Mataji 1
1
1-17: Luk. 3, 23-38.
1Ihâte iji ja vuhumilo vwa Jesu Kilisiti, umukina-Davidi, umukina-Abalahama;
2umwene Abalahama amubabile Jisikaka, Jisikaka amubabage Jakovo, Jakovo amubabage Juda navanakwavo,
3Juda avababage Peledze na Salaka, ababye kwa Tamala neke Peledze amubabage Hedzelono, Hedzelono amubabage Lama,
4Lama amubabage Haminadaba, Haminadaba amubabage Nahasono, Nahasono amubabage Salama,
5Salama amubabage Bohasa, je āmubabye kwa Lahaba, neke Bohasa amubabage Hobede, je āmubabye kwa Lutu, neke Hobede amubabage Jisaji,
6Jisaji amubabage Davidi, umutwa, neke Davidi amubabage Salomo, je āmubabihidze kwa va kwa Ulija,
7neke Salomo amubabage Lekabehama, Lekabehama amubabage Abija, Abija amubabage Asa,
8Asa amubabage Jehosapata, Jehosapata amubabage Jolama, Jolama amubabage Usija,
9Usija amubabage Jotama, Jotama amubabage Ahasa, Ahasa amubabage Hisikija,
10Hisikija amubabage Manase, Manase amubabage Amono, Amono amubabage Josija,
11Josija amubabage na Jekonija na vanakwavo pala pamwâka, gwe vavahamihidzaga ku Babele.
12Pambele pe vāvahamihidze ku Babele neke Jekonija amubabage Salatijele, Salatijele amubabage Selubabele,
13Selubabele amubabage Abijudu, Abijudu amubabage Elijakimi, Elijakimi amubabage Asolo,
14Asolo amubabage Sadoko, Sadoko amubabage Akimi, Akimi amubabage Elijudu,
15Elijudu amubabage Elejasala, Elejasala amu-babage Matana, Matana amubabage Jakovo,
16Jakovo amubabage Josefe, umugosi va Malija, je amubabaga Jesu, je vitigila ilitavwa je Kilisiti. 27, 17. 22.
17Vonda mwe vagendye mukipelela kyanavo ukuhuma pa Abalahama ukufika kwa Davidi vali vańikyumi na vataji (14); kangi ukuhuma pa Davidi ukufika pala, pe vāvahamihidzaga ku Babele, vali vańikyumi na vataji (14); kangi ukuhuma pala, pe vāvahamihidzaga ku Babele, ukufika kwa Kilisiti vali vańikyumi na vataji (14).
18Ukwene ukuholwa kwa Jesu kwagendye e nde: neke uṅina Malija, pe amufundilye Josefe, pe vave nukutolana, neke vavonage ingilidzwe kwa Mubepo umwîmike. Luk. 1, 36.
19Neke Josefe, umunu vakwe, pakuva ali mugolofu, pakuva asasakulaga ukumwelesa kuvanu, swe neke agulwime ukumuleka kińele.
20Neke pe ihodza idzi nde, neke avonage huju umuńa-mwandza va Nguluvi akumuvonekela mumaloto itigila: Josefe, ve mukina-Davidi, utane ukogopa ulwa kumutola Malija, umunu vako, pakuva ke ali nako mwileme ka Mubepo umwîmike, v. 18.
21alamuhola umwâna umuswamuve, je vwali umupelage ilitavwa ilya Jesu, pakuva je alavapoka avanu vakwe kundzanangifu dzanavo. Luk. 1, 31; 2, 21; Apos. 4, 12.
22Dzonda idzi dzavone-kelaga, ukuta dzapukilage mumo idza ludzovo lwa mutwa, lwe alongye mwa muvidzi, je itigila:
23„Lolage umuhindza alingilidzwa, alababa umwâna umuswamuve, ilitavwa alamupela ilya Imanwele, kwe kuta: Nguluvi mujisu.“
24Neke Josefe, pe asisimwike kutulo, swe neke agendelage lulo, lwe amulongye umuńa-mwandza va mutwa, neke amwegulage umudala vakwe
25neke atanage ukumutola ukufika pa miholele gya mwâna uva vuvele neke amupelage ilitavwa ilya Jesu. Luk. 2, 7.
Seçili Olanlar:
Mataji 1: II
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
New Testament in Bena © Bible Society of Tanzania, 1958.
