Mathliyu 16 Popüler Kutsal Kitap Ayetleri

Paylaş

Sakanda antə Yesu pəla aka mjirthlipərni, “Kəlara mdə na ata bara nu ra, tar ka tsa nggəlar kərni, ka tsa kətə udzəm kadləkadla arni, ka tsa nu ra.

Tsuwa I akwa pəla ala ga, ga an Bitrəs, tsuwa ata pela ngəni antə I ata nci ikələziyarna, natə mta amzhi nggyariyari wa.

Tsuwa I ata hamta ala gə tsəkuramayeri ar kuthlikur na amtazi.” “Antə kəlara su tə ga ku mbwi akwa duniya ni, ata ndzi mbwimbwiyari amtazi, tsuwa kəlara su tə ga ku mpəli akwa duniya, ata ndzi mpəlimpəliyari amtazi.”

Kamnyar kəlara mdə na ata bara mbantə mpikari, mpikari ata sha. Amma kəlara mdə na ata hir shamta mpikari kamnyar na, tsa ata wutə mpika.

Kamnyar man ampaniyari ri, ma mda ata ndzi mthlakər shanga duniya ni, amma tsa ata ni ka mpikari? Wala tsuwa man tə mda ata mzhi paltari ka mpikari ri?

Antə tsa pəla ala ɗa, “Amma ar giri, giri ana pəla I an wa ri?” Antə Siman Bitrəs shinau ka pəla, “Ga an Kristi, Ɓzər Hyel na ka mpika.”

Antə Yesu shinau alari ka pəla, “Gə ka barka, Siman ɓzər Yahwana! Kamnyar aɗi mda an ngkər ala gə su ngəni wa, amma Təddarna na amtazi.