Puro Pera Pero...

Ituon Ang Iyong Paningin Sa Panginoon

Paano Makakaiwas sa Panganib ng Pagkakasala?

Kabaitan, isang Bunga ng Espiritu

Pagtitiis, Isang Bunga Ng Espiritu

Ang Kalayaang hatid ng Pagsuko

Ang Katumbas na Halaga sa Pagsunod kay Cristo

Pag-Ibig, Isang Bunga ng Espiritu

Ang Mabuhay ng Walang Takot

Undefeated: The Victorious Prayer Life (Tagalog)

<div class="version vid399 iso6393tgl" data-vid="399" data-iso6393="tgl">
 <div class="book bkCOL">
 <div class="chapter ch1" data-usfm="COL.1">
 <div class="label">1</div><div class="p"> 1Mula kay Pablo, apostol ni Cristo Jesus ayon sa kalooban ng Diyos, at mula rin sa kapatid nating si Timoteo:</div><div class="p"> 2Para sa mga taga-Colosas na hinirang ng Diyos at mga tapat na kapatid kay Cristo.</div><div class="p">Sumainyo nawa ang pagpapala at kapayapaang mula sa Diyos na ating Ama.</div><div class="s">Panalangin ng Pasasalamat</div><div class="p"> 3Tuwing ipapanalangin namin kayo, lagi kaming nagpapasalamat sa Diyos na Ama#3 DIYOS NA AMA: Sa ibang manuskrito'y Diyos at Ama. ng ating Panginoong Jesu-Cristo. 4Nabalitaan namin ang inyong pananalig kay Cristo Jesus at ang inyong pag-ibig sa lahat ng hinirang ng Diyos, 5dahil sa pag-asang makakamtan ninyo na inihanda para sa inyo doon sa langit. Nalaman ninyo ang tungkol sa pag-asang ito nang ipangaral sa inyo ang salita ng katotohanan, ang Magandang Balita na dumating sa inyo. 6Ito'y lumalaganap at nagdadala ng pagpapala sa buong daigdig, tulad ng nangyari sa inyo mula nang marinig at maunawaan ninyo ang katotohanan tungkol sa kagandahang-loob ng Diyos. 7Natutunan#Co. 4:12; Filem. 23. ninyo ito kay Epafras, ang aming kamanggagawa, isang tapat na lingkod ni Cristo at kinatawan ninyo.#7 kinatawan ninyo: Sa ibang manuskrito'y kinatawan namin. 8Sa kanya namin nalaman ang tungkol sa pag-ibig na ipinagkaloob sa inyo ng Espiritu.</div><div class="p"> 9Kaya't mula nang marinig namin ito, patuloy naming idinadalangin sa Diyos na sana'y ipaunawa niya sa inyo nang lubusan ang kanyang kalooban, sa pamamagitan ng karunungan at pang-unawang kaloob ng Espiritu. 10Sa gayon, makakapamuhay na kayo nang karapat-dapat at kalugud-lugod sa Panginoon, sasagana sa lahat ng uri ng mabubuting gawa, at lalawak ang inyong pagkakilala sa Diyos. 11Idinadalangin din naming patatagin niya kayo sa tulong ng kanyang dakilang kapangyarihan, upang inyong matiis na masaya at may pagtitiyaga ang lahat ng bagay. 12Lagi kayong magpasalamat sa Ama sapagkat minarapat niyang makabahagi kayo#12 kayo: Sa ibang manuskrito'y tayo. sa mga pangako ng Diyos para sa mga hinirang na nasa liwanag. 13Iniligtas niya tayo sa kapangyarihan ng kadiliman at inilipat sa kaharian ng kanyang minamahal na Anak, 14na#Ef. 1:7. nagpalaya at nagdulot sa atin ng kapatawaran sa ating mga kasalanan.#14 na nagpalaya&#8230;kasalanan: Sa ibang manuskrito'y may dagdag na sa pamamagitan ng kanyang dugo.</div><div class="s">Ang Likas at Gawain ni Cristo</div><div class="p"> 15Si#Kar. 7:26. Cristo ang larawan ng Diyos na di-nakikita. Siya ang panganay na anak at pangunahin sa lahat ng mga nilikha. 