Iyohaichish 28

28. Iyohaichish.

Dabid karape.

1AA Ehoba, E orun ku konishuk kusu ne;

Ku Watara, iteki en eashpa wa en kore;

En otta Aokai shomo itak yakun,

Shui otta rap utara ku koheraye kusu ne gusu ne na.

2Hawe ku ashte ita, E koro ashkanne ushike orun teke ku puni ita,

Ku koramkoro itak hawe nu wa en kore.

3Wen utara newa katpak ki utara tura

Iteki a en shirende kuni ne kara wa en kore;

Nei utara anak ne aota un utara otta itomo itak ye,

Koroka, keutum ta wenbe an ruwe ne.

4Nei utara ikichi nei no, koro iki wenbe an nei no kore wa en kore;

Teke ani karape apakari wa

Koro kunip koropare wa en kore.

5Nei utara anak ne Ehoba ki ikip esanniyo shomoki,

Shinuma teke ani akarape shomo esanniyo gusu,

Nei utara aisamka wa shomo aroshkire kusu ne na.

6Ehoba anak ne anunuke ne,

Ku ki koramkoro itak hawe nu nisa ruwe ne gusu ne na.

7Ehoba anak ne ku goro kiroro ne ku kikhumbe ne;

Ku keutum anak ne Shinuma gusu eyaikopashte nisa ruwe ne, awa, a en kashiobiuki ruwe ne:

Tambe gusu, ku keutum poron no nupetne;

Ku goro shinotcha ani Shinuma orun ku reika kusu ne na.

8Ehoba anak ne nei utara kiroro ne,

Koro shum kashiaota guru gusu an tumashnu kashiobiuki chashi ne ruwe ne.

9E koro utara kashiobiuki, E koro eikeshkoro utara nunuke;

Samata, nei utara ibere, otusashuishiri pakno ne yakka rikoshma wa en kore.

Seçili Olanlar:

Iyohaichish 28: AINU

Vurgu

Paylaş

Kopyala

Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın

Iyohaichish 28
Popüler Kutsal Kitap Ayetleri