Iyohaichish 18
18
18. Iyohaichish.
Shinotcha rekte esapane guru gusu ambe. Obitta no okai koro epokba utara newa Sauros tekehe wano aohaitare toko ta Ehoba koro uitek guru ne Dabid Ehoba otta shinotcha oma itak ne; orowa ene hawashi:—
1AA ku kiroro ne Ehoba, kuani E omap ash kusu ne.
2Ehoba anak ne ku watara ne, ku chashi ne, en kashiobiukip ne ruwe ne;
Gusu ku eyaikopashte kusu ne ku goro Kamui ne, ku goro tumashnu watara ne,
Ku kikhumbe ne, en kashiobiuki kuni kirawe ne, ku goro ri ushike ne ruwe ne.
3Airamye kunip ne Ehoba orun ku konishuk kusu ne:
Yakun, en epokba utara gusu en kaobiuki kusu ne na.
4Shiamba tush en okari nisa,
Pe-sambe korachi an wen-buri en ishitomare ruwe ne.
5Sbeo tush en okari ta an,
Bai akbe en samaketa an ruwe ne.
6Kuani a en epokba wa an ita Ehoba orun konishuk nisa,
Ku goro Kamui otta ko-hawe ashte na:
Shinuma kora kenru ta ku hawe anu,
Ku ashte hau Shinuma kisara otta anu nisa ruwe ne.
7Nei ita anak ne moshiri tusushke wa shimoye,
Nupuri asama ne yakka kotususatki,
Aige, ashuyeshuye, Kamui irushka ruwe ne gusu ne na.
8Shinuma kinrakara wa shupuya rikin,
Koro paroho wano hetuku abe anak okaibe isamka,
Abe o usat nei ambe gusu aparaparasere nisa ruwe ne.
9Shinuma kando ne yakka koreuba wa ran:
Kema choropoketa rui kunne-i an ruwe ne.
10Shinuma Kerub kata o wa hopumba.
Ruwe un, rera tekkup kata chashnu no hopumba nisa ruwe ne.
11Kunne-i ani yainuina kuni ushi ne kara,
Kunne wakka newa kando un rui nishkuru ani yainikkotama nisa ruwe ne.
12Shinuma kotchake un nupeki gusu nei toyekurok nishkuru newa
Abe-o usat newa kaukau kush ruwe ne.
13Ehoba shui kando ta kamui-humi ashte,
Iyotta rikunbe koro hawe sange, a wa,
Kaukau newa abe-o usat okai ruwe ne.
14Shinuma anak koro ai ak wa nei utara charichari,
Ruwe un, inne imeru sange wa isamka nisa ruwe ne.
15Aa Ehoba, Aokai kopashirota gusu,.
E etuhu orowa no hetuku rera mau gusu,
Wakka oman ru anukara,
Moshiri asam atusare nisa ruwe ne.
16Shinuma ri ushike wano teshkara wa en uk,
Inne wakka wano en etaye kusu ne na.
17En epokba okirashnu guru wano bene
En etunne utara wano bene en ohaitare ruwe ne; nei utara en gusu yupke kashuibe ne ruwe ne gusu ne na.
18A en ramusarakka wa an toho ta nei utara en kopiuki nisa:
Koroka, Ehoba en tumashnurep ne na.
19Shinuma poro ushiketa ne yakka en ande,
En enupetne gusu en kashiobiuki nisa ruwe ne na.
20Ehoba anak ne ku oupeka ambe an korachi en epirikare,
Ku teke turu-sak-i esanniyo wa iwayehe en kore nisa ruwe ne.
21Wen wa ku goro Kamui ku osura shomoki no,
Ehoba ruhu ku shikkashima nisa ruwe ne gusu ne na.
22Shinuma ki esanniyop obitta en shik-samata okai,
Kuani nei ipawetenge ku osura shomoki ruwe ne.
23Shinuma kotchaketa shui kuani opiri-sak ruwe ne,
Yairamatte wa wen-buri ku ki shomoki nisa ruwe ne.
24Tamhe gusu Ehoba anak ne ku oupeka ambe nukara,
Koro shik-samata okai ku turu-sak tekehe esanniyo wa en pirikare ruwe ne.