16Sapagkat sa pamamagitan niya ay nilikha ang lahat ng nasa langit at nasa lupa, nakikita man o hindi, pati ang mga espirituwal na kapangyarihan, paghahari, pamamahala, at pamumuno. Ang lahat ay nilikha ng Diyos sa pamamagitan niya at para sa kanya. 17Siya ang una sa lahat, at ang buong sansinukob ay nananatiling nasa kaayusan sa pamamagitan niya. 18Siya#Ef. 1:22-23. ang ulo ng iglesya na kanyang katawan. Siya ang pasimula, siya ang panganay na anak, ang unang binuhay mula sa mga patay, upang siya'y maging pangunahin sa lahat. 19Sapagkat minarapat ng Diyos na ang buo niyang kalikasan ay manatili sa Anak, 20at#Ef. 2:16. sa pamamagitan ng Anak, niloob ng Diyos na ang lahat ng bagay, maging sa langit o sa lupa, ay makipagkasundo sa kanya; pakikipagkasundo sa pamamagitan ng pag-aalay ng Anak ng kanyang dugo sa krus.#20 pag-aalay&#8230;dugo sa krus: o kaya'y kamatayan ng kanyang Anak sa krus.</div><div class="p"> 21Dati, kayo'y malayo sa Diyos at naging kaaway niya dahil sa inyong paggawa at pag-iisip ng masasama. 22Ngunit sa pamamagitan ng pagkamatay ni Cristo, kayo ay ginawang kaibigan ng Diyos, nang sa gayon ay maiharap niya kayong banal, walang kapintasan at walang dungis. 23Subalit kailangan ninyong manatiling tapat at matatag sa inyong pananampalataya at huwag pabayaang mawala ang pag-asang dulot ng Magandang Balita na inyong narinig. Niloob ng Diyos na akong si Pablo ay maging tagapangaral ng Magandang Balitang ito na ipinahayag sa lahat ng tao sa buong daigdig.</div><div class="s">Si Pablo'y Naglingkod sa Iglesya</div><div class="p"> 24Nagagalak ako sa aking paghihirap alang-alang sa inyo, sapagkat sa pamamagitan nito'y naipagpapatuloy ko ang paghihirap na kailangan pang gawin ni Cristo para sa iglesya na kanyang katawan. 25Ako'y naging lingkod nito nang piliin ako ng Diyos upang ipahayag sa inyo ang kanyang salita, 26ang hiwaga na sa mahabang panahon ay inilihim sa maraming sali't saling lahi, ngunit ngayo'y inihayag na sa kanyang mga pinili. 27Niloob ng Diyos na ihayag sa lahat ng mga Hentil ang dakila at kamangha-manghang hiwagang ito na walang iba kundi si Cristo na nasa inyo. Siya ang ating pag-asa na tayo'y makakabahagi sa kaluwalhatian ng Diyos. 28Iyan ang dahilan kung bakit ipinapangaral namin si Cristo. Ang lahat ay aming pinapaalalahanan at tinuturuan nang may buong kaalaman upang maiharap namin sa Diyos ang bawat isa nang ganap at walang kapintasan dahil sa kanilang pakikipag-isa kay Cristo. 29Ito ang aking pinagsisikapang matupad sa pamamagitan ng kapangyarihang kaloob sa akin ni Cristo.</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bkCOL">
 <div class="chapter ch2" data-usfm="COL.2">
