସେ କାଦି କାଇଲା ହ୍ଚେ ଗିନାର୍ ଅଙ୍ଗୁର୍ ର୍ସ୍ ସେମ୍ନ୍କେ ଦିଲା ଆର୍ କଇଲା, “ତୁମାର୍ ଗିନେ ମୁଇ ଦେମ୍ଲେ ଇରି ମର୍ ବ୍ନି, ଇରି ଗଟେକ୍ ନ୍ଉଆ ନିୟମାର୍ ଚିନା ଜୁଇରି କି ଇଶ୍ୱର୍ ଆର୍ ତାର୍ ଲକ୍ମ୍ନ୍କାର୍ ବିତ୍ରେ କ୍ଲାଆଚେ।
21ମ୍ତର୍ ଦ୍କା, ଜୁଇଲକ୍ ମକେ ଶ୍ତ୍ରୁ ଆତେ ସ୍ହ୍ରି ଦେଇଦ୍ ସେ ଅମାର୍ ସ୍ଙ୍ଗ୍ କାଦି କାମ୍ଲା। 22ଇଶ୍ୱର୍ ମ୍ନ୍କ୍ଲା ହର୍ ମାନାଇ ହିଲାକେ ମ୍ରୁକେ ହ୍ଳେଦ୍, ମ୍ତର୍ ମୁଇ ଜୁଇଲକ୍ ମାନାଇ ହିଲାକେ ଶ୍ତ୍ରୁ ଆତେ ଦ୍ରାଇ ଦେମ୍ଲା, ସେ ଡ୍ଣ୍ଡ୍ ହାଉତା ଲକ୍!” 23ତ୍ବେ ସେମ୍ନ୍ ତାକାର୍ ବିତ୍ରେ କ୍ଉଆ କୁଇ ଅମ୍କେ ଦ୍ର୍ଲାଇ, “କୁଇଲକ୍ ଇ କାମ୍ କ୍ରୁକେ ଜ୍ମ୍ଲା।”
ଯେ ବେସିବ୍ଡ୍ ସେ ସ୍ବ୍କାର୍ ସେବାକ୍ର୍ତା ଲକ୍
24ଚେଲାମ୍ନ୍କାର୍ ବିତ୍ରେ ସ୍ବୁଲକାର୍ ତ୍ଇହ୍ଣି କେ ବ୍ଡ୍ବ୍ଲି କ୍ଉଆ କ୍ଇ ଅମ୍କେ ଲାଗ୍ଲାଇ। 25ଯୀଶୁ ସେମ୍ନ୍କେ କଇଲା, “ଯିହୁଦି ଜାତି ଚାଡି ବିନ୍ଜାତିର୍ ର୍ଜାମ୍ନ୍ ସେମ୍ନ୍କାର୍ ଉହ୍ରେ ଶାସନ୍ କ୍ର୍ତି, ସେ ଶାସନ୍କ୍ର୍ତା ଲକ୍ମ୍ନ୍ ସେମ୍ନ୍କେ ବ୍ଲ୍ ଲକ୍ବ୍ଲି ମ୍ନ୍କ୍ର୍ତିରିଲାଇ।
26ମ୍ତର୍ ତୁମିମ୍ନ୍ ସେନ୍କାର୍ ଅଉଆନାଇ, ମ୍ତର୍ ତୁମାର୍ମ୍ନ୍କାର୍ ବିତ୍ରେ ଯେ ବ୍ଡ୍ଲକ୍ ସେ ସାନ୍ ହିଲାହର୍ ଅଉଅ, ଆରେକ୍ ଯେ ଶାସନ୍କ୍ର୍ତା ଲକ୍, ସେ ସ୍ବ୍କାର୍ ସେବାକ୍ର୍ତା ଲକ୍ ଅଉଅ। 27ତ୍ବେ କେ ବ୍ଡ୍ଲକ୍ କାମ୍କେ ବ୍ସ୍ଲା ଲକ୍ କି କାମ୍କେ ବ୍ସ୍ଲା ଲକ୍କେ ବାଟ୍ତା ଲକ୍? ଜୁଇଲକ୍ କାମ୍କେ ବ୍ସ୍ଲା ଆଚେ ସେ ହ୍କା ବ୍ଡ୍ଲକ୍, ମ୍ତର୍ ମୁଇ ତୁମାର୍ ବିତ୍ରେ ବାଟ୍ତା ଲକ୍ ଅଇଲେଆଚି।
