प्रेरित 1 Popüler Kutsal Kitap Ayetleri

Paylaş

तर पबित्‌र आत्मा तोहोरामाहा आइनेसौ तोहोराखर्ह्‌वाइ सक्‍ति पाहोला। आउँ तोहोराखर्ह्‌वा यरुसलेमै, पुरा यहुदिया आउँ सामरिया इलाकाइ आउँ पुराय पिर्‌थिबिभोरि मोरा साछि भेहोला।”

येसुइ उखर्ह्‌वालाइ बोल्‍लाहा, “यि कहिन् कख्‍नि भेबा आयला बाजिहिन् जान्बा खोज्बाक् तोहोराखर्ह्‌वाक् काम बोइने। उ ता परमेस्वर बाबाइ आफ्निक् अधिकारक्‌भटे निस्चित कर्ल कहिन् हो।

एकफेरा येसु चेलालकक्‌सङ्‌हिं खाबा बस्ते बेलाइ ओहिं उखर्ह्‌वानि यन्हिं बाजिहिन्‌ आग्या देलाहा, “तोहोराखर्ह्‌वा यरुसलेम छारिबानाइ कट्‌टुहु बुन् जाहा, तर स्वर्गोक् बाबाइ पबित्‌र आत्मा पाठाम्‍ना बाजिहिन् कर्ल पर्तिग्यालाइ तोहोराखर्ह्‌वाइ अस्‍याहिन् बसह। यि पर्तिग्याक् बिसइमा मुँइ तोहोराखर्ह्‌वालाइ आगारिय जानाल धर्लमेंहार। यहुन्‍नाइसेहे पानिक् बप्‍तिस्मा देओइ, तर असौ किच्छु दिनपाछुहि तोहोराखर्ह्‌वाइ पबित्‌र आत्माक् बप्‍तिस्मा पाहोला।”

आफ्नि दुक्ख भोगिबानाइ कुरुसै मोरिहिन् पाछु येसु चालिस दिनसम्‍मयँ घरि-घरि उहेखर्ह्‌वाक्‌ठालाइ देख्वार पोर्लोक् आउँ थुप्‍रोयबाजि पक्‍का पर्‌मानलकक्‌भटे आफ्निलाइ जिउँटो रहम्‍ना बाजिहिन् देखालक्, आउँ ओहिं उखर्ह्‌वालाइ परमेस्वरक् राज्जेक् बिसइमाहा कहिनलक् जानालाहा।

ओट्‌का बाजिहिन् सक्नेसौ उखर्ह्‌वाइ दिठातिहि-दिठातिहि येसु स्‍वर्गोक्‌पाखा उठाइ-लेगिजाइलक्, आउँ बादरे ओक्‌रालाइ झाँकालकुन्, तसौ येसु उखर्ह्‌वाक् नजरक्‌भटे अल्पिहिन् जाइलक्।

जख्‍नि उखर्ह्‌वाइ येसु आकासक्‌पाखा जाइतिहि कर्ल एकेटोले दिठातिहि रैल्हुहुन्। उहेटाकै एक्‍कासि गोरो लुगा पेहेर्ल दुइ जेना स्वर्गोदुत उहेखर्ह्‌वाक् छेंउहिमा ठड्‌ध्यालुहुन्। आउँ उखर्ह्‌वाइ यन्हिं बोल्‍लाहा, “ए गालिलक् मानुसेहेलक् तोहोराखर्ह्‌वा किसा ठड्‌ध्याइबानाइ आकासक्‌पाखा दिठातिहि रहला? येसु ता, तोहोराखर्ह्‌वाक्‌भटे स्वर्गोइ उठाइ-लेगिजाइल रहैस्। अख्‍नि जहेरङ् करिहिन् ओक्‌रालाइ तोहोराखर्ह्‌वाइ स्वर्गोइ जाइतिहि कर्ल देखेहेक्, उहेरङे करिहिन् येसु फेरि एक्‌दिन फर्किबानाइ आबगे।”