 <div class="label">2</div><div class="p"> 1Nais kong malaman ninyong gayon na lamang ang pagsisikap ko para sa inyo, gayundin para sa mga taga-Laodicea at sa lahat ng hindi pa nakakakita sa akin nang personal. 2Ginagawa ko ito upang palakasin ang kanilang loob at upang mabuklod sila sa pag-ibig. Sa gayon, mararanasan nila ang ganap na pagpapala ng tunay na pagkaunawa at kaalaman patungkol sa hiwaga ng Diyos, na walang iba kundi si Cristo.#2 hiwaga&#8230;kundi si Cristo: Sa ibang manuskrito'y hiwaga ng Diyos na Ama ni Cristo, at sa iba pang mga manuskrito'y hiwaga ng Diyos, at ng Ama, at ni Cristo. 3Sa pamamagitan niya nahahayag ang lahat ng kayamanan ng karunungan at kaalaman ng Diyos.</div><div class="p"> 4Sinasabi ko ito upang hindi kayo mailigaw ninuman sa pamamagitan ng mga pananalitang mapanghikayat. 5Kahit na wala ako riyan, kasama naman ninyo ako sa espiritu. At ako'y nagagalak sa inyong maayos na pamumuhay at matibay na pananalig kay Cristo.</div><div class="s">Ang Ganap na Pamumuhay kay Cristo</div><div class="p"> 6Sapagkat tinanggap na ninyo si Cristo Jesus bilang Panginoon, mamuhay kayo sa paraang karapat-dapat sa kanya. 7Magpakatatag kayo at patuloy na lumago sa pagkakilala sa kanya. Magpakatibay kayo sa pananampalatayang itinuro sa inyo, at lagi kayong magpasalamat sa Diyos.</div><div class="p"> 8Mag-ingat kayo upang hindi kayo mabihag ninuman sa pamamagitan ng walang kabuluhan at madayang katuruan na hindi kay Cristo nagmula, kundi sa mga tradisyon ng mga tao at sa mga alituntunin ng mundong ito. 9Sapagkat likas kay Cristo ang buong pagka-diyos kahit na siya'y nagkatawang-tao. 10Kaya't kayo'y ganap na sa pamamagitan ng inyong pakikipag-isa sa kanya, na siyang nakakasakop sa lahat ng kapangyarihan at pamamahala.</div><div class="p"> 11Sa pamamagitan din ni Cristo, kayo'y tinuli hindi ayon sa laman kundi ayon sa Espiritu. 12Sa#Ro. 6:4. pamamagitan ng bautismo, nailibing kayong kasama ni Cristo at muli rin kayong nabuhay na kasama niya dahil sa inyong pananalig sa kapangyarihan ng Diyos na muling bumuhay sa kanya. 13Kayong#Ef. 2:1-5. dating patay dahil sa kasalanan, kayong mga Hentil na hindi nasasakop ng Kautusan ay binuhay ng Diyos na kasama ni Cristo. Pinatawad niya ang ating mga kasalanan at 14pinawalang-bisa#Ef. 2:15. ang lahat ng naisulat na alituntunin laban sa atin, pati ang mga pananagutang kaugnay nito. Pinawi niya ang lahat ng ito nang ipako siya sa krus. 15Sa pamamagitan ng kanyang kamatayan sa krus, nilupig niya ang mga pinuno at kapangyarihan ng sanlibutan. Ang mga ito'y parang mga bihag na kanyang ipinarada sa madla bilang katunayan ng kanyang pagtatagumpay.</div><div class="p"> 16Kaya't#Ro. 14:1-6. huwag na kayong magpapasakop pa sa anumang alituntunin tungkol sa pagkain o inumin, tungkol sa mga kapistahan, sa bagong buwan o sa Araw ng Pamamahinga. 17Ang mga ito'y anyo lamang ng mga bagay na darating, ngunit si Cristo ang katuparan ng lahat ng ito. 18Huwag kayong magpapatangay sa mga nagpapakita ng maling pagpapakumbaba at sumasamba sa mga anghel. Ipinagmamalaki nilang sila'y nakakahigit sa inyo dahil sa ipinaggigiitan nilang mga bagay na di naman nakikita. Ngunit ang totoo, nagyayabang lamang sila dala ng kanilang isipang makalaman. 19Hindi#Ef. 4:16. sila nagpapasakop kay Cristo na siyang ulo at may kapangyarihan sa buong katawan. Siya rin ang nagdurugtong ng mga bahagi nito sa pamamagitan ng mga kasukasuan at mga litid. Siya ang nangangalaga at nagpapaunlad sa buong katawan ayon sa pag-unlad na ninanais ng Diyos.