Izere - 2006 WBT (NT) Drama

<div class="version vid2070 iso6393izr" data-vid="2070" data-iso6393="izr">
 <div class="book bkMAT">
 <div class="chapter ch9" data-usfm="MAT.9">
 <div class="label">9</div><div class="s">aYeso sak aner akak a t&#225; we&#817; t&#225; te atser</div><div class="r">(aMar 2.1-12; aLuk 5.17-26)</div><div class="p"> 1Ayong aYeso no&#817; kaye&#817;e&#817;r kukpara ashi nong a t&#250; ku bun nuwo&#817;p wu. 2&#193;ner akak tu ku be&#817;e&#817;n aner akak kuro&#817;m t&#225; we&#817; abas azining ni ike&#817;ng kameneng. Nizen iya aYeso t&#225; di kuno&#817;o&#817;k katsak ba, yong a fe&#817; be aner kuro&#817;k'e ye, &#8220;Igon'i, tu daam ba&#42892;, a ma ka re&#817;ng rine&#817;n wan.&#8221;</div><div class="p"> 3Be kufok anong &#225;ner kubo&#817;so&#817;p itsi &#225;kak fe&#817; kaye&#817;e&#817;r aye&#817; ba ye, &#8220;Aner na zhe&#817;e&#817;sh Adakunom.&#8221;</div><div class="p"> 4aYeso t&#225; ren kuto&#817;ro&#817;ng ba, iyong a fe&#817; be ba ye, &#8220;Akye&#817; sak yin nye yin amaan kuto&#817;ro&#817;ng anong kaye&#817;e&#817;r aye&#817; yin e&#817;? 5Inyaka ro&#817; ne i nar e&#817;? A ta fe&#817; be aner ye, &#8216;A ma ka re&#817;ng rine&#817;n wan,&#8217; ka &#8216;Dorok ta tseng&#8217; e&#817;? 6Amma mi shim yin ta ren yin ye, Igon Anerawe be kukyem a tanin re&#817;ng rine&#817;n kaye&#817;e&#817;r kazatse,&#8221; iyong a fe&#817; be aner aya a t&#225; we&#817; abas azining ame ye, &#8220;Dorok t&#225; sok ike&#817;re&#817; kameneng wan ta be kari.&#8221; 7Ayong aner ame dorok, a t&#225; be kari. 8Nizen iya &#225;nerawe ame t&#225; di anong, inyim t&#250; ro&#817; ba iyong &#225; kerek Adakunom aya a t&#225; no&#817;o&#817;k &#225;nerawe kukyem kuri kuyong.</div><div class="s">Kuyis aMatiyu</div><div class="r">(aMar 2.13-17; aLuk 5.27-32)</div><div class="p"> 9aYeso t&#225; ya kasho&#817;o&#817;n be kutseng ne a di afe kushashang itso&#817;m iben akak a t&#250; ku yis ye aMatiyu, a se nusonong naro&#817; itomong wu. aYeso fe&#817; be wu ye, &#8220;Ni kuus,&#8221; iyong a dorok nong a t&#250; ku kuus.</div><div class="p"> 10Nizen aYeso ta se be iya naya nasa aMatiyu'me, &#225;fe kushashang itso&#817;m iben whe&#817;re&#817; ne &#225;fe rine&#817;n be&#817;s ne &#225; ya mak be wu ne alimazhiri wu. 11&#193;ner aFarisi akak t&#225; di anong iyong a rip &#225;limazhiri'me ye, &#8220;Akye&#817; sak &#225;ner kubo&#817;so&#817;p yin yas be &#225;fe kushashang itsom iben ne &#225;fe rine&#817;n e&#817;?&#8221;</div><div class="p"> 12aYeso t&#225; fa fok anong ne a fe&#817; ye, &#8220;Aya a ta nye atser tse&#817;r abok ba&#42892;, afe iro&#817;k tse&#817;r. 13Tseng yin se tse&#817;r yin ike&#817;ng iya rife&#817; Adakunom na tin fe&#817; natoon'e: &#8216;Mi nar kushim ku tonong kuro&#817; riye&#817; be tana nye asidaka.&#8217; Kamok mi be&#817; ta yis aya a ta di ye ba se gye&#817;r nasho&#817;o&#817;n Adakunom ba&#42892;, mi be&#817; ta yis &#225;fe rine&#817;n.&#8221;</div><div class="s">Kurip natoon kunye azumi</div><div class="r">(aMar 2.18-22; aLuk 5.33-39)</div><div class="p"> 14Ayong &#225;limazhiri aYohana be&#817; nong &#225; ta rip aYeso ye, &#8220;Akye&#817; sak yir be &#225;ner aFarisi man ne i nye yir azumi, amma &#225;limazhiri wan nye ba&#42892; e&#817;?&#8221;</div><div class="p"> 15aYeso fe&#817; be ba ye, &#8220;&#193;ferime&#817; aner aya a ta sok abining afas ta nye riye&#817; riwe kum ne ba rusek be aner aya a t&#225; nye kuwe&#817;ne&#817;ng'e a? Izen saase ife &#225; tana sok aner a tana ku rosom kuwe&#817;ne&#817;ng'e nasho&#817;o&#817;n ba, nizen iyong ne ba ta nye azumi.</div><div class="p"> 16&#8220;Ko akak ta basak kures be itan'e ifas iya i ta furuk ba&#42892;, kamok itan'e ta bun i wuruk kaye&#817;e&#817;r kures'e ne ribong'e nibarang. 