Luka Otugbaɛbui
Otugbaɛbui
Luka Kibui Dzyɔgo kɛ bu Yesu kasɛ anasɛ tɛɖɛɖɔlu sɛ enu Ayɛyɛkɛ kɔ Izraɛl klɛ anasɛ ayɛyɛɛkɛ kɔ banɔdzyrame nɛ balɛ tɛzɛza mɛ petee. Luka aŋlɔmɛ asɛ Yesu nɛɛ Apalete nɛ Ɔfufɔɛ kulu yɛ sɛ “ayɛkɔ kibui dzyɔgo nɛ amɛna betsyutsyuni” (4:18), klɛ Kibui Dzyɔgo kɛɛ nɛ yuku nɛ ba gɛ ba yɛ kɔ tili nɛ banɔ gelee gɛ ba pɛɛ dɔ nɛ mɛ. Same nɛ edzi kibui nɛ Luka shui mɛ, kɛgɛganɛ nɛ oklu kesikpɛkpɛ gɛ kɛ ɖɔ Yesu tɛbɛba, nɛ kɛlɛ bhla nɛ obekekɔ, kɛbelɛlɛ nɛ gɛ Yesu ewu avɛ owũsise. Kristoanɛ kibui ɖuɖɔlu, kɛlɛ tɛ shishe nɛ kɛlɛ tɛɖɛɖɔkana nɛ Kristoanɛ tɛyɛyɛkɛŋa, nɛ kɛlɛede gɛ baɖɔ Yesu owũsise vɛvɛ, gɛ enu anɔ alɛlɛ gɛ kɛ ŋlɔmɛ nɛ Kɛxwɛwuwa gɛ kidzi anasɛ Luka ayɛkɔshu kɔ Tiofilɔs gɛ etinyi, agɛ aŋlɔmɛ dɔ nɛ ɔbhɛya ɔdɔgɔsɛ agɛ aplɛnɔ yɛ. Edi tabha ala lɛ (bupɛ 1-2 nɛ 9-19) gɛ kɛnu kɛdɔ gɛ bamɔ nɛ Kibui Dzyɔgoe nɛ mɛ, anasɛ ebuiɖɛɖɔlu denɔ edzɛdzɛ denɔ baxwɛdɛ ɛdzɛ zhɛzha nɛ ɛbhoshi agbɛgbanɔ Yesu ɔmɔkɔ tɛvɛvɛ, Yesu gɛ aza Kpayavu nɛ mɛ anasɛ anyɛnuvɔɛ, nɛ kɛkpalɛ denɔ Samaria eyi Dzyɔgo shu nɛ eyi lɛlɛ la shu. Ganɔ Kibui Dzyɔgo ba trɔ awɔ̃hu gbɛgbla nɛ kpayakuklu shu, Ɔfufɔɛ Dzyɔgo badzɛ balɛ ebui bhɛbhɛtɛ nɛ Yesu axwɛwuwa mɛ, nɛ Kpaya ebuizizi tsyitsye.
Kalɛmɛ Ebuilulu
Otugbaɛbui 1:1-4
Yohanɛsɛ Bunikpɛ nɛ Yesu Tɛmumɔ 1:5—2:52
Yohanɛsɛ Bunikpɛ axwɛwuwa 3:21—4:13
Yesu ɔtɔ axwɛwuwa nɛ́ Galelia 4:14—9:50
Denɔ Galelia ɔvɛnɔ Yerusalɛm 9:51—19:27
Ɔgɔnɛ gugɔɛ nɛ́ otsobunɔ Yerusalɛm 19:28—23:56
Tɛnyɛnyɛmɛ nɛ bekpui mɛ, ishu bubukasɛ, nɛ Apalete nɛ owũsise vɛvɛ 24:1-53
Seçili Olanlar:
Luka Otugbaɛbui: tcd
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
© Ghana Institute of Linguistics, Literacy and Bible Translation