</div><div class="s">Ang Bagong Buhay kay Cristo</div><div class="p"> 20Kayo'y namatay nang kasama ni Cristo at hindi na sakop ng mga alituntunin ng mundong ito. Bakit pa kayo sumusunod sa mga alituntuning tulad ng 21&#8220;Huwag hahawak nito,&#8221; &#8220;Huwag titikim niyan,&#8221; &#8220;Huwag gagalawin iyon&#8221;? 22Ang mga ito'y utos at katuruan lamang ng tao, at nauukol sa mga bagay na nauubos kapag ginagamit. 23Sa biglang tingin, tila nga makakabuti ang ganoong uri ng pagsamba at ang ganoong pagpapakumbaba at pagpapahirap sa sariling katawan. Ngunit ang mga ito ay hindi nakakapigil sa hilig ng laman.</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bkCOL">
 <div class="chapter ch3" data-usfm="COL.3">
 <div class="label">3</div><div class="p"> 1Binuhay#Awit 110:1. kayong muli na kasama ni Cristo, kaya't ang pagtuunan ninyo ng isip ay ang mga bagay na nasa langit na kinaroroonan ni Cristo, na nakaupo sa kanan ng Diyos. 2Ang mga bagay na panlangit ang isaisip ninyo, hindi ang mga bagay na panlupa, 3sapagkat namatay na kayo at ang inyong tunay na buhay ay natatago sa Diyos, kasama ni Cristo. 4Si Cristo ang inyong buhay, at kapag siya'y nahayag na, mahahayag din kayong kasama niya at makakahati sa kanyang karangalan.</div><div class="s">Ang Dati at Bagong Buhay</div><div class="p"> 5Kaya't dapat nang mawala sa inyo ang mga pagnanasang makalaman, ang pakikiapid, kahalayan, mahalay na simbuyo ng damdamin, masasamang nasa, at ang kasakiman na isang uri ng pagsamba sa diyus-diyosan. 6Dahil sa mga ito, tatanggap ng parusa ng Diyos ang mga taong ayaw pasakop sa kanya.#6 ang mga taong ayaw pasakop sa kanya: Sa ibang manuskrito'y hindi nakasulat ang mga salitang ito. 7Kayo man ay namuhay din ayon sa mga pitang iyon nang kayo ay pinaghaharian pa ng mga ito.</div><div class="p"> 8Ngunit ngayon, itakwil na ninyo ang lahat ng galit, poot, at sama ng loob. Iwasan na ninyo ang panlalait at malaswang pananalita. 9Huwag#Ef. 4:22. kayong magsisinungaling sa isa't isa, sapagkat hinubad na ninyo ang dati ninyong pagkatao, pati ang mga gawa nito. 10Isinuot#Ef. 4:24; Gen. 1:26. ninyo ang bagong pagkatao na patuloy na nababago at nagiging kalarawan ng Diyos na lumikha sa inyo, upang lalo ninyo siyang makilala. 11Kaya't sa kalagayang ito, wala nang pagkakaiba ang Griego at ang Judio, ang tuli at ang di-tuli, ang dayuhan at ang mabangis na tao, ang alipin at ang malaya. Ngunit si Cristo ang pinakamahalaga sa lahat, at siya'y nasa inyong lahat.</div><div class="p"> 12Kaya#Ef. 4:2. nga, dahil kayo'y hinirang ng Diyos, minamahal niya at pinili para sa kanya, dapat kayong maging mahabagin, mabait, mapagpakumbab&#225;, mahinahon, at mapagtiis. 13Magpasensiya#Ef. 4:32. kayo sa isa't isa at magpatawad kayo kung may hinanakit kayo kaninuman. Magpatawad kayo gaya ng pagpapatawad sa inyo ng Panginoon.#13 ng Panginoon: Sa ibang manuskrito'y ni Cristo, at sa iba pang manuskrito'y ng Diyos kay Cristo. 