28ମ୍ତର୍ ତୁମିମ୍ନ୍ ମର୍ଲ୍ଗେ ସ୍ବୁ ଡ୍ଣ୍ତ୍ ଆର୍ ପରିକ୍ୟା ବ୍ଳ୍ ମର୍ ସ୍ଙ୍ଗେ ର୍ଇ ଆସିଆଚାସ୍। 29ସେତାର୍ଗିନେ ମର୍ ଉବା ଜ୍ନ୍କ୍ରି ମକେ ରାଇଜ୍ ଶାସନ୍ କ୍ରୁକେ ଅଦିକାର୍ ଦିଲାଆଚେ ସେନ୍କ୍ରି ମୁଇ ହେଁ ତୁମୁକ୍ ରାଇଜ୍କେ ଶାସନ୍ କ୍ରୁକେ ଅଦିକାର୍ ଦେଇନ୍ଦ୍, 30ଜ୍ନ୍କ୍ରି ତୁମିମ୍ନ୍ ମର୍ ରାଇଜେ ମର୍ସ୍ଙ୍ଗ୍ କାଦି କାହାସ୍, ଆର୍ ମର୍ ସିଙ୍ଗାସନେ ବ୍ସି ଇସ୍ରାଏଲ୍ ଦେଶାର୍ ବାରଗଟ୍ ଗଷ୍ଟିକେ ଶାସନ୍ କ୍ରାସ୍।”
ପିତର୍ ଯୀଶୁକେ ନ୍ଜାଣିବ୍ଲି ଆଗେ କଇଲା
(ମାଥି. ୨୬:୩୧-୩୫; ମାର୍କ ୧୪:୨୭-୩୧; ଯୋହ. ୧୧:୩୬-୩୮)
31ଯୀଶୁ କଇଲା, “ଶିମୋନ୍, ଏ ଶିମୋନ୍ ଦ୍କ୍ ଜ୍ନ୍କ୍ରି ଚାଲାଣି ଲ୍ଗେ ଗ୍ଉଁ ହ୍ଲ୍ ତ୍ଇହ୍ଣି ଅଲ୍ଗା କ୍ର୍ତି। ସେନ୍କ୍ରି ଶଇତାନ୍ ହେଁ ତୁମୁକେ ବ୍ଲ୍ ଲକାର୍ ତ୍ଇହ୍ଣି କ୍ରାପ୍ ଲକ୍କେ ଚାଲାଣି ଲ୍ଗେ ଚାଲାଇ କ୍ରି ଅଲ୍ଗା କ୍ରୁକେ ଇଶ୍ୱର୍ ତ୍ଇହ୍ଣି ସେ ଅଦିକାର୍ ହାଇଲା ଆଚେ। 32ମ୍ତର୍ ତର୍ ବିଶ୍ବାସ୍ ଜ୍ନ୍କ୍ରି ଉଣା ନ୍ଇ ସେତାକ୍ ମୁଇ ତର୍ଗିନେ ପାର୍ତେନା କ୍ଲେଆଚି, ଜ୍ଡେବ୍ଳ୍ ତୁଇ ମର୍ଲ୍ଗେ ଆରେକ୍ ଲେଉଟି ଆସ୍ସି। ସେଡେବ୍ଳ୍ ତୁଇ ବିନ୍ସ୍ବୁ ଚେଲାମ୍ନ୍କେ ସେମ୍ନ୍କାର୍ ବିଶ୍ବାସ୍ ତ୍ଇ ବାଡୁକ୍ ସୁସ୍ତା କ୍ର୍।”
