Lumang Tipan – Ang mga Aklat ni Moises

Lumang Tipan - Mga Pangunahing Propeta

Lumang Tipan – Mga Aklat ng Karunungan

60 Araw na Paglalakbay sa Bagong Tipan

Banal na mga Damdamin - Maka-Bibliang Tugon sa Bawat Paghamon

Eliseo: Kuwento ng Isang Katawa-tawang Pananampalataya

Babasahing Gabay na Ang Mas Mabuti

Bagong Nilalang: Mga Susunod na Hakbang para sa Bagong Buhay

Bagong Buhay sa Bagong Taon

God Is for You

<div class="version vid399 iso6393tgl" data-vid="399" data-iso6393="tgl">
 <div class="book bk1SA">
 <div class="chapter ch19" data-usfm="1SA.19">
 <div class="label">19</div><div class="s">Namagitan si Jonatan kay Saul Para kay David</div><div class="p"> 1Minsan, nasabi ni Saul sa anak niyang si Jonatan at sa kanyang mga tauhan ang balak niyang pagpatay kay David. Ngunit mahal ni Jonatan si David, kaya sinabi niya rito ang balak ng kanyang ama. 2Ang sabi niya, &#8220;Pinagbabalakan kang patayin ng aking ama. Bukas ng umaga, magtago ka sa isang lihim na lugar. 3Yayayain ko naman ang aking ama sa may pinagtataguan mo at kakausapin ko tungkol sa iyo. Pagkatapos naming mag-usap sasabihin ko agad sa iyo ang anumang sasabihin niya.&#8221;</div><div class="p"> 4Kinausap nga ni Jonatan ang kanyang ama tungkol kay David. &#8220;Ama, huwag po sana ninyong gawan ng masama si David sapagkat wala naman siyang ginagawang masama sa inyo. Sa halip, malaki nga ang pakinabang ninyo sa kanya. 5Itinaya niya ang kanyang buhay nang harapin niya si Goliat at niloob naman ni Yahweh na magtagumpay siya para sa Israel. Alam ninyo ito at inyo pang ipinagdiwang. Bakit ninyo gustong patayin ang isang taong walang kasalanan? Bakit gusto ninyong patayin si David nang wala namang sapat na dahilan?&#8221;</div><div class="p"> 6Dahil dito, nagbago ng isip si Saul. Sinabi niya, &#8220;Saksi si Yahweh, ang Diyos na buh&#225;y,#6 Saksi si Yahweh, ang Diyos na buh&#225;y: o kaya'y Hangga't si Yahweh ay nabubuhay. hindi ko na siya papatayin.&#8221; 7Ang sagot na ito ng hari ay sinabi naman ni Jonatan kay David. Isinama pa siya ni Jonatan sa hari, at tulad ng dati, pinaglingkuran niya ito.</div><div class="s">Iniligtas ni Mical si David</div><div class="p"> 8Muling nagkaroon ng labanan ang mga Israelita at mga Filisteo. Sinalakay ni David ang mga Filisteo at natalo niya ang mga ito, kaya ang mga natirang buh&#225;y ay nagsitakas.</div><div class="p"> 9Minsan, muling nilukuban si Saul ng isang masamang espiritu mula kay Yahweh. Nakaupo si Saul noon at hawak ang kanyang sibat samantalang si David ay tumutugtog ng alpa. 10Walang anu-ano'y sinibat niya si David ngunit nakailag ito at ang sibat ay tumusok sa dingding. Dahil dito, patakbong tumakas si David.</div><div class="p"> 11Kinagabihan,#Awit 59 Pamagat. #1 Sam. 10:11-12. pinabantayan ni Saul ang bahay ni David dahil balak niyang patayin ito kinabukasan. Kaya't sinabi ni Mical, &#8220;David, tumakas ka ngayong gabi, kung hindi'y papatayin ka nila bukas.&#8221; 12At pinaraan niya ito sa bintana para makatakas. 13Pagkatapos, kinuha ni Mical ang isang rebultong nasa bahay at siyang inihiga sa kanilang higaan. Ang ulo nito'y binalutan niya ng balahibo ng kambing, saka kinumutan.</div><div class="p"> 14Nang dumating ang mga inutusan ni Saul upang kunin si David, sinabi ni Mical, &#8220;May sakit siya.