Ang Mga Talinhaga ni JesusHalimbawa

PAGPAPATAWAD SA DI PATAS NA MGA UTANG
Habang hindi magkatulad na mga kwento ang dalawang siping ito, pareho silang tumutukoy sa kapangyarihan ng pagpapatawad. "Sa dalawang siping ito, itinuturo ni Jesus ang kapangyarihan ng kapatawaran. Sa unang talinhaga, ipinapaliwanag ni Jesus ang kahalagahan ng pagpapatawad sa isang taong nangangailangan ng malaking kapatawaran. Sa isa naman, inilalarawan ni Jesus na dahil sa Kanyang dakilang awa, dapat rin tayong magpakita ng dakilang awa sa iba." Gaano mo kadalas isinasaalang-alang ang dakilang pagpapatawad ng Diyos sa ating mga kasalanan nang Siya'y nasa krus? Mas nakikita mo ba ang sariling mong sinusubukan at nababawasan ang iyong mga kasalanan o pinapapurihan ang Kanyang kapatawaran? Gaano mo kadalas natatagpuan ang sariling mong nagpapasalamat para sa Kanyang pagpapatawad?

Nagpapahayag rin ang siping ito mula sa Mateo ng ating pananagutan na magpatawad ng iba. Sa bersikulo 35 nagbabala si Jesus na kung hindi natin patatawarin nang buong puso ang ating mga kapatid, hindi Niya rin tayo patatawarin! Nararapat lamang na itigil ng hamong ito ang anumang argumento tungkol sa pagkikimkim ng hindi pagpapatawad.

Kaya't tanungin mo ang sarili mo: sino ang kailangan mong patawarin? Kanino ka nakakaramdam ng poot, galit, at sama ng loob? Sa asawa, anak, ibang miyembro ng pamilya, kaibigan, o katrabaho? Mayroon bang isang taong kinakailangan mong hingan ng pagpapatawad? Kanino ka kailangan magpakumbaba at humingi ng kanilang kapatawaran sa anumang naging pagkakamali mo sa kanila?