33ମ୍ତର୍ ପିତର୍ କଇଲା, “ଏ ମାପ୍ରୁ, ମୁଇ ତର୍ସ୍ଙ୍ଗ୍ ଜ୍ଇଲେ ଜ୍ମ୍କେ ଆର୍ ତର୍ସ୍ଙ୍ଗ୍ ମ୍ରୁକେ ହେଁ ତିଆର୍ ଅଇଲେଆଚି।” 34ମ୍ତର୍ ଯୀଶୁ କଇଲା, “ଏ ପିତର୍ ମୁଇ ତକେ କ୍ମ୍ଲେ, ଆଜି ରାତି କୁକ୍ଳା ବାସି ନ୍କେର୍ତା ଆଗେ ତୁଇମକେ ତିନିତର୍ ନ୍ଜାଣିବ୍ଲି କ୍ଉସି।”
ଯୀଶୁର୍ ବାକ୍ୟ ପର୍ଚାର୍ କ୍ଲାକ୍ତା ସ୍ତ୍ ଅଇଲି
35ଯୀଶୁ ତାର୍ ଚେଲାମ୍ନ୍କେ କଇଲା, “ଜ୍ଡେବ୍ଳ୍ ମୁଇ ତୁମୁକ୍ ଜାଲିଆ, ମଣା ଆର୍ ହାଣ୍ତାଇ ଦ୍ରି ଯାହା ନାଇବ୍ଲି ହ୍ଟାଇରିଲେ ସେଡେବ୍ଳ୍ କି ତୁମାର୍ କାଇରି ଅବାବ୍ ଅଇରିଲି?” ସେମ୍ନ୍ କଇଲାଇ, “କାଇରି ନାଇ।” 36ମ୍ତର୍ ଅବେ ଯୀଶୁ କଇଲା, “ଜାର୍ଲ୍ଗେ ଜାଲିଆ ଆର୍ ମଣା ଆଚେ ସେ ତାକେ ସେ ଦ୍ରି ଯାହା, ଯାର୍ ଲ୍ଗେ କ୍ଣ୍ତାନାଇ ସେ ତାର୍ ଆଙ୍ଗି ହ୍ଚିଆ ବିକିକ୍ରି କ୍ଣ୍ତା ଗେନା।
37ମ୍ତର୍ ମୁଇ ତୁମୁକ୍ କ୍ମ୍ଲେ ଯୀଶୁ ପାପିମ୍ନ୍କାର୍ ସ୍ଙ୍ଗ୍ ମିଶି କ୍ରି ସ୍ମାନ୍ ଡ୍ଣ୍ତ୍ ହାଇଲା, ଦ୍ର୍ମ୍ ଶାସ୍ତର୍ ତ୍ଇ ଇ ବାକ୍ୟ ଲେକା ଅଇଆଚେ ସେସ୍ବୁ ଗଟେଦ୍, ବ୍ଲେକ୍ ଜୁଇସ୍ବୁ କ୍ତା ମର୍ ବିଷୟେ ଲେକା ଅଇରିଲି ସେସ୍ବୁ ହୁରା ଅଇଲିଆଚେ।” 38ଚେଲାମ୍ନ୍ କଇଲାଇ, “ମାପ୍ରୁ ଦ୍କ୍ ଇତି ଜଳେକ୍ କ୍ଣ୍ତା ଆଚେ।” ସେ ସେମ୍ନ୍କେ କଇଲା, “ସ୍ତେକ୍ ସ୍ରି।”
ଜିତ୍ ଡଙ୍ଗ୍ରେ ଯୀଶୁର୍ ପାର୍ତେନା
(ମାଥି. ୨୬:୩୬-୪୬; ମାର୍କ ୧୪:୩୨-୪୨)
39ଯୀଶୁ ସ୍ହର୍ ଚାଡି ଜୁଇତି ସେ ସ୍ବୁବ୍ଳ୍ ରେତିରିଲା ସେ ଜିତ୍ ଗ୍ଚ୍ ନାଉର୍ ଡଙ୍ଗ୍ରେ ଗ୍ଲା, ଆର୍ ତାର୍ ଚେଲାମ୍ନ୍ ହେଁ ତାର୍ ହ୍ଚେ ହ୍ଚେ ଗ୍ଲାଇ। 40ଜ୍ଡେବ୍ଳ୍ ଯୀଶୁ ସେ ଜାଗାଇ ହଚ୍ଲା ସେ ତାର୍ ଚେଲାମ୍ନ୍କେ କଇଲା, “ଜ୍ନ୍କ୍ରି ପାପେ ନ୍ହଡାସ୍, ସେତାର୍ଗିନେ ଜାଗି ରେଇକ୍ରି ପାର୍ତେନା କ୍ରା।”
