YUH 13
13
Isa ka a la karandenilu sen mako
1Sani Taminkunna Sali ye se, Isa ka a lɔn ko a la waati ra dafa ko a ye bɔ dunuɲa rɔ ka wa a Fa ma. Wo le rɔ a ta mɛn dunuɲa rɔ woilu diyara a yɛ a ka a kaninteya ba yiraka woilu la haan ka a dan natamin. 2Wura fɛ dɔɔnninta le tɛrɛ. Ibulusa ra Isa janfa miriya don Simɔn Sikariyɔti dencɛ Judasi jusu rɔ. 3Isa ka a lɔn ko a Fa ra fen bɛɛ karifa a la, ko a bɔni Alla le rɔ, ale kɔsɛla Alla le ma. 4Wo rɔ a ka a lawuli tabali kunna, ka a la durikiba bɔ a kan na, ka funduni sidi a la. 5A banni wo kɛla a ka ji kɛ koli muran dɔ ka a la karandenilu sen mako damira, ka funduni sidini ta ka ii sen matoto.
6A se mɛn kɛra Simɔn Piyɛri ma, wo ka a fɔ a yɛ ko: «Maari, ile ri n sen mako wa?» 7Isa ka a jabi: «N ye mɛn kɛla, i ma wo kɔrɔ lɔn sisen; i ri a ɲayen kɔfɛ.» 8Piyɛri ka a fɔ a yɛ ko: «I ti n sen makola fewu!» Isa ka a jabi: «Ni n ma i sen mako, lɔnbaya ti ile ni nde tɛma.» 9Simɔn Piyɛri ka a fɔ a yɛ ko: «Maari, wo rɔ n sen kelen tɛ de, kɔni n bolo a ni n kun fanan!» 10Isa ka a jabi: «Ni i ra ban i kola, i ma kan ka i ko wo kɔ fo i sen, i fari fan bɛɛ sɛninya le. Aile fanan sɛninya le, kɔni ai bɛɛ tɛ.» 11(Baa a ka a lɔn ko mɛn kɛtɔ a janfala, wo le rɔ a ka a fɔ ko: «Ai bɛɛ sɛninyani tɛ.»)
12A ban mɛn kɛla ii sen makola, a ka a la durikiba bila a kan na ka i sii tabali la. Wo rɔ a ka a fɔ ii yɛ ko: «Ai bɛɛ ka a lɔn n ka mɛn kɛ ai la wa? 13Ai ye n kilila ko karanmɔɔ a ni Maari, ai jɔ le wo rɔ baa n ye wo le ri. 14Ni n ka ai sen mako, nde ai la Maari a ni ai la karanmɔɔ ri, aile ka kan ka i ɲɔɔn sen mako. 15Ka a masɔrɔn n nɔ misali le yirakala ai la, ai ka kan ka ai kɛ ai jɛrɛ yɛ ɲa mɛn dɔ. 16N ye tuɲa le fɔla ai yɛ ko: jɔn ti se warala a jɔntii ma, kelayala ti warala a talibidenba ma. 17Ni ai ka ko ɲin lɔn ɲumala, duwawu ye ai yɛ ni ai ka a kɛ.
18«N tɛ kumala ai bɛɛ yɛ; n ka a lɔn mɛn suwandini n bolo. Kɔni fɔɔ sɛbɛli kuma wo ye dafa ko: ‹Mɔɔ mɛn ye n na buru dɔɔnna, wo tii ri n janfa.› 19N ye a fɔla ai yɛ sisen sani wo ye kɛ waati mɛn, ni wo sera, ai ri a lemɛniya n ma ko n ye ye. 20N ye tuɲa le fɔla ai yɛ: ni mɔɔ mɔɔ ri sɔn n na karanden dɔ wo ra sɔn nde fanan dɔ, mɛn wa sɔn nde rɔ, wo ra sɔn n kelayaba rɔ.»
