မာကု ကောစဒါ
ကောစဒါ
မာကု တဲမ်အူန် ဆဒါင်ကျ ယေဆုခရိအီုဝ် တဘေဲႇကျံမ်က်ုန်မဲ တန်ုဆဒါင်ကျ ဖိုန်အူပ်ဒီန် လီပ်ရန်ုအူအူပ်။ ယာမ်ယေဆုခရိ ပဲန်ဘီ တန်ုကံမ်ဖာအီုဝ် အ်ုန်ဂြည်ဒဲႈအူန် “ဧဝံဂေလိ” ဖိုန်အူပ်အီုဝ်၊ အိုမ်ငဲအ်ုန်မိူဝ်ႈ “ဆဒါင်ကျ။” ဆဒါင်ကျဖိုန်အူပ်ဂဲဒီန် ယေဆု ဟွည်ႇခါမ်ဒေယံမ် ဂဲတဲမ်အူန် ဘေဲႇကျံမ် မဿဲ၊ မာကု၊ လုကာဂါရ် ယောဟန်။ မာကု တဲမ်အူန် ဆဒါင်ကျ ယေဆုခရိအီုဝ် တန်ုဘေဲႇကျံမ်ခရိ ဆဒါင်ကျ ဖိုန်အူပ်ဒီန် အ်ုန်အဲမ်ညှိုႈညှိုႈ။ ပံပ်ဘေဲႇဆဒါင်ကျအီုဝ် ဘီဂဲညှိုမ်ဒိုည်ႇ မိူဝ်ႈပည်ဂဲတဲမ်အူန် ဇူႈအူ တက်ုန်ဒီ ၆၅–၇၀ (တောရ်ကိူရ်ဖံန်–ပူရ်ကိူရ်ဆန်ုမ်) ဘံန်ခရိ ဟွည်ႇကိူတ်လေႈ။ ဘေဲႇကျံမ် ပ်ုန်တဲမ်ဂဲအီုဝ် ဘီမှောဘီနံပ်၊ ဘီယိူဝ်ပိင်ငျာဂဲ ညှိုမ်ဒိုည်ႇ မိူဝ်ႈဂဲတဲမ်ဘေဲႇကျံမ်ဒီန် တန်ုကုင်ရောမ။ အတွငဲဒဲႈရဲင် တဘီအ်ုန်ဂွည် န်ုကုင်ရောမ တခရိဆျှံန်ဂဲ။
မာကုအီုဝ်၊ ဂဲနံပ်ပည်အ်ုန်မိူဝ်ႈ ယောဟန်မာကု၊ အ်ုန်ဘိူည်မိူဝ်ႈဂံတ် ဘူဂေါ တမန်ဇ်ုပေါလုဂါရ် ဗာရဗ္ဗ အခိင်အ်ုန်ဘ်ုပ်ဒေပဲတ်ပဲတ် ဒေင်ဆာဆနာဒေဒီန် ထိညှိုႈဂုင်ဆရေအ်ုန် (တ ၁၃.၁၃)။ ဘံန်လာ မာကုဂါရ် ဗာရဗ္ဗအာရ်ကူ ႎီရ်လာ်ႈရူမ်ထဲင်ဒေင် (တ ၁၅.၃၇–၃၉)။ မာကုအီုဝ် မှံတ်ညှိုႈပေတရုမိူဝ်ႈ ခိူည်ဘူဂေါအရာင်ဒေ (၁ ပေ ၅.၁၃)။ ယာမ်ယေဆု ပဲန်ဘီတန်ုကံမ်ဖာအီုဝ် မာကုဒီန် ဘိူည်မိူဝ်ႈဂံတ် ဆာ့်ဆေကာယိူဝ်ဒေငိူပ် တငါည်ဒေ၊ ဘီနံပ်ပိင်ငျာဂဲ ဘာ့်ဘာ့်ဘိူဝ်ဘိူဝ် ညှိုမ်ဒိုည်ႇ မိူဝ်ႈမာကုတဲမ်အူန် ဆာ့်ဆေပ်ုန်ဂြည် ပေတရု။ အီအီုဝ်မိူဝ်ႈ မာကု တဲမ်အူန် ဆဒါင်ကျ ယေဆုခရိအအီုဝ် အတွတီုင်ဆဒါင်ကျ။ တန်ုဆဒါင်ကျဒီန် မာကု ခံပ်အူန်တနွံရ်ႈဒေ အတွပဲန်တဘဲႇယေဆုဂါရ် ပ်ုန်ဆာင်ဆောန်အ်ုန် တခိင်ခါဝ်ဟာဆူတ်ဒီန်။
အောပ်ရံတ် ခိူည်မိူဝ်ႈခိူည်ပိုည်
၁။ ယာမ်စက်ုရ်ယိူဝ်ဒဲႈ ပံပ်ဘေဲႇကျံမ်မာကု (၁.၁–၁၃)
၂။ ဟွည်ႇဒီန်၊ မာကုဂြည်ပျ အကျံင်ကာန်ပ်ုန်ရ်ုရ် ယေဆု ယာမ်အ်ုန်ဂွည် တကပီုန်ကုင်ဂါလိလဲ (၁.၁၄—၈.၂၁)
၃။ ဟွည်ႇဒီန်၊ အ်ုန်ဂြည်ပျ အကျံင် ဒေင်ဆာဆနာ ယေဆု တကုင်ယေရုရှလင် (၈.၂၂—၁၀.၅၂)
၄။ မာကု တဲမ်အူန် ပ်ုန်ဟွည်ႇဒေဒိူည် ယာမ်အကျံင် ယေဆု ဂွည်တကုင်ယေရုရှလင်၊ အကျံင်အ်ုန်ခါမ်ဒေယံမ်ဂါရ် အကျံင် အ်ုန်ႎီရ်ယိူဝ်ႇအီမ်ဒိုရ်ယံမ်ဒီန် (၁၁.၁—၁၆.၈)
Seçili Olanlar:
မာကု ကောစဒါ: SPBT
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
The Word for the World International and The Shwe Palaung Bible Translation Reviewer Committee.