लुका 7 Popüler Kutsal Kitap Ayetleri

Paylaş

उहेसैर्‌हे सिमोन मुँइ तोरानि बोल्मेर्ला, यि अइमाइय किसा यट्‌का धेरे पेरेम कर्ल धरैस्, किसाबुने यक्‌राक् धेरेक्‍कुर पापलक् छेमा भेल रहेक्ला। उहेसैर्‌हे यहिं मोरानि धेरेक्‍कुर पेरेम कर्ल धरैस्। तर जैहिं थोर्के पापक् छेमा पाइल भेला उ मानुसे पेरेमउ थोर्के करट्‌थ्ला।” तसौ येसुइ उ अइमाइलाइ बोल्‍लोकुन्, “तोरा पापलक् छेमा भेहिन् सक्ल रहेस्ला।”

भेटौ येसुइ उ अइमाइ मानुसलाइ बोल्‍लोकुन्, “तुँइ मोरा उप्‍रै कर्ल बिस्वासक्‌भरे तोरालाइ पापेसौ जोगाल धरेस्ला, उहे भेइटे असौ तुँइ मज्जाइसौ जा।”

तसौ येसुक् पाछारिक्‌करे आहिन् ओक्‌राक् पाउ पोरिबानाइ, काँर्तिहि येसुक् टाङलक् लोरेसौ भिजातिहि आफ्निक् झोंटाइसौ पोंछ्‌तिहि ओक्‌राक् टाङ्‌लकै चुम्मा कर्तिहि महँङो खालक् अट्‌टर लागाइदेलकुन्।

ना ता मुँइ आफ्निऔ हजुरक्‌ठालाइ जाबाक्‌लाइ योग्यक् रहम्‍ना। बरुस् बचन बाजिदेटौ मोरा चाकर राम्‍रो भेइस्। किसाबुने मुँहु बर्के हाकिमलकक् अधिनमाहा रहम्‍ना। आउँ मोरौ अधिनमाहा सिपाहिलक् रहट्‌थ्ला। उखर्‌हालाइ मुँइ ‘यछि आउँ’ बोलिबुने आट्‌थ्‍ला, ‘जा’ बोलिबुने उखर्ह्‌वा जाट्‌थ्‍ला। आउँ मोरा चाकरुहुलाइ ‘यि काम कर्!’ बोलिबुने ओहिं उ काम करिहालैस्।” यि कहिन् सुनिबानाइ येसु छक्‍क पोर्लक्। ओछिसौ आफ्निक् पाछारि लाग्लाहार जम्‍माय मानुसलकलाइ येसुइ दिठाइबानाइ बोल्‍लाहा, “मुँइ तोहोरानि बोल्‍मेहेर्ला यट्‌का बर्के बिस्वास कर्लाहार मानुस ता मुँइ इस्‍राएल देसहुमा नाहादेख्ल।”

उखर्ह्‌वा येसुक्‌ठालाइ पुग्‍लटाकै थुप्‍रोय मानुसलकलाइ येसुइ रोग लाग्लक्‌भरे आउँ भुत लाग्लक्‌भरे राम्‍रो कारातिहि रैल्हक् आउँ थुप्‍रोयजेना अन्धालकुहु देख्बा पार्लाहार भेल रैल्हुहुन्। तसौ येसुइ ओछि आइल यहुन्‍नाक् चेलालकलाइ बोल्‍लाहा, “तोहोराखर्ह्‌वाइ जेहे-जेहे देख्ल धरहला आउँ सुन्ल धरहला, उहे कहिन् यहुन्‍नालाइ जाइबानाइ बोलोहोक्– अन्धालक् देख्लाहार बन्ल रहट्‌थ्ला, लङ्‌रालक् हिंठ्‌बा पार्लाहार भेल रहट्‌थ्ला, माहारोग लाग्ल मानुस सद्‌धे भेल रहट्‌थ्ला, बैर्‌हालक् सुन्बा पार्ल धरट्‌थ्ला, मोर्लो मानुसलक् जिउँटिहिन् उठ्‌ल रहट्‌थ्ला, आउँ गरिप दुखिलके परमेस्वरक् खुस्सिक् खभर सुन्बा पाइल रहट्‌थ्ला।