14At higit sa lahat, magmahalan kayo, sapagkat ang pag-ibig ang buklod ng ganap na pagkakaisa. 15Paghariin ninyo sa inyong puso ang kapayapaang kaloob ni Cristo, sapagkat iyan ang dahilan kung bakit kayo tinawag sa iisang katawan. Magpasalamat kayong lagi. 16Ang#Ef. 5:19-20. salita ni Cristo'y hayaan ninyong lubusang manatili sa inyong puso. Turuan ninyo at paalalahanan ang isa't isa nang may buong karunungan. Buong puso kayong umawit ng mga salmo, mga himno at mga awiting espirituwal, nang may pagpapasalamat sa Diyos. 17At anuman ang inyong sasabihin o gagawin, gawin ninyong lahat sa pangalan ng Panginoong Jesus at sa pamamagitan niya'y magpasalamat kayo sa Diyos Ama.</div><div class="s">Ang Pagsasamahang Nararapat</div><div class="p"> 18Mga#Ef. 5:22; 1 Ped. 3:1. babae, pasakop kayo sa inyong asawa, sapagkat iyan ang kalooban ng Panginoon.</div><div class="p"> 19Mga#Ef. 5:25; 1 Ped. 3:7. lalaki, mahalin ninyo ang inyong asawa, at huwag kayong maging malupit sa kanila.</div><div class="p"> 20Mga#Ef. 6:1. anak, sundin ninyong lagi ang inyong mga magulang, sapagkat iyan ang nakalulugod sa Panginoon.</div><div class="p"> 21Mga#Ef. 6:4. magulang, huwag ninyong pagagalitan nang labis ang inyong mga anak at baka masiraan sila ng loob.</div><div class="p"> 22Mga#Ef. 6:5-8. alipin, sa lahat ng bagay ay sundin ninyo ang inyong mga amo. May nakakakita man o wala, maglingkod kayo hindi upang kalugdan ng mga tao, kundi dahil sa kayo'y talagang tapat at may takot sa Panginoon. 23Anuman ang inyong ginagawa, gawin ninyo nang buong puso na parang sa Panginoon kayo naglilingkod at hindi sa tao. 24Sapagkat si Cristo ang Panginoong pinaglilingkuran ninyo at alalahanin ninyong pagkakalooban kayo ng Panginoon ng gantimpalang inilaan niya para sa inyo. 25Ang#Deut. 10:17; Ef. 6:9. makasalanan naman ay paparusahan niya sa kanilang kasalanan, sapagkat ang Diyos ay walang kinikilingan.</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bkCOL">
 <div class="chapter ch4" data-usfm="COL.4">
 <div class="label">4</div><div class="p"> 1Mga#Ef. 6:9. amo, maging mabuti kayo at makatarungan sa mga naglilingkod sa inyo. Alalahanin ninyong kayo man ay may Panginoon sa langit.</div><div class="s">Mga Tagubilin</div><div class="p"> 2Maging matiyaga kayo sa pananalangin, laging handa at nagpapasalamat sa Diyos. 3Idalangin ninyo sa Diyos na bigyan kami ng pagkakataon na maipangaral ang kanyang salita at maipahayag ang hiwaga ni Cristo, ang sanhi ng pagkabilanggo ko ngayon. 4Ipanalangin din ninyong maipahayag ko ito nang buong linaw, gaya ng nararapat.</div><div class="p"> 5Maging#Ef. 5:16. matalino kayo sa pakikitungo sa mga hindi nananampalataya at pahalagahan ninyo ang bawat pagkakataon. 6Sikapin#Kar. 8:12. ninyong laging maging kaaya-aya at kapaki-pakinabang ang inyong pananalita sa kanila, at matuto kayong sumagot nang tama sa sinumang nagtatanong.</div><div class="s">Pangwakas na Pagbati</div><div class="p"> 7Si#Gw. 20:4; 2 Tim. 4:12. #Ef. 6:21-22. Tiquico ang magbabalita sa inyo tungkol sa kalagayan ko rito. Siya ay minamahal naming kapatid, tapat na lingkod at kamanggagawa sa Panginoon. 8Pinapunta ko siya riyan para malaman ninyo ang aming kalagayan, nang sa gayon ay lumakas ang inyong loob. 9Kasama#Filem. 10-12. niya ang tapat at minamahal nating kapatid na si Onesimo, na kasamahan ninyo. Sila ang magbabalita sa inyo ng lahat ng nangyari dito.</div><div class="p"> 10Kinukumusta#Gw. 19:29; 27:2; Filem. 24; Gw. 12:12, 25; 13:13; 15:37-39. kayo ni Aristarco, na bilanggo ring kasama ko, at ni Marcos na pinsan ni Bernabe. Tungkol naman kay Marcos, mayroon nang bilin sa inyo na malugod ninyo siyang tanggapin pagdating niya riyan. 11Kinukumusta rin kayo ni Jesus na kilala rin sa pangalang Justo. Silang tatlo lamang ang mga Cristianong Judio rito na kasama ko sa pangangaral tungkol sa paghahari ng Diyos, at sila'y malaking tulong sa akin.</div><div class="p"> 12Kinukumusta#Co. 1:7; Filem. 23. rin kayo ng kababayan ninyong si Epafras, na lingkod ni Cristo Jesus. Lagi niyang idinadalangin nang buong taimtim na kayo'y maging matatag, ganap, at lubos na masunurin sa kalooban ng Diyos. 13Saksi ako sa pagsisikap niya para sa inyo at sa mga nasa Laodicea at Hierapolis. 14Nangungumusta#2 Tim. 4:11; Filem. 24; 2 Tim. 4:10; Filem. 24. rin sa inyo si Demas at ang minamahal nating manggagamot na si Lucas.</div><div class="p"> 15Ikumusta ninyo ako sa mga kapatid sa Laodicea, gayundin kay Nimfa at sa iglesyang nagtitipon sa kanyang bahay. 16Pagkabasa ninyo ng sulat na ito, ipabasa rin ninyo ito sa iglesya sa Laodicea. Basahin din ninyo ang sulat kong manggagaling doon. 17At#Filem. 2. pakisabi ninyo kay Arquipo na ipagpatuloy ang gawaing tinanggap niya sa Panginoon.</div><div class="p"> 18Akong si Pablo ang siyang sumulat ng pagbating ito. Huwag ninyo sanang kalilimutan na ako'y nakabilanggo.</div><div class="p">Nawa'y sumainyo ang pagpapala ng Diyos.</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bkPHM">
 <div class="chapter ch1" data-usfm="PHM.1">
 <div class="label">1</div><div class="p"> 1Mula kay Pablo, isang bilanggo dahil kay Cristo Jesus, at mula kay Timoteo na ating kapatid&#8212;</div><div class="p">Para kay Filemon, ang minamahal naming kamanggagawa, 2at#Co. 4:17. para sa iglesyang nagtitipon sa iyong bahay; kay Apia na aming#2 aming: o kaya'y ating. kapatid na babae at kay Arquipo na kapwa naming#2 naming: o kaya'y nating. naglilingkod sa Panginoon.</div><div class="p"> 3Sumainyo nawa ang pagpapala at kapayapaang mula sa Diyos na ating Ama at sa Panginoong Jesu-Cristo.</div><div class="s">Ang Pag-ibig at Pananampalataya ni Filemon</div><div class="p"> 4Lagi akong nagpapasalamat sa aking Diyos tuwing isinasama kita sa aking pananalangin 5sapagkat nababalitaan ko ang pag-ibig na ipinapakita mo sa lahat ng hinirang ng Diyos, at gayundin ang iyong pananampalataya sa Panginoong Jesus. 6Idinadalangin kong ang pagkakabuklod natin sa isang pananampalataya ay magbunga ng lubos na pagkaunawa sa mga kabutihang dulot ng ating pakikipag-isa kay Cristo. 7Kapatid, ang pag-ibig na iyon ay nagdulot sa akin ng malaking katuwaan at kaaliwan sapagkat dahil sa iyo, sumigla ang kalooban ng mga hinirang ng Diyos.</div><div class="s">Kahilingan Para kay Onesimo</div><div class="p"> 8Kaya nga, malakas ang loob kong iutos sana sa iyo ang nararapat gawin bilang kapatid mo kay Cristo, 9ngunit mas minabuti kong makiusap sa iyo sa pangalan ng pag-ibig. Akong si Pablo, na sugo ni Cristo Jesus at ngayo'y nakabilanggo dahil sa kanya,#9 Akong&#8230;sa kanya: o kaya'y Akong si Pablo ay matanda na, at ngayon ay isa ring bilanggo dahil kay Cristo Jesus. 10ay#Co. 4:9. nakikiusap sa iyo para kay Onesimo na aking anak sa pananampalataya. Ako'y naging isang ama sa kanya habang ako'y nakabilanggo. 11Dati, hindi mo mapakinabangan si Onesimo,#11 ONESIMO: Sa wikang Griego, ang kahulugan ng pangalang Onesimo ay &#8220;kapaki-pakinabang.&#8221; ngunit ngayo'y kapaki-pakinabang siya sa ating dalawa.</div><div class="p"> 12Pinababalik ko na siya sa iyo, kasama ang aking puso. 13Nais ko sanang manatili na siya sa aking piling upang siya ang maglingkod sa akin habang ako'y nakabilanggo dahil sa Magandang Balita, at sa gayon ay para na ring ikaw ang kasama ko rito. 14Ngunit ayokong gawin iyon nang wala kang pahintulot upang maging kusa ang iyong pagtulong sa akin, at hindi sapilitan.</div><div class="p"> 15Marahil, nalayo sa iyo si Onesimo nang kaunting panahon upang sa pagbabalik niya'y makasama mo siya habang panahon, 16hindi lamang bilang isang alipin kundi bilang isang minamahal na kapatid. Napamahal na siya sa akin, ngunit lalo na sa iyo, hindi lamang bilang isang alipin, kundi bilang isa nang kapatid sa Panginoon!</div><div class="p"> 17Kaya't kung kinikilala mo akong tunay na kasama, tanggapin mo siya tulad ng pagtanggap mo sa akin. 18Kung siya ma'y nagkasala o nagkautang sa iyo, sa akin mo na ito singilin. 19Akong si Pablo ang siyang sumusulat nito: AKO ANG MAGBABAYAD SA IYO. Hindi ko na dapat banggitin pa na utang mo sa akin ang iyong pagkakilala kay Cristo.#19 pagkakilala kay Cristo: o kaya'y sarili. 20Ipinapakiusap ko lamang sa iyo, alang-alang sa Panginoon, hayaan mo namang maranasan ko ang pakinabang na ito. Pasayahin mo naman ako bilang kapatid kay Cristo!</div><div class="p"> 21Lubos akong naniniwala na gagawin mo ang hinihiling ko sa sulat na ito, at maaaring higit pa rito. 22Ipaghanda mo rin ako ng matutuluyan sapagkat umaasa akong loloobin ng Diyos na ako'y makabalik diyan, gaya ng inyong idinadalangin.</div><div class="s">Pangwakas na Pagbati</div><div class="p"> 23Kinukumusta#Co. 1:7; 4:12. ka ni Epafras na kasama kong nakabilanggo dahil kay Cristo Jesus. 24Kinukumusta#Gw. 12:12, 25; 13:13; 15:37-39; Co. 4:10; Gw. 19:29; 27:2; Co. 4:10; Co. 4:14; 2 Tim. 4:10; Co. 4:14; 2 Tim. 4:11. ka rin nina Marcos, Aristarco, Demas, at Lucas, na mga kasama ko sa gawain.</div><div class="p"> 25Nawa'y sumainyo ang pagpapala ng ating Panginoong Jesu-Cristo.</div>
 </div>
 </div>
</div>

The Story of God: 30 Day Reading PlanHalimbawa

Colossians & Philemon

Banal na Kasulatan

Tungkol sa Gabay na ito

Mga Kaugnay na Gabay