Matius 1
1
Rettenanna kabuttuanna Puang Yesus
Luk. 3:23-38
1Kabuttuanna Yesus Kristus peampoanna tomaraya Daud, peampoanna Abraham, susi inde laoannae:
2Keanak Abraham dadi Ishak,
keanak Ishak dadi Yakub,
keanak Yakub dadi Yehuda anna angganna
sirondongna.
3Keanak Yehuda dadi Pares anna Zerah nasibalii
Tamar,
keanak Peres dadi Hezron,
keanak Hezron dadi Ram,
4keanak Ram dadi Aminadab,
keanak Aminadab dadi Nahason,
keanak Nahason dadi Salmon,
5keanak Salmon dadi Boas nasibalii Rahab,
keanak Boas dadi Obed nasibalii Rut,
keanak Obed dadi Isai,
6keanak Isai dadi tomaraya Daud,
keanak Daud dadi Salomo nasibalii ambo' bainena
Uria,
7keanak Salomo dadi Rehabeam,
keanak Rehabeam dadi Abia,
keanak Abia dadi Asa,
8keanak Asa dadi Yosafat,
keanak Yosafat dadi Yoram,
keanak Yoram dadi Uzia,
9keanak Uzia dadi Yotam,
keanak Yotam dadi Ahas,
keanak Ahas dadi Hizkia,
10keanak Hizkia dadi Manasye,
keanak Manasye dadi Amon,
keanak Amon dadi Yosia,
11keanak Yosia dadi Yekhonya anna angganna
sirondongna. Attu iatoo dipali' to Israel lako Babel.
12Maiigkai pampalisan lako Babel,
keanak Yekhonya dadi Sealtiel,
keanak Sealtiel dadi Zerubabel,
13keanak Zerubabel dadi Abihud,
keanak Abihud dadi Elyakim,
keanak Elyakim dadi Azor,
14keanak Azor dadi Zadok,
keanak Zadok dadi Akhim,
keanak Akhim dadi Eliud,
15keanak Eliud dadi Eleazar,
keanak Eleazar dadi Matan,
keanak Matan dadi Yakub,
16keanak Yakub dadi Yusuf muanena Maria to undadian
Puang Yesus to digente' Kristus battu' dikua To dibassei bayu-bayu la ma'pasalama'.#1:16 To dibassei bayu-bayu la ma'pasalama': Illalan basa Yunani dikuaan Kristus, illalan basa Ibrani dikuaan Mesias.
17Dadi, mengkalao dio Abraham sae lako tomaraya Daud, sapulo appa' lapika. Mengkalao dio Daud sae lako attunna pampalisan lako Babel, sapulo appa' lapikna. Anna mengkalao dio attunna pampalisan sae lako kadadianna Kristus sapula appa' duka' lapikna.
Kadadinna Puang Yesus
Luk. 2:1-7
18Kadadinna Yesus Kristus, susi inde uleleannae: Maria idona, situmai Yusuf. Sapo ta'pa sidapo' anna manambukmo ura'na kakuasaanna Penawa Masero. 19Inde Yusuf-emesa to malolo, iamo nagei morai la kumassoro'. Sapo la napomatimmin annu moka la umpakasiri' tumainna lako tau kamban.
20Inde anna penawa-nawaan liumi Yusuf la kumassoro'e, mangngimpi napellambi'i malaeka' nasua Dewata, ma'kada lako nakua: “O Yusuf peampoanna tomaraya Daud, dau marea' umpobaine Maria, annu itin anak natambukko ura'na kakuasaanna Penawa Masero. 21La muane anakna anna la musangai Yesus#1:21Yesus: Kalembasanna ‘Dewata ma'pasalama'.’ annu la umpasalama' petauanna doi mai kasalaanna.”
22Ia nangei dadi susi anna malara lemba' battakadanna Puang Allata'alla napalanda' nabinna nakua: 23“Patamannia' talinga, itin anak darao la manambuk, la muane anakna anna la disangai Imanuel.” Imanuel kalembasanna “Nasolaangkia' Puang Allata'alla”.
24Millikki Yusuf, napogau' tongammi susi mangka natulasanni malaeka'na Dewata napolalan umpobaine Maria. 25Sapo tae' dengan siballa'i sambu' sae lako dadi anakna, muane. Yusufno ussangaii Yesus.
Seçili Olanlar:
Matius 1: MQJ
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
@LAI 2011 Indonesian Bible Society (Lembaga Alkitab Indonesia)