25Bamu-hauge guru otta Aokai anak ne eramu-hauge ki:
Oupeka guru otta oupekap ki kusu ne.
26Ashkanne guru otta Aokai ashkanne ne;
Itakkashi guru otta Aokai puri yupkep ne ruwe ne.
27Aokai anak ne otek-sak uirup kashiobiuki;
Koroka, pakesara shikihi rapokikara gusu ne na.
28Aokai anak ne ku ratchako uhuyeka,
Ku goro Ehoba ne Kamui anak ku kunne ushike pekereka kusu ne.
29Aokai an gusu kuani tumikoro utara tumuge kush;
Ku goro Kamui en kaobiuki gusu kuani chashi kama tereke ruwe ne.
30Kamui ruhu anak ne oupeka ne;
Kamui itak turuasakte itak ne ruwe ne;
Shinuma gusu eyaikopashte utara gusu an kikhumbe ne ruwe ne.
31Ehoba moshima anak inambe Kamui ne ruwe?
Chikoro Kamui moshima anak ne inambe Watara ne ruwe he an?
32Kiroro ani en koshaye,
Orowa, ku ruhu oupekarep anak Kamui ne ruwe ne.
33Shinuma anak ne ku kema momambe kemaha korachi ne kara:
Ri ushiketa en andep ne.
34Shinuma ku tekehe tumikoro kuni epakashnu,
Ku amunini shiunin-kani ku koreuba ruwe ne na.
35Aokai anak ne E koro kashichiobiuki kuni kikhumbe ne yakka en koropare;
E shimon teke en eukopashte,
E koro ramu-hauge ambe en porore ruwe ne.
36En choropoketa ku apkash ushike e porore,
Ku kema anak oteshu shomoki ruwe ne.
37En epokba utara ku keseamba wa ku oshkoni;
Nei utara aisamka pakno oara ku hoshipi shomoki ruwe ne.
38Nei utara hopumba eaikap pakno ku shirikik kusu ne;
Ku kema choropoke un hachiri kusu ne na.
39Tumi ku koro kuni ne kiroro ani Aokai en koshaye;
En epokba utara Aokai en choropoketa annokara nisa ruwe ne na.
40En etunne utara ku otuiba kuni ne
Aokai anak ne en epokba utara koro seturu en orun ko-kirure nisa ruwe ne.
41Nei utara hawe ashte a koroka, kashiobiuki kuni guru isam:
Ehoba otta ka ko-hawe ashte, yakka, shomo anu nisa ruwe ne.
42Nei ita rera rikipuni pana pakno nei utara tauge-tauge wa ku nokande nisa,
Machiya un ru otta an rauge-toi aosura korachi nei utara ku osurupa nisa ruwe ne.
43Utara ki sakayo orowa no Aokai en ohaitare nisa ruwe ne:
Moshiri uirup utara ku esapane kuni E kara:
Ku eamkiri shomoki utara en otta yaishieiwangere kusu ne.
44Nei utara en gusu an orushpe nu chiki, nani itaknu kusu ne:
Oya utara en otta itaknu kusu ne.
45Oya utara orake wa,
Otta anuina no an ushike wano tusususatki wa oaship kusu ne na.
46Ehoba anak ne ishu ruwe ne; ku Watara anak anunuke ne;
En kashiobiuki Kamui ariknare an na:
47En gusu ikemnu ki Kamui,
Utara en choropoketa rapokikara Kamui ka anunuke an.
48En epokba utara wano en ohaitare;
Ruwe un, Aokai anak ne hopuni wa en epokba utara kashi en punire ruwe ne:
Niwen buri koro guru wano en ohaitare ruwe ne.
49Tambe gusu, aa Ehoba, moshiri uirup utara tumugeta kuani E koyaiiraige ash na,
E reihei gusu ramye shinotcha ku ki kusu ne.
50Shinuma anak ne koro Moshiri Esapane guru shiri kashiobiuki ruwe ne;
Hembara pakno ne yakka koro Shum kashiaotap
Dabid newa koro sanikiri ramukoehauge ruwe ne na.
Seçili Olanlar:
Iyohaichish 18: AINU
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
© British and Foreign Bible Society 1897, 2018