41ଆର୍ ସେ ସେମ୍ନ୍କାର୍ ତ୍ଇହ୍ଣି ଶଏ ଆତ୍ ଦୁରିକେ ଜାଇକ୍ରି ମାଣ୍ତିକୁଟା ଟେସି ଇ ପାର୍ତେନା କ୍ରୁକେ ଲାଗ୍ଲା, 42“ଏ ଉବା, ତୁଇ ମ୍ନ୍ କ୍ଲେକ୍ ମର୍ତ୍ଇହ୍ଣି ଇ ଦୁକ୍ କ୍ଷ୍ଟକେ ଦୁରିକ୍ର୍। ମର୍ଇଚା ନାଇ ମ୍ତର୍ ତର୍ ଇଚା ହୁରା ଅଉଅ।”
43ସେଡେବ୍ଳ୍ ଗଟେକ୍ ସ୍ର୍ଗାର୍ ଦୂତ୍ ଯୀଶୁକେ ଦ୍କାଇ ଅଇଲା ଆର୍ ତାକେ ଶ୍କ୍ତିଦିଲା। 44ସେ ମ୍ରୁକେ ଜାତିରିଲା ଦୁକାର୍ କ୍ତା ଚିନ୍ତା କ୍ରି ଆରେକ୍ ମ୍ନ୍ ଦିଆନ୍ ଦେଇ ପାର୍ତେନା କ୍ଲା, ସେଡେବ୍ଳ୍ ତାର୍ ଉଷୁମ୍, ବୁଆଳ୍ ବ୍ନି ହର୍ ଅଇ ବୁଏଁ ଅଦୁର୍ଲି।
45ଆର୍ ସେ ପାର୍ତେନା ସ୍ରାଇଲା ହ୍ଚେ ଚେଲାମ୍ନ୍କାର୍ ଲ୍ଗେ ଆଇଲା ଆର୍ ସେମ୍ନ୍କେ ମ୍ନ୍ଦୁକ୍ ଅଇକ୍ରି ସଇରିଲାର୍ ଦ୍କ୍ଲା। 46ଆର୍ ଯୀଶୁ ଚେଲାମ୍ନ୍କେ କଇଲା, “କାଇତାକ୍ ସ୍ମ୍ଲାସ୍? ଜ୍ନ୍କ୍ରି ପାପେ ନ୍ହଡାସ୍ ସେତାର୍ଗିନେ ଉଟିକ୍ରି ପାର୍ତେନା କ୍ରା।”
ଯୀଶୁ ଶ୍ତ୍ରୁ ଆତେ ସ୍ହରୀ ଅଇଲା
(ମାଥି. ୨୬:୪୭-୫୬; ମାର୍କ ୧୪:୪୩-୫୦; ଯୋହ. ୧୮:୩-୧୨)
47ଯୀଶୁ କ୍ତା କ୍ଉତି ରିଲାବ୍ଳ୍ ଯିହୁଦା ଯେ କି ସେ ବାରଗଟ୍ ଚେଲାମ୍ନ୍କାର୍ ବିତ୍ରେହ୍ଣି ଗଟେଲକ୍ ରିଲା ବେସି ଲକ୍ମ୍ନ୍କାର୍ ସ୍ଙ୍ଗ୍ ମିଶି କ୍ରି ଆଇଲାଇ, ଯିହୁଦା ଯୀଶୁକେ ଚୁମିନ୍ ବ୍ଲି ତାର୍ ଲ୍ଗେ ଗ୍ଲା। 48ମ୍ତର୍ ଯୀଶୁ ତାକେ କଇଲା, “ଯିହୁଦା ଚୁମି କ୍ରି କି ତୁଇ ମାନାଇ ହିଲାକେ ଶ୍ତ୍ରୁ ଆତେ ସ୍ହ୍ରି ଦେମ୍ଲିସ୍?”
