Matthew 9

1Yèsu nte wurom, a ndo a wud woyam ngiƌè, a mshkè a kokwar na.

2Na haha, ta zuɓkoƌi ndo vedal a sam na, m'mana t'hai a sam m'mènè na. Aman Yèsu a rka'a, ara man ta co a ndav ta, a ngaƋa na ndo vedal:

Kra ga, mana ndav ngaya, malihi ngaya ta pra ma!

3Malamhai cèwkata ta hur te ndav ta:

Nenga'a a derƋe Zhiklè!

4Aman Yèsu a sun skwi man ta huro, a ngaƌa ta:

Kin hur skwi ambaɓi ar haha èhèmè? 5Mwuƌi a te pa ɓi nangwa: Ngèƌè, malihi ngaya ta pra ma ƌè, ƌè, slambaƌa a ko do ƌè? 6A géƌ man a kin shinè'a, wuƌi Kra-ndo a zhè, aman a prè malai a géƌ herkeda, a ngaƌa na ndo vedal:

Slambaƌa, co sam m'mènè ngaya, a ko do ngwai!

7A nenga'a a nslambaƌa, a nde na ngwai. 8Aman ndohi rèdèdèa ta rka'a, ta gu zlau, a ta slubordo Zhiklè, man a va ta wuƌi mbia'a arsa a ri ndohai. 9Aman Yèsu a do a ma, a nrka ndo ngiƋè, a n'nza a ma gi duak, nzlembaƋ na Matthieu, a ngaƋa na:

Dzadzarkayè!

A nenga'a a nslambaƋa, a ndzodzora. 10Te deɓa'a, aman a nza te gai, a ta ndau skwi n'ndai, ndohi ncèkèllè skwai a ndohi malihai kumba ta nza a nda Yèsu a golahi nenga'a. 11Aman ndohi pharisie ta rka'a, ta gaƌa ta golahi nenga'a:

Ndo njèngè ma kinè a ndi skwi a ndohi ncèkèlè skwai a ndohi malihai èhèmè?

12Aman Yèsu a ntsena'a, a ngaƌa ta:

Ndohi man skwa a dza ta azɓai, ta dè a sam ndo madzaf azɓai; sei ndohi matakwan. 13Vodo, vasun skwi haha: I woy aman ndo a si ndo te va, mvi skwi a Zhiklè ka ɓai. I shkè aman i behè ndohi nzura'a ka ɓai; i shkè, a i behè ndohi malihai.

14Te deɓa'a golahi Jean ta shkè a sam na, a ta gaƋa:

Nga a ndohi pharisie nga jè keda skwi n'ndai pats ngiƋè pats ngiƋè; aman golahi ngaya ta jèkeda skwi n'ndai azɓai èhèmè?

15Yèsu a ngaƋa ta:

A pats man ntsima a zhè, mandalahi nenga'a ta slaha a ta kuƌi ƌè? Sèi pats ngiƌè, man ta ceda ntsim tenga'a a ma ma, te deɓa'a ta da jèkeda skwi n'ndai. 16Ndo a tsi maslaka m'mova'a a maslaka mɓua'a azɓai; man ɓai maslaka m'mova, a a zlaraha ma na, a kurats na, a fena nshèlèkura'a. 17Ndo a ɓéjè zom mɓeslɓia'a a duzlakhi man hwaƋa'a n'nda'a, azɓai; man ɓai duzlakhi ta tuw ta, a zom mɓeslɓia'a a mbaƋahai, cèw cèw ta gedas ta. Aman sèi ta ɓéjè zom mɓeslɓia'a a duzlak man hwaƋa'a a n'nde ɓai. Ar haha cèw ba ta nzi dai.

18Aman a ngaƋa ta ma haha, bi ngiƋè te gi-njèngè-ma-Zhiklè a mshkè a gai, a nkalahai a deɓ sak Yèsu, a ngaƋa na:

Dem ga m'metsa, antanta. Aman washkè, a ka fa na ri ngaya a gèƋ, aman a da nzi a nshèffè.

19A Yèsu a nslambaƋa, a ta dzodzora a golahi nenga'a. 20Na haha, ngwoz staƋ man hwaƋ a va mvi 12, a mshkè te deɓa, a nlama na ma maslakana, 21aman a hurte ndav na:

Ko man i da lama na maslaka genè ba, i mbél ga.

22A Yèsu a nturƌo va, a nwora. Aman a rka'a, a ngaƋa na:

Dem ga, mana ndav ngaya, ncè-a-ndav ngaya a m'mbel ka ma.

A nasa nasa ngwoza mbel na.

23Aman Yèsu a ndo a gi bigi-njèngè-ma-Zhiklè, a nrka'a, ndohi ta tsi tolom, a ndohi rèdèdè'a ta rubai. 24A nenga'a a ngaƋa ta:

Vodo kinè, aman dem haha m'metsa ɓai, a nzhun genè.

25A ta ngwossaha. Aman ta dzar ta ndohi rèdèdè'a auda ma, Yèsu a ndo a gai, a ngso ri dema'a, a dema'a a nslambaƌa. 26A labar ma nenga'a a zlèzlèmè a kokwar tèlèba. 27Aman Yèsu a ndo a ma, ndohi mandazli cèw ta dzodzora, a ta boho a wuƋai, a ta gaƋa:

Nga da se ka te va, kra David!

28Aman Yèsu te gi ma, ndohi mandazli ta shkè a sam na, a Yèsu a ngaƋa ta:

Kin co a ndav a kin gaƋa, i slaha a i gi skwi haha Ƌè?

Ta gaƋa na:

Halau, Bai.

29Te deɓa'a a nlama ta di ta, a ngaƋa ta:

Ara man kin co a ndav kinè, da gu a sam kinè!

30A di tenga'a a mwin na, a Yèsu a mfa ta ma a gèƋ, a ngaƋa ta:

Vagu maya, ndo ngiƋè da sun ɓai!

31Aman tenga'a to do, a ta ngreda ma haha te kokwar tèlèba. 32Aman to do ta ma, na haha, ta cko ndaɓazlam a sam Yèsu, man mèzhèɓ ambaɓia'a a ga na. 33Aman Yèsu a ndzarda madzagi auda ma, ndaɓazlam a ngoƌ ngèƌè. A ndohi rèdèdè'a ta rzl ta, a ta gaƌa:

Nga rka skwi ar haha te kokwar Israel di ɓai.

34A ndohi pharisie ta gaƌa:

Nenga'a a jèr madzagihi auda a bimadzagai.

35Yèsu a nsawala te kokwar mbibihia'a, te kokwar nkèshnkèshèhia'a tèlèba, a nsenda ta te gi-njèngè-ma-Zhiklè, a njè ta ma mbela'a man a kokwar-Bi-Zhiklè, a m'mbel ta ndohi te matakwan a skwi ndzi tsaƋ tsaƋ tèlèba. 36Aman a nrka nhèyè ndo, ta su te va, aman ntulè a ked ta, wuƋi ta azɓai, ta ksar ta ara tambakihai, man ta ngatsa ndo mɓer ta ɓai. 37Te deɓa'a a ngaƋa ta golahi nenga'a:

A vava skwi nsla'a a zhè a vata; aman ndohi mizlinè ta az a vata ɓai. 38Vatsu ri a bi skwi nsla'a, aman a zlinde ta ndohi mizlinè, a ta ɓicè skwi na.

Kasalukuyang Napili:

Matthew 9: MAFNT

Haylayt

Ibahagi

Kopyahin