17A korok ashi anap afas kaye&#817;e&#817;r ariding kukpa kuzen ba&#42892;, ke a nye anong ariding'e t&#224; sarak ne ashi anap'e #9.17: Ashi Anap: fa: Akanang Ike&#817;re&#817; Ikak, kaye&#817;e&#817;r nafarap'e nakak. nyosong. Ariding'e ta beseng. A korok ashi anap afas na ariding kukpa kufas, be anong ne cice&#817;r t&#224; sor gye&#817;r.&#8221;</div><div class="s">Angas aZharus be abining akak naso&#817;k t&#225; tas</div><div class="r">(aMar 5.21-43; aLuk 8.40-56)</div><div class="p"> 18aYeso t&#225; ru fe&#817; anong, ako&#817;k kasho&#817;o&#817;n kutu aduwa akak be&#817;, a t&#225; be&#817; tiguum nasho&#817;o&#817;n aYeso ne a fe&#817; be wu ye, &#8220;Angas'i ku kyo&#817;o&#817;rna'me. Be&#817; tin sak kubo&#817;k ni wu nong a t&#224; te atser.&#8221; 19aYeso dorok mak be &#225;limazhiri wu nong a ta tseng.</div><div class="p"> 20Nama anong, abining akak, naso&#817;k t&#225; teng aye&#817; kuso&#817;k be afa be&#817; nabas kama aYeso nong a t&#225; ra kanu kukpiin aYeso'me. 21Abining ame to&#817; riye&#817; wu ye, &#8220;Ke mi ra kukpiin wu tsek, mi t&#224; te atser.&#8221;</div><div class="p"> 22aYeso t&#225; fa kirik a t&#250; ku di, yong a fe&#817; be wu ye, &#8220;Sang wan tu daam ba&#42892;, angas, kuno&#817;o&#817;k katsak wan n sak wan n te atser.&#8221; Ne abining'e wor a te atser nizen iyong.</div><div class="p"> 23Nizen aYeso t&#225; no&#817; nasa ako&#817;k kasho&#817;o&#817;n ame, a di &#225;fe kute&#817;p asharuwa ne &#225;nerawe be riwo&#817;ng. 24Ne a fe&#817; be ba ye, &#8220;Tseng yin, kanamang'e n ku ba&#42892;. A se be ida.&#8221; Ayong &#225; tu mas. 25Nama a t&#225; tun rigwo&#817;m ame nufang, ne a no&#817; kaye&#817;e&#817;r kutu'me, a t&#225; sok kubo&#817;k kanamang'e, ne ka dorok. 26Itak na tseng koake&#817; kaye&#817;e&#817;r kaben'e.</div><div class="s">aYeso sak akpato&#817;o&#817;n be agbanu &#225;kak t&#225; te atser</div><div class="p"> 27aYeso t&#225; fa won azong, iyong &#225;kpato&#817;o&#817;n afa san ku kukuus ne &#225; tang kuto&#817; ne &#225; ku yis ye, &#8220;Igon aDauda, ro&#817; riye&#817; yir!&#8221;</div><div class="p"> 28Nizen aYeso t&#225; no&#817; kaye&#817;e&#817;r kasa kakak, &#225;kpato&#817;o&#817;n afa ame be&#817; nufu, yong a t&#250; ku rip ba ye, &#8220;Yin ti no&#817;o&#817;k yin katsak ye, mi ta kyem i ka sak yin ta te yin atser a?&#8221;</div><div class="p">Ayong ba fe&#817; ye, &#8220;Ei, Atekasa!&#8221;</div><div class="p"> 29Ayong aYeso ra anyisi ba ne a fe&#817; ye, &#8220;Won i tu se anong, kyo&#817;ndi yin ti no&#817;o&#817;k yin katsak.&#8221; 30Anyisi ba wor a karak. aYeso tu kpam ba ye, &#8220;Sang &#225; tu tak akak ba&#42892;.&#8221; 31Amma &#225; ban a wuruk nong a t&#225; tsang &#225; taas itak kaye&#817;e&#817;r kaben'e cice&#817;r ingya.</div><div class="p"> 32Nizen ba ta sen wuruk, &#225;ner akak be&#817;e&#817;n aner akak a t&#225; be amaan nabik nufe aYeso, i t&#250; ku roon kufe&#817; kanu. 33A ta fa tun amaan nabik'e, aner a t&#225; tsang a nye agbanu ame fe&#817; kanu. &#193;nerawe whe&#817;re&#817; te zhing ne &#225; fe&#817; ye, &#8220;Yir kun di yir ike&#817;ng ikak ana niben Isarela ba&#42892;.&#8221;</div><div class="p"> 34Amma &#225;ner aFarisi fe&#817; ye, &#8220;Be kukyem agwo&#817;m &#237;tseng'e ne a ti turung nabik'e.&#8221;</div><div class="s">&#193;fe itomong'e gop ba&#42892;</div><div class="p"> 35Nama anong aYeso tsang tseng na agbang iwo&#817;p ne izhizhe&#817;k'e cice&#817;r, ne a nye awazi kaye&#817;e&#817;r atu aduwa ba. Ne a ku taas ba Rife&#817; Ritek natoon rigwo&#817;m Adakunom ne a sak &#225;fe iro&#817;k ze&#817;r ze&#817;r te atser. 36Nizen aYeso t&#225; di &#225;nerawe whe&#817;re&#817;, a ro&#817; riye&#817; ba, kamok &#225; se nudaam, &#225; be akak a tana ka tobok ba ba&#42892;. &#193; se kyo&#817;ndi itsamang dar afek. 37Ayong a fe&#817; be &#225;limazhiri wu ye, &#8220;Ishamang kuse dide&#817;ng, amma &#225;fe itomong'e se hiir. 38Kamok anong nye yin aduwa nong atek riko&#817;'me tin barang &#225;fe a tana ku nye itomong ishamang'e.&#8221;</div>
 </div>
 </div>
</div>