&#8221;</div><div class="p"> 15Pinabalik ni Saul ang kanyang mga sugo at pinagbilinan ng ganito, &#8220;Buhatin ninyo pati higaan niya at ako ang papatay sa kanya.&#8221; 16Nagbalik nga ang mga sugo ni Saul ngunit ang nakita nila sa higaan ay ang rebultong may buhok na balahibo ng kambing. 17Tinawag ni Saul si Mical, &#8220;Bakit mo ako nilinlang? Bakit mo pinatakas ang aking kaaway?&#8221;</div><div class="p">Sumagot si Mical, &#8220;Papatayin niya ako kung hindi ko siya pinabayaang tumakas.&#8221;</div><div class="p"> 18Tumakas nga si David at nagpunta kay Samuel sa Rama. Sinabi niya rito ang lahat ng ginawa sa kanya ni Saul. Sumama siyang umuwi kay Samuel sa Nayot at doon nanirahan. 19May nagsabi kay Saul, &#8220;Si David ay nasa Nayot sa Rama.&#8221; 20Muling nagsugo ito ng mga tauhan upang hulihin si David. Ngunit nang makita ng mga sugo ni Saul ang mga propetang nagsisigawan at nagsasayawan sa pangunguna ni Samuel, nilukuban din sila ng Espiritu#20 ESPIRITU: o kaya'y kapangyarihan. ng Diyos at sila'y nagsipagsigawan at nagsipagsayawan na tulad din ng mga propeta. 21Nang mabalitaan ito ni Saul, nagsugo siya ng isa pang pangkat ngunit natulad rin ito sa una. Nang magsugo naman siya ng pangatlong pangkat, ganoon din ang nangyari. 22Nang magkagayon, siya na mismo ang nagpunta sa Rama. Pagdating niya sa may malaking balon sa Secu, ipinagtanong niya kung saan makikita sina Samuel at David. Sinabi ng napagtanungan na sila'y nasa Nayot ng Rama. 23Kaya't nagpunta siya sa Rama. Subalit habang siya'y naglalakbay papuntang Nayot, nilukuban siya ng Espiritu#23 ESPIRITU: o kaya'y kapangyarihan. ng Diyos. At siya'y nagsasayaw at nagsisigaw na tulad ng propeta hanggang sa makarating ng Nayot. 24Pagdating doon, hinubad niya ang kanyang kasuotan, nagsisigaw at nagsasayaw sa harapan ni Samuel. Dahil dito, nagsimula ang kasabihang, &#8220;Propeta na rin ba si Saul?&#8221;</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bk1SA">
 <div class="chapter ch20" data-usfm="1SA.20">
 <div class="label">20</div><div class="s">Ang Sumpaan nina David at Jonatan</div><div class="p"> 1Si David ay tumakas sa Nayot ng Rama at nakipagkita kay Jonatan. Itinanong niya rito, &#8220;Ano ba ang nagawa kong masama? Ano ba ang kasalanan ko at nais akong patayin ng iyong ama?&#8221;</div><div class="p"> 2Sumagot si Jonatan, &#8220;Hindi totoo iyan. Hindi ka na niya papatayin. Anumang balak niya ay sinasabi sa akin bago niya isagawa, at wala siyang nabanggit tungkol sa sinasabi mo. Kaya hindi ako naniniwalang gagawin niya iyon.&#8221;</div><div class="p"> 3Sinabi ni David, &#8220;Hindi lamang niya sinasabi sa iyo sapagkat alam niyang magdaramdam ka dahil matalik tayong magkaibigan. Ngunit saksi si Yahweh, ang Diyos na buh&#225;y,#3 saksi si Yahweh, ang Diyos na buh&#225;y: o kaya'y hangga't si Yahweh ay nabubuhay. alam ko ring ako'y nakabingit sa kamatayan.&#8221;</div><div class="p"> 4Sinabi naman ni Jonatan, &#8220;Sabihin mo kung ano ang gusto mong gawin ko para sa iyo.&#8221;</div><div class="p"> 5Sumagot#Bil. 28:11. siya, &#8220;Bukas ay Pista ng Bagong Buwan, at dapat akong kumaing kasalo ng hari. Ngunit magtatago ako sa bukid hanggang sa ikatlong araw. 6Kapag hinanap niya ako, sabihin mong nagpaalam ako sa iyo dahil ang pamilya namin ay may taunang paghahandog ngayon sa Bethlehem. 