49ଜୁଇସ୍ବୁ ଚେଲାମ୍ନ୍ ଯୀଶୁର୍ ସ୍ଙ୍ଗ୍ ରିଲାଇ ସେମ୍ନ୍ ଗଟୁକ୍ ଜାତିରିଲା ବିଷୟ୍ ଦ୍କିକ୍ରି ଜାନ୍ଲାଇ ଆର୍ ଯୀଶୁକେ ହ୍ଚାର୍ଲାଇ ମାପ୍ରୁ, କ୍ଣ୍ତାସ୍ଙ୍ଗ୍ କାଇରି ଅମି ସେମ୍ନ୍କାର୍ ସ୍ଙ୍ଗ୍ ଜୁଜ୍ କ୍ରୁନ୍ଦ୍ କି? 50ଆର୍ ସେମ୍ନ୍କାର୍ ବିତ୍ରେହ୍ଣି ଏକ୍ଲା ଆତ୍ ଲାମାଇ କ୍ଣ୍ତା ବାର୍କ୍ଲା ଆର୍ ମୁକିଆ ଜାଜକାର୍ ଦାସ୍କେ କାନ୍ କାଟି ହ୍କାଇଲାଇ। 51ମ୍ତର୍ ଯୀଶୁ କଇଲା, “ଅତେକ୍ ଅଇଲି। ବ୍ନ୍ଦ୍ କ୍ର୍” ହ୍ଚେ ଯୀଶୁ ସେ ଦାସାର୍ କାଟି ଅଇରିଲା କାନ୍କେ ବେଟିକ୍ରି ତାର୍ କାନେ ଲାଗାଇ ଦିଲାକ୍ ଆଗାର୍ ହର୍ ବ୍ଲ୍ ଅଇଲି।
52ଯୀଶୁ ମୁକିଆ ଜାଜକ୍ ମ୍ନ୍କେ ଆର୍ ମନ୍ଦିରାର୍ ସେନାପତି ମ୍ନ୍କେ ଆର୍ ପାରାଚିନ୍ମ୍ନ୍କେ କଇଲା, “କାଇରି ମକେ ତୁମିମ୍ନ୍ ଚର୍ ବାବି କ୍ଣ୍ତା ଆର୍ ଟେଙ୍ଗା ଆଣି ବନ୍ଦି କ୍ରୁକେ ଆଇଲାସ୍? 53ମୁଇ ସ୍ବୁଦିନ୍ ମନ୍ଦିରେ ଶିକ୍ୟା ଦେତିରିଲେ ସେଡେବ୍ଳ୍ ତୁମିମ୍ନ୍ ମକେ ଦ୍ରି ନ୍କେଲାସ୍, ମ୍ତର୍ ଅବେ ତୁମାର୍ ସମୟ୍ ଆଇଲିଆଚେ ଆର୍ ଇରି ଶଇତାନାର୍ ଶାସନ୍କ୍ର୍ତା ବେଳା।”
ପିତର୍ ଯୀଶୁକେ ମୁଇ ନ୍ଜାଣିବ୍ଲି କଇଲା
(ମାଥି. ୨୬:୫୭,୫୮,୬୯-୭୫; ମାର୍କ ୧୪:୫୩,୫୪,୬୬-୭୨; ଯୋହ. ୧୮:୧୨-୧୮,୨୫-୨୭)
54ସେମ୍ନ୍ ଯୀଶୁକେ ବାନ୍ଦି ବ୍ଡ୍ ଜାଜକାର୍ ଗ୍ର୍ ବିତ୍ରେ ନିଲାଇ, ପିତର୍ ସେତି ହ୍ତେକ୍ ତାର୍ ହ୍ଚେ ହ୍ଚେ ଗ୍ଲା। 55ସେମ୍ନ୍ ବ୍ଡ୍ ଜାଜକାର୍ ବାଳ୍ ବିତ୍ରେ ମ୍ଜାଇ ଜୟ୍ ଲାଗାଇକ୍ରି ଚେକ୍ତି ରିଲାଇ, ପିତର୍ ହେଁ ସେତିକ୍ ଜାଇକ୍ରି ସେମ୍ନ୍କାର୍ ସ୍ଙ୍ଗ୍ ବ୍ସିରିଲା।