Ayong aYeso no̱ kaye̱e̱r kukpara ashi nong a tú ku bun nuwo̱p wu. Áner akak tu ku be̱e̱n aner akak kuro̱m tá we̱ abas azining ni ike̱ng kameneng. Nizen iya aYeso tá di kuno̱o̱k katsak ba, yong a fe̱ be aner kuro̱k'e ye, “Igon'i, tu daam baꞌ, a ma ka re̱ng rine̱n wan.”
Be kufok anong áner kubo̱so̱p itsi ákak fe̱ kaye̱e̱r aye̱ ba ye, “Aner na zhe̱e̱sh Adakunom.”
aYeso tá ren kuto̱ro̱ng ba, iyong a fe̱ be ba ye, “Akye̱ sak yin nye yin amaan kuto̱ro̱ng anong kaye̱e̱r aye̱ yin e̱? Inyaka ro̱ ne i nar e̱? A ta fe̱ be aner ye, ‘A ma ka re̱ng rine̱n wan,’ ka ‘Dorok ta tseng’ e̱? Amma mi shim yin ta ren yin ye, Igon Anerawe be kukyem a tanin re̱ng rine̱n kaye̱e̱r kazatse,” iyong a fe̱ be aner aya a tá we̱ abas azining ame ye, “Dorok tá sok ike̱re̱ kameneng wan ta be kari.” Ayong aner ame dorok, a tá be kari. Nizen iya ánerawe ame tá di anong, inyim tú ro̱ ba iyong á kerek Adakunom aya a tá no̱o̱k ánerawe kukyem kuri kuyong.


aYeso tá ya kasho̱o̱n be kutseng ne a di afe kushashang itso̱m iben akak a tú ku yis ye aMatiyu, a se nusonong naro̱ itomong wu. aYeso fe̱ be wu ye, “Ni kuus,” iyong a dorok nong a tú ku kuus.
Nizen aYeso ta se be iya naya nasa aMatiyu'me, áfe kushashang itso̱m iben whe̱re̱ ne áfe rine̱n be̱s ne á ya mak be wu ne alimazhiri wu. Áner aFarisi akak tá di anong iyong a rip álimazhiri'me ye, “Akye̱ sak áner kubo̱so̱p yin yas be áfe kushashang itsom iben ne áfe rine̱n e̱?”
aYeso tá fa fok anong ne a fe̱ ye, “Aya a ta nye atser tse̱r abok baꞌ, afe iro̱k tse̱r. Tseng yin se tse̱r yin ike̱ng iya rife̱ Adakunom na tin fe̱ natoon'e: ‘Mi nar kushim ku tonong kuro̱ riye̱ be tana nye asidaka.’ Kamok mi be̱ ta yis aya a ta di ye ba se gye̱r nasho̱o̱n Adakunom baꞌ, mi be̱ ta yis áfe rine̱n.”


