Luk 14 Popüler Kutsal Kitap Ayetleri

Paylaş

A katuun a parpara koru i tataala gono mei e Iesu. Ba nonei e habiritsina me poeiena i taren, “A katuun te la uanama i tar ega ngil bala korue ioulia, na u ngil teka ega pan balein u ngil i tanen temar ngil mena neien e tamanen ne tsinanen na tahol i tanen na galapien i tanen, na u toulanen na u hahinanen na nonei has. Te möa nen, nonei ema antunan katunun tsitsilo uanei i tar.

Esi tema antunan söata nanei a kuruse i tanen ema antunan katunun tsitsilo uanei i tar.

Taraha? A katuun te hapanena a solonen e hala puteier romana. Na katuun te hala puteiena a solonen, nonei ena luena romana a solo pan.”

Na e markato has uana iesana i tamilimiou a man tötöa. Alö go tula ban a mamanaka te ka memölö. Te möa nen, alö ema antunan katunun tsitsilo uamoi i tar.”

Tega hakats naia ta töa i tamilimiou tega kui menaien ta luma ta pia, nonei e ha nou? Nonei e gum mam bunou bate hakats nena a lahisa moni te antunenou a luma teka. Ba nonei te hakats has nanou tega antuna uu a moni tega hakapa meien a luma. Te möanen, nonei e tanie nou a luma, ba nonei tema antunan hakape noien. Ba eresi te tarer a ka teka te gol sile ren romana bate poeier, ‘A katuun teka e hatanian hatakei a luma, kaba ema antunan hakapa naneien!’

Pöata te katoe mia lö a kannou, ngöri u katuun ti möa ta ka, na u tuenrei omi, nu mou omi, na u matakiou. Ba lö te sasaalam romana. Nori ema antunan hamatana poutse roui lö romana. Kaba e Sunahan e hamatane nou lö romana tara pöata te takei pouts ria u katuun u niga tara tou mate.”

Be Iesu e poeiena, “U sol e nigana, kaba te taia na a nimal i tanen, e möa lel ta maroro tegi kato haniga pouts menaien. U mar sol teka ema antunan taguhu nanei u tsiktsiki tsi a man kaan leba tara kui. Ara e tatei kato baba tuun las naren. A katuun te ka mena u talingan hengo ega hengo!”