Genesis 32 Popüler Kutsal Kitap Ayetleri

Paylaş

Eʼthó꞉ne ne rón꞉kwe wahén꞉ron, “Kwáh kíʼ ó꞉nen iáh Jacob thaonsaiesanaʼtónhkhwake, ók Israel, aseʼkénh wetsaterí꞉io ne Rawenni꞉io ó꞉ni nonkwehshón꞉a, tánon kíʼ wahsatkwé꞉ni.”

Eʼthó꞉ne wahén꞉ron, “Saskáhtkaʼf, aseʼkénh ó꞉nenh iohrhenʼenhátie.” Ók ne Jacob wahén꞉ron, “Iáh thaonsakoniáhtkaʼwe, tsik enhstiaʼtaté꞉rihste.”

Ne Jacob raonhaʼstsíwa khók iéhsken; tánon rón꞉kwe waʼthiatatienenhá꞉ton tsi niió꞉re tawèn꞉teʼne.

Katí ne Jacob neh watená꞉taien Peniel wahaná꞉tonhkwe, ratónnions, “Aseʼkénh Wahí꞉ken ne Rawenni꞉io ó꞉ni kwáh waʼtiatiatatkonhsatká꞉neren, ók kíʼ shé꞉kon neʼ tsi kónhnhe kanonhstá꞉ton.”

Nó꞉nen ne rón꞉kwe saháttoke tsi iáh tahoʼshénni ne Jacob, rahiʼiá꞉ke tsi tehostón꞉tereh nón꞉we nahokón꞉reke; tánon ne Jacob iahatáhkwaʼte ne rahiʼià꞉ke tsi naʼtehonatatienén꞉ne.

Sók kíʼ wahawènhahse, “Nahó꞉ten iesá꞉iats?” Tánon wahén꞉ron, “Jacob.”

Eʼthó꞉ne ne Jacob wahoriʼwanón꞉tonhse, “Ahsathón꞉tate, takhró꞉ri, nahó꞉ten iesá꞉iats.” Nok wahén꞉ron, “Nontié꞉ren tsi seriʼwanóntha nakhsèn꞉na?” Tánon thóh nón꞉we nahoiaʼtaté꞉rihste.

Iáh thaʼtewakatén꞉tshon natié꞉na ne kenʼk ná꞉onske akwé꞉kon ne iorihwató꞉ken kanoronhkwátshera tánon akwé꞉kon ne iotokenhskeʼón꞉we nétho tsi nitshenaʼtón꞉ni ne sahnhá꞉tshera, aseʼkénh ne khók nakwatén꞉nits khá꞉wahkwe shaʼttiá꞉iaʼke kí꞉ken Jordan; tánon ó꞉nen tekentióhkwake wakítiohkwaientá꞉ʼon.

Katíʼ shé꞉kon nón꞉wa wenhniseraténion ne Israerʼró꞉nons iáh tehón꞉neks nhonítsha aoserenná꞉ta ne nohiʼià꞉ke nón꞉we tetkatsihkwahsón꞉tere, tiorí꞉wa tsi rahiʼià꞉ke nón꞉we nahokón꞉reke ne Jacob ne tsi tekák꞉hen ne rahnitshà꞉ke ioserennanentá꞉kon.

Eʼthó꞉ne ne Jacob wahaterén꞉naien, “O Tshewenni꞉io ne rakeʼníha Abraham tánon Tshewenní꞉io ne rakeʼníha Isaac, O SAIá꞉NER í꞉se takhró꞉ri, ‘Tho nón꞉we niaonsá꞉ke tsi nón꞉we tewakenakerahserá꞉ien tánon tsi tekwatsí꞉raien, tánon kwáh ioiánere tsi nenkoniatié꞉raʼse.’

Saskeʼniá꞉kenht, ahsathón꞉tate, tétstaʼs ne iatiatateʼkén꞉ʼa, tánon takenónhstat tsi nonkwá ne Esau, aseʼkénh ritshá꞉nihs; nontié꞉renʼk èntre tánon iakwakwé꞉kon enhshonkwanonhwariá꞉kon, skátne ne kaʼnisténhseraʼs ó꞉ni ne ratiksaʼokón꞉ʼahs.