Ayong álimazhiri aYohana be̱ nong á ta rip aYeso ye, “Akye̱ sak yir be áner aFarisi man ne i nye yir azumi, amma álimazhiri wan nye baꞌ e̱?”
aYeso fe̱ be ba ye, “Áferime̱ aner aya a ta sok abining afas ta nye riye̱ riwe kum ne ba rusek be aner aya a tá nye kuwe̱ne̱ng'e a? Izen saase ife á tana sok aner a tana ku rosom kuwe̱ne̱ng'e nasho̱o̱n ba, nizen iyong ne ba ta nye azumi.
“Ko akak ta basak kures be itan'e ifas iya i ta furuk baꞌ, kamok itan'e ta bun i wuruk kaye̱e̱r kures'e ne ribong'e nibarang. A korok ashi anap afas kaye̱e̱r ariding kukpa kuzen baꞌ, ke a nye anong ariding'e tà sarak ne ashi anap'e nyosong. Ariding'e ta beseng. A korok ashi anap afas na ariding kukpa kufas, be anong ne cice̱r tà sor gye̱r.”


aYeso tá ru fe̱ anong, ako̱k kasho̱o̱n kutu aduwa akak be̱, a tá be̱ tiguum nasho̱o̱n aYeso ne a fe̱ be wu ye, “Angas'i ku kyo̱o̱rna'me. Be̱ tin sak kubo̱k ni wu nong a tà te atser.” aYeso dorok mak be álimazhiri wu nong a ta tseng.
Nama anong, abining akak, naso̱k tá teng aye̱ kuso̱k be afa be̱ nabas kama aYeso nong a tá ra kanu kukpiin aYeso'me. Abining ame to̱ riye̱ wu ye, “Ke mi ra kukpiin wu tsek, mi tà te atser.”
aYeso tá fa kirik a tú ku di, yong a fe̱ be wu ye, “Sang wan tu daam baꞌ, angas, kuno̱o̱k katsak wan n sak wan n te atser.” Ne abining'e wor a te atser nizen iyong.
Nizen aYeso tá no̱ nasa ako̱k kasho̱o̱n ame, a di áfe kute̱p asharuwa ne ánerawe be riwo̱ng. Ne a fe̱ be ba ye, “Tseng yin, kanamang'e n ku baꞌ. A se be ida.” Ayong á tu mas. Nama a tá tun rigwo̱m ame nufang, ne a no̱ kaye̱e̱r kutu'me, a tá sok kubo̱k kanamang'e, ne ka dorok. Itak na tseng koake̱ kaye̱e̱r kaben'e.

aYeso tá fa won azong, iyong ákpato̱o̱n afa san ku kukuus ne á tang kuto̱ ne á ku yis ye, “Igon aDauda, ro̱ riye̱ yir!”
Nizen aYeso tá no̱ kaye̱e̱r kasa kakak, ákpato̱o̱n afa ame be̱ nufu, yong a tú ku rip ba ye, “Yin ti no̱o̱k yin katsak ye, mi ta kyem i ka sak yin ta te yin atser a?”
Ayong ba fe̱ ye, “Ei, Atekasa!”
Ayong aYeso ra anyisi ba ne a fe̱ ye, “Won i tu se anong, kyo̱ndi yin ti no̱o̱k yin katsak.” Anyisi ba wor a karak. aYeso tu kpam ba ye, “Sang á tu tak akak baꞌ.” Amma á ban a wuruk nong a tá tsang á taas itak kaye̱e̱r kaben'e cice̱r ingya.
Nizen ba ta sen wuruk, áner akak be̱e̱n aner akak a tá be amaan nabik nufe aYeso, i tú ku roon kufe̱ kanu. A ta fa tun amaan nabik'e, aner a tá tsang a nye agbanu ame fe̱ kanu. Ánerawe whe̱re̱ te zhing ne á fe̱ ye, “Yir kun di yir ike̱ng ikak ana niben Isarela baꞌ.”
Amma áner aFarisi fe̱ ye, “Be kukyem agwo̱m ítseng'e ne a ti turung nabik'e.”

Nama anong aYeso tsang tseng na agbang iwo̱p ne izhizhe̱k'e cice̱r, ne a nye awazi kaye̱e̱r atu aduwa ba. Ne a ku taas ba Rife̱ Ritek natoon rigwo̱m Adakunom ne a sak áfe iro̱k ze̱r ze̱r te atser. Nizen aYeso tá di ánerawe whe̱re̱, a ro̱ riye̱ ba, kamok á se nudaam, á be akak a tana ka tobok ba baꞌ. Á se kyo̱ndi itsamang dar afek. Ayong a fe̱ be álimazhiri wu ye, “Ishamang kuse dide̱ng, amma áfe itomong'e se hiir. Kamok anong nye yin aduwa nong atek riko̱'me tin barang áfe a tana ku nye itomong ishamang'e.”

Dinleyin aMatiyu 9