56ଗଟେକ୍ ଚାକ୍ରାନି ଟକି ପିତର୍ ବ୍ସି ଜୟ୍ ଚେକ୍ତାର୍ ଦ୍କ୍ଲି ଆର୍ ବ୍ଲ୍କ୍ରି ଚିନି ତାକେ କଇଲି, “ଇ ମାନାଇ ହେଁ ଯୀଶୁର୍ ସ୍ଙ୍ଗ୍ ରିଲା।” 57ମ୍ତର୍ ପିତର୍ ଇ କ୍ତାକେ ନ୍ଜାଣିକ୍ରି କଇଲା, “ଏ ଟକି ମୁଇ ତାକେ ନ୍ଜାଣି।” 58ହ୍ଚେ ଆରେକ୍ ଗଟେକ୍ ମାନାଇ ପିତର୍କେ ଦ୍କ୍ଲା, “ଆର୍ ତୁଇ ହେଁ ଯୀଶୁର୍ ଚେଲାମ୍ନ୍କାର୍ ବିତ୍ରାର୍ ଗଟେକ୍ ଲକ୍” ବ୍ଲି କଇଲା, ମ୍ତର୍ ପିତର୍ କଇଲା, “ମୁଇ ସେ ବିତ୍ରାର୍ ଲକ୍ନାଇ।”
59ଗଟେକ୍ ଗଣ୍ଟା ହ୍ଚେ ଆରେକ୍ ଗଟେକ୍ ମାନାଇ ଆଇଲା ଆର୍ କ୍ମ୍କେ ଦ୍ର୍ଲା, “ସ୍ତ୍କ୍ରି ଇଲକ୍ ଯୀଶୁର୍ ସ୍ଙ୍ଗ୍ ରିଲା କାଇତାକ୍ ଇ ମାନାଇ ହେଁ ଗଟେକ୍ ଗାଲିଲୀ ଜିଲାର୍ ଲକ୍।” 60ମ୍ତର୍ ପିତର୍ କଇଲା, “ତୁଇ କାର୍ ବିଷୟେ କ୍ମ୍ଲିସ୍ ମୁଇ ତାକେ ନ୍ଜାଣି।” ସେମାଡେ ସେ କ୍ମ୍ କ୍ମ୍ କୁକ୍ଳା ବାସ୍ଲାଇ।
61ଯୀଶୁ ବୁଲିକ୍ରି ପିତର୍କେ ସିଦା ଦ୍କ୍ଲା, ପିତର୍କେ ଯୀଶୁ କଇରିଲା କ୍ତା ତାକେ ମ୍ନେ ହ୍ଡ୍ଲି, “କୁକ୍ଳା ଦୁଇତର୍ ବାସ୍ଲା ଆଗେ ତୁଇମକେ ତିନିତର୍ ନ୍ଜାଣିବ୍ଲି କ୍ଉସି।” 62ଆର୍ ସେ ସ୍କ୍ଳାଇ ହ୍ଣି ହ୍ଦାଇ ଜାଇ ଅଦିକ୍ କାକୁଲ୍ତି ଅଇ କାନ୍ଦ୍ଲା।
ଯୀଶୁକେ ଶଇନ୍ମ୍ନ୍ ଇନସ୍ତା କ୍ଲାଇ ଆର୍ ମାର୍ଲାଇ
(ମାଥି. ୨୬:୬୭,୬୮; ମାର୍କ ୧୪:୬୫)
63ଜୁଇ ଲକ୍ମ୍ନ୍ ଯୀଶୁକେ ଦ୍ରି ନ୍ଇ ସ୍ଙ୍ଗାଇ ରିଲାଇ, ସେମ୍ନ୍ ଯୀଶୁକେ ଲାଜ୍ କ୍ଲାଇ ଆର୍ ମାଡ୍ ମାର୍ଲାଇ, 64ସେମ୍ନ୍ ଯୀଶୁର୍ ଆକି ଲ୍ଗେ ହାଟ୍ଳି ବାନ୍ଦ୍ଲାଇ ଆର୍ ତାକେ ମାଡ୍ ମାରି ହ୍ଚାର୍ଲାଇ, ଯଦି ତୁଇ ବବିଶତ୍ କ୍ତା କ୍ଉତାଲକ୍! “କ୍ଉ ତକେ କେ ମାର୍ଲା?” 65ଆର୍ ସେମ୍ନ୍ ତାକେ ବେସି କ୍ତା କ୍ଇ ତାକେ ଲିନ୍ଦା କ୍ଲାଇ।