Janfa ko
21A banni wo fɔla, Isa sɔnɔmɛ jalamanna ka a yɛrɛyɛrɛ. A ka a sereya ko: «N ye tuɲa le fɔla ai yɛ ko: ai tɛma mɔɔ kelen di n janfa.» 22A karandenilu ka i ɲɔɔn mafɛnɛ kelen kelen ɲa ma ko a ye kumala yon na ko rɔ. 23A la karandenilu tɛma, mɛn duman a yɛ wo tɛrɛ ye Isa tɔrɔfɛ tabali la. 24Simɔn Piyɛri ka a ɲa kadɛn a yɛ ko a ni Isa maɲininka a ye kumala mɛn na ko rɔ. 25Karanden wo ka a madon Isa la ka a maɲininka a tolo kɔrɔ ko: «Maari, yon de wo tii ri?» 26Isa ka a jabi: «N di buru kunkundun sun dɔɔnnin muran dɔ, n di wo di mɛn ma, wo le n janfa la.» A banni Isa ka buru kunkundun ta ka a sun ka a di Simɔn Sikariyɔti dencɛ Judasi ma. 27Judasi ka buru wo sɔrɔn tuma mɛn na, Setana donda a jusu rɔ i kɔrɔ. Isa ka a fɔ a yɛ ko: «I ye mɛn kɛla, i ye kaliya kɛla.» 28Kɔni mɛnilu siini tɛrɛ tabali la, woilu ma a lɔn a ye wo fɔla mɛn dɔ. 29Ikomin Judasi mɛn tɛrɛ ye wodi lamarala, doilu la miriya ko Isa nɔ a lawala sali dɔɔnninfen san diya le, wala ka wa fen doilu datala misikinanilu la. 30Judasi ka buru kunkundun ta ka i bɔ ye i kɔrɔkɔrɔ. Su tun da ko.
Karandenilu ka kan de ka i ɲɔɔn kanin
31A wa mɛn kɛra, Isa ka a fɔ ko: «Sisen, Mɔɔ Dencɛ ka a la gbiliya labɔ, Alla fanan ka a la gbiliya labɔ ale rɔ. 32Ni Alla ka a la gbiliya labɔ ale rɔ, Alla fanan di a la gbiliya labɔ a jɛrɛ yɛ, a ri wo kɛ sisen. 33Den mɛsɛnilu n ye ai fɛ waati nin ɲin dɔ. Ai ri n ɲinin, kɔni ikomin n da a fɔ Yahudiyailu yɛ ɲa mɛn ma: ‹N wala yɔrɔ mɛn, ai ti se wala ye.› N ye a fɔla ai fanan yɛ sisen.
34«N ye jamarili kura le dila ai ma. Ai ye ai ɲɔɔn kanin. Ikomin ai diyara n yɛ ai fanan ye diya ai ɲɔɔn yɛ. 35Wo le rɔ bɛɛ ri a lɔn ko n na karandenilu de ai ri, ni ai ka ai ɲɔɔn kanin.»
36Simɔn Piyɛri ka a fɔ a yɛ ko: «Maari, i watɔ mi?» Isa ka a jabi: «N ye wala yɔrɔ mɛn dɔ, i ti se wala ye sisen, kɔni waati natɔ i ri bila n kɔfɛ.» 37Piyɛri ka a jabi: «Maari, nfenna n ti se bilala i kɔfɛ sisen? N di bɛn saya ma i la ko rɔ!» 38Isa ka a jabi: «I ri sa n na ko rɔ wa? N ye tuɲa le fɔla i yɛ ko: sani dondon ye kasi tuma mɛn dɔ i ri a fɔ fewu siɲa sawa ko i ma n lɔn!»
Seçili Olanlar:
YUH 13: AKS
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
© 2022 Pioneer Bible Translators
This work is licensed under the Creative Commons Attribution ShareAlike 4.0 license https://creativecommons.org/licenses/by-sa/4.0/
YUH 13 ile ilgili ücretsiz Okuma Planları ve Teşvik Yazıları
Yuhanna
Yuhanna İncili: 21-Günlük Okuma Planı
BibleProject | Yuhanna’nın Yazıları