Iyohaichish 30

30. Iyohaichish.

Iyohaichish. Nei kenru ayange ita shinotcha ki kuni Dabid karape.

1AA Ehoba, Aokai anak ne en riknare nisa ruwe ne gusu, Ku iramye na,

En epokba utara orowa no, shomo a en rapokikara kuni ne E ki nisa ruwe ne.

2Aa ku goro Ehoba Kamui,

E orun ku konishuk nisa, awa, Aokai en iwangere nisa ruwe ne na.

3Aa Ehoba, Aokai anak ne ku ramat Sheo wano yange;

Iteki shui orun rap utara tura no ku ran kuni ne en shiknure nisa ruwe ne.

4Aa ashkanne echi utara, Ehoba otta iyohaichish shinotchaki yan;

Shinuma koro Ashkanne-i gusu yaiiraige ki yan.

5Shinuma kinrakara ambe anak ne nisako ta patek an,

Koro pirika irenga anak moshiri ko-hoppa pakno an ruwe ne:

Onuman chish ambe anak ne reushi kuni ne ahun,

Koroka, kunneiwano nupetne hawe an na.

6Kuani anak, aeyaiepirikare an ita,

Samma pakno shomo ku moimoyege kusu ne, ari ku itak.

7Ehoba, Aokai anak ne irenga sange wa ku goro nupuri tumashnu no ashte nisa:

E koro nanuhu E nuina gusu, ku chiukopoye nisa ruwe ne.

8Aa Ehoba, E orun ku konishuk nisa;

Ehoba otta ku koramkoro ku ki nisa ruwe ne:

9Shui orun ku ran ita, ku kem gusu nep pirika ambe an a?

Koponchi anak ne E ramye kusu ne ya? nei ambe anak E koro sonep assuru ashte ya?

10Aa Ehoba, nu wa pirika irenga sange wa en kore:

Aa Ehoba, en ikashiu wa en kore.

11Aokai anak ne ku ki yaituwashkarap itasare wa en rimsere nisa ruwe ne:

Aokai ku goro aeshiyuk amip pita wa yainuchattek-i ani en kut-kore nisa ruwe ne.

12Tambe gusu ku ramat mo no an shomoki no iyohaichish E orun shinotchaki kusu ne.

Aa ku goro Ehoba Kamui, otusashuishiri pakno ne yakka E ko-yaiiraige ash na.

Seçili Olanlar:

Iyohaichish 30: AINU

Vurgu

Paylaş

Kopyala

Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın

Iyohaichish 30
Popüler Kutsal Kitap Ayetleri