युहन्ना 3 Popüler Kutsal Kitap Ayetleri

Paylaş

“किल्हैकि परमेशरै की सारै संसारा संघै एही झ़ूरी कि तेऊ दैनअ आपणअ कलौतअ शोहरू बल़ीदान हणां लै ताकि ज़ुंण बी तेऊ दी विश्वास करे सह निं लोल़ी मूंअ, पर तेऊ लोल़ी सदा रहणैं आल़ी ज़िन्दगी भेटी।

परमेशरै निं आपणअ शोहरू संसारे मणछा लै सज़ा दैंदअ छ़ाडी, पर सह छ़ाडअ एते तैणीं कि संसारे सोभी मणछा तेऊ करै उद्धार भेटे।

ईशू दैनअ तेऊ लै ज़बाब, “हुंह खोज़ा ताखा का सत्त, ज़ै कोई नऊंअ ज़ल्म नांईं लए, सह निं परमेशरो राज़ भाल़ी सकदअ।”

ज़ुंण तेऊ दी विश्वास करा तेऊ निं सज़ा भेटणीं। पर ज़ुंण तेऊ दी विश्वास नांईं करा, तेऊ लै गअ इहअ करै दोश लागी कि तेऊ निं परमेशरे कलौतै शोहरू दी विश्वास किअ। (युहन्ना 5:10)

“सज़ा दैणैंओ कारण आसा इहअ कि प्रैशअ आअ संसारा दी और मणछै की प्रैशै छ़ाडी न्हैरै संघै खास्सी झ़ूरी, और तिन्नें तै काम ई बूरै।

अह आसा ज़रूरी कि तेऊए लोल़ी बढोतरी हुई और हुंह लोल़ी घटअ।

किल्हैकि ज़ुंण बूरअ करा सह निं प्रैशै नेल़ एछदअ। सह डाहा प्रैशै संघै ज़ीद। इहअ निं हआ कि तेऊए कामों दोश लागे तेऊ दी।

ज़ुंण परमेशरे शोहरू दी विश्वास करे, तेऊ भेटणीं सदा रहणैं आल़ी ज़िन्दगी; पर ज़ुंण शोहरू नांईं मंदअ, सह निं तेसा ज़िन्दगी भाल़ी सकदअ, तेऊ लै भेटणीं परमेशरा का सज़ा।”

“खास्सी साला पैहलै ज़िहअ परमेशरे गूर मुसा मिसर देशे गुलामीं का छ़ुटणैं बाद बणैं पितल़ा करै बणांईं दी दानअ उछ़टै दी च़की और ज़ुंणी तैहा दानुईं बाखा लै उझै भाल़अ तिंयां सोभ बच़ै। ठीक तिहअ ई च़कणअ हुंह मणछो शोहरू बी उछ़टै दी। (युहन्ना 8:28)

बाप्पू करा आपणैं शोहरू संघै झ़ूरी और तेऊ दैनअ सोभी गल्लो हक तेऊ लै।