Mga Kawikaan 9:13-18
Mga Kawikaan 9:13-18 Magandang Balita Bible (Revised) (RTPV05)
Ang nakakatulad nitong taong mangmang, babaing magaslaw at walang kahihiyan. Lagi siyang naroon sa pinto ng kanyang bahay, o sa lantad na bahagi ng lansangan nitong bayan. Bawat taong nagdaraan na kanyang masulyapan, ay pilit na tatawagin at kanyang aanyayahan, “Lapit dito, kayong lahat na kulang sa kaalaman!” Kanya namang sinasabi sa mga mangmang, “Tubig na ninakaw ay ubod ng tamis, tinapay na nakaw, masarap na labis.” Hindi alam ng biktimang wakas niyo'y kamatayan, at lahat ng pumasok doo'y naroon na sa libingan.
Mga Kawikaan 9:13-18 Ang Salita ng Dios (ASND)
Ang kamangmangan ay katulad ng isang babaeng maingay, hindi marunong at walang nalalaman. Nakaupo siya sa pintuan ng kanyang bahay o sa upuan sa mataas na lugar sa lungsod, at tinatawag ang mga dumadaan na papunta sa kanilang trabaho. Sabi niya, “Halikayo rito, kayong mga walang karunungan.” At sinabi pa niya sa walang pang-unawa, “Mas masarap ang tubig na ninakaw at mas masarap ang pagkain na kinakain ng lihim.” Ngunit hindi alam ng mga taong pumupunta sa kanya na sila ay mamamatay. Ang mga nakapunta na sa kanya ay naroon na sa libingan.
Mga Kawikaan 9:13-18 Ang Biblia (TLAB)
Ang hangal na babae ay madaldal; siya'y musmos at walang nalalaman. At siya'y nauupo sa pintuan ng kaniyang bahay, sa isang upuan sa mga mataas na dako sa bayan, Upang tawagin ang nangagdadaan, na nagsisiyaong matuwid ng kanilang mga lakad: Sinomang musmos ay pumasok dito: at tungkol sa kaniya na mapurol sa pagunawa, sinasabi niya sa kaniya: Ang mga nakaw na tubig ay matamis, at ang tinapay na kinakain sa lihim ay masarap. Nguni't hindi niya nalalaman na ang patay ay nandoon; na ang mga panauhin niya ay nangasa mga kalaliman ng Sheol.
Mga Kawikaan 9:13-18 Magandang Balita Biblia (2005) (MBB05)
Ang nakakatulad nitong taong mangmang, babaing magaslaw at walang kahihiyan. Lagi siyang naroon sa pinto ng kanyang bahay, o sa lantad na bahagi ng lansangan nitong bayan. Bawat taong nagdaraan na kanyang masulyapan, ay pilit na tatawagin at kanyang aanyayahan, “Lapit dito, kayong lahat na kulang sa kaalaman!” Kanya namang sinasabi sa mga mangmang, “Tubig na ninakaw ay ubod ng tamis, tinapay na nakaw, masarap na labis.” Hindi alam ng biktimang wakas niyo'y kamatayan, at lahat ng pumasok doo'y naroon na sa libingan.
Mga Kawikaan 9:13-18 Ang Biblia (1905/1982) (ABTAG)
Ang hangal na babae ay madaldal; Siya'y musmos at walang nalalaman. At siya'y nauupo sa pintuan ng kaniyang bahay, Sa isang upuan sa mga mataas na dako sa bayan, Upang tawagin ang nangagdadaan, Na nagsisiyaong matuwid ng kanilang mga lakad: Sinomang musmos ay pumasok dito: At tungkol sa kaniya na mapurol sa pagunawa, sinasabi niya sa kaniya: Ang mga nakaw na tubig ay matamis, At ang tinapay na kinakain sa lihim ay masarap. Nguni't hindi niya nalalaman na ang patay ay nandoon; Na ang mga panauhin niya ay nangasa mga kalaliman ng Sheol.