ଯୀଶୁକେ ଯିହୁଦିମ୍ନାର୍ କୁଟୁମ୍ ବ୍ସ୍ଲା ତ୍ଇ ନିଲାଇ
(ମାଥି. ୨୬:୫୯-୬୬; ମାର୍କ ୧୪:୫୫-୬୪; ଯୋହ. ୧୮:୧୯-୨୪)
66ଜ୍ଡେବ୍ଳ୍ ସ୍କାଳ୍ ଅଇଲି, ପାରାଚିନ୍ମ୍ନ୍, ମୁକିଆ ଜାଜକ୍ ଆର୍ ମୋଶାର୍ ନିଆଇ ଶିକାଉତା ଲକ୍ମ୍ନ୍କାର୍ ସ୍ଙ୍ଗ୍ ଗଟେକ୍ ଜାଗାଇ ରୁଣ୍ତ୍ଲାଇ, ଯୀଶୁକେ ବିଚାର୍ କ୍ରୁକେ ଯିହୁଦିମ୍ନ୍କାର୍ କୁଟୁମ୍ ବ୍ସ୍ଲା ଟାଣେ ନିଲାଇ। 67ସେମ୍ନ୍ କଇଲାଇ, “ଅମୁକେ କ୍ଉ ତୁଇ ଖ୍ରୀଷ୍ଟ କି?” ସେ ଉତର୍ଦିଲା, “ଯଦି ମୁଇ କଇନ୍ଦ୍ ତ୍ବେ ତୁମି ମର୍ କ୍ତାକେ ବିଶ୍ବାସ୍ ନ୍କେରାସ୍। 68ମୁଇ ଯଦି ଗଟେକ୍ କ୍ତା ହ୍ଚାର୍ଲାକେ ତୁମି ତାର୍ ଉତର୍ ଦେମ୍ ନାହାରାସ୍। 69ମ୍ତର୍ ମୁଇ ମାନାଇ ହିଲା ଅଳକ୍ ସମୟ୍ ହ୍ଚେ ବ୍ଡ୍ ଶ୍କ୍ତିମାନ୍ ଇଶ୍ଵରାର୍ କାତାଆତ୍ ବାଟ୍ ବ୍ସିନ୍।” 70ସେସ୍ବୁ ଲକ୍ମ୍ନ୍ ହ୍ଚାର୍ଲାଇ, “ତ୍ବେ ତୁଇ କାଇରି ଇଶ୍ଵରାର୍ ହଇସି?” ସେ ଉତର୍ଦିଲା, “ହା ମୁଇ ହ୍କା ସେ ଲକ୍, ତୁମି କଇଲା ହର୍।” 71ସେମ୍ନ୍ କଇଲାଇ, “ଅମୁକ୍ ଆରେକ୍ କାଇ ସାକି ଦ୍ର୍କାର୍ ନାଇ, ଅମିସ୍ବୁ ଲକ୍ମ୍ନ୍ ସେ ନିଜେ କଇଲାର୍ ଶୁନ୍ଲୁ ଆଚୁ।”
Seçili Olanlar:
ଲୁକ 22: BDVNT
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
Bodo Parja Bible (ବ୍ଡ଼୍ ହ୍ର୍ଜା) by The Love Fellowship is licensed under Creative Commons Attribution-ShareAlike 4.0 License.
