यूहन्ना भूमिका
भूमिका
यूहन्ना ओल्के मिनी अच्छा खाबोर गेन यीशु के परमेश्वर गा हमेशा वचन गा रुपो गेन घाल्के होय, डीचनी “कोम्बोर आरुटे आलेगा तलान डेरा डाके।” इनी पुस्ताक गेन इनी सापाका कथा होय, कि इनी अच्छा खाबोर इनिघल्जी ओल्के कि इनिजगा ओलमिठाच विश्वास डाए कि यीशु का वादा गा उध्दार दडामिठाच मतलब परमेश्वर गा कोणटे होय, एठा दिकु यीशु गेन विश्वास गा द्वारा जीवन घाटाया होना (यूह. 20:31)।
भूमिका गेन यीशु के परमेश्वर गा हमेशा वचन गा रुपो गेन दर्शातिंज्के होय। दियागा बादोन अच्छा खाबोर गा पेला भागो गेन याईय्या अचम्बो कामय या चिन्हा गा घालेवा होय, देटे इनी ओटबा होय कि यीशु वादा गा उध्दार दडामिठाच मतलब परमेश्वर गा कोणटे होय। दूसरा भागो शिक्षा होय। डेननी इनी समझातिंजकेकु होय कि इनी अचम्बो कामय गा मतलब चोच होय। इनी भागोन इनी घाल्ले होय कि टोनोगो अदा कुरकू नी यीशु गेन विश्वास डाके एठा दियागा मदत जिऊमिंकू आरोएन, जब कि अलग्गो कुरकू नी दियागा खिलाफ डाके एठा विश्वास दडा टे बान मेंके। 13-17 अध्याय गेन यीशु गा उठाऊ गा रातोन, यीशु गा दियागा चेलाकू गा सेंग्गोन पक्का बेल्लाऊ, एठा क्रूस लिंजेन पेपेळेच गा, गगाळातिंज गा, डाबोलटे हेजे, एठा डाबोलटे हेजे गा बादोन चेलाकू लिंजेन ओट गा वर्णन डाके होय।
यूहन्ना मसीह गा द्वारा हमेशा गा जीवन गा दान लिंजेन ताखत जेबा होय। येटेन म्या येनोगो दान होय जो आए भी सुरुवा होय एठा दिकुन घाटाऊवा होय जो यीशु के कोरा, सच्चो, एठा जीवन गा रुपोन मनेन नेज्बा होय। आत्मिक बातो के दर्शन गा घल्जी सुरुके जीवन गा साधारण चीजो गा प्रतिकोनौर गा रुपोन कामय गेन यूहन्ना गा म्या मुख्या कास होय, जैसा-डा, सोकळा, उजाला, ताठ्याकु एठा दियागा मेंडाकू, यानेकी अंगूर गा सिंज एठा डेगा फल।
रूप-रेखा :
भूमिका 1:1-18
यूहन्ना बपतिस्मा जिऊमिठाच एठा यीशु गा पेला चेला 1:19-51
यीशु गा सेवकाई 2:1-12:50
यरूशलेम शहर गेन आखरी गा अदा दिन 13:1-19:42
प्रभु गा डाबोलटे हेजे एठा दियागा डूगु होना 20:1-31
सूबा: गलील जिल्हा गेन डाबोलटे हेजे: डूगु होना 21:1-25
Seçili Olanlar:
यूहन्ना भूमिका: GOKNT
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.