HAOKAPHOK 10
10
Noahwui Naongarāwui Ara̱-azā
(1 Thot 1.5-25)
1Hi Noahwui naongarā Shem, Ham, kala Japhethwui naotunbing chi hithai; ra̱phongwui thili athumwui nao mayarnao kachungkha pharai.
2Japhethwui naotunbing: Gomer, Magog, Madai, Javan, Tubal, Meshech kala Tiras. 3Gomerwui naotunbing; Ashkenaz, Riphath kala Togarmah. 4Javanwui naotunbing: Elishah, Tarshish, Kittim, kala Dodanim. 5Ngayipheili kasombing chi athumwui eina khangayaona. Japhethwui naomayara ngarā, athum kachichāwui ngaleili, kachichā shimkhurna yur sāda kachichāwui tuiyur matui.
6Hamwui naotunbing: Cush, Egypt, Put kala Canaan. 7Cushwui naotunbing: Seba, Havilah, Sabtah, Raamah kala Sabteca. Ramahwui naotunbing: Sheba eina Dedan. 8Cushna Nimrodli pharai; kala ana okathuili kapanga miwui ngachaili kharena. 9Prohowui miktāli kapanga sā rengkathei akhana, chieina “Prohowui miktāli sā rengkathei Nimrod kathā” da chānsam sāsai. 10Awui awunga ngalei haokaphok chi Babel, Erech, kala Accad hibing hina, saikora hi Shinar ngaleili lei. 11Ngalei chiwui eina ana Assyriali vālaga Nineveh, Rehoboth-Ir, Calah, kala 12Nineveh eina Calahwui ngachaili khalei Resen kaho kahaka keinung chi asākai. 13Egyptna Ludim, Anamim, Lehabim, Naph-tuhim, 14Pathrusim, Casluhim (awui eina Philistinenaobing shoka), kala Caphtorimwui avāva̱na.
15Canaan hina pharākhare Sidonwui avāva̱na, chiwui thili Hethli pharai, 16kala Jebusbing, Amorbing, Girgashbing, 17Hivbing, Arkbing, Sinbing, 18Arvadbing, Zemarbing kala Hamatshina. Chiwui thili Canaanwui shimkhurbing apam kachida ngayaovai. 19Kala Canaannaobingwui ram Gerarwui Sidon eina thuilaga Gaza vāshung kala Sodomshong Gomorrah, Admah, kala Zeboiim, Lasha eina tangda vāshunga. 20Hi Hamwui naomayara ngarā, shimkhurbing, athumwui tuibing, kala athumwui ngaleibing kala athumwui miyurbingna.
21Shem, Japhethwui ama, Eberwui naongarāwui avāva̱la nao kachungkha pharai. 22Shemwui naomayara ngarā: Elam, Asshur, Arpachshad, Lud kala Aram. 23Aramwui naomayara ngarā: Uz, Hul, Gether kala Mash. 24Arpachshadna Shelahli pharai; kala Shelahna Eberli pharai. 25Eberna mayarnao khani pharai; akhawui ming Peleg hoi, kaja awui atamli okathui hi ngayarkhaihaowa, kala achināwui aming Joktan hoi. 26Joktanna Almodad, Sheleph, Hazarmaveth, Jerah, 27Hadoram, Uzal, Diklah, 28Obal, Abima-el, Sheba, 29Ophir Havilah, kala Jobab athumli pharai; saikora hi Joktanwui naosera. 30Athumna kapāna ram Shepharshong Mesha eina thuilaga zimikshoshongwui phungrei hupta vāshunga. 31Hi Shemwui naomayara ngarā, shimkhurbing, athumwui tuibing, athumwui ngaleibing kala athum miyurbingna.
32Hi Noahwui naomayara ngarāwui shimkhursera, athumwui mithot kala miyur athishurda, kala hiwui eina thuida okathuili miyur ngayaovāser kajina.
Seçili Olanlar:
HAOKAPHOK 10: TANGBSI
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
Tangkhul Naga Bible - Kathara Bible
Copyright © 2014 by The Bible Society of India
Used by permission. All rights reserved worldwide.