7Kapag hindi siya nagalit, wala nga siyang masamang balak laban sa akin. Ngunit kapag nagalit siya, nais nga niya akong patayin. 8Hinihiling ko sa iyong tapatin mo ako alang-alang sa ating sumpaan sa harapan ni Yahweh. Kung may nagawa akong kasalanan, ikaw na ang pumatay sa akin! Huwag mo na akong iharap sa hari.&#8221;</div><div class="p"> 9Sinabi ni Jonatan, &#8220;Hindi mangyayari iyon! Sasabihin ko kung may masamang balak sa iyo ang aking ama.&#8221;</div><div class="p"> 10Itinanong ni David, &#8220;Paano ko malalaman kung masama ang kanyang sagot?&#8221;</div><div class="p"> 11Sumagot si Jonatan, &#8220;Sumama ka sa akin sa bukid.&#8221;</div><div class="p"> 12Pagdating doon, sinabi ni Jonatan, &#8220;Naririnig ako ni Yahweh. Bukas o sa makalawa, sa ganito ring oras, kakausapin ko ang aking ama at malalaman ko kung galit pa nga siya sa iyo. 13Kung galit, ipapaalam ko sa iyo para makalayo ka. Parusahan ako ni Yahweh kapag hindi ko ginawa ito. Patnubayan ka nawa ni Yahweh tulad ng pagpatnubay niya sa aking ama. 14Kung buh&#225;y pa ako sa araw na iyon, huwag mong kakalimutan ang ating pangako sa isa't isa. 15Kung#2 Sam. 9:1. ako nama'y patay na, huwag mo sanang pababayaan ang aking sambahayan. Kung dumating ang araw na lipulin na ni Yahweh ang iyong mga kaaway, 16huwag ka sanang sisira sa ating pangako. Parusahan sana ni Yahweh ang mga kaaway ni David.&#8221;</div><div class="p"> 17Hiniling ni Jonatan na muling mangako si David na sila'y magiging tapat sa isa't isa. Minahal siya ni Jonatan tulad ng pagmamahal nito sa sarili. 18At sinabi ni Jonatan kay David, &#8220;Bukas ay Pista ng Bagong Buwan; tiyak na hahanapin ka kapag wala ka sa iyong upuan. 19Sa makalawa, magtago kang muli sa pinagtataguan mo noon, sa tabi ng malaking bunton ng bato. 20Kunwari ay may pinapana ako roon. Tatlong beses akong tutudla sa tabi ng taguan mo. 21Pagkatapos, ipapahanap ko iyon sa isa kong utusan. Kapag narinig mong sinabi ko, &#8216;Nasa gawi rito ang mga palaso,&#8217; lumabas ka sa pinagtataguan mo. Saksi si Yahweh, ang Diyos na buh&#225;y,#21 Saksi si Yahweh, ang Diyos na buh&#225;y: o kaya'y Hangga't si Yahweh ay nabubuhay. tiyak na wala nang panganib. 22Ngunit kapag sinabi kong, &#8216;Nasa gawi pa roon,&#8217; tumakas ka na sapagkat iyon ang nais ni Yahweh. 23At tungkol naman sa ating pangako sa isa't isa, si Yahweh ang ating saksi.&#8221;</div><div class="p"> 24Nagtago nga si David sa lugar na pinag-usapan nila ni Jonatan. Nang dumating ang Pista ng Bagong Buwan, dumulog sa hapag si Haring Saul at naupo 25sa dati niyang upuan, sa tabi ng dingding. Katapat niya si Jonatan at katabi naman si Abner, ngunit si David ay wala sa kanyang upuan. 26Nang araw na iyon, hindi pinansin ni Saul ang pagkawala ni David sapagkat inisip niyang maaaring may malaking dahilan o baka hindi ito malinis ayon sa kautusan. 27Ngunit kinabukasan, wala pa rin si David kaya tinanong niya si Jonatan, &#8220;Bakit mula kahapon ay hindi natin nakakasalo si David?&#8221;</div><div class="p"> 28Sumagot si Jonatan, &#8220;Nagpaalam po siya sa akin kahapon at uuwi raw sa Bethlehem. 29May taunang paghahandog daw ang kanilang sambahayan at pinapauwi siya ng kanyang mga kapatid. Kung maaari raw ay payagan ko siya para makita ang kanyang mga kamag-anak. Kaya po hindi natin siya kasalo ngayon.&#8221;</div><div class="p"> 30Nang marinig ang sinabi ni Jonatan, galit na galit niyang sinabi, &#8220;Isa kang suwail na anak! Ngayon ko natiyak na kampi ka kay David. Hindi mo ba alam na inilalagay mo sa kahihiyan ang iyong sarili, pati na rin ang iyong ina? 31Dapat mong malamang hangga't buh&#225;y ang David na iyan ay hindi mapapasaiyo ang kahariang ito? Lumakad ka ngayon, ipahuli mo siya at iharap sa akin para mapatay ko.&#8221;</div><div class="p"> 32Sumagot si Jonatan, &#8220;Ano po ba ang kasalanan niya at dapat siyang patayin?&#8221;</div><div class="p"> 33Sa galit ni Saul, sinibat niya si Jonatan. Kaya't natiyak nitong talagang gustong patayin ni Saul si David. 34Galit na umalis si Jonatan. Hindi siya kumain ng araw na iyon dahil sa sama ng loob sa ginawang paghamak ni Saul kay David. 35Kinaumagahan, nagpunta siya sa bukid na pinag-usapan nila ni David, kasama ang isa niyang lingkod na batang lalaki. 36Sinabi niya rito, &#8220;Hanapin mo itong pawawalan kong palaso.&#8221; Patakbong sumunod ang utusan at pinawalan ni Jonatan ang kanyang palaso sa unahan nito. 37Pagdating sa lugar na binagsakan ng palaso, humiyaw si Jonatan, &#8220;Nasa gawi pa roon.&#8221; 38Idinugtong pa niya, &#8220;Dalian mo, huwag ka nang magtagal diyan.&#8221; At nang makuha ng bata ang palaso, dali-dali itong nagbalik kay Jonatan. 39Wala siyang kaalam-alam sa pangyayari ngunit nagkakaintindihan na sina David at Jonatan. 40Pagkatapos, ang mga sandata ni Jonatan ay ipinauwi na niya sa kanyang batang lingkod.</div><div class="p"> 41Nang makaalis ito, lumabas si David sa kanyang pinagtataguan at tatlong beses na yumuko na ang mukha'y sayad sa lupa. Kapwa sila lumuluha at hinagkan ang isa't isa. Hindi na mapigil ni David ang sarili at siya'y humagulgol. 42Pagkaraan ng ilang sandali, sinabi ni Jonatan, &#8220;Sige, lumakad ka na. Samahan ka nawa ng Diyos. Tulungan nawa tayo ni Yahweh na huwag masira ang ating pangako sa isa't isa, pati ang ating mga susunod na salinlahi magpakailanman.&#8221; At naghiwalay silang dalawa. Umalis na si David at umuwi naman sa lunsod si Jonatan.</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bk1SA">
 <div class="chapter ch21" data-usfm="1SA.21">
 <div class="label">21</div><div class="s">Nagpunta si David sa Nob</div><div class="p"> 1Si#Mt. 12:3-4; Mc. 2:25-26; Lu. 6:3. #Lev. 24:5-9. David ay nagpunta sa Nob at nagtuloy siya sa paring si Ahimelec. Sinalubong siya nito at nanginginig na tinanong, &#8220;Wala kang kasama? Bakit ka nag-iisa?&#8221; 2Sumagot si David, &#8220;Inutusan ako ng hari at ayaw niyang ipasabi kahit kanino. Iniwan ko ang aking mga kasama. Nagpapahintay ako doon sa kanila. 3Ano bang makakain diyan? Bigyan mo ako ng limang tinapay o kahit anong nariyan.&#8221;</div><div class="p"> 4Sinabi ng pari, &#8220;Walang tinapay dito kundi ang panghandog. Maaari ko itong ibigay sa inyo kung ang mga kasamahan mo'y hindi sumiping sa babae bago magpunta rito.&#8221;</div><div class="p"> 5Sumagot si David, &#8220;Ang totoo, hindi kami sumisiping sa babae kapag may lakad kami, kahit pangkaraniwan lamang, ngayon pa kaya na di karaniwan ang lakad namin?&#8221;</div><div class="p"> 6At ibinigay ng pari kay David ang tinapay na panghandog sa harapan ni Yahweh upang ang mga ito'y palitan ng bago sa araw na iyon.</div><div class="p"> 7Nagkataong naroon si Doeg na Edomita, ang pinakapuno sa mga pastol ni Saul, upang sumamba kay Yahweh.</div><div class="p"> 8Tinanong pa ni David si Ahimelec, &#8220;Wala ka bang sibat o tabak diyan? Hindi ako nakapagdala kahit anong sandata sapagkat madalian ang utos ng hari.&#8221;</div><div class="p"> 9Sumagot#1 Sam. 17:51. ang pari, &#8220;Ang tabak lamang ng Filisteong si Goliat na pinatay mo ang narito; nababalot ng damit at nakatago sa likod ng efod na nakasabit. Kunin mo kung gusto mo.&#8221;</div><div class="p">&#8220;Iyan ang pinakamainam. Ibigay mo sa akin,&#8221; sabi ni David.</div><div class="p"> 10Nang araw na iyon, si David ay nagpatuloy ng pagtakas kay Haring Saul at siya'y nagpunta kay Aquis na hari ng Gat. 11Ngunit#1 Sam. 18:7; 29:5. nakilala siya ng mga tauhan ni Aquis at sinabi nila, &#8220;Di ba't iyan si David na hari sa kanyang bayan? Siya ang tinutukoy ng mga mananayaw sa awit nilang,</div><div class="q1">&#8216;Pumatay si Saul ng libu-libo,</div><div class="q2">si David nama'y sampu-sampung libo.&#8217;&#8221;</div><div class="m"> 12Pinag-isipang#Awit 56 Pamagat. mabuti ni David ang usapang ito, at siya'y natakot sa maaaring gawin sa kanya ni Haring Aquis. 13Kaya't#Awit 34 Pamagat. nagkunwari siyang baliw nang siya'y hulihin. Nagsusulat siya sa mga pader ng pintuang-bayan at hinahayaang tumulo ang kanyang laway. 14Kaya, sinabi ni Aquis sa kanyang mga tagapaglingkod, &#8220;Bakit iniharap ninyo iyan sa akin, hindi ba ninyo nakikita't baliw? 15Masakit na ang ulo ko sa dami ng baliw dito. Bakit idinagdag pa ninyo 'yang isang iyan? Ilayo ninyo iyan!&#8221;</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bk1SA">
 <div class="chapter ch22" data-usfm="1SA.22">
 <div class="label">22</div><div class="s">Ang Pagtakas ni David sa Adullam</div><div class="p"> 1Mula#Awit 57 Pamagat; Awit 142 Pamagat. sa Gat, tumakas si David at nagtago sa kuweba ng Adullam. Nabalitaan ito ng kanyang mga kapatid at ng kanyang buong pamilya kaya silang lahat ay nagpunta roon at sumama sa kanya. 2Sumama rin sa kanya ang mga inaapi, pati ang mga nakalubog sa utang, at ang mga hindi nasisiyahan sa kanilang pamumuhay. Ang lahat ng ito'y umabot sa apatnaraang lalaki, at siya ang ginawa nilang pinuno.</div><div class="p"> 3Mula roon, nagtuloy sila sa Mizpa ng Moab. Sinabi niya sa hari doon, &#8220;Ipinapakiusap ko po na pabayaan muna ninyo rito sa Moab ang aking mga magulang hangga't hindi ko tiyak kung ano ang gagawin sa akin ng Diyos.&#8221; 4Ipinagkatiwala nga niya ang kanyang mga magulang sa hari ng Moab at ang mga ito'y nanatili roon habang nagtatago si David sa kuweba.</div><div class="p"> 5Sinabi ni Propeta Gad kay David, &#8220;Huwag kang manatili rito, magpunta ka sa sakop ng Juda.&#8221; Sumunod naman si David at siya'y nagpunta sa kagubatan ng Heret.</div><div class="p"> 6Nabalitaan ni Saul kung saan nagtatago si David at ang mga kasama nito. Nakaupo siya noon sa ilalim ng punong tamarisko sa ibabaw ng isang burol sa Gibea; hawak niya ang kanyang sibat at nakapaligid sa kanya ang kanyang mga tauhan. 7Sinabi niya sa mga ito, &#8220;Sagutin ninyo ako sa itatanong ko sa inyo, mga Benjaminita. Mabibigyan ba kayo ni David ng kahit isang pirasong bukid o ubasan? Gagawin ba niya kayong mga opisyal ng kanyang hukbo? 8Bakit kayo nakikipagsabwatan sa kanya laban sa akin? Bakit isa man sa inyo'y walang nagsabi sa akin tungkol sa kasunduan ng anak kong si Jonatan at ni David? Bakit isa ma'y walang nakapagsabi sa akin tungkol sa pakikiisa ni Jonatan kay David laban sa akin?&#8221;</div><div class="p"> 9Sumagot#1 Sam. 21:7-9; Awit 52 Pamagat. si Doeg, isa sa mga tauhan ni Saul, &#8220;Nakita ko po si David nang magpunta sa Nob, kay Ahimelec na anak ni Ahitob. 10Sumangguni pa si Ahimelec kay Yahweh para kay David at binigyan pa ito ng pagkain; ibinigay rin dito ang espada ni Goliat.&#8221;</div><div class="s">Ang Pagpatay sa mga Pari</div><div class="p"> 11Ipinatawag ng hari si Ahimelec at ang lahat ng kasambahay nito, na pawang mga pari sa Nob; humarap sila sa hari. 12Tinawag ni Saul si Ahimelec at kanyang sinabi, &#8220;Ahimelec, makinig ka.&#8221;</div><div class="p">&#8220;Nakikinig po ako, mahal na hari,&#8221; sagot ni Ahimelec.</div><div class="p"> 13Sinabi ni Saul, &#8220;Bakit ka nakipagsabwatan kay David laban sa akin? Bakit mo siya binigyan ng sandata at pagkain? Bakit mo siya isinangguni sa Diyos? Hindi mo ba alam na pinagtatangkaan niya ako ng masama?&#8221;</div><div class="p"> 14Sumagot si Ahimelec, &#8220;Hindi po ba si David ay manugang ninyo at pinakamatapat ninyong tauhan? Hindi po ba siya ang pinakapuno sa inyong mga kawal at iginagalang ng lahat sa buong kaharian? 15At ngayon ko lamang po ba siya isinangguni sa Diyos? Huwag po kayong magalit sa amin, mahal na hari. Wala po kaming nalalaman sa ibinibintang ninyo sa amin.&#8221;</div><div class="p"> 16Sinabi ni Saul, &#8220;Mamamatay ka ngayon, Ahimelec, pati ang iyong buong angkan.&#8221; 17At inutusan ng hari ang mga tauhan na malapit sa kanya, &#8220;Patayin ninyo ang mga pari ni Yahweh! Kasabwat sila ni David. Alam nila nang ito'y tumakas ngunit hindi sinabi sa akin.&#8221; Ngunit ayaw sumunod ang mga inutusan sapagkat natatakot silang pagbuhatan ng kamay ang mga pari ni Yahweh. 18Kaya, si Doeg ang inutusan ni Saul, &#8220;Ikaw ang pumatay sa kanila.&#8221; Sumunod naman si Doeg at nang araw na iyon, pinatay niya ang walumpu't limang paring nakasuot ng Efod. 19At ipinapatay rin ni Saul ang lahat ng mga taga-Nob, isang lunsod ng mga pari: mga babae't lalaki, ang mga bata at mga sanggol, ang mga baka, asno at mga tupa.</div><div class="p"> 20Ngunit nakatakas si Abiatar na anak ni Ahimelec, at siya'y nagpunta kay David. 21Ibinalita niya rito na ipinapatay ni Saul ang lahat ng mga pari ni Yahweh. 22Sinabi ni David kay Abiatar, &#8220;Nakita ko noon si Doeg at noon pa'y alam ko nang magsusumbong siya kay Saul na ako'y nakita niya roon. Ako tuloy ang naging dahilan ng pagkalipol ng iyong angkan. 23Ngunit huwag kang matakot. Sumama ka na sa amin dahil iisa ang nagtatangka sa buhay nating dalawa. Dito ay ligtas ka.&#8221;</div>
 </div>
 </div>
</div>

Lumang Tipan - Mga Aklat ng KasaysayanHalimbawa

Banal na Kasulatan

Tungkol sa Gabay na ito

Mga Kaugnay na Gabay