ปะทมมะกาน 4
4
คาอินกับอาแบล
1เจอฮาไนอาดัมกับเอวา อะไลก็อัมปรูอมอัอดมะนืย เจอละกวยอันเลิดอัมปอะกอน เจอเบินกอนกอ์นมะนาะ เบินเจอเอวาก็เวาปาย "ปันเยโฮวาออยะ นาก็ออ์นกึเบินกอนกอ์นอะไน" อะไลเลิดต็างละมึฮปาย คาอิน#4:1 คาอินอีกือคำฮีบรูนาก็เบินคูอมมายปาย เบินเจอ
2เจอดูนปัอะแอน เอวาก็เบินกอนกอ์นแอนมะนาะ ละมึฮอาแบล อาแบลอะไนเบินอาซีบเลียงแกะ เจอคาอินตูอายพัด ปันพูนาก็ตาะนีาตาะซวน
3เจอพะดีเบินมูจะไง คาอินนาก็ปันอาย เอดบ็าดบายอะตัอะตีซวนตีนีา อะปัอะทะวายอะปัอะปะจีาออ์นเยโฮวา 4อาแบลพูนาก็ปันแซมพัด เรือฮเอดจุมกอนแกะนาก็ปันกอนแก็ล อะตัอะตรายฮ เจอก็เอดตอนนาก็ก็าก ๆ อะปัอะบอ์ฮทะวายออ์นเยโฮวา เจอเยโฮวาก็พอไจกับอาแบลกับเนวทะวายคองอันอะกี 5คาอินกับเนวทะวายคองอันอะกี เยโฮวาบัดตัอพอไจไง คาอินเลิดอีรีาย มินมุฮละญอ์ะละติงอัอดซัง
6เยโฮวาเลิดอะบลัฮคาอินปาย "ไมรีายอันเตริว? ตะนาะมินมุฮไมจังละญอ์ะละติงอัอดซัง? 7ค็านไมตาะกลับ กึก็ซีพอไจญอมรับไม ฮักค็านไมนังตาะเนวนาก็ตัอกลับ บาบอะกีออยะ อะกันซีกุบซีเปไม ไมซูออ์นอันเปไมเดอ"
8เจอฮาไนคาอินเลิดจวนแซมอันลอฮจอ์ะตงนีา ตัอะตงนีาเจอ คาอินเลิดโดดปัอะแต็นแซมอัน จนแซมอันกะเจด
9เยโฮวาเลิดตัอะจอ์ะคาอินแอน เจอก็เวาปาย "คาอินเอย แซมไมอัอดปะลาะ?"
คาอินเวาปาย "อังกอะตัอด็าง อังกอะตุนปันพูเฮะพูกรัวแซม"
10เจอเยโฮวาก็เวาปาย "ไมตาะอันเตริวกับแซมไม? อะฮามคองแซมไม นาก็ฮอยจอ์ะกะแตะอะกี ปันลักทานนาก็ปูองไมปูอเรงเจอ ปายไมโลยฮ 11ไมตรายฮแซมไม อะฮามอันก็ลอฮจอ์ะกะแตะ เจอฮาไนกึก็ซีซาบแซงไม ตัอออ์นไมอัอดนึงกะแตะแทวไนนัง 12ตะไนตอปัอะ ไมตาะซวนตาะอันเตริวก็ซีตัอกือเตียะนัง ซีตัออุดมซมบูน เจอไมซีตองลอนเลพะเนจอนปัอะเลือย ๆ ซีตัอปันอัอดมูบอนนัง"
13เจอคาอินก็เวาปาย "เยโฮวาเอย โตดคองอังกอะอะไนอันตังอะเลอ จนอังกอะซีตนตัอปัน 14เฮะลาะ ไมก็ปูยอังกอะอะดิ ออ์นลอฮปัอะอัอดบอนกะนอฮ ดิละเยิงกับไม ออ์นอังกอะลอนเลพะเนจอนปัอะเลือย ๆ ค็านมะเลอโฮมอังกอะ อะไลก็ซีตรายฮอังกอะออยะ"
15เจอเยโฮวาก็เวานึงคาอินปาย "ตัอดัก ค็านเบินมะเลอนาก็ตรายฮไม กึก็ซีกะเจดกวยคองอะไลจนตัอะเจ็ดคน" เจอเยโฮวาก็ตาะเครืองมายอะดอะนึงตอ์คองคาอิน ค็านมะเลอโฮม อะไลก็ซีตัอตรายฮ
16เจอคาอินก็ลอฮปัอะละเยิงกับเยโฮวา ลอฮปัอะอัอดนึงกะแตะนาก็เบินละมึฮปาย กะแตะโนด กะแตะโนดบอนไนอัอดยาฮมะนางลอฮคองซวนเอเดน
กอนเจาคองคาอิน
17เจอฮาไนคาอินกับละกวยอัน อะไลอัมปรูอมอัอดมะนืย เจอก็เบินกอนกอ์นมะนาะ ละมึฮปาย เอโนก เจอคาอินก็ต็างวีลอะซอฮมูวีล เจออันก็อะโรละมึฮคองวีลอะไนปาย เอโนก กือละมึฮกอนอัน 18เจอเอโนกอะไนเอดละกวยเจอก็เบินกอนกอ์น ละมึฮปาย อิราด อิราดอะไนเบินกอนกอ์นละมึฮปาย เมฮุยาเอล เมฮุยาเอลอะไนเบินกอนกอ์นละมึฮปาย เมทูซาเอล เมทูซาเอลอะไนเบินกอนกอ์นละมึฮปาย ลาเมก
19เจอลาเมกอะไนเบินละกวยบาลนาะ ตูมะนาะละมึฮปาย อาดา เจอแอนมะนาะละมึฮปาย ซิลลา 20อาดาเบินกอนกอ์นบาลนาะ ละมึฮปาย ยาบาลกับยูบาล ยาบาลปันพูแรกนาก็อะไซอัอดนึงเต็น เจอก็เบินอาซีบเลียงซัด เจอกอนเจาคองอันก็อัอดนึงเต็น เบินอาซีบเลียงซัดมะเนวกับอัมปูอคองอะไลคือกัน 21แซมปะลูอะคองยาบาลละมึฮปาย ยูบาล ยูบาลปันพูแรกนาก็เบินซีมือตอยกะเจาปีกับปลงคลุย เจอกอนเจาคองอันก็ดวยะอันเต 22เจอละกวยคองลาเมกแอนมะนาะ นาก็ละมึฮซิลลาอะกี ก็เบินกอนบาลนาะ กอนปะลูอะอันละมึฮปาย ทูบัลคาอิน เจอกอนกะมอ์ลอันละมึฮปาย นาอามา ทูบัลคาอินปันจีางแต็นตากแต็นทองเลืองทองแดง ตาะเนวตักเนวไซกูเนว
23เจอลาเมกเวานึงอาดากับซิลลาละกวยคองอันปาย "อัมไปตัอะจะไนเฮะเดิว กึเบินเนวอีเวาออ์นอัมไปตะมึง เบินกวยกอ์นมะนาะนาก็ตัอะแต็นกึ กึเลิดตรายฮอันจิ 24แตเกาค็านเบินกวยตรายฮคาอินนาก็ปันอะจวยฮคองไฮอะกี พูซางปายซีกะเจดกวยคองอะไลจนตัอะเจ็ดคน ฮักฮาไนค็านเบินมะเลอนาก็ตรายฮกึ ก็ออ์นกวยคองอะไลกะเจดจนตัอะ 77 คนเตฮเดอ"
อาดัมกับเอวาเบินกอนแอนมะนาะแอน
25เจอฮาไนซีลับปัอะเวาเรืองคองอาดัมกับเอวาแอน อาดัมกับเอวาเบินกอนกอ์นแอนมะนาะ เจอเอวาก็เวาปาย "พูซางออ์นอังกอะเบินกอนกอ์นแอนมะนาะ แทนอาแบลนาก็คาอินตรายฮอะกี" อันเลิดต็างละมึฮกอนคองอันตูไนปาย เซด#4:25 เซดอีกือคำฮีบรูนาก็เบินคูอมมายปาย ออ์นเจอ 26เซดอะไนก็เบินกอนกอ์นละมึฮเอโนด ปันซวงคองเอโนดอะกีออยะ นาก็กวยเริมซันเซินอะทิดทานอะโรจอ์ะเยโฮวา
Seçili Olanlar:
ปะทมมะกาน